桃子Cafe (已結業)

與朋友約食飯，最緊要揾個地方就腳，環境舒適，又無限時既地方，加上Openrice完見啲蛋包飯賣相好吸引，所以過黎一試。兩個人分別叫左鰻魚芝士蛋包飯同卡邦尼海鮮意粉，兩個咁岩都係廚師推介，賣相亦不錯。鰻魚蛋包飯食落好juicy，芝士味濃，蛋包飯有流心效果，不過我個朋友覺得鰻魚有少少腥既感覺，反而我就覺得還ok，整體幾岩我口味😋至於卡邦尼意粉就比較中等，不錯不失，卡邦尼汁不夠濃郁。Ps餐廳晚飯時間由7點先開門，提早到會摸門釘😂

今日放工落旺角食飯，聽講最新旺角女人街附近開左一些新餐廳，今次就揀左入依間小店食😋😋餐廳裝修簡單得黎可愛，有好多得意嘅擺設，牆上面都有得意噴畫❤️❤️雖然餐廳唔係好大間，但係坐落都好舒服，更有設計單人座位，一個人落黎食飯都唔會覺得尷尬。朋友叫左一個「鰻魚芝士蛋包飯」。個蛋包飯有原條鰻魚，店主同我得講係日本鰻魚黎。食過真係唔同，鰻魚無咩骨，唔腥，同埋煎到有好香鰻魚油香，非常正👍🏻👍🏻而個蛋中間有好多芝士，拉出黎有絲😳 雖然好邪惡，但係成個飯整體黎講真係好好食👍🏻👍🏻我就叫左「咖哩漢堡蛋包飯」。餐牌上寫漢堡用左安格斯西冷牛肉整，食落個漢堡好足料，都好彈牙👍🏻餐廳嘅咖哩都好特別，有蔬菜個甜味，唔似係落左糖。問返餐廳負責人，原來佢地用咗好多新鮮蔬菜煮依個咖哩，讚👍🏻👍🏻👍🏻 個蛋食落都好香好滑，原來都係用湖北蛋👍🏻總括而已，依間係良心小店，食材都好新鮮，食物都不錯，值得支持👍🏻👍🏻

今日又在通菜街搵食，這間和風店名“桃子”吸引我停低望望，門外餐牌顯示主打日式蛋包飯，就入去試吓。店內佈置簡約，没有和風，只有幾幅壁畫；而蛋包飯則有不少選擇，原本點了“日式咖喱吉列魚柳蛋包飯”，但沒貨，轉點“日式咖喱吉列豬扒蛋包飯”，再加一杯咖啡。此店看似家庭式經營，人手不多；等了十分鐘，由厨師親自捧上咖啡，咦？咖啡色澤有點不同，喝上口，跟“肯得基”的阿拉伯咖啡味道相似，帶點苦澀，但OK❗隨後廚師捧上蛋包飯，賣相有少許問題，1. 為何蛋包飯不是欖形，跟欖形餐碟配合❓2．為何整塊吉列豬扒遮蓋蛋包飯，不作傍邊❓3．為何配菜散放❓扣分❗味道方面，吉列豬扒處理得很好，仍保留肉汁，正❕蛋包飯就差了一點，蛋皮簡單地放在飯面上，沒有把白飯原整包封，有點“偷工”，蛋香未能滲入白飯内，扣大分❗咖喱稍淡，但仍可接受；配菜是後加的，未能與咖喱混和，扣分❕整體上，蛋包飯未達水準。另外價錢稍貴，約$48~50較合理。

繼續食匀#女人街 ‼️👅呢間Momo cafe 主打蛋包飯 另外都有意粉同焗飯🍛佈置比較逼 枱同枱之間冇乜距離感🤔我覺得係塞到幾多人得幾多🤑.#和風鰻魚芝士蛋包飯 $128芝士蛋包做得唔錯😚蛋包住芝士 芝士雖然唔係流心 但係都可以做到拉芝😋芝士餡太流 只係食完有少少滯不過鰻魚冇乜肉 好薄 冇乜脂肪 似星鰻😕明明唔覺有燒過 但個底係有少少燶咗以呢個價錢 失望咗🤑.#日式咖哩吉列豬扒蛋包飯 $74吉列豬扒炸得唔錯既 唔厚粉但係豬扒就唔juicy㗎啦😢乾咗啲咖哩汁比較淡口 適合唔鐘意食濃味既人🤓一個不過不失既咖哩飯🍛.餐廳要收加一 呢個價錢expect有更好既質素🤔.#桃子Cafe旺角通菜街22號地下#蛋包飯#鰻魚飯

