校長燒肉日韓料理 (已搬遷) 新店位置

上星期同朋友倾電話，話元朗千色店付近有間燒肉日韓料理好好食,我就约埋其餘5個朋友2月8日8点去食下五個人去食给我們大枱，坐得比較舒服，燒烤纸加7元任换免費送海鮮拼盤食材新鮮，有豬,牛,羊,腸仔,帆立貝,海蝦,鲜鱿魚,金莎骨,叉燒,还有好多食物......熟食好熱好脆甜品有芒果，朱吉力,榴槤味我最喜歡燒菠萝，牛油粟米粒，正呀

去元朗搵朋友，天氣咁凍最啱食下熱嘢！佢帶左我去呢間校長燒肉放題。佢係一間任食日韓燒肉，食物同飲品都任叫，有汽水有酒，種類繁多，仲有甜品。食物方面就有好多唔同嘅肉類比大家選擇。例如牛仔骨、雞翼、牛扒、雞扒、豬扒等等。肉類都好新鮮，可以揀醃好味同原味，好多醬味選擇，好好味！😍😋熟食以炸物為主，有章魚燒、洋蔥圈等等。另外我好鐘意佢有好多蔬菜款式，咁就唔怕食太多肉會膩。我就特別推介日式小甜薯同牛油粟米！兩款都好香😋服務幾好，間中會幫我地換下爐上面嘅牛油紙

天寒地凍，同同事去完天水圍做野，要揾晚餐食，同事本來建議去打邊爐，我就因為上星期已經打左兩餐，就提議不如改去食燒烤之類，記得西菁街嗰邊有間做校長燒肉日韓料理做放題，又有宵夜時段，每人都係百幾蚊就任飲任食，門口又方便我睇住部車！我哋就出發去呢間餐廳！估唔到宵夜時段只係收$148 , 都會有咁多野食！ 由熟食，沙律，刺生到燒烤既肉類都一應俱全！ 沙律吧有很多蔬菜同壽司選擇，也提供很多不同的醬汁！燒烤既種類繁多！豬牛羊都有，牛柳粒，羊架係我既心水！餐廳都提供熟食！天氣太凍，我等唔切d燒熟d食，已經食左d熟食暖暖身先！餐廳除左任食外，仲有任飲啤酒汽水！甜既又有，唔甜既茶都有幾款揀！令我同事最開心既係提供左韓國啤酒任飲，其實飲幾罐都抵返！而令我窩心既係餐廳有熱維他奶飲！天氣咁凍我即刻隊左成包！成身暖晒！除左沙律，熟食，燒烤外，餐廳仲有刺身食！以$148拎講真係超值！唔好意為$148就一定唔會俾好野您食，海鮮到大大塊羊架都有！最後要特別介紹一下餐廳提供左多款調味料，每款調味料都令燒物更加出色！再重申一次以$148呢個價錢實在係抵食！

一直久聞大名、有滿滿好評嘅嘅校長燒肉，咁啱係yahoo! 團購見到有平，即刻買左兩張試一試！環境好好，座位舒服，自助bar同刺身bar排列整齊分門別類。一坐低就有店員問我地要唔要加7蚊買張牛油紙防痴底，而且燒黑就免費換，都幾抵。［肉類bar］大大力推薦：- 豬五花、牛五花、黑椒牛排、黑椒牛柳粒推薦：- 豬頸肉、金沙骨、辣味豬排、辣味雞中翼［非肉類bar］大大力推薦：台灣腸推薦：芝士腸、司華力腸、紅布腸大大力推薦：咖啡奶凍嘅咖啡味好濃！見到正價都唔平，想抵食啲嘅大家都係密切留意團購啦。

平日極少食韓燒，湊巧去完元朗大棠睇秋葉，天氣又凍凍地，於是就諗著食d熱辣辣既野，就係燒肉啦！唔想食大型辣連鎖食肆，經朋友推介下，就黎左元朗獨有o既校長燒肉啦 估唔到星期日去食，都唔洗點等位，佢係分時段食既，我地就大約7點幾呢段時段去食～ 店內環境不錯，坐位寬敞 ，而且播著我最愛既《Always》無限loop!食物款式多，而且又有少量日式壽司刺身食，岩曬喜歡日式同韓式食物既朋友！美中不足的是加隔油紙燒要加7蚊，但我地只係換過2張。

