林昌記 (已結業)

平時由紅磡站行去尖東必經一條天橋，行天橋嘅時候總會見到右手面有間賣魚蛋嘅「林昌記」。原味、香辣、咖哩魚蛋都係$10/7粒，$20/16粒。小妹我最鐘意食原味白魚蛋，「林昌記」係即叫即炸架！睇住佢炸完瀝乾水，保證新鮮！😏唔洗驚食到隔夜魚蛋😂。食落脆口又乾身，入口富彈性，魚香十足，咬落去絕對唔係坊間個d魚肉粉糊，只靠調味惡補、無誠意嘅魚蛋，最重要嘅係佢地自家製嘅辣椒醬、辣椒油超正，唔係好辣，但入口幾香幾惹味！嗜辣嘅foodie不可錯過！

咖喱魚蛋🍡（大份）$20好彈牙！唔會成口粉好味！😋嚟到尖東點可以唔試呀！一是回味依家睇返啲相，都好想去食呀！

之前係葵芳食過難食的“林昌記”魚蛋，就俾朋友話「好食唔食，走去葵芳食。要食就應該去尖沙咀食」。所以都想去試下朋友話的正宗“林昌記”係點。前排經過，還裝修中。今日經過，已經開返。當然要試試，但怕再次中伏，唯有叫一份細原味魚蛋試試。不用一分鐘，原味魚蛋出場。魚蛋表面有油光，終於不是葵芳的水煮魚蛋。應該係正宗的油浸魚蛋再去油。食落有爽口，有魚味，再加點香辣醬，十分配合。香辣醬俾葵芳食到的香，和多一點辣。但對於我這個辣愛好，只係微辣，不過真的有辣椒香味，不錯。食完後，發覺個和以前有分別。原來改左名。現在係叫“林昌記（藍哥）”。不是過去的“林昌記”。但唔知點解openrice還沒有更正，奇怪

林昌記魚蛋係企業良心既代表d魚蛋粒粒真材實料魚肉製成某日經過紅磡 醒起以前讀poly朋友帶我黎食既掃街好物-魚蛋位置有隱蔽 大家要係天橋個入口入去呀由於自家製所以d魚蛋冇雪藏過魚味特別鮮甜 特別爽口彈牙特別推薦呢個黃金蛋 再自己加辣油上去魚蛋出面層炸衣唔會好厚個底舖左吸油紙 好貼心強烈推薦埋香辣魚蛋d辣椒醬好香好味呢到d魚蛋比起出面既麵粉魚蛋質量好太多啦 好食勁多食完呢間 令我唔想再食出面既魚蛋老闆加油 支持你地呀

香辣魚蛋(大)$20仲記得兩年前食過既林昌記魚蛋係好爽口彈牙，再配合自加製既辣油，真係出面既街邊檔冇得比。但係呢排經過去食，就變得唔再彈牙，反而係「林」得濟 魚蛋既質素的確係大失所望，反而辣油加返分，可以維持到水準。

林昌記 (English name: Lam Cheong Kee) is a small little snack shop located inside a building that is linked to the pedestrian pedway between the cross harbor tunnel and Tsim Sha Tsui. Sometimes I walk by here on my way to Tsim Sha Tsui as my bus drops me off at the cross harbor tunnel and I see people leaving with bowls of deep fried fish balls.Curious, I decided to see what this was about. It's a small take away only shop and is actually a kiosk in the stair case area of the building.The menu is i

睇show前口痕 想買小小野食好在熟路知道尖東橋有間好好食既魚蛋叫左黃金炸蛋 佢會問要唔要千島醬勁香 同埋 油浸白魚蛋 最好食唔係魚蛋 係佢樽xo醬有得另外比錢買 價錢$5x佢有一樽放係度比大家即場落黎食每次都會落好多 個xo醬唔會辣 只會香 推薦大家落幾羹

每次經過都必定會點原味白魚蛋，再加辣椒醬，非常惹味。魚蛋確實同出面唔同，有鮮味，真材實料，唔會吃到成口粉。下次再試咖哩魚蛋。佢地辣椒醬好辣，所以每次要控制好份量。