就快到新年，太多工作要短時間之內完成，超級忙碌。做到一點幾鐘，太肚餓了，於是和同事走去吃午餐。隨便在旺角通菜街附近找一間餐廳坐下來吃，怎知味道出人意表，尤其是和風鰻魚芝士蛋包飯，食過返尋味！！這間餐廳就是桃子cafe。之前未食過這間餐廳，只是見到門口寫住大大隻隻字 「日式蛋包飯專門店」，於是我就猜想應該食蛋包飯是最好食的。怎知原來真是好好味的。先講這個和風鰻魚芝士蛋包飯的價錢是$108，奉送是日餐湯/ 熱飲。鰻魚好大條，而且好厚肉，分量充足。雞蛋裏面夾雜芝士，正確來說是蛋包飯上面的蛋裏面夾雜着芝士。芝士和蛋的配合好好味，芝士夠香，蛋又軟熟，不老身，加上有一點點燒汁，都未食鰻魚已經覺得好滋味。鰻魚食下去不會覺得好腥，反而覺得有燒汁的配合好惹味。餐廳的燒汁鹹中帶甜，一啖鰻魚一啖飯，還有芝士蛋，食得滿心歡喜。口感和食物質素絕對媲美其他的大餐廳。對於首次食這間餐廳，對於這個和風鰻魚芝士蛋包飯 ，十分滿意！再加上一杯奉送的熱檸水，午餐食得又豐富又飽了。至於同事就叫了一個日式咖喱鯛魚蛋包飯，$88。同樣都是蛋包飯，但他這個蛋包飯是咖喱汁。我試食了幾口，味道都OK。咖喱有咖喱味，但竟然不會辣，看來都

在通菜街中其實隱藏著很多食店，雖然好多食店地方都是比較細比較迫，但喜歡它們較為家庭式，價位較為貼地。桃子café就是其中之一了。餐廳雖然細小，但他們懂得善用每一個空間，令小小的空間都可以容納更多的客人外，客人亦可以坐得舒舒服服。餐廳的牆身除了掛上餐廳主打的菜式圖片外，亦噴上一大個招牌圖案-momo (日本名為桃子)，十分可愛及吸睛。今日星期六都有提供午市套餐，選擇多達廿多款。因為進來餐廳的時候，見到門口寫著日式蛋包飯專門店，所以在午餐牌上有一半都是蛋包飯的，那當然要試一下吧。我點了日式咖哩鯛魚蛋包飯，這個蛋包飯的份量十足，三塊鯛魚塊煎得香脆嫩滑，這個蛋包飯並不是傳統般將蛋皮包著白飯，而是將蛋炒成滑蛋再舖於白飯上，這樣做就可以不像傳統的做法令蛋太過老身，配上帶甜的日式咖哩，咖哩中更加入蔬菜，令整碟咖哩的色彩更為豐富。溫馨提示，餐廳可以免費加飯的，很適合大食的朋友。另外點了一個和風海鮮炒意粉，份量一樣十足，用上日式醬油跟硯肉，蟹柳，蝦，什菇，椰菜，蘿蔔絲及洋蔥絲炒勻，配上紫菜更顯和風style，如果再配上木魚就更好啦! 意粉炒得剛好，不會太淋或太硬，亦不會炒得太油膩。午餐可配湯或飲品，我鍾

蛋包飯的確係招牌，我坐得近廚房，廚師話點樣加新野，有文有路，點解唔睇住班細，控制質素都好重要嗎咖哩不過不失，蛋真係夠厚實，炸豬扒普通，好彩成兜都熱既，男友叫咖哩牛腩蛋包飯，溫度係暖近凍，又叫出聲，之前加餐湯 (粟米湯 ) 唔夠加水唔出奇講緊係free比你，要比錢ga$10比粟米水，係咪有d過份?我穩陣食咖哩飲可樂 (加$10)，男友凍檸茶加$16佢都話ok, 水吧 (我地坐吧枱)放低杯野，我已經問杯野怪怪地，咩茶咁既色，男友一飲都話咩黎，我完全飲唔到有味，又係水黎，咩係cafe，水吧都唔得點叫cafe? 男友又話由佢，茶胆無色點都係無色，我忌唔住同店長講，店長話d糖膠未攪均，係無茶味wow,最後係有換過杯，但係都係難飲既檸茶