今日約埋三位朋友一齊嚟到元朗嘅校長燒肉， 呢間燒肉對我嚟講一啲都唔陌生 因為 佢喺元朗算有名氣而且性價比高， 所以今日就介紹三位朋友過來品嚐一下,價錢根據時間分段嚟收費， 如果係七點前埋單一百蚊有找， 不過我哋就揀咗七點三至九點三呢一個時段可能有好多人啱啱埋單所以仲有少少位呢度嘅肉類選擇非常多， 各適其適應有盡有而且醃料醃得相當惹味。除咗肉類仲有少量海鮮同埋其他配料可以選擇除咗燒肉之外仲有沙律菜自助調配! 可以用來消滯壽司方面都有幾款， 味道尚算ok!而今晚嘅重頭戲就係超級巨型嘅生蠔同埋松葉蟹腳， 呢個係要加錢嘅食物， 只需要加一個價錢就可以無限任食， 呢度食到嘅生蠔同食自助餐食到嘅質量差唔多， 不過尺寸就畀食自助餐食到嘅大好多! 肥美鮮甜不在話下而松葉蟹腳更加係我嘅心頭好， 輕輕拆開就好多蟹肉, 非常鮮甜帶有微微嘅海水味, 我同朋友都食到停唔到口,非常高質素飲品方面都係嗰幾款, 算係幾多選擇甜品方面都有唔少選擇, 而呢度係食韓國雪條, 不過基本上個胃已經爆曬食唔到太多。朋友大讚話下次一定要再嚟呢度gathering。聲明:原創食評!

唔好食！牛肉非常韌！超多筋！無肉味 冷盤唔夠！小食選擇非常少！熟食選擇甚至係廣東菜！款式唔多 無正宗韓國風味 飲品選擇亦非常少 但係價錢就收正價 $198 加一 非常唔值得！只值 $98！非常唔建議大家去！肉類有基本嘅 牛肉 雞扒 雞翼 豬扒 牛柳粒牛肉極韌 無牛肉味 唔值 198 呢個價！海鮮類只有帶子 蝦熟食全部係廣東菜 鴨胸 炒菜 豆！小食前菜有中華海草 螺肉 泡菜 選擇不多飲品只有烏龍茶 綠茶 荔枝味飲品 可樂 啤酒甜品只有幾款 芒果奶凍 芝麻奶凍 咖啡奶凍 香蕉冰棒 款式很少！

校長燒肉屬於自助式放題，不用擔心店家一份給太多或太少而導致吃不下或頻頻追點。店內一排自助凍櫃由刺身櫃、前菜沙律、凍肉、熟食、酒水類等擺放。三文魚、泰式生蝦、帶子厚切三文魚肥美彈牙，大大件帶子小巧卻鮮甜選擇追加生蠔及松葉蟹任食@$88生蠔蠔味較濃，海水味重，飽滿松葉蟹腳甘甜清香而爽口生蠔即開即吃，冷盤賣相精緻大器有各類沙拉菜及日式小食包括中華沙律及螺肉肉類食材全都有一定水準，主推黑椒牛柳粒，台灣腸牛柳粒肉質細嫩軟滑，黑椒味濃度剛剛好，男生或喜咸的朋友可以額外加桌子上的調味粉台灣黑椒腸皮薄而脆，肉汁豐滿，肉軟滑嫩口還有雞肉腸，熱狗腸等等雞扒肉質彈牙爽口魚類有鯛魚、鯰魚柳，多春魚等熟食款式也不少，基本時菜、炸物、芝士青口等飲料選擇也很多，酒精飲料及茶類選擇多特別驚喜是自家製甜品，大多放題甜品又甜又膩，但校長的卻是清甜可口香檸蒟蒻及荔枝蒟蒻清甜煙韌，口感q軟彈牙香芋奶凍，冰凍滑溜帶有濃濃香芋味兩人座位舒適寛躺。

呢排打邊爐打到厭，朋友話天氣凍凍地，不如去食下韓燒，於是黎左朋友工作附近既呢間校長燒肉試下。呢度既肉類款式都幾多，我至愛既雞翼都有三款口味。D肉類都算厚身，顏色夠鮮紅，感覺幾新鮮，有肥有瘦自己夾。好欣賞呢度加7蚊可以任換燒烤紙，感覺乾淨衛生。除左燒肉，仲有好幾款熟食。芝士青口超好食，個汁似係千島醬汁加芝士，令到個口感又豐富左。無骨雞翼實在太好味，有小小蟹籽係入面，似明太子雞翼，我食左好多隻。有紙包同罐裝飲品任飲。甜品都幾款好精緻既啫喱布丁，仲有韓國雪條，大滿足。

說到有保證的燒肉放題，我一定會推薦這家校長燒肉。這家燒肉放題在元朗算是非常有名氣，每次到元朗逛街想想吃燒肉時必定會想起這家!有肉必定離不開肉，而這些有提供幾款不同的韓國啤酒，而且是任飲，正好消一消吃燒肉的熱氣感覺。我最愛這裏的燒肉原因是種類多，全部以自助形式自己取用，大大減少了浪費的情況，除肉類外還有提供多款小食。其中包括有新鮮菠蘿，是我的最愛，極甜不酸餐廳除了燒肉，還有提無刺身任食，三文魚夠肥美這款小食是我喜歡的一種。除了肉類還有大蝦等海鮮提供，而在鐵板上舖上一塊薄紙大大減低燒焦的機會， 服務員晚會經常協助更換那張薄紙，非常貼心。 而且餐廳還有提供一些用錫紙兜裝住的食品供食用,直接放上鐵板上邊吃邊烤，很方便。而所有肉類都精心醃製， 調味剛剛好!餐廳還有提供壽司類， 可惜已經太飽不能食得太多吃飽了，還可享用眾多的甜點及雪糕， 所以這間餐廳已經成為我吃燒肉的不二之選。

