林昌記 (已結業)

今日放工要去上堂, 早上聽同事講公司附近有檔魚蛋好出名, 當然走去試下, 當晚飯後小食。叫左金蛋, 即係即炸白魚蛋, 20蚊一兜, 唔記得幾多粒。 聽聞要4點後先有, 隱藏menu黎。雖然我唔係咁食得辣,但都加左少少辣油。 一食第一粒, 真係同出面既炸魚蛋好唔同, 非常彈牙, 又有魚肉味,可以話係我食過最正既魚蛋!

林昌記近住紅磡火車站天喬上面 ,過一過對面， 有間細鋪頭出面都有個易拉架指你入去魚蛋彈牙 少少salty$10 for 7$20 for 16好味 ！記得要加辣椒油😍🙈🙈🙈我叫左原味 👍🏻最岩係食7粒 吉住行去搭火車 哈哈

晚餐後，朋友再推介一間隱閉的小食店便來試試，若他們不帶路其實也難找到。我們試試原味，賣相白色像魚肉一樣，但咬了一口後，魚旦內的魚肉味散發出來口感爽口亦算彈牙。試多幾粒後便添加他們的秘製辣椒油，店員解說，這辣油不會辣只有少許麻的感覺，再嚐味更好吃。其實有少許麻辣，不會吃辣的人可能都感覺到，但本人只感覺好味價錢抵！值得回味

林昌記係早幾年新年夜市擺檔所以出左名，前排去開尖東心血來潮想試下，點知搵左好耐都搵唔到，原來要係紅磡站條天橋到入去，大家要留意喇☝🏻️😂原味魚蛋🍡($10/7粒)，白雪雪又細細粒既魚蛋好爽滑彈牙，而且又有魚味，同平時食既魚蛋好唔同，加埋佢地既秘制辣椒油，冇得輸😋🤘🏻

好多時想食魚蛋都會諗起「林昌記」。當日搭火車去紅磡...猛然記得「林昌記」亦有分店喺附近...立即上網搵一搵食店地址...店舖十分隱蔽...如果遇唔上大廈外牆廣告燈亮起...分分鐘鐘行過都唔知佢嘅存在...見到呢條黃藍色天橋就要留意喇...抬頭會見到綠色指示牌話通去「新東海商業中心」...直入轉右會有斜梯...然後再轉左就會見到「林昌記」...一如既往要食金蛋...其實就係炸過嘅魚蛋...一咬開會有汁...好juicy呀！嗱！呢一碗叫「金角」...已失蹤好一段時間...老闆話暫時唔入貨...今日多口問一句...老闆話：有呀woohooo...好好食喎！金黃色超級薄嘅外皮...感覺上比「金蛋」更彈牙...但無咁多汁....「金角」係menu無寫出嚟架...要食就要問老闆...2款魚蛋各有各好食...下次再去...食邊隻好呢？

林昌記 喜歡小店獨有的人情味紅磡站與尖沙咀之間的位置每逢路經都食粒魚蛋為你上下班枯燥的腳步架點香味口感這樣的魚蛋，口感是我食過最喜歡的。彈牙可口，而且店舖可窺視入內不難相信這裡的真材實料。我喜歡點唔辣，加一點辣汁食得出魚蛋味又不失香口味道讚!

其實我地好鍾意篤魚蛋乜乜乜的 今次就為大家呈獻林昌記魚蛋-林昌記本身只喺年初一二三先會喺桂林夜市到見到佢 之後終於等到佢開鋪-林昌記嘅招牌魚蛋粒粒都喺自家製造 而且重點喺魚蛋真喺用魚肉整 唔喺其他嘢整 絕對喺無花無假既魚蛋-原味魚蛋 (大) $20/16粒林昌記嘅魚蛋唔同平時食嘅細細粒魚蛋 有住黃色嘅炸皮 反而喺白雪雪 而且仲要喺大粒啲仲有就喺食之前一定要落佢地既秘製辣油非常惹味 但又唔太辣 食唔到辣嘅朋友都可以落少少試下 而辣椒油好香 又唔會冚咗魚蛋嘅原味魚蛋十分彈牙 食落又好有魚味 再配埋辣椒油呢個最佳拍擋 秘製辣油完全帶出魚蛋嘅鮮甜 真喺好好食❤️-

林昌記由細到大都好中意係街邊拮魚蛋，可惜好食既魚旦已經買少見少 大部分街邊魚旦都混入大量麵粉， 所以一直好鐘愛林昌記真材實料既魚旦魚蛋粒粒都係自家打製，魚肉比例更加超過八成 🐟  🐠所以入口非常彈牙又有豐富既魚味食既時候記得加埋老闆自制既辣椒油，令魚旦更香口但又唔會掩蓋左魚味簡直係ichiban 好味 唔怪之得林昌記可以創下係深水埗桂林夜市日賣十萬粒魚蛋神話

前往聚餐之前, 口痕痕於是走去 林昌記 買魚蛋食, 反正路過 .…Menu ~原味魚蛋 (大) $20/16粒雪白魚蛋是正常 size, 細細粒容易食的那種, 爽滑彈牙, 不會鹹而且食得出有魚的鮮味, 好食到難以停口 ~ 除原味以外, 還有加辣椒或加咖喱醬, 咖喱醬是辣得來有些甜味 ~本篇完 ~