係附近做野 口痕想食啲小食個陣就即刻會諗起林昌記 平時食開原味魚蛋多 一直都知呢到有個secret menu就係炸魚蛋！今日終於有機會試下啦 聞落好香 食落熱辣辣 店員仲會問你要唔要加千島醬 千島醬加炸野真係幾夾 不過我覺得魚蛋炸咗之後的確係香口啲om無咗本身食白魚蛋個隻咁彈牙 下次都係食返原味 順帶一提 佢地個辣醬真係好好食！

成日聽朋友講林昌記魚蛋好出名，今日終於有機會去試， $20蚊一兜，啲魚蛋又白又滑，仲有啲辣醬，覺得超級好食，又彈牙有爽口，同一盤嘅魚蛋有好大分別，一定要同朋友去試。

今日見餓餓地又唔想食咁飽 就嚟林昌記食我最愛嘅魚蛋啦🤤佢地嘅魚蛋又白又滑又彈牙，一個字好好食🤟🏻佢地成間店都係主打魚蛋，有炸魚蛋白魚蛋魚角咖哩魚蛋👍🏻👍🏻👍🏻👍🏻今次我就食左原味魚蛋，魚蛋有魚味，最重要加埋佢嘅特制辣椒醬🌶️味道香口👍🏻👍🏻👍🏻就咁食白魚蛋平平無奇，但加左特製辣椒醬就畫龍點睛🐉如果大家有經開呢到就一定要去食林昌記嘅魚蛋加特製辣椒醬🌶️👍🏻👍🏻👍🏻👍🏻👍🏻

林昌記好隱蔽，如果唔係家姐帶我去，我都唔知有間甘好食嘅小食店係到，果到唔係露天，環境舒服，鋪頭唔係好大，門口有個幾懷舊設計嘅餐牌，最好食係佢啲魚蛋，價錢合理，爽口彈牙，感覺比炸左嘅黃金蛋健康。 極力推薦。。鋪頭仲有其他野食，燒賣，但燒賣果日暫停，下次要試下。 仲有黃金角，香辣魚蛋、炸金蛋、原味香魚蛋。我就買左原味魚蛋，加左啲辣醬，可以食到辣同唔辣，佢嘅辣都幾辣，好好味😋 佢嘅碗由發泡膠做，都印有林昌記嘅名 🙂

次次經過由尖東去紅磡火車站嘅天穚，都見到有好多人喺呢間舖頭買野食，好奇心驅使下，今日都買嚟試下見到佢有款炸金蛋，好似幾特別果然！！超好味！！$20， 10粒炸金蛋 （左邊）超好味！！熱la la炸起嘅炸魚蛋，配上千島沙律醬！呢個配搭好特別,但又好match!!細細粒嘅炸金蛋個皮薄得嚟好脆！魚蛋超彈牙！好爽口！好多時我唔鍾意啲魚蛋會有魚腥味，但佢一啲都無！！好味！$10，半份7粒咖哩魚蛋(加秘製辣醬汁）(右邊)喺炸金蛋對比下，真係失色了好普通咖哩無乜味，唔知關唔關即叫即製關係不過白色魚蛋真係好滑，滑得嚟好爽口同其他小販檔口嘅魚蛋好不同仲有，老闆/店員都好有禮貌，好細心！整體，讚👍🏻

朋友之前推介我食呢間食店嘅魚蛋，上次食完都念念不忘，今次再幫襯，味道依舊，仍然非常好食，好彈牙，而且魚味好正，絕對不是粗濫製造，好有誠意之作。而且加入店家提供的辣油，超讚。

✴️林昌記 |#尖沙咀 .⚠️經典街頭小食 爽彈白魚蛋滿分💯林昌記經過不飲食雜誌比試 多次係榜首 全因用料真係好足☺️自從謝記魚蛋結業 在香港沒有搵到真材實料的白魚蛋。 市面九成混合粉漿加小許魚肉。林昌記的魚蛋魚味濃郁 不腥 入口飽滿爽彈 撘配自加製的辣醬 炒得香口又不會蓋過魚味☺️👍🏻————————————————————