桂花小幸 (元朗廣場)

營業中

休息中

好耐無食呢間，系元朗廣場買完野想搵野食就去返呢間，食物水準都無太大改變。三盛紅燒牛肉麵 $85紅燒牛湯會有微微香辣，有腱心牛肉、牛腩、牛筋，食落都幾腍，麵系台灣麵。鹽酥雞排滷肉飯 $64雞排炸粉吾算厚，食落幾脆口，滷肉飯飯量都多，入面有滷肉同冬菇，吾會有好多肥肉。麻辣紅油水餃 $284隻水餃，麻辣紅油味幾香，食落都幾麻，幾惹味。桂花雞翼 $28桂花醬汁甜甜地，分開上，可按個人喜好自己加上炸雞翼上。炭燒烏龍珍珠鮮奶茶 $34飲品大大杯，比起普通既珍珠奶茶多左啲炭燒香味，會無咁甜，珍珠都煙韌。芝士奶蓋桂花烏龍茶 $32好厚身既芝士奶蓋，桂花味幾出，飲落有啲似食緊芒果甜品。

今日食既呢間係位於元朗廣場既台灣菜店, 7點去到已經爆哂場麻辣台灣牛肉麵(半肉半根)呢個無論個湯底定係牛腩牛根定係個麵都係極為出色麻辣我揀左中辣, 原來都唔係太辣, 鐘意食既其實可以直接揀大辣牛根係無敵入味同埋嫩滑, 超正麵質彈Q, 掛湯!! 整個都係勁好味炸雞扒滷肉飯呢個滷肉飯唯一缺點就係太少汁!! 滷肉係正到可以餸幾碗飯, 而個炸雞扒係超超超大塊, 香脆而且入面好鎖汁, 嫩滑既雞肉, 勁大份加勁好味台式飲品同樣出色, 仲可以加配料!! 大大杯

喺而家呢個做飲食咁艱難嘅大環境，要按實際情況又keep到水準真係唔容易呢間充滿文青feel嘅小店算係表表者！開業6年，水準依舊，記得新鋪開張曾經光顧，食物水準都很滿意，今日再到訪水準依舊keep到，真心今次選擇咗兩個套餐、小食加兩杯飲品，環境格局都仿如置身台灣文青小店牛腩雞肉飯套餐牛腩炆得幾淋兼夠入味，最怕牛腩嚡熠熠，但呢個完全無問題雞肉都好鮮嫩鹵水雞翼魯肉飯套餐雞翼炆得剛剛好，唔會過淋過火魯肉飯都好入味台灣香腸喺台灣必食，見到即刻點一份，果然無失望，煎得好香脆厚度適中必食鮮草冬瓜茶感覺很消暑清熱，甜度、冰量都可選擇，對我來講少甜剛好台式珍珠奶茶都係少甜剛好，茶味夠濃，奶唔會蓋過茶味，珍珠亦唔會太甜

裝修充滿文青風格，瀰漫著書卷味📚，牆上貼有勵志及別具心思句語📝，環境舒適又富文藝氣息，令人放鬆😎。涼拌貓耳朵👂所謂貓耳朵，其實是黑木耳，大大片，酸酸甜甜，爽脆又彈牙。涼拌黑醋茄子🍆茄子雖然切得大大件，但件件夠軟腍又入味。以上兩款涼拌前菜都帶點微辣，配上酸醋汁，食落十分醒胃😋。鹽酥雞排滷肉飯🍛單點一份已可享用台灣兩大特色美食。滷肉飯採用珍珠米🍚，口感煙韌軟糯，每一啖都充滿著滷肉油香，而鹽酥雞外層酥脆，內裡多汁嫩滑，令人恍如置身台灣夜市。三盛紅燒牛肉麵(腱心牛肉、牛腩、牛筋）🍜湯底清甜味濃帶微辣，麵條軟硬適中，蘿蔔清甜無渣，厚切牛腱好有嚼勁，牛腩入味，牛筋軟嫩。紫菜魚丸湯🫕魚丸彈牙有咬口，紫菜湯清甜不腥膩。炭燒烏龍珍珠鮮奶茶🧋品嚐台灣美食，珍珠奶茶絕對是必點之選，茶底使用炭燒烏龍夠特別，炭燒味好突出，珍珠Q彈透徹軟熟，非一般珍奶，超好飲。夏日水漾鮮果茶🍹飲品內有青檸、西柚、檸檬🍋、士多啤梨🍓、藍莓🫐、火龍果等新鮮水果，清新清甜，消暑解渴，飲完成個人爽晒🥳！餐廳主食份量十足👍，足料大碗又好食，性價比高，飽足感強。飲品勁多款式，不同口味適合不同人士。好適合三五知己或一家大小暢聚👨‍👩‍👧‍👦，

