梅姐水餃

營業中

休息中

星期日晚，只係見到舖頭得零星客人。7點10分落單一碗白菜水餃，隔離枱黎遲過我，落單遲過我，已經上埋菜，先醒起漏左我張單未做，都唔緊要最後等左25分鐘，終於比左碗水餃我，但唔係白菜水餃黎，退番比佢，叫佢換，期間只見佢出其他枱嘅食物，等左15分鐘都未見有，問佢仲要等幾耐，佢話「整緊阿，一碗要煮9分鐘」，仲話我催佢。人地食完走埋，我仲等緊一碗水餃等左45分鐘，仲要睇佢面色。期間仲有其他客投訴蒸餃好硬，係預早蒸完再放保暖爐放到乾曬，但員工一句唔好意思都無，仲覺得自己無問題。呢間野食唔食，自己諗啦

今日到路德圍到食野見成個月都冇去食梅姐水餃，所以今晚特登再食咁佢好多套餐，我揀咗個梅菜扣肉飯+雲吞$70梅菜扣肉飯零分完全係預製菜成個包裝嘅樣都喺個飯上面，即係一個長方形咁樣，就咁由個包裝度唧出嚟咁，扣肉啲份量又少，又薄，你哋可以睇返其他人comments & 相同埋，啲梅菜碎晒，正常你真係蒸出嚟嘅話唔會咁樣㗎嘛，起碼都會一條條，有返梅菜個形狀出黎咁就收咗$70如果下次再食，我會再揀返食水餃算，起碼食落肚個感覺唔似預製

我今日本來係想去食生記大腸米線，但佢平安夜竟然冇開，不小心行咗去路德圍，就試下呢間梅姐水餃，見到都幾多人食應該唔會中伏。好不幸我今日係奶咗嘢，朋友叫咗個咖哩牛肉飯，個樣正正常常，但飯得好少，啲咖哩汁都ok幾好味，牛肉都夠淋，但成碟嘢都唔夠溫度，懷疑佢去保溫做得唔好，咁凍天時食過唔凍唔熱嘅咖哩牛肉飯，真係好唔開心。我叫咗個四寶酸辣麵，就更加中伏，啲麵同湯係淡而無味，啲餸就普普通通正常，完全冇酸同辣嘅味。小食剁椒皮蛋就最正常，但味道都係偏鹹，算啦都冇乜特別要求。可能呢間嘢主打真係水餃，咁啱我又全部都唔係叫水餃，所以就中了大伏。

因為趕時間，所以隨意看一看便坐下來點個麵，就係選了一個饑荒角度的餛飩麵！吃過後百感交雜，先是氣憤、接著是無奈、最後是可笑。 這碗麵的癥結在於啲餛飩，令我憶起幾十年前回中國內地比較偏遠嘅地方，因為當地貧困、生活質素低下，所以餛飩是比較細少，當然餡料都比較少。但估唔到時至今日，喺香港居然有更加細少嘅餛飩，每粒嘅餡料少於尾指指甲（只可以佩服你哋嘅手工，咁細都整到，真係笑死人）即使有8粒但用料少過正常2粒餛飩份量⋯⋯低成本到咁嘅地底級數除咗話你無良之外，汝欲無言！問心，你們感到羞愧、可恥嗎？ 如果遊客嚟到香港， 咁唔好彩去到你哋舖頭，真係影衰香港， 質素仲差過第三世界國家。 再講返味道，湯底都係求求其其，冇乜鮮味、肉味；而個麵又漿埋一團，到底你哋想搞乜？ 餛飩味道就唔好講啦，咁渺小點會食到啲咩味，反而可以試吓入健力士紀錄！

行經荃灣路德圍，好多餐廳都倒閉 ，見到呢間食水餃既餐廳好多人，一於試下先😊睇餐牌先知原來呢度除左食水餃，仲有碟頭飯食，午市仲有套餐包飲品，48蚊都幾抵食😆👍我叫左個梅菜扣肉飯，睇相見到好多料好期待，點知上枱時打左個突，感覺有d似預熱即食餸甘😅梅菜同飯既分量好多，梅菜有少少辣，餸飯食吾錯，但五花腩切到好薄片，肥瘦分明，但因為實在太薄啦，都吾係好食到咩味😅😅最欣賞就係個飯有幾條菜，營養均衡😂下次來都係食水餃🫢

