校長燒肉日韓料理 (西裕街)

營業中

休息中

喺OpenRice買咗coupon，$98就可以享用【校長燒肉】午市2小時燒烤放題 (不包刺身及火鍋)，超抵！店內環境寬敞、舒服，有好多打卡位，一入到去就可以見到巨型Iron Man😙放題食物種類豐富，琳瑯滿目，熟食方面有小丸子、小朋友最鍾意嘅雞塊、薯條、燒賣、煎餃子、壽司……至於係燒肉方面，有雞扒、雞翼、蟹柳、魷魚、牛扒、腸仔⋯⋯無論係熟食定係燒肉，都令人眼花撩亂，流曬口水，樣樣都想夾啲。雖然呢度冇其他餐廳嘅A5和牛、安格斯牛，但勝在種類繁多，往往平民嘅食材最可以令人覺得幸福、美味。好抵食！食得好開心！下次再嚟過😋

第1次入元朗就食呢間，朋友介紹，好似buffet咁，自助式，又可以燒肉，又可以打邊爐，然後出去拿料自己燒，自己打邊爐，仲有刺身同壽司，除左無生蠔，根本就係食緊buffet🤣勁多野食揀，又抵食又可以打卡，全部食物都好新鮮，刺身同壽司見到一無店員就會即刻補，好快手，係酒店既水準，好多款肉俾你揀，大把選擇😍清酒同梅酒都係仼斟‼️‼️不得了，仼飲酒再加燒肉係好正😍仲有沙律、熟食、每樣都新鮮好味。仲有勁多甜品‼️‼️西式小蛋糕同中式都有，真係好岩唔同口味，會再幫襯，希望開間係九龍或者港島區🤣

📍位置：在朗屏和元朗的中間，可經朗屏站B2出口由天橋直行十五分鐘。🏠環境：位於二樓，樓梯間擺設了一個一比一的Ironman模型，牆身是如室內攀石場，樓上面積佔全層，十分寬敞，座位皆是卡座，設有大玻璃窗，正對元朗街景，使室內不會過暗。中庭則是自助區，設有各種各樣的生熟食物、飲料、糖水等，食物種類非常多。🤵🏻服務：自助形式，但會定時收碟，收取加一。🍽️午市：提供三種形式套餐，分別是燒烤自肋餐(平日$138/90分鐘)、燒烤火鍋自肋餐(平日$158/120分鐘)和燒烤火鍋刺身自肋餐(平日$188/120分鐘)。🐟刺身：有三文魚、吞拿魚、大蝦、希靈魚和玉子，選擇不多，而三文魚和🦐大蝦是很新鮮甜美😍，而且厚切和帶殼，每次只可拿一隻和四塊，來保持鮮度和不浪費。另有各款壽司，火炙三文魚都不錯。🍲火鍋：提供不同湯底選擇，我們選了壽喜汁湯底，用來燙熟🥬蔬菜和香菇，濃郁的日式醬油香，令蔬菜更鮮味😚，同時保持熱辣辣，很好吃又不會上火。🍳熟食：有各種炸物、蒸點心、炒家常菜、老火湯，洋蔥炒肥牛是不錯。🍗燒烤：一口牛軟嫩多汁；五花肉厚切而醃得入味😋；厚肉的韓風魚柳厚肉結實；土匪雞翼都燒得嫩而入味。🍮甜品：多款自家製