元朗廣場一直都有嘅桂花小幸，不嬲好鍾意喺嗰度買嘢飲🧋🧋但係其實嗰度嘅食物都非常唔錯台式食物每樣都好好食紅燒健心牛肉麵牛肉煮得相當軟腍一咬就有香濃嘅牛肉味相當好食面就中規中矩嘅台灣面但係湯個人認為就比較淡鍾意嘅濃味可能會覺得一般手工花枝丸麵加蕃茄湯蕃茄湯有粒粒蕃茄但係我都係覺得可以再濃啲😂花枝丸大大粒相當彈牙非常美味好似返咗台灣

元朗台式美食-桂花小幸平日下晝去食都幾多人，但係唔係等咗好耐位😌叫咗一個中午套餐、另外一個單叫麵食-首先覺得驚喜最好食嘅係炸花枝丸！佢嘅花枝丸炸皮好薄有脆，花枝味道都有喺度😛-滷水糖心蛋都整得入味 用嚟撈飯配面好食☺️-鹽酥雞 炸得比較乾柴…而且感覺唔係即叫即炸 送嚟嘅時候都已經涼左…-滷肉飯雖然上面嘅滷肉偏小 但係都幾好食 充滿膠質，食完個碗飯個嘴唇又黏笠嘅感覺.滷肉碎嘅味道唔係特別出色，不過佢嘅飯口感粒粒分明有咬口😌-牛三寶台灣麵 有牛筋牛肚同埋牛腩，牛筋入味已經炆到冧晒😛，牛肚同埋牛腩都好入味 特別係牛腩入口就已經淋到唔使咬！ 湯底都算香濃 食完啲面都飲咗一大半. 至於佢嘅面底台灣面我就好鍾意 係比較粗身嘅面 入口好彈牙-另外單叫咗個即叫即炸餃子，外皮脆卜卜 咬入去餃子嘅肉汁會咇出嚟！不過入面既餃子餡就冇咩特別 仲感覺有啲似超市入面買到嘅有啲相似🫣-至於嘢飲方便 我哋叫咗茉香珍珠奶茶 同埋抹茶紅豆，珍珠用黑糖煮過幾香 茉香奶茶都幾清香🥰 至於抹茶紅豆 紅豆好大粒！同埋好香甜！抹茶味道有回廿同埋好濃🫶🏻整體嚟講嘢飲方面都唔錯☺️！

喺元朗廣場嘅桂花小幸，因鄰近返工地點，曾經係我嘅飯堂。因公事調動，一年無食，今日再訪，難得水準無變，一樣好食！炎炎夏日，首先點凍飲！呢度嘅飲品勝在大大杯，而且好足料。我揀咗夏日水漾鮮果茶，微甜口味，微酸嘅水果味好開胃。朋友點嘅柚子QQ山茶花賣相都好吸引。微甜，清新。台式小食拼盤係好大一碟，有炸花枝丸（2粒）、桂花雞翼（2隻）、炸餃子（2粒）同地瓜薯條。炸花枝丸好大粒，彈牙有口感；雞翼又大又脆，爆晒汁；炸餃子用咗東菇同豬肉，爆汁好滋味；地瓜薯條香脆得嚟又甜甜地。主食點了麻醬雞絲冷麵同涼拌貓耳朵。麵條夠晒凍，好適合夏天，好開胃。胡麻醬同辣油嘅香氣好香。另外我每次必點鹽酥雞排滷肉飯，雞扒大大份，香脆，滷肉同飯一齊食好香。平日午市人都幾多，不過今日兩點先去就唔洗等。可以慢慢食，幻想下自己去左台灣。

