梓沐村

營業中

休息中

自選3餸，$88秘製蕃茄牛腩(另加$8)真係秘製啊，先唔講份量少，啲牛腩其實咪就係牛肋條，凍肉店最平果啲，問題係我食唔到又蕃茄味，就咁似係攞啲醬油去炆煮，另外佢真係唔知點整，啲筋膜部位就冧，但係肉嘅部位就可以硬到不得了，真係好難有地方食到呢啲口感，估計佢係用大火去煮，煲晒啲牛肉味出嚟，然後令到啲肉好柴，係非常之柴，雖然香港大部份人食雞都係覺得要冧軟先好食，但我作為一個喺香港食雞要食有咬口走地雞嘅人，我都覺得佢啲牛肉好硬！仲要加8蚊！招牌腐乳鹽酥雞完全食唔到有腐乳味，我而家打返食評先知原來佢寫話佢舊雞有腐乳味，係可以接受一啲餐廳係預先整熟啲雞，然後客人叫嘅時候先返炸，但佢嘅雞，首先係完塊雞扒去炸熟，然後有客人嘅時候將啲雞斬做一粒粒，再攞去炸，咁冇包住粉嗰啲位咪乾晒囉？係啦，嗰舊雞係完全乾！又冇落鹽酥雞粉嗰啲味。仲有，佢個粉漿係硬到飛起，完全唔知點可以整到咁醬油漬蛋，加12蚊，完全唔值！個飯都好麻麻。。。飲品，加18蚊，正常水準同行食左個吉豬，正常發揮，價錢偏貴！真係行過隔離貓cafe或者餃子仲好！好難得食到台式野係難食㗎，台式野好多都做到正常水準。佩服佢哋嘅廚藝啊！能夠將呢啲煎炸，炆煮嘅

環境店員ok, 訂枱時寫60分鐘，我哋早到咗，問一問是否一定60分鐘，店員友善回答，如果唔多人可以耐少少，叫我哋入座先。食物方面算可接受，但吉列朱扒真啲麻麻，超出想像，飲品唔錯。

-梓沐村-📍荔枝角.梓沐村係Pet friendly 餐廳，空間感好足夠。裝修以木為主，環境好舒服。.同男朋友各點左主食2款＋冷盤1款的套餐，連埋飲品都係$90左右，非常抵食。.冷盤選擇了日式胡麻豆腐，夠清新輕盈。.鍾意食魚的男朋友選擇左比目魚西京燒和鹽燒鯖魚。.比目魚魚肉鮮甜，油脂好香，加埋白味噌的香味，必點推介。.鹽燒鯖魚魚皮夠香脆，加點檸檬汁提味，非常開胃。.招牌腐乳鹽酥雞大大塊，炸至外層香酥，肉質保持細嫩。.飯就選擇左日式醬油蛋拌飯。餐廳使用日本無菌蛋，食得夠安心。蛋黃加埋醬油，味道更突出，拌飯食一流。.熱招牌茉莉奶白好香茉莉花味，加埋牛奶口感很順滑。.忌廉蟹肉餅外層炸粉夠薄，炸到金黃香酥，裡面係好綿滑的忌廉蟹肉。.秘製蕃茄牛腩哩個係必點推介，秘製醬汁好濃好香蕃茄鮮味，牛腩好腍食落肉質好幼細，就連帶筋膜的部分都好易就咬開，送飯一流。.上湯燉菜上湯味道很鮮甜，份量好足。.同樣選擇左日式醬油蛋拌飯，加埋冷盤的溏心蛋，更是滋味。.凍輕芝士岩鹽奶蓋綠茶岩鹽奶蓋綠茶好清新，加埋輕芝士味道唔會好夾。.

🤓 早兩個月發現有間新開親民價錢嘅台日餐廳，有日喺荔枝角做嘢就去食個lunch～ (可能當時仲係新開張關係，唔使排隊~) 🍱 足食之選 - 招牌腐乳鹽酥雞 😋😋😋😋😋鹽酥雞有好多件，五、六件都肥大過小編嘅手指公 👍🏻 炸得乾脆之餘，有腐乳鹹香味，肉質嫩滑，帶少少肉汁，而且好夠熱 ♨️🍱 足食之選 - 鹽燒鯖魚 😋😋😋😋半條鯖魚，魚皮煎得香，鹽落得啱啱好，正常嘅鯖魚肉質 😌 🍵️ 桂圓紅棗八寶茶 (熱) 😋😋😋😋套餐唔包嘢飲，加$8叫咗杯八寶茶 🤩 一望就知非常足料，滿滿嘅紅棗、玫瑰、菊花、杞子…… 有花茶香，微甜 ☺️ 覺得自己好養生 🤪午餐 💵💵 約港幣$80/人💁🏻‍♀️ 「足食之選」套餐仲包括一碗飯——日本珍珠米，煮得粒粒分明，軟熟濕潤 😉 另有漬物同湯，唔叫嘢飲最平$70有找，兼食得好飽！店舖採用QR code自助落單，店員人手唔多～ 地方空間大，另設一範圍畀食客同寵物一齊食嘢 🐶🙆🏻‍♀️ 最後，喜歡嘅話，歡迎follow @foodirectory.hk！

朋友帶我黎呢間餐廳位於一個商場入面既1樓,樓下係戲院我地睇完戲好肚餓就黎左呢度食飯,呢度環境好靚,有好多唔同既擺設,食物有分為為食之選同埋大食之選,呢度既食物全部都可以由客人自選食D咩,我地叫左一份大食之選可以自選三款主食,我地叫左一招牌腐乳鹽酥雞,雞肉好JUICY,但就唔係好有腐乳味道,炸雞大大件,外脆內軟小編推介,另外仲叫左忌廉蟹肉餅2件,蟹肉味好CREAMY,仲有鹽燒鯖魚好香口,日本珍珠米加生蛋拌飯好夾都只係+12蚊就食到,大食之選叫左比目魚西京燒魚呢個肉質超嫩滑鐘意食魚必食推介。呢度仲好歡迎寵物一齊黎既餐廳。

香港寵物友善餐廳真係唔係好多，就算有都俾人投訴，長沙灣麗新商業中心，係寵物友善商場，所以可以名正言順帶狗狗去食嘢，唔使收收埋埋，又唔怕俾人投訴。梓沐村係一間食日台料理嘅餐廳，餐廳分開咗兩邊，一邊係人類用餐，另外一邊係人狗共用餐。 今日我帶埋隻黑妹，一家三口叫咗兩個餐。。。為食之選 招牌腐乳鹽酥雞🐓件件雞都大大粒，腐乳嘅鹹香味夠晒。秘製咖喱牛腩🐮牛腩炆夠哂入味，個汁都好好食。溏心蛋🥚 賣相得，撈埋白飯食，仲得👍🏻飲品🥤招茉莉奶白+仙草🌸茉莉花茶味香，加埋仙草，可以！大食之選上湯燉菜🥬今日嘅菜係娃娃菜，啲菜燉得好腍，入口即溶，正👍🏻忌廉蟹肉餅🦀 外脆內軟，裏面嘅忌廉加蟹肉好juicy 比目魚京燒🐠比目魚魚油香，燒得剛剛好，唔會乾爭爭。飲品🥤係菊花決明子茶飲料十足，夠哂養生🤭

自從養左貓貓後都會到處留意寵物友善餐廳係社交平台見到有人介紹呢間餐廳一於去試一試佢。成間餐廳以木系設計坐位寬敞，真係好適合帶埋寵物一齊去要左兩個為食之選上湯燉菜- 一飲啖湯..點解有咁熟悉嘅味道有啲似婆婆整嘅炆雜菜，上湯有淡淡菇味夠鹹好啱送飯忌廉蟹肉薯餅，夠creamy外脆內軟溏心蛋好夠味，煮得剛剛好招牌腐乳鹽酥雞，食到淡淡嘅腐乳香味雖然上到檯唔係好熱但都仲好脆又唔會話油淋淋仲要有肉汁比目魚西京燒(+20)，真係超鍾意西京燒！好夠味道好嫩滑。開心仔～～😍鰹魚花涼伴茄子又係我另一最愛 - 茄子有咬口，鰹魚味好夠。日式醬油蛋拌飯(+12)使用日本無菌蛋，先試試果蛋黃好濃嘅味霖味。撈埋日本米真係好夾每個餐都配一份漬物。尋日搭左一份柚子蘿蔔漬物食完個餐都忍唔住要食哂個漬物 蛤蜊海帶湯，飲到一陣炭燒鰹魚味但唔會太濃。清清地好飲要左兩杯飲品，招牌茉莉奶白同爆打香水檸檬茶(各＋18)兩款茶味都香！值得一試👍🏻店員黎問下我哋意見又話餐單會定期作出改變咁就唔駛驚大家食到悶正喎！～下次就可以帶埋貓貓一齊黎喇🥰

聽講荔枝角又開多左間寵物友善嘅台式餐廳，我呢個奴才梗係要過去幫我d主子探下路先喇🤭餐廳裝修設計簡約，以木系為主，店員親切有禮，令人感覺放鬆。我地食左：🌟為食之選🌟既set ，$86@Set入面可以自選兩款主菜+冷盤、飯同飲品，仲附送味噌湯同前菜◽️前菜系鹹鹹香香嘅紫菜豆芽◽️主菜✨秘製蕃茄牛腩 ✨ + $8半肥瘦既牛腩炆到好淋之餘仲超級入味，酸甜既蕃茄香同濃郁既牛香完美配合，絕對送飯－流👍🏻✨古早味坑肉 ✨+ $8坑肉肥瘦適中，油而不膩，味道好似偏甜口嘅東坡肉咁☺️✨招牌腐乳鹽酥雞✨用左椒鹽同腐乳調味既鹽酥雞炸到金黃酥脆，皮薄肉嫩，個陣腐乳咸香真係好有風味，令人回味！✨忌廉蟹肉餅兩件✨金黃色既蟹肉餅外層香脆，入面系熱辣辣、會爆出梨既幼滑忌廉◽️冷盤我地都係揀左糖心蛋；晶瑩剔透既糖心蛋系種比較甜口既醬油味，入面既蛋黃仲系理想既膏狀狀態添！◽️飯✨日本醬油蛋拌飯 ✨+ $12醬油蛋系用左日本無菌蛋，味道甘甜，蛋味香濃，用