前幾日去元朗，突然想食燒肉，即時想起校長燒肉，放題任食，店內環境幾有特色，卡座亦寬敞，食物種類非常多。牛肋條，放在一個茶壺內幾特別，長長粗粗，未燒都覺得好味，燒起來香噴噴，油脂甘香，有口感，肉質亦嫩滑。安格斯牛小排，油脂分佈均勻，呈雪花狀，燒一會就可食，入口香滑，沒有令我失望，好味。燒羊架都不錯，我喜歡食熟一點，燒得微焦更美味，肉質嫩滑，加點燒肉醬更好味。還有好多種不同的肉類選擇，光是雞翼都有好幾種味道。厚切五花腩夠肥美，燒得來充滿油香。多種刺身選擇，有三文魚、吞拿魚、鯛魚、帶子......三文魚好肥美，入口潤滑，而且都幾新鮮。帶子雖然不是很大隻，但很鮮甜。熟食選擇也不少，有各種炸物、蒸點心，我覺得葡撻都幾好味，但如果撻底再脆一點更好。食完燒烤還可以食火鍋，煮些青菜，降降火也是相當不錯，而且火鍋有不同湯底選擇，生料亦有好多種。水果茶超級大杯，裏面還有不同的水果，而且不會太甜，一定要試。

我再次光顧位於元朗的校長燒肉店，因為這店食物好吃又坐得舒服。這次享用的極上餐真是驚喜不斷，讓我非常滿意。前菜選擇種類多，有中華沙律、熟蝦、螺肉等等，很開胃。而且還有新鮮的壽司、刺身供應，種類多又源源不絕，最欣賞係三文魚同帶子，肥美又鮮甜。除了一如既往的高品質燒肉食材，極上餐內可任食的和牛片、牛肩肉，油花均勻，仲好有牛味。羊架和牛肋條特別好味，肉汁多又有濃郁的牛味，真的很讚！海鮮類有牛油帶子、芝士蠔、清酒煮蜆，令我一試再試。熟食區選擇也很多樣化，雞滑魚鮮，茶碗蒸、碗仔翅樣樣出色。同時整個蔬菜壽喜燒鍋，食完燒烤再食清甜菜蔬，可以解膩，也是一個不錯的選擇。最後，飲返杯精選飲品，像是芒果乳酪梳打、水果茶，甜度適中，很舒服；食埋Häagen-Dazs雪糕，真的很滿足又豐富啊！

  家 住元朗老友又約出來晚飯，原先想北上的但又不想只為晚飯而上，要性價比高又吃得奔放自在的就想起「校長燒肉」放題了！老友也讚成於是早早五點就到了這間燒肉店。    來到即時好有feel喜歡這裡裝潢充滿玩味和活力！食物更多元化，每次都好滿足離開的。優惠也很多八時四十分入座118元，七時前 結帳離座也有優惠。我們吃五點，收費是 每位158元再升級+30元即可刺身任食。食物擺放區的食物排列整齊乾淨衛生。有火鍋配料和多款熟食，冷盤，沙律，魚生，壽司都好味新鮮款式多。這燒鵝味道真好味！點心都有....刺身非常有質素每次來都食魚生飲清酒好爽！壽司和飲品款式好多選擇~熱飲~多款花茶任飲。甜品款式令人 目不暇給！燒肉，火鍋吃得夠痛快！食完甜品好完滿！任食任飲二小時又火鍋又燒肉真的好滿足！

今晚放工相約好友聚下,  大家都想好好吃一餐, 所以就去左校長燒肉。呢度地方幾大, 環境舒適, 我同友人選左黃金時段任食2 小時 HKD238/位 (包刺身)餐廳有幾張數十尺長的餐枱, 選擇類型都幾多！除咗燒烤肉類&配料, 另外有沙律吧、刺身、壽司、熱盤、點心、炸物、打邊爐等食物真係應有盡有！而且飲品選擇都好多～沙津吧🥗有多款餐前小食。前菜冷盤🥗有常見嘅中華沙律、味付螺肉；薯仔沙律等；而壽司🍣有生有熟有卷物, 全部任拎👍🏻熟食🥘有炸物:  麥樂雞、炸香蕉年糕、炸薯餅、炸香竽地瓜丸同炸薯條都有, 而且有大光燈射住Keep得住食物嘅溫度同香脆..個人就幾推介炸香竽地瓜丸, 個皮勁薄勁脆口..我都食咗好幾粒、至於熱盤 -特別款式有茶碗蒸、中式點心（鳳爪、粉果等)。燒肉有點心食好過癮🤣燒烤肉類&配料:  肉類有雞🐔牛🐮豬🐷羊🐑魚🐠大部份經過醃製 醃得好入味！佢哋嘅肉質都唔錯, 仲有多款嘅醬汁同調味料比你自由配搭, 唔辣嘅有香蒜味, 而辣🌶嘅有黑椒、麻辣、咖哩、韓式等, 相當惹味😋另外有日式餃子🥟、瓜類、蔬菜🥬等，燒烤或打邊爐都咁適合😄特別推介一口牛肉粒、 五花腩 、雞軟骨同雞翼飲品🍹🍺自助區有