番開Poly，走時特意去篤魚蛋。林昌記是我地理大學生必食之選，魚蛋又滑又彈牙，配上秘製辣椒醬，令人食到停唔到口記得新年時還在裝修，所以食唔到。裝修完後店鋪門面煥然一新，之後可以成日黎！正！

其實都唔係第一次買，每次一經過都來買，今日黎買3盒，雖然唔係話買得多。一盒咖哩，兩盒炸，咖哩的我已放了辣椒油，包好了放在枱。繼續等炸。然後之後有2人來買。一個買120蚊咖哩。一個就買一咖哩，一個炸。但問題的是個位又高又四眼仲叫我認住佢個位阿叔，手腳慢都算。仲要唔係一個接一個咁賣，啲野完全係亂曬龍，自己記性唔好又唔寫低。呢個買下，個個又買下，搞下亂曬自己唔記得之前個個買咩。等咩。然後啲炸魚蛋落千島醬。因為啲魚蛋炸起又無蓋，直接落落去跟本就成個膠袋都係。我問佢可否放入瓶，佢話唔可以因為啲千島醬貴。呢公司規矩。但反而隔離個阿姐佢要5個瓶要就無問題。老實說。你放得啲醬係到就預左人落架啦，呢位大叔佢仲要叫我認住佢。係到同我爭論，話佢地服務好好。仲話我係多人時候先黎買係咁架啦，其實由此至終唔係等問題。我買先嘅野放係到。佢就比下一個，我就係到等。到我啲野正好，佢就俾小我，拿走左時。最後發現佢都係將我個盒就同人調轉埋。只係3盒魚蛋都要搞左20分鐘。錯完又錯。最好笑係連千島醬都話貴。3個人買都咁情況。再多啲人買我相信更混亂。所以幾好食我以後都唔會再幫襯佢。

平時由尖東行去紅磡站必經一條天橋行天橋的時候總會見到左手邊有間賣魚蛋的店舖原來佢係黎自深水埗桂林夜市的林昌記咖哩魚蛋和原味魚蛋同價 $20十六粒 $10七粒 想試其真味 梗係要試原味啦😏 買左$20十六粒😬原來真係唔同d平時係旺角串魚蛋 一定係預先整好 通常一盆熱水或熱湯𥚃面已經有浮下沉下的黃色或白色既已熟魚蛋叫既時候就串比你但林昌記既魚蛋係即叫即炸即隔水 十分新鮮😳唔會驚過夜魚蛋☺️☺️☺️因為我成日都好懷疑某些小食店好喜歡加新既魚蛋係一盆已經有好多熟（舊）魚蛋既熱湯裡面咁佢地點分新舊魚蛋呢🤔會唔會我食呢粒已經擺左好幾日😷仲有 原來呢到既白魚蛋粒粒都係自家打製😯據說魚肉比例超過八成🤔炸好後見店員用平時整沙律菜個d兜手動瀝乾油分所以食落脆口又乾身😍😍😍入口富彈性又魚味十足 咬落去絕對唔係坊間個d魚肉粉糊只靠調味惡補的無誠意魚蛋🙄🙄🙄店內還有老闆自家製的辣椒醬辣椒油自由添加 個人很喜歡吃辣但這裡的辣椒醬不是很夠辣 倒是很香😉沒有掩蓋魚味之餘 卻增加了魚蛋既香口😋

Always like the fishballs from Lam Cheong Kee, passed by today and was thinking to get curry fishballs, but they have recommanned me to try their new ' golden fishballs' instead.They said it's cripsy and hot outside and soft inside... hmmm why not to go for a change?They served it with thousand island sauce, as a spicy lover, I added chilli sauce on top...It's freshly fried and it tastes amazing!  I am glad I made the right choice 

今次經過尖東, 當然要上天橋的林昌記食魚蛋! 照舊一杯7粒原味魚蛋, 只售$10~真係好味又抵食! 魚蛋顏色雪白, 每粒圓圓的好飽滿,  好有魚味, 不過又唔腥, 最重要係咬入口既口感爽口彈牙, 魚肉軟綿綿, 真係做到佢寫出黎既 "滑而不膩" 的口感, 好正我通常食兩三粒原味之後, 就會加少少他們的自家製辣椒油, 原味配上辣油真係無敵, 辣度溫和, 唔算好辣, 不過好香, 好惹味, 同白魚蛋既濃郁魚味相輔相成! 下次會試埋"金蛋" (炸魚蛋) 

之前聽朋友講過呢間林昌記d 魚蛋好正, 心諗:魚蛋會有幾正呀? 今日咁岩去睇五月天演唱會, 開show前就黎呢頭附近搵食, 原來呢間林昌記就O係紅磡站行去尖東果條橋果度, 黎到已經見到好多人企左o係度食, 睇黎真係好多fans wo~ 老闆亦好好人咁介紹新推出既炸魚蛋比我地試, 呢度炸魚蛋係即叫即炸, 外皮好脆, 內裡仲係好彈牙, 好香口而且唔會好油, 係幾好食wo! 加埋千島醬更惹味!另外仲試左呢度既招牌白魚蛋, 白魚蛋雖然無炸魚蛋咁香口, 但就食得出係真材實料既魚肉味, 好彈牙而且無雪味, 果然係好食d!