影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
叫左一杯經典手打檸檬茶味道可以但飲幾啖就冇晒飲完仲有7成係冰想買冰去佢度買就岩喇送埋隻膠杯俾你去其他舖再買過唔洗去seven買冰抵讚不過我就冇下次幾十蚊買杯冰番黎好日唔評價原來要打夠200字夏天咁熱喺新都會想買杯野飲經過呢間店未試過手打檸檬茶就課金試下檸檬香，茶味正常，但係杯冰多到嚇死人個茶膽溶左d冰都仲有勁大杯飲完成杯檸茶大約仲有70%冰抵唔抵飲自己諗其他台式飲品d冰都冇咁誇張可能係呢d檸檬茶特色啦
繼續閱讀
小妹諗住買杯渣男檸檬茶試下，講明要少冰，但最終全杯都係冰問職員點解要求左少冰都咁多，得到解釋係已經將個杯茶面層既冰撥走了，小妹即時O晒咀心諗：唔撥走都吸唔度個杯蓋啦職員另一個解釋係渣男味道比較濃郁，所以要多冰中和返先會好飲啲，咁不如直接唔好俾客人揀冰既份量，咁咪唔會有呢個問題囉小妹突然諗起“食神”既經典對白，“飲管有咁粗得咁粗，冰有咁大嚿放咁大嚿，杯汽水咪雀一聲飲完買過第二杯囉‘’小妹只可以話認真便輸了😵💫😵💫
繼續閱讀
最近成日經過旺角都見到呢間手搖飲品店好多人排隊，仲要係專賣檸檬茶，今日經過葵芳見到冇咩人排隊，即刻買一杯啜下解解渴先🥤😚😚🩵飲品：特濃手打檸檬茶$29見到menu有好多款檸檬茶，就揀左特濃手打檸檬茶，仲可以選擇吾同甜度，我就揀左低糖既1分甜同小冰，檸檬味都幾重既，但飲落去個感覺同係茶餐廳飲既凍檸茶冇咩分別，所以試過一次就好了🤣
繼續閱讀
買左兩杯，第一杯口渴飲左兩大啖冇晒，第二杯專登細啖d，都係得嗰4-5啖，你老闆睇得食神多呀，d冰有咁大舊得咁大舊，飲管有咁粗得咁粗，d冰溶左應該足足有半杯，可以飲多半杯檸水，真係好幸福呀
繼續閱讀
經過新都會廣場見到有檸檬茶店，只賣檸檬茶咁專業於是買杯試下。行埋葵廣杯嘢拎咗20分鐘後先飲，竟然都仲可以咁大杯冰， $28買幾啖檸檬茶，雖然檸檬味幾香，但實在太唔抵。睇返其他分店食評都係大大杯冰，早知去其他茶飲店買嘢飲仲好，冇下次呀，亦都唔會介紹俾朋友試。
繼續閱讀