好日都唔入元朗，咁啱入去探朋友，早排聽佢介紹依間校長燒肉，聽佢講非常抵食，既然一場入到嚟，即管試下有幾抵食一入到去已經知道個場好大，有得燒肉，打邊爐，仲有各式各樣嘅熟食，仲有壽司魚生，串燒，點心，炒飯等等。。。真係乜都有得食，仲另設甜品區準備出去夾嘢食，衛生情況非常好，工具亦放置得好整齊，每碟肉到分開一盤盤，再搵蓋蓋住，可以放心食用，間中亦會有服務員定時清潔食物區，由此可見真係有心做。一個價錢吃到飽，多款菜式供應，仲有啤酒仼飲真係超級抵，會再返食

又食校長燒肉啦🥩 今次去📍元朗分店一如既往，先食刺身，燒肉和火鍋同時進行，中間喝燉湯，最後來甜品。😋😋燒雞翼！！！！我自細鍾意食！！！！但是，今次試多了種類，畢竟餐廳有所提供，包括一盅兩件的點心、熱花茶，冬天喝暖的真的很舒緩🥰點心我們吃了珍珠雞，一盅一件，冬天吃都很暖身呢！這裡各式各樣的食物味道也不錯！最後吃了榴槤布甸，現在老公都吃，還吃了兩件🤭🤭小朋友才能轉幸運拼盤，看到很多小朋友贏了公仔，又食又拎真高興！🧸

周末時分，和元朗區街坊一同晚飯，很多時都會去校長燒肉食放題，愛其價格相宜之餘食物質素亦有保證。放題的好處，就是可以同時品嚐不同的菜式食品，和朋友可以各自取自己喜愛食物之餘又交換分享一下，促進交流和友誼。周末晚市時段每位盛惠$238，任飲任食兩小時。餐廳在西裕街和達輝徑交界的樓上位置，十分搶眼；沿樓梯拾級而上，見到真人大小的Ironman 模型擺設，玩味十足；雖然餐廳佔地甚廣，但都人頭湧湧，十分熱鬧！幸好食品區亦都十分寬廣，食物種類繁多，選擇豐富，刺身壽司，前菜炸物，火鍋配料，青菜烤肉，甜品酒水都一應俱全，不禁令人食指大動。朋友先去取些沙律幫腸胃打底，沙律有青菜外，更有冷盤海鮮作佐，所有材料都十分新鮮，尤以大蝦最爽脆彈牙。我就逕自前往刺身壽司的檔口取我最愛的日式鮮食：吞拿，三文，希靈，赤蝦，帶子刺身通通都是我喜愛的。當中我最欣賞是帶子刺身，鮮甜爽口；朋友則十分欣賞赤蝦，愛其濃厚的鮮味。壽司亦不錯，製作認真，三文魚，玉子和加州反卷都十分美味。朋友是火鍋擁躉，十分滿意火鍋配料的選擇，種類繁多，選了很多青菜和少許肉類。而我負責烤肉，烤肉選擇亦十分豐富，光是雞翼和扒類都有多款不同味道可選。因為刺

