柴夫人魚館

營業中

休息中

今晚開始轉涼，同朋友去左柴夫人魚館食酸菜魚😋1.酸菜豆花魚湯底調味好飲！飲完都唔會口渴。豆花有香濃豆味，魚肉滑，煮耐左都唔會老。仲可以變成火鍋！叫左好多料，好抵食！2.鮑魚細細粒咁，幾新鮮。3.蛋餃、海帶店員推薦，係正既😋蛋餃皮薄，海帶煮耐左之後仲吸收到湯底精華👍🏻4.粉皮滑lulu~😋5.牛肉喜出望外！超嫩滑！6.響鈴片比平時食到既更鬆脆！7.紅糖糍粑推薦！熱辣辣，外面有砂糖，入面煙韌，有紅糖流心。8.豆漿豆味足👍🏻最後仲有好香雲尼拿味既軟雪糕添！👍🏻👍🏻總括，食得好滋味，亦好抵食！下次可以一嚐煲仔飯😋

之前經過尖沙咀金馬倫道，知道新開咗一間食魚嘅餐廳，今日有幸可以同我另一半去食，仲要係佢最歡喜嘅豆花魚，真係未去食都已經流緊口水，我地一去到，餐廳都接近座無虛席，好彩咁岩有枱客埋單走，唔係真係要排隊等位，我地坐定定之後，就開始今晚呢一餐滿載而歸嘅美食之旅：1） 招牌香辣豆花魚 ⭐️⭐️⭐️⭐️⭐️/⭐️⭐️⭐️⭐️⭐️2） 紅油海蜇 ⭐️⭐️⭐️⭐️⭐️/⭐️⭐️⭐️⭐️⭐️3） 招牌香辣豆花 ⭐️⭐️⭐️⭐️/⭐️⭐️⭐️⭐️⭐️4） 紅糖糍粑 ⭐️⭐️⭐️⭐️/⭐️⭐️⭐️⭐️⭐️5） 魚腐+生魚片+豬肚丸+金針菇（火鍋料）⭐️⭐️⭐️⭐️⭐️/⭐️⭐️⭐️⭐️⭐️6） 青檸梳打+咸檸七首先上菜嘅係紅油海蜇，啲海蜇條條都肥壯爽口。之後就上佢地嘅招牌香辣豆花魚，我地要咗沙巴魚片，啲魚片非常之嫩滑，而個豆花真係比想像中更加出色，佢哋標榜嘅豆花除咗滑之外，讀無坊間豆腐嘅豆腥味，十分好味，我另一半更加食唔停。食得川菜又點可以冇紅糖糍粑呢，佢地呢款糍粑係將紅糖放喺入面，就好似流心一樣。之後我同另一半再嗌咗啲火鍋料，特別推薦係豬肚丸同埋生魚片，生魚片嘅份量多到嚇親我，而豬肚丸嘅胡椒豬肚味亦十分出眾，最後唔夠喉嗌多個招牌香辣豆花做一個完美嘅終結。😋食完埋單捧住個肚都只係$500，真心呢間豆花

去左尖沙咀四圍都係人，唔知去邊搵野食好？今次就介紹一開新開嘅豆花魚比大家試下啦🤭佢嘅位置就係金馬倫道，地鐵出嚟行4分鐘左右就到，都幾就腳架👍佢主打就係豆花魚火鍋嘅，加左豆腐花做配料，仲可以自己再加唔同嘅餸😍🌟豆花酸菜魚煲我地就加左$6轉左巴沙魚，肉質都幾嫩身又冇乜骨，啖啖肉，湯底都好夠味，酸酸辣辣咁，好開胃👍我地仲叫左娃娃菜、牛丸、肥腸同萵筍😍加埋落個鍋度都好夾🌟口水雞依個口水雞都係朋友仔無意中發現嘅🙈佢嘅口水汁都幾辣架，但食落都幾過癮，做一個小食份量就啱啱好🌟爆漿紅糖糍粑依個甜品一定要點，佢係即叫即炸架，送到嚟嘅時間都仲熱辣辣，咬開有濃濃嘅黑糖醬🤭好正❤️❤️🍴柴夫人魚館 (尖沙咀)📍尖沙咀金馬倫道27號東輝大廈地舖