打工人飯堂桂花小幸帶同事到公司附近台式餐廳食飯，環境舒服，中午套多選擇，作為主餐的鹽酥雞排滷肉飯是一道很經典的台式小吃組合。鹽酥雞排外表酥脆，內裡卻保持多汁鮮嫩的口感，搭配滷肉飯非常美味。手拍小黃瓜是一道清爽的開胃小菜,能夠幫助提升整體餐點的口感層次，另外選擇加點滷水蛋,這是另一道廣受歡迎的台式小菜。滷水蛋的滷汁會完美襯托出蛋黃的濃郁香氣。涼拌黑醋茄子也是一道不錯的選擇，黑醋的酸甜滋味能夠清爽開胃黃金麥茶是一款經典的台灣飲料，淡雅清新的風味很適合搭配整套餐點我點了一個紅燒滷水雞翼麵配椒鹽花枝丸，湯底用了紅燒牛肉湯底，麵有咬口，十分推薦

桂花小幸喺元朗廣場好耐😁好多人食㗎麻辣牛肚熱拌米線 配紫菜魚丸湯麻辣牛肚熱拌米線，配上紫菜魚丸湯，非常開胃，米線Q彈有勁，牛肚經過麻辣入味，口感軟嫩帶勁。配上清爽的紫菜魚丸湯，非常適合夏日享用鹽酥雞排滷肉飯鹽酥雞排滷肉飯雞排皮脆肉嫩，金黃酥脆，滷肉飯如多點滷汁會更好，米飯粒粒煙韌飽滿牛肉濃湯水餃水餃皮薄餡多，湯頭濃郁，一咬開滿滿牛肉餡料仙氣火龍果茶火龍果茶帶有清新果香，鮮果茶清甜如泉夏日水漾鮮果茶呢杯滿滿水果🍉西柚香橙非常清新📍桂花小幸元朗段249-251號元朗廣場G樓003 & 005號舖

位於元朗嘅桂花小幸，價錢唔算貴食物選擇多！！最好食嘅紅燒牛肉麵涼拌貓耳朵酸酸辣辣，清爽開胃，雖然係加配小食，但係份量都不吝嗇三盛紅燒牛肉麵(腱心牛肉、牛腩、牛筋)上餐嘅時候仲係出緊煙，夠熱！湯底帶微微辣，調味輕盈但夠味，多喝不口渴，麵質彈牙有嚼勁腱心牛肉(牛展)：容易咬開，軟軟彈彈牛筋：煮得夠，十分軟滑牛腩：彈牙，不痴牙，牛肉味較濃白蘿蔔：炆得好淋，冇渣仙氣火龍果茶剛上枱趁凍飲會有沙冰口感，夏日炎炎一流呀！過左一段時間之後，冇左冰感，但係更加飲得出火龍果配搭茶嘅清新

這間餐廳可以於OpenRice （5公里範圍內）遙距取票，節省不少時間 ⏳這間食店是一間台式餐廳，入口在元朗廣場內面。平民價錢，可以吃到養生飯面及台灣風味的小食。餐廳在播很多台灣的流行曲，還聽到有周董的歌🫶🏻✨🤭🍜麻辣鮮茄牛筋腩面意想不到湯底很香濃，很有驚喜！接二連三多喝幾口湯汁細心細味，像是一個炆牛腩煲湯底。牛肉味濃得來也不會搶了蕃茄湯的味道。（🎵如果有太多牛腩味，蕃茄味咪冇定企🤣）牛腩很大的一塊，入口軟滑，覺得很滋補鐵質☺️ 牛根每咬一口都感受到滿滿的骨膠原 🍖 🍲士林胡椒豬肚湯飯豬肚嫩滑有口感，又有胡椒香味，湯內加了白果，又再次喝完一口又一口！ 是冬天補身良品。🥩 麻辣牛肚真的很麻辣，份量很大，牛肚很腍身，不黏牙。 🍵芝士奶蓋抹茶 奶蓋芝士香濃，不會太膩🍇🍋 夏日水漾鮮果茶半糖甜度剛好，炎炎夏日，很適合來喝一杯