早幾日，同老公去元朗試食呢間韓燒冇預約，去到就有位😄😄店員話加7蚊就可以無限次換牛油紙我認為加左會好啲，啲食物冇咁易燶同黑🤔🤔之後出去拎野食，都好多食物😋😋各款肉類，金菇肥牛卷，瓜……仲有好多好多亦有沙律吧，刺身吧，有人參雞湯，甜品我最欣賞係竟然有一個位係全部都係熟菜類👏👏食肉多左可以食返啲菜中和下✌最令我印象深刻：*侍應好勤力主動幫我地換紙👍*侍應好勤力補充食物碟，所以唔會出現缺碟情況👍*食物補充好快，唔會出現有吉盤情況👍*生蠔，粟米，雜菇用小錫紙兜盛載，方便易熟👍而且最後離開出門口嘅時候，店員會好主動講“拜拜”，係一個好窩心嘅動作😎😎P.S.去前記得要預約，傳聞呢間好旺，冇預約分分鐘要等成個幾兩個鐘

見到平日好多人排隊嘅校長燒肉都諗住必定要揾一日試試，見而家凍凍哋，要去啦！一入門口個哥哥仔介紹得好清楚點食法，再聽到話有生蠔同長腳蟹……真係口水都流。入到餐廳好寬敞，食物放得好乾淨，唔會所有嘢撈埋一齊，感覺非常好! 食得好舒適!食物種類都好多，豬、牛、雞，黑椒，蒜蓉，辣同唔辣都有。我哋攞咗起碼四、五碟肉類，好開心既BBQ呀！另外，仲有餐廳預備好一小兜、一小兜既芝士蠔啦、雜菜同菇類，又有好新鮮既蝦、年青人喜愛既韓式年糕，煙煙韌韌，辣辣哋，好開胃呀！仲有呀仲有呀！好讚佢個香芋波波，好濃既香芋味不再話吓，炸嘢一d都唔覺油膩你試過未?  另外焗青口都好正，厚厚既芝士蓋係面，一攞就攞咗一大碟埋位慢慢嘆!  唔只咁少，仲有人參雞湯，滋潤既雪耳妃子杏仁糖水。呢間餐廳連做菜都好有心思，娃娃菜配熟蒜妃子，几滋陰! 又有嘢味既茄子同几款唔同做法既蔬菜，包有啱你既口味!最後講吓服務啦！頭先講咗門口哥哥仔好詳細介紹，入到去既服務員都好勤力同細心，好似去食buffet咁， 你一走開佢哋就清咗你唔要既碟，又好有禮貌咁幫你換爐內張紙，掂呀呢間餐廳，喜歡

店舖設計不錯，頗有風格，食物質素還可以，都尚算新鮮夠入味，食物選擇亦夠多，可以盡情滿足食慾，但係三文魚每次拎既數量好少，食完幾塊就要係咁出去拎好麻煩，不過勝在價錢便宜，整體感覺還可以，好好食，等左15分鐘都抵。

終於出到元朗美食喇話說個日入到元朗完全唔識路😂好彩都成功達陣 去食校長燒肉由於我係無book 但又咁岩meet到佢新一輪然後唔使點等 就可以入去食喇👻燒肉加放題可以食兩個鐘我一開始緊係食刺身先 三文魚同蝦是ok的然後小女子係超中意食炸物嘅人極度推薦炸香芋球 超正🤤好喇 主打係燒肉 以下係我推薦👇🏻穀飼牛肋護心 芝士生蠔 牛五花🐮🐮整體黎講係幾唔錯 選擇幾多👍🏼_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$218________________________唔信我嘅可以自己去試試😂地址：於元朗西菁街23號富達廣場地下G19-24號舖

呢一日，想食韓燒。行過呢間。見價錢都OK 就入去。首先價錢真係相宜，所以中午時見到唔少後生仔一齊食，講真一舊水可以任食任燒任飲仲想點。飲品種類都唔少，當然係一般放題都有既。佢話日韓，肉類方面其實冇話一大堆汁浸住，大家當日式好少少。唯一推介係魷魚，勁大條，仲有呢間野，有好多種不同汁醬比大家自己DIY所以個魷魚，燒果陣落左好多燒汁，整出黎成個出面賣既燒魷魚咁。好鬼開心。熟食就唔建議，實冇自己燒既咁好食，你唔會比錢入去食炒飯呀？冷盤佢都佢螺肉，沙律菜咁。見佢有切三文魚，不過走都未見有，可能晚市至會出。呢間野，用黎朋友聚會幾好，位都幾大幾舒服。