柴夫人魚館地址: 尖沙咀金馬倫道27號東輝大廈地舖電話:=====================食鍋物邊爐同烤魚，柴夫人出名是鍋中加入嫩滑的豆腐花。作為君子食材，遇上濃味食物把味道湯汁盡吸，便是其美味之處。$198 鮑魚雞鍋（小份）2個人食所以要了小，鮑魚細細隻肉質不錯，彈牙札實，雞肉件吸醬汁，極之好味叫配菜 用來加落鍋中，$18豆牙同$18鴨血 $18 蒿筍片用來吸埋個辣湯，鴨血好滑！$68 小酥肉是炸豬肉條，濃味做開胃小食$38 紅糖滋粑，佢個紅糖包在中間，熱辣辣炸起要襯熱食，個紅糖熱溶了有流心效果的。

和好友林小姐的中秋飯聚，她上月比較忙，這頓飯延後至10月3日，我們到尖沙嘴試試新店：柴夫人魚館我們點了以下的：#香辣豆花魚：點了小辣(1隻辣椒)，標配是生魚片，加了6元改沙巴魚片，肉質嫩滑，魚肉去骨，但有幾片挑不乾淨有碎骨，吃時要小心；稍嫌豆花豆味不夠濃。#蝦：1份有5隻，定價29元，肉質爽口，挺好吃的！#蛋餃：1份有5隻，定價32元，吸收了辣湯，好好味！#娃娃菜：新鮮，很不錯。#小酥肉：份量比預期少，外酥內嫩，好吃！#凍豆漿：微甜，有豆香，好喝！服務：店面只有2位服務員，都是中年女士，1位應該是老闆(我猜她就是柴夫人)，另1位應該是新員工(不會落單，也不會收錢，上菜要聽老闆指示，只有收拾餐桌能自己完成)，人手明顯不足！老闆幫我們落單，簡單的點了香辣豆花魚(1隻辣椒，要沙巴魚片)、蝦、蛋餃、娃娃菜，老闆不用寫單，我以為她記性好，誰不知有錯有漏，香辣豆花變成蕃茄豆花，娃娃菜漏單；點了4樣，錯了1樣，漏了1樣。

有次於落雨途中搵晚餐食，見到呢間柴夫人好多人流丫，幾乎坐滿場咁，係門口睇有啲似裝修四四正正既茶記，但實情係可以食到酸菜魚火鍋既魚館呢。店內開揚光猛，環境乾淨企理，所以就同朋友半避雨既情況下入黎試食了。Menu清楚易明，好快就揀到想食既野啦！我地總共兩個人，點左個酸菜豆花魚，仲加左幾蚊轉巴沙魚呢！今次呢個鍋應該係三人份量都得，我同朋友二人食好飽呀🤭🤭🤭當然都有加少少餸啦！酸菜底辣味唔算辣，我朋友食唔到辣都可以食到個鍋呀，而巴沙魚肉質更扎實唔易散開，煲幾耐都無問題。加左豆花，成個鍋飽肚感up! 亦感覺更健康，不過原諒我影得咁衰，因為好易散開呀😂😂我地怕唔夠飽加多左份紅薯粉，點知最後超飽😆火鍋料仲加左鴨血、娃娃菜、羊肉片同牛肉片，當中最出色係羊肉片呀，淥完有淡淡羊so味，但唔會好誇張，而鴨血都唔錯，不過建議配麻辣湯底會更夾！小食類點左份川味口水雞同埋香辣（豬）耳尖，兩個小食都好入味，辣味唔算勁，如果食得辣可以試下叫佢地加辣丫！

今日去尖沙咀搵食，見到一間豆花魚幾得意，又突然想食雞煲，就決定這間啦😆 「柴夫人魚館 」裝修簡單，店舖都闊落，坐得都舒服！除了豆花米線，也有火鍋，煲仔飯等選擇😁招牌香辣豆花魚 ，我揀咗生魚片 🐟豆花都滑，豆味都濃👍生魚片夠滑！湯底香辣適中 👍本身是想食鮑魚雞煲，但店員話今日改咗生蠔雞煲（小鍋）生蠔🦪肉質鮮嫩，雞件份量不少，雞件夠多肉亦嫩滑！鍋嘅醬料好香濃，辣度揀咗中辣，好惹味👍甜品糍粑，口感煙韌，糖味香濃 👍