<好正既蛋包飯呀>😍🥚旺角通菜街雖然俾好多類似廟街室外既細鋪擋住 其實橫街入面有好多正野 呢間桃子 cafe係其一🙂食店細細間 有長木枱同對牆枱 感覺好日本 feel ,由於係 lunch 去所以 menu上面 有 lunch set主要係意粉同蛋包飯 睇相好吸引😍🍴和風海鮮卡邦尼意粉 62 蚊🦐🦑🍝加蛋包10 蚊🥚首先我覺得自己加蛋包做得好好 因為個樣好靚😍蛋包整得好好 顏色靚夠蛋香 而且唔熟既程度好好 撈意粉食好味 . 意粉好爽口 卡邦尼汁好入味 唔會話好咸 所以同蛋汁好襯🥚而佢既海鮮雖然切到好碎 但落足料 蟹柳 彈牙八爪魚 仲有煙肉 洋葱等 🐷 好有口感 好味 推介🍴日式咖哩漢堡蛋包飯98 蚊 🐂加芝士10 蚊🧀外表好靚既蛋包飯 中間放住漢堡扒 左右有咖喱 軟林薯仔 翠肉瓜 蘿蔔🥕🥔 漢堡扒用左安格斯西冷牛肉 肉味濃 而且佢好有口感 應該係手打😆 而佢既蛋白熟程度剛好 軟熟有蛋味 🥚飯係 用左日本米 十分軟熟 撈埋甜既日本咖哩汁 同蛋一齊食好味 最邪惡係我加左芝士 喺飯同蛋之間🧀 芝士半溶拉絲 味道偏濃 邪惡😈#漢堡 #卡邦尼意粉 #安格斯牛肉 #意粉 #蛋包飯

有次行街經過已經見到桃子cafe，但個時無細看究竟係食咩。今日襯星期六放工就約埋同事行過去，原來係一間日式蛋包飯專門店，索性入埋去Lunch 店舖細小，枱與枱之間距離較近，即刻叫瘦小的同事坐裡面，我坐出面，哈哈！近廚房位置更設有吧枱位。簡單的擺設為店舖增添不少色彩～午餐餐牌總共有兩頁，其中一頁係各式各樣的蛋包飯，另一頁係意粉類、咖喱飯類，最有趣的地方係呢度可以免費加飯😱😱 (當然我地無加飯⋯) 最後決定叫一個飯一個意粉一齊Share ！和風海鮮炒意粉用鰻魚汁煮成，食落甜甜地，配料也相當多，有蟹柳、蜆肉、章魚、磨菇、紅蘿蔔。日式咖哩漢堡蛋包飯夠曬份量，又厚身又大件的漢堡放正中間好突出！入口軟腍，一D都不乾；雞蛋滑口；咖哩汁有點稀，但不影響味道，香濃不辣，撈飯一流！青檸梳打是無糖梳打水，所以飲起來沒什麼味道；而凍柚子蜜青檸梳打味道清新，柚子蜜夠多，甜度剛剛好，好好飲

通菜街的街道上擺滿密麻麻賣不同物品的攤檔，兩邊行人路被攤檔的支架擋住，你必須鑽入狹窄行人路才能看到旁邊林立的食肆。桃子是其中的一間小店。窄窄長長的店舖，設計上盡用地方，牆邊也設一排的單邊位。牆上亦花心思用噴漆噴出可愛的招牌。日式咖喱吉列豬扒蛋包飯，日式咖喱一向唔辣偏甜，此處的咖喱汁偏稀，汁內有紅蘿白、脆肉瓜、薯仔粒等，都炆煮得軟冧入味。吉列豬扒炸皮薄脆，豬扒是穀飼豬，有肉汁且鬆軟。蛋包飯是一大幅蛋皮而上面是未完全凝固的炒滑蛋包住啲飯，但只包住大部分，底部是沒有蛋包住的。蛋味濃又滑，夾埋短身肥脹的米飯和咖喱汁一起吃，口感非常豐富，成碗幾飯通通吃光，咖喱汁很重蔬菜甜味，一啲都唔油膩。粟米忌廉湯，也層稀身的忌廉湯，味道還可以的。

