林記小食

營業中

休息中

街頭小食，你講得出，佢哋都有，價錢唔貴，仲開到深宵，呢d咪要👍！腸粉係必食，最低消費10蚊4條，抵絕同區！全醬食，包好食，佢哋有自家辣汁，但我把食開余均益嘅嘴就覺得無謂落，如果外賣走，自己加tabasco 好過。燒賣不過不失，可能同豉油有關；粉粿大大個，皮厚饀少就預咗；炒麵梗係唔係即刻炒；魚蛋都可以但唔出色（旺角旦王好食好多）；豬皮乾淨爽口；糍飯自己包，誠意製作......服務唔好講，你最緊要自己醒，睇定心水大聲落單，阿姐就會即刻處理。提醒一句：外賣最好自己帶盒，因為佢哋d盒，無論你點拎，都會漏晒d豉油出嚟......一身都係就無謂啦！

朋友介紹呢間餐廳既腸粉好好食，係西貢出曬名，平靚正，有係九龍灣返工既人應該知道，九龍灣既腸粉出名難食，所以朋友介紹有好食既腸粉係必試。小食店門口放左幾張枱仔，衛生就唔洗諗啦，都係為左食平野，食得呢Ｄ小店都預左係咁既樣。２０蚊有６條腸粉仲有一串雞珍，勁抵呀！腸粉好滑，唔會好粉，好爛，Ｄ醬好好食，陣味唔假。雞珍好爽口，唔會過硬，好好食！整體黎講，其實佢Ｄ腸粉真係好高質，比九龍灣既腸粉真係好食好多。如果返工都有Ｄ咁好食既腸粉就好啦！

平安夜唔去睇燈飾，同老公帶埋小狗走入西貢散步，沿海旁行到小巴站，第一步就去到西貢美食街，小店除咗腸粉，其他小食都應有盡有!任何時間嚟到都出現人龍，兵分兩路我先同小狗搵位坐，老公負責排隊不消十分鐘老公已送上一碟腸粉，上面有燒賣、香腸及紅腸，腸粉唔係我食過之中最滑，無論甜醬或蔴醬質感稀薄，還好唔會因為醬汁太濃而蓋過米漿香味，燒賣由麵團做成，人工味濃，白灼香腸連沙嗲汁都冇，沾上腸粉醬同芝麻一齊食唔係好夾，紅腸由老公包辦，所以冇評價

聖誕節收夜班, 男友揸車來機場接我趕十點三睇Assassins Creek , 完場已是淩晨12點半, 時間關係不去旺角吃東西, 而是老地方西貢小食-這間簡直可以同慈雲山小食館齊名的店. 抬頭望上去..... Menu圖文並茂, 人人都識order. 而且還畫了排隊方向免得阻著隔離泰國鋪門口. 叫得外賣很難環保, 但都堅持不要發泡膠盒, 而將腸粉放另外一袋. 選了兩串牛丸-每次必食item, 每串有3粒大大粒牛丸, 這麼多年都是如此彈牙, 肉質鮮美; 還有豬大腸, 永遠都清潔得很徹底很乾淨, 沒有多餘肥膏, 豬腸味香; 雞腎很爽口, 這店獨有的辣汁+自家醬料(在這裡才吃到的味道), 非常入味, 有辣有唔辣, 推介你吃辣!9蚊4條腸粉我就不要辣, 免得蓋過甜醬花生醬的味道, 腸粉層層分明, 一點糊都沒有, 每一小條腸粉都沾滿醬汁...正

二零一六年最後一日，我仍在舖頭做店面收銀臨時工。雖然說就說是除夕，但是有不少人選擇在香港九龍開派對慶祝新年，所以西貢遊客沒有之前聖誕節那麼多。唯一慶幸的是，舖頭在除夕仍然是人頭涌涌，工作做到停不了手。到了下午茶休息時間，我今次選擇試食都是在食街附近的小食店，今次我幫襯的是位於巴士站旁邊的「林記小食」。「林記小食」開業已經有一段很長時間，因為鄰近巴士站的關係，可能是很多遊客在西貢全日第一個，或者是全日最後一個開餐地點。不用再猜再想了，單是看照片，已經可以估計到，「林記小食」最具代表性的美食就是「腸粉」，正確來說應該是「豬腸粉」才對。「豬腸粉」跟一般吃到的即叫即拉腸粉不同，「豬腸粉」只是素腸粉，全靠後來追加的醬料如海鮮甜醬、芝麻醬、豉油或辣椒醬來增加味道。「林記小食」的豬腸粉價錢，平均約$2.5一條，買足八條豬腸粉，都只需要$17就有交易。一般人買豬腸粉，可能會追加魚蛋、牛丸、腸仔等小食，追加價錢按追加食品價錢再算。我就只買八條豬腸粉，就足夠了。我吩咐店員，豬腸粉醬料除了辣椒醬之外，其餘全部都給我加進去。我把「林記」豬腸粉帶回舖頭，然後再慢慢享用豬腸粉，打開外賣盒，甜醬、芝麻醬跟芝麻平均分