尖沙咀新開左間川菜館，主打豆花魚。雖然我唔食辣，但因為未食過豆花魚，見幾特別就去試下。舖頭位於香港黃金地段-尖沙咀，但舖裡舖外都有置身內地既感覺。由裝潢/設計/選色都好有特色，形象鮮明。講返菜式，以豆花配豬/牛/雞/魚作主食，湯底有酸菜/香辣/番茄，配搭千變萬化，可按個人喜好選擇。番茄豆花魚一大鍋，豆花跟魚片的份量好足，夠3-4人食，仲可以按自己需要選加肉/菜的量。番茄湯很濃郁，與豆花好夾，豆花又嫩又滑。魚片的肉質幾好，唔易散，但細骨有點多。牛肉/羊肉片味道唔錯，脂肪唔多但唔會韌，土豆片吸湯一流，魚腐普通可略過，其他菜正常。另外喺店員推介下叫左爆漿糍粑，新鮮炸起夠熱，外皮軟糯，裡面做到爆漿效果，食時要小心，糖漿甜度適中，以呢度甜品作結令整餐變得完整，滿足。菜式夠地道有特色，如果食辣應該更加正。

來到尖沙咀，找到一家很特別的湘菜館，主打豆花和鮮魚片。因為有朋友不吃辣，所以叫了一鍋番茄豆花魚煲，配料有牛肉，羊肉，魚腐，蛙蛙菜，生菜和土豆片。本身鍋裡已放滿番茄，豆花和鮮魚片，豆花香滑，魚肉新鮮，番茄湯底味香濃，很好喝。不過魚片內有點細骨，所以食果時要小心d 呀！ 另外，牛肉羊肉都好嫩，牛味羊味十足。我地仲叫左江西米粉，加入湯鍋內煮一煮，番茄牛肉魚片湯米粉完成。👍🏼小食川味口水雞麻辣味不是太重，青瓜絲在底吸了大量汁味，略嫌太咸。吃完要飲多幾啖水😅小酥肉外層炸衣香脆，裡肉不鞋還有香蘇味，再點些辣粉吃，十分可口！主食黃金蔬菜餅外表好似芝麻餅，中間綠色初看以為是菜絲，原來是蔬菜打成汁再加入麵粉造成，很特別。爆漿糍粑新鮮即炸，入面d 糖漿好熱，入口鬆化香甜，好味！😋

柴夫人魚館位於尖沙咀金馬倫道27號柴夫人係2001年開始餐飲業，立足係深圳所以我係9月30日黎食晚餐非常多人剛好十一黃金週，好多旅客光顧招牌香辣豆花魚係招牌，可以選擇辣度我叫少辣豆花果然滑，經過煮後沒有散魚肉可以選生魚或沒有骨的巴沙魚我選擇了巴沙魚魚肉多，肉質滑仲有薯仔片做配菜夫婦肺片辣油帶甜牛舌好薄好爽口口水雞辣得惹味雞件多沙薑豬手面舖蒜泥豬手好味紅糖糍巴炸得香脆紅糖微甜鹹檸七非常解渴豆漿香濃餐廳仲有好多美食，煲仔飯，海鮮鍋，小酥肉都好受顧客歡迎

和朋友經過尖沙咀見到新開豆花魚～ 店員非常好客～ 整體味道ok。值得支持🥢招牌香辣豆花鱼鍋中可以選生魚片或加$6轉巴沙魚片。和朋友承受能力不大，最終只選了小辣。店員介紹豆花是用上富順豆花，再以手工磨制，所以口感咬落會比較粘糍。味道方面，巴沙魚非常嫩滑～ 連埋豆花一齊食，夠味又入味～ 食完豆花和魚還有幾十款火鍋配料選擇～價錢相對便宜，又可以每款都吃一點～🥢肥腸雞煲熱鍋上枱～ 肥腸和雞件都算多，味道適中又唔太辣。幾好🥢麻辣拌魚皮非常惹味～ 辣度是有點刺激，但配上爽脆魚皮，入味又好吃🥤楊協成清涼爽 / 咸檸七飲品價格不高，選了最錢愛咸檸七，大大粒咸檸，非常解渴