首先餐廳環境方面，裝飾比人感覺可愛別緻，某一邊牆身仲有個大公仔，應該就係專屬呢間cafe嘅公仔。大部分set lunch都係50-60蚊左右，但我同朋友見到和風芝士蛋包飯同日式咖哩漢堡蛋包飯嘅相之後，即使比較貴都決定一試。和風芝士蛋包飯鰻魚同蛋一齊食，配埋番茄汁同鰻魚汁，好香好好味，芝士仲拉到絲，啲飯有微量玉米同番茄粒，可以減低因芝士而黎濟濟地嘅感覺。日式咖哩漢堡蛋包飯漢堡扒唔算好大塊，味道亦屬於普通，就咁食係有牛味，同咖哩一齊食就蓋左牛味，如果鍾意咖哩嘅朋友可能叫豬扒或者魚好啲，價錢亦相對便宜好多。整體黎講，雖然和風芝士蛋包飯都偏向貴，依然覺得值得一試，下次都會再黎，都有興趣想試下其他蛋包飯。

之前賣晒廣告咁都想一試今日終於不經意經過就入去食下一入去問介唔介意吧枱 唔介意 但果個位個冷氣吹到正 即轉位 啲員工真不細心點左個田園溫泉蛋肉醬意:我啲“田園”呢？！我點哩個正因為佢寫田園，成個意粉跟本得蕃茄碎（都唔知有冇），咁就咪鬼叫田園肉醬，叫蕃茄汁肉醬啦講到肉醬，我真係食唔到咩肉醬囉，撈均左之後稀到係水狀又冇味至於溫泉蛋，其實我冇興趣要。另外，點左個咖哩牛腩蛋包飯，飯冇飯香蛋沒一點流心，牛腩韌到呢！至於啲咖喱我相信是來貨的。碟小沙律係最正常，啲菜好彩都係新鮮。最後，一杯熱奶茶，淡到。。不如飲水好過成咁嘅嘢就百幾二百！？唉...唔會再離，係咁

🧀蛋包飯🥚～～～～～～～～～～～～～～～～～～和風叉燒芝士蛋包飯（$60）個蛋夠滑，燒汁唔會太濃，個飯有炒過幾香，芝士量都幾多，如果可以流心更好，蘑菇粒有好多，但叉燒唔算好多。～～～～～～～～～～～～～～～～～～

我超中意食鰻魚 第一次食左一啖就成條唔食 d鰻魚肉實嘅！以前做過廚嘅男朋友話係因為條鰻魚係一早整定 加熱左就上所以口感咁粗糙🤮蛋包飯。。。d米好硬 炒都冇炒過 蛋同飯分開叫蛋包飯？？真係黑人問號！和風鰻魚芝士蛋包飯唯一可讚嘅就係個蛋好滑👍🏻個所謂限量嘅安格斯西冷牛肉整成嘅漢堡扒 一食已經feel到溝左勁多粉 擺明係食粉而唔係食緊牛肉咁🤷🏻‍♀️d咖喱汁超多 漢堡扒又咸 搞到成件事食落好咸🤢炒隻蛋擺係飯上面就叫蛋包飯😂😂？？日式咖喱漢堡蛋包飯唯一可讚嘅就係個蛋好食👍🏻仲有兩個送嘅蘑菇忌廉餐湯冇影到 罐頭湯之無限溝水然後加雞粉😅兩個飯加埋$200幾咁嘅質素開餐廳 在下真心佩服老細嘅勇氣祝你好運！

上網見有人推介所以黎試下。叫左咖哩漢堡扒蛋包飯同叉燒蛋包飯。食落好一般，冇咩特別，但環境係okay既。可惜，個人覺得老闆娘吾太尊重食客。是咁的，我岩岩食完飯，同朋友傾計大約10分鐘，水都未飲完，老闆娘同我地講：你地係咪食完？出面好多人等緊位......我聽完覺得好失望。入座果時冇講話限時，而且我由入座到離開用左一小時都冇......cafe吾係比人食野傾下計？