店子看起來是一家老店 有着陳舊感當時只有一位嬸嬸在顧店對老店的第一印象總是比較好比較願意一試 因為覺得這些應該是良心小店當然實情是不是要吃過才知道 其實注意到這家小吃店是因為這一大張餐牌炒麵竟然只售$8? 雖然不知道份量有多大但還是覺得好便宜還有幾種$5一串的食物其實大部份食物跟市價差不多不過當發現到便宜的食物還是精神為之一振買了一份腸份(4條$8)雖然絕對不是我吃過最好的但做不好這種食物的店子實在太多了所以質素已屬中上醬料沒什麼可挑剔的地方 濃稠與味道都到位腸份是滑溜的 但失分在卷起來的功夫卷得不夠扎實 因此口感不夠彈 嚼頭差了些不過已經足以跑羸很多家店

夏天除了為大地帶來雨水同美腿，仲有墨魚。又到chok墨魚的季節啦，完左上岸好多店都關左，黎左林記食late dinner。當係宵夜都不錯，好多人排隊的小店林記！衛生欠奉，始終都係街邊檔，加上坐出街。不過小食都係普通價錢，燒賣($6/5粒), 紅腸 ($5)，重點是個辣醬🌶！好香好惹味，令人驚喜，有點泰式辣的感覺，不會辣到嗆喉而且食落有少少甜甜地，好醒胃！一定要加辣啊，搞到我因為個辣醬而要點多點牛栢葉🐄同豬皮🐖，它們都是索汁的代表。 .

響一個天寒地凍嘅日子下，路過一間小食店見到居然有粢飯賣，可以話救左我一命，否則凍死街頭了～呢個粢飯$13蚊，剛買回來時仍然十分暖，糯米飯味道微甜有甘香，又有油炸鬼，肉鬆同炸菜增鹹，令味道唔會只有糯米嘅單調，唯可惜嘅係外賣走而唔記得冇豉油， 有豉油配粢飯味道將會更豐富

去西貢同朋友食飯，未夠鐘，行過林記小食，買串燒賣($6)，有5粒，當然要辣汁，阿姐將成串燒賣浸落汁再放上盤上，燒賣沾滿辣汁，印象中燒賣是她們自家製的魚肉燒賣，質素一般，又未至於差，辣汁味濃又不會太辣，算合格！

考慮左好耐，究竟應唔應該為一碟腸粉寫一篇食篇。 林記位於大廈既一條小巷，呢度有好幾間賣唔同小食既鋪。對上一次食林記既腸粉天氣好凍，朋友帶我黎，安排我坐近馬路邊既摺枱就嗌野食。當時好凍，個碟熱辣辣既腸粉令我好深刻。今次特登再黎，雖然同行既人一樣，但唔同既係天氣已經變得好熱。比起冬天，冇左對比，腸粉的確冇咁出色。但$8一大碟腸粉，用膠碟上面鋪草紙裝住，好有風味。腸粉好滑，而且唔係好削，卷都卷唔係個啲。咬落好有口感，配上‘混醬‘簡直冇得彈。 除左腸粉，其實林記仲有好多其他小食，期待下次試下。

今晚係靈四年首次墨魚團，我一放工就非的過黎西貢喇 ﹗朋友們都未到，只有劉戀最早。咁難得有緣，我地齊齊去撐枱腳啦 ﹗依間舖真係永遠不變喎，小食包羅萬有，事隔近年，都係前嗰幾款架啫。香滑齋腸粉，唔係講笑！真係非一般腸粉，又棉又滑，米香特濃！撈埋個混醬，甜辣醬混麻醬芝麻豉油，好鬼好味！姐姐我話要多辣架，比得兩篤沙嗲醬咁孤寒架！生腸好爽口又香甜！無咖哩魚蛋供應架喎，只有唔辣，質數合格。滷水雞髀，size 不過不失，但唔夠熱囉 ﹗雖 order 雞髀後，婆婆會夾去拖拖滷水汁，但個汁都唔熱既 ﹗價錢就勁抵 HKD13 蚊，肉汁少左啲囉，咬落都幾好味架，都食到滷水既清香，合格！