夜晚約咗朋友喺尖沙咀，揾到依間柴夫人魚館，見到菜單都好多選擇，所以就揀咗呢間坐低。裝修環境幾好，空間都算大，坐落都幾舒服。今次同朋友叫咗個香港味豆花海鮮鍋$398，本身個鍋已經有好多配料，有蝦、蟹、蟶子、牛丸、腸仔、菜花同土豆片，鍋嘅醬料唔會話太鹹，本身冇辣度揀，食落我諗應該係BB辣嘅level。由於本身都算多，所以我哋兩個人都冇再額外加餸，下次有機會嘅話，都想試吓加響鈴。個豆花喺另外上，店員都有介紹返豆花係佢哋自家製，就咁食都食到好濃嘅豆味，質地係屬於偏硬身嘅豆腐花，亦都可以加入海鮮鍋度食，咁就有少少辣味。另外，個小食都幾好食，薄薄嘅香蔥餅，都幾香口，脆卜卜。飲品正常，叫咗杯青檸梳打，食完辣嘢飲都幾爽。

呢間舖頭唔算好大，主要係食豆花魚火鍋，亦可揀豆花雞。菜牌顯示分咗兩個配菜區，18蚊或32蚊一份，另有小菜供應，各適其適。揀咗推介嘅招牌香辣豆花魚 ，要中辣。上鍋時熱辣辣，魚肉及豆花可即刻進食 ，配有切片薯仔、大豆芽菜及酸菜，麻辣好醒神，巴沙魚質地幼滑，入口軟淋淋，豆花嫩滑，好夾配。開胃有麻辣拌魚皮，出奇地爽脆嘅魚皮，辣得啱啱好，絕對令人有驚喜，超級推薦，必點！火鍋料有羊肉片，淥咗一陣都冇靭，鮮嫩多汁，好想食多啲。生蠔就逐件計，每隻18蚊，新鮮嘅！生熟程度自己可以控制，鮮甜美味。竹笙份量頗多，吸滿湯汁，好食又有營養，最啱食多啲 。要飽肚嘅有紅薯粉，軟軟糯糯，快熟，晶瑩透明，十分滋味。再有其他配料，例如：爽口魚腐、新鮮鴨血、清甜萵筍及即熟響鈴。飲品有自磨豆漿，每杯只係六蚊，非常抵飲，有豆香，淡淡甜味，唔會漏。食店做到有新鮮感，總有食客幫襯，就可以維持一定支持度，加油！

尖沙咀有間新開食肆叫柴夫人魚館，推介豆花魚， 覺得新奇，一於同家人去試試。當然嘅選擇係招牌香辣豆花魚，揀咗巴沙魚，魚質軟滑 ，易吸收湯汁，鮮甜入味，湯底仲有大豆芽菜、土豆片及酸菜，好豐富，配合嫩滑豆花，冇違和感。其他火煱料有牛肉片，鮮嫩幼滑，有牛肉鮮味，牛肉控必選。秘製牛肉丸果然夠彈牙爽口，好味道，值得推介。鮑魚就要20蚊一粒，雖然size細細，但咬落煙韌，質地爽身，鮮味滿分。再加半條鱸魚，質地實淨，有咬口，喜歡食魚嘅朋友一定要點。鮮菇當然要夠新鮮，先可以完全吸收湯汁精華，入口鮮嫩無比。切片蒿荀，清甜快熟，可以去油膩及清吓味蕾。響鈴淥三幾秒就食得，快脆直接，煙韌好味。自磨豆漿唔會好甜，有豆香味，做火鍋飲品，一流。最後仲有黃金大餅，炸好上碟，金香鬆軟。店舖裝修新淨，清潔衛生，招呼亦唔錯。

星期五2個人去尖沙咀食晚餐，今晚突然想食酸菜魚，又想食中式火煱，終於俾我搵到呢間，2樣囉野可以一齊食，酸菜魚同時可以加餸落去做火煱，好特別。酸菜魚的魚片有2個選擇：「巴沙魚片」及「生魚片」，魚片好滑，完全無碎骨，完全無魚鯹味，口感好好。我揀左小辣湯底，味道香濃，唔會有太多麻籽粒粒，酸菜加上豆花，又有另一番風味。我仲加左鮮牛肉片、豬肉丸、秘製牛丸、娃娃菜、生菜。鮮牛肉好滑，而且林林地，好正。肉丸有小小爆漿，入面肉汁好鮮味。蔬菜都好新鮮，吸收左酸辣湯底好野味。另外加左2款炸物「黃金大餅」及「紅糖糍粑」，份量好足，意想不到的大碟，炸得好鬆脆，唔駛叫主食都夠晒飽肚。紅糖糍粑入面係蜜糖，可以當甜品食。勝價比高，會再來光顧。