呢晚搞到好嘢先有得食晚餐，行過路德圍見到有間梅姐水餃就入咗去啦。今次叫咗原味鮮肉小餛飩麵，麵係上海麵，小餛飩就有八粒，睇個樣冇乜特別，但係食落真係好好味呀，雖然佢細細粒，但係佢啲皮真係好薄，肉汁又有鮮味👍🏼除咗餛飩湯麵類，佢仲有手工餃類，飯麵類，細細間鋪但好多款食物，我下次要試埋其他👍🏼

經過荃灣路德圍，諗住食個宵夜，見到都幾多人坐。記得之前都有嗌過佢哋嘅煎餃子外賣，印象中係唔錯嘅所以返頭吃。不過水準好似比以前爭啲了，定係我嗌嘅食物呢🤔今次諗住冇咁熱氣，嗌咗普通韭菜餃，粟米豬肉餃，水餃麵，好清淡的味道，算正常發揮吧。不過要講一講嗰個四寶酸辣粉，原來每次四寶都唔一樣的🤔睇落好正常的，但係。。。食落係完全冇味，有少少神奇點樣可以做到顏色到位，但係完全冇味，連辣味都冇🤣🤣最後倒咗好多醋，總算有返啲酸味🤣最後都食晒嘅。

今日去荃灣行山，出發前當然要食飽左先有力行。荃灣出名多好野食，小店又多行行先到呢間水餃店又嘅早開門，就試試佢先。係梅姐水餃點左呢啲野食：韭菜鮮肉小餛飩 $38 放係湯餛飩細細粒有成15粒，味道正常發揮ok 可以點蒸餃（6隻）$35蒸籠上要襯熱食，見餐牌上放得幾大好似好吸引，餡料豬肉、紅蘿蔔絲、香菇，包餃個接法係嘅有手工。炸醬麵 $32簡簡單單一個有肉燥加豉油嘅撈麵，味道黎講小店算係咁～四寶酸辣粉 $45忘記在影相就分左黎食，個粉嘅湯酸味有啲重；認真食酸得怪怪地，但四寶多料有大腸、丸、仲有兩樣唔記得左😅

「梅姐水餃」位於荃灣路德圍地下34號，揸車嘅就推薦泊路德圍咪錶。 呢間水餃啲食物不過不失！ 夜媽媽喺荃灣區想食宵夜又唔食咁飽嘅話可以諗諗！ 今次宵夜嗌咗 👇 花生醬撈拌麵『 都係嗰啲嘢，唔難食，又飽肚！』芫茜鮮肉煎餃『 啲肉夠鮮，芫茜味夠出，推介👍』 揸車出入：👍👍👍帶小朋友：👍食物質素：👍👍環境舒適：👍CP值...😋：👍👍彩蛋：荃灣區宵夜其實好多選擇，求其食少少， 又有得坐低又夠平，可以試試！

梅姐水餃位於路德圍，是一家營業到晚上十二點的小吃店。他們的招牌菜是花生醬拌麵和芫茜鮮肉煎餃湯麵。 花生醬拌麵是一道簡單卻美味的麵食。麵條煮得剛剛好，口感彈牙，配上濃郁的花生醬，風味獨特。花生醬的香濃與麵條的嫩滑相輔相成，讓人回味無窮。 芫茜鮮肉煎餃湯麵也是一道令人滿意的選擇。餃子餡料豐富，口感鮮嫩多汁，外皮酥脆。湯麵清爽可口，配上餃子的香氣，帶來一種獨特的滋味。 梅姐水餃的菜單價格合理，份量足夠。店內環境舒適。無論是用餐還是外帶，都能在晚上十二點前享受到美味的麵食。 總的來說，如果你在路德圍附近尋找一家晚間營業並提供美味水餃的餐廳，梅姐水餃是一個不錯的選擇。