今晚釣墨魚收獲真係麻麻，無可能食得飽。落左船去酒吧安頓好就即刻去搵食，依條巷仔好多好野食喎 ﹗生滾粥、糯米飯、泰式串燒燒烤、腸粉、燒賣、雞髀、咖喱魚丸、等等。排排吓隊又有個女人打尖，又要我發火叫佢排隊，係咪您自己攞黎衰 ﹗係要肉鬼酸比人鬧先得 ﹗又係大陸婆 ﹗我企係 uncle 個檔口諗左好耐好耐，買唔買黎試吓呢，好香喎，夏天食臘味飯，HKD22 得好少乍。有潤腸臘腸各半條、臘鴨三塊、花生蔥花同豉油囉。好好食，糯米飯乾身嚥韌，撈埋豉油同蔥一齊食，熱辣辣好正呀 ﹗無投訴，係份量少啲囉。好多野想食，為免食唔晒，所以揀左串辣魚蛋、生腸。生腸入味又爽口，唔會過咸，好食。魚蛋係真魚蛋喎，口感結實魚味濃，但我叫辣魚蛋喎，無辣味既？本來有叫豉油雞髀架，但阿姐話慢慢有排都未熟，要浸好耐呀 ﹗咁算啦，今次放過您，唔要喇。混醬腸粉，辣醬、甜醬、麻醬、芝麻、豉油撞埋一齊 ﹗本身無咩特別，但個腸粉堅滑喎，食開街邊既都比較粗糙同挺身，最正係佢秘製麻醬，好香又好好味。

This is an open restaurant, which is just near by the Sai Kung Pier. It is always full of people, waiting and ordering, loving the vibrant buzz!Cuisine: Chinese Food rating: 3/10*Service: 2/10 Ambiance: 2/10Price: HK$10pax* Food Rating: 6/10 is equivalent to 1 Michelin star, 8/10 to two Michelin stars, and 9/10 or 10/10 to three Michelin stars豉油皇炒麵 (3/10)The noodles are very decent, nice and simple. Stir-fried with soy-sauce, and the noodles were not sticking together and rather al d

見等巴士期間, 有時間去食下小食, 呢間舖平日都多人, 假期weekend更加唔洗講.今日買咗$10/7條腸粉, $6/5粒燒賣yes, 好普通食物但為咩咁多人幫襯, 西貢冇幾多間有得食, 叫做平價小食, 腸粉都算唔錯, 幾滑, 燒賣冇咩特別, 不過勝在趕時間又可以醫下肚先!不過, 呢間小食店最值得一提唔係食物, 係做野個3位姐姐, 非常吋爆, 非常無禮貌, 就當日有位男子買$7腸粉, 1串魚蛋外賣, 一位姐姐問完話$10/腸粉, 男子更正後姐姐冇做到, 之後又另一位姐姐再問, 男子話$7+1串魚蛋, 點知最後位姐姐包左$10腸粉, 2串魚蛋, 男子氣結理論幾句, 但姐姐們一口咬實男子沒有更正, 仲話你唔要就走, 我地仲有大家客要野...最後男子沒有要就走了... 之後姐姐們仲大聲講話客人幾吋...haha...真係絕... 三個女人一個墟, 長期係個墟度工作聽唔到客人order, 仲咁惡.. 我只怕如果我是該男子, 相信罵戰少不了...咁既唔憂做態度, 食物一般水準, 少呢個客應該冇問題.....不過將來又會走幾多....

九時到達西貢釣魚去，氣溫只有八、九度，非常寒冷，第一時間到最接近巴士總站的林記小食買腸粉。$7有四條，店內的嬸嬸會主動問顧客要不要辣醬、堂食或拿走，她並沒有因工作忙碌而變得態度馬虎，好。熱呼呼的腸粉加上充足的豉油、甜醬和少許辣醬，正好滿足我當下的需要，主觀地認為十分美味！