好耐冇入元朗～最近就去咗校長燒肉食飯分享吓先！一入到嚟就見到食物種類真係好多！有刺身壽司熟食點心燒肉區邊爐區等等等首先就試咗刺身好厚切又大份！感覺都唔錯熟食就有燒味、章魚小丸子等等大部份味道都唔錯我哋就拎咗少少肉返去燒肉類本身有調味 都唔錯我哋仲拎咗D菜去打邊爐！呢度有幾款湯底可以揀 任君選擇最特別係見到佢有點心🤣🤣不過因為太飽了都冇試到個人最鍾意係佢嘅甜品！有一區域可以自行添加不同材料例如冰粉，煉奶等等整完之後我覺得好好味！又可以根據個人口味自行調配而且甜品種類都好多 有各式各樣嘅布甸同雪糕總括而言我覺得呢間食物種類真係好多有時如果唔知食咩好呢度就真係咩都有唔使諗！係同聚會嘅好去處～元朗校長燒肉 地址: 元朗達輝徑1號足彬大廈1樓3B鋪及地下

這間人氣連鎖自助餐店擁有四間分店，其中元朗分店鄰近地鐵站，環境寬敞舒適。晚市燒烤火鍋自助餐設有三款套餐，有過百款式任飲任食，店員密密補充新鮮食物，性價比冠絕全港。刺身火鍋燒烤の選 - $238燒肉方面，二十多款燒烤食品選擇，包括牛、豬、雞及海鮮等。一口牛軟嫩多汁；魷魚爽滑彈牙；厚肉的韓風魚柳結實鮮味，帶淡淡泡菜味。熟食方面，明爐燒味拼盤有豉油雞及燒鴨等肥美飽滿；椒鹽排骨外酥內嫩，蒜香濃郁；麻辣魷魚鬚；香腸拼盤有廚師腸、一口腸及台灣腸等。炸物方面，炸洋蔥圈、香芋地瓜丸及三角薯餅等酥而不膩，章魚小丸子更有煙韌彈牙的章魚粒。刺身及壽司方面，三文魚細嫩鮮美富魚脂；肥碩赤蝦充滿彈性，鮮甜爽口；榮螺片爽脆。點心方面，多款經典廣東一盎兩件。蝦仁燒賣飽滿的肉餡爽滑彈牙；迷你珍珠雞，軟綿的糯米帶荷葉香。火鍋方面，三款湯底選擇，香甜的壽喜燒湯帶濃郁的日式醬油香，令食物更鮮味。沙律方面，新鮮翠綠的沙律菜，加上多款配料如味付螺肉等，自行調配口味。飲品方面，多款罐裝及支裝飲品，亦有罐裝啤酒及梅酒提供，熱飲亦有十多款茶葉供應；清澈透明的清酒微甜低酸帶水果香氣，口感清新甜品方面，多款自家製甜品，如蜜瓜奶凍、香芋奶凍

今日和一班朋友到元朗踏單車，到了深夜便到了校長燒肉日韓料理試一試。店內環境十分特別，有少許marvel 的元素裝飾，玩味十足，對於電影迷來就應該會加分不少。點心區有潮州粉果、蝦仁燒賣、叉燒包、珍珠雞、芫荽豬肉餃等，有蒸氣一直保溫，水準不錯。火鍋區有三種湯底選擇，包括壽喜燒湯、日式清湯、日式豬骨湯。火鍋配料亦選擇眾多，有各色蔬菜和肉丸。壽司刺身區刺身的選擇甚至比有些酒店自助餐的種類多，有赤蝦、仿鮑魚、榮螺片、鮮帶子、馬刀貝、希靈魚、三文魚、吞拿魚等，壽司亦有不少選擇。燒肉區燒肉配料的種類眼花撩亂，有各種扒類、肉丸、蔬菜、海鮮類，對食肉獸來說是大大的滿足。燉湯區湯內的材料十足，飲得出有燉湯的功夫。其他熟食其他冷盤飲品區有各種種類的飲料，有自選花茶可調配，亦有清酒梅酒選擇。雪糕甜品區有不同的甜品和雪糕，亦可自行製作台式甜品。