荃灣路過亂入嘅梅姐水餃。滷水手工套小腸，都幾特別，係考手工嘅一款小食。海蠣紫菜酥，幾香口，略嫌比較淡，冇乜調味。入面有蠔仔紫菜仲有豆腐。另外叫咗一碗四寶酸辣粉，有龍蝦丸，貢丸，豬耳，肉碎同埋生菜。由於第一次食我叫咗小辣，下次應該可以叫返正常！酸度係我喜歡嘅。薯粉就係攣個款。豆漿唔甜，幾天然嘅感覺。仲有韭菜鮮肉煎餃10隻！煎得非常好，皮夠薄。都係略嫌餃子餡，冇乜調味。環境幾熱，冷氣唔夠勁。兩個人食咗$221。價錢尚可。

先講一講小弟有甲殼類過敏咁事因係我叫咗個紫菜燜飯，咁碟飯嚟到我食咗一啖發現唔係幾對路就問個啊嬸有冇蝦米或者其他有殼海鮮係到 佢話有蠔仔係入面，我拎個menu嚟望睇吓佢有冇寫住係有甲殼類係入面點知係冇寫，跟住我好聲好氣同佢講我唔食得蠔可以換炸醬面，佢就話我食咗一啖冇得換，同埋不停重複紫菜都係海鮮。喂大佬紫菜就紫菜，飯就飯，我點諗到會有蠔仔係裏面？你叫牛腩麵都唔會有隻蝦係到啦。同埋甲殼類啊，邊度啲紫菜會係甲殼類啊？我都係想換返同價錢既炸醬面，又唔係想換咩貴野。大家嘈咗陣最後佢有換炸醬面俾我，不過都仲要講句唉，嘥晒碟我飯🤷🏻‍♂️唔會再去食，好似俾人歧視咁😪

整體感覺唔差，職員態度可以，辛苦佢一個人睇全場。叫野食順便點左杯凍檸檬茶，結果十分鐘先上杯野飲，得一塊檸檬，眼望下周圍會唔會一樣，有啲厚切三皮，有啲都係薄切三片，點解我得一片，九元正。自問好配合又冇講乜，撘埋枱。。。問左聲可唔可以加多塊，成杯拎走，都唔知係廚房放係邊度，有人問左聲，見條仔個杯係枱底拎，心都打定底。。後來有加多幾塊，點知俾我睇到我原先係第一杯既檸檬仲係度。。衛生有待改善食物方面，以36蚊價錢包餃麵，料量太細，麵以連鎖快餐店都比佢多，以民營來講，性價比好低，如果夜冇野食先至考慮下

一個12點嘅晚上🌃，在荃灣路德圍只得一兩間未閂門，見到座無虛席，諗住執到寶，同店長姨姨講話兩位，回覆：「得番外賣🥡！無堂食喇！」不過後面傳來查問：「七位吖！唔該！」店長姨姨搶住回應：「入呀入呀！」頓時怒火中燒🔥🤬.平熄事件後，大家都靜靜等待⌛️，主打係小雲吞、煎餃🥟，每款叫咗一份，但差唔多半個鐘先至有得食，不過宵夜時間實在太肚餓，真係無辦法，大家可以留意下經營手法🤭.———————————————————————————🥢韮菜鮮肉小雲吞湯麵💬一碗有15粒都幾多，份量搭夠，味道一般，細細粒金魚尾，跟埋碗麵都幾飽🥟.🥢粟米🌽豬肉餃、芫茜鮮肉餃🥟💬煎餃比較香口，尚算多汁，芫茜🌿比較出，粟米🌽餃都有咬口，加埋辣椒醬🌶️，就係咁啦🥟

我本身住係荃灣，之前都見過呢間水餃店，不過以前冇咩人去食，所以我都冇去食過。今晚周圍爆晒棚，見她間野有位，所以去試下。非常失望，難食。叫左招牌蒸餃，滷大腸飯。招牌蒸餃（6隻）從入單到出餐三分鐘。明顯事前蒸定，餃皮硬身，肉餡乾身冇水分。唔熱，相信冇蒸返熱。座係暖櫃到有單直接攞出黎，食左3隻真係啃唔落。滷大腸飯，大腸冇滷香味，味淡，好似滾水加少少底味蒸出黎咁。滷汁太多，好似湯泡飯。不過杯奶茶唔錯。快快食完比錢（89蚊）走人。難食。以後唔會再幫襯