成日路過見到呢間店，今日就去食吓原來入邊環境都好靚，今日叫咗兩個餐叫做一個土林胡椒豬肚湯飯胡椒味唔係太重，但啱啱好，好好味豬肚都好腍，好啱胃口另外一個酥炸排骨滷肉飯，包埋一個靚湯好好味，好食到講唔出口飲品叫咗梅子綠茶，好有梅子味價錢嚟講其實算好抵食了

依間餐廳真係好值得一食再食，所以有朋友出黎同我食飯，我就二話不說約依間台式餐廳惹味牛肉麵🍜麵質真係超好味，煙煙韌韌有啲口感，個湯亦都好入味、好濃郁，牛腩好入味，煮得好淋，整體配起上嚟都好好食🤤紅燒三寶牛定食配上湯浸時菜+燉湯🍲佢既三寶係包括：牛筋、牛腩、牛肚，佢整得好入味，而且好腍，撈飯食好一流👍🏻佢有埋娃娃菜，成件事好滿足。而佢嘅燉湯係超好味，仲要好足料，佢地每次都唔同，下次可以再去試其他先得😍涼拌貓耳朵木耳入哂啲黑醋味，佢亦有少少辣，又夠酸，但係又唔會酸到食得好辛苦，成件事好開胃，係會不斷想食的😋夏日水漾鮮果茶、芝士奶蓋桂花烏龍茶加仙草🥤佢既野飲超出色😆水果茶係真係有水果喺入面，飲落去好豐富，亦都唔會好甜。而且佢哋嘅奶蓋都好出色，加埋烏龍茶一齊飲真係好配合😚

係元朗廣場附近，下午茶時間想飲台式珍珠奶茶同食少少嘢，就入咗桂花小幸，餐廳裝修有台灣文青簡約感覺，書架放了書及擺設令人有在台灣書局的感覺😊雖然是小店但空間感令人坐得好舒服😊 自己用QR code 落單方便易明，想要淋d麵硬d麵又得，選少甜少冰又得😝三盛紅燒牛肉麵 $85 ~ 三盛包括有牛筋，牛腩，牛肚😋 三款牛都經過長時間煮至軟腍，入口即溶化。紅白蘿蔔都係經過長時間煮，腍得嚟好入味😋 台灣麵煙韌有口感，選了紅燒湯底濃郁帶少少辣味好惹味😋 配菜選了涼拌貓耳朵 (+$16) ~ 爽爽嘅貓耳朵配上酸酸地帶微辣嘅醋汁。 涼拌黑醋茄子(+$12) ~ 軟淋淋肥厚嘅茄子配上黑醋汁很入味， 酸酸地令人很開胃😋每一款手搖都可按自己口味去選擇飲品的甜度，濃度😊 選了茉香綠茶(+$17) 及 香濃珍珠奶茶 (+21) ~ 黑糖香濃又沒有蓋過茶香，珍珠煙韌有咬口😋 下午茶花生吐司半份 ＋桂花雞翼(2隻) +地瓜薯條 $42雞翼炸得很脆口，桂花醬分開上，鐘意就沾醬食唔鍾意淨食雞翼都好味😋 地瓜條炸得外脆內軟😋

失望到忍唔到第一次食差評，雞排炸粉好厚😅牛肉麵嘅牛肉唔夠腍，肉燥好難食。見到評價咁高就想試吓，點知難食到好鍾意食台灣野嘅自己都食唔落。飲品唔差嘅，正常水準，但係食物質素唔值咁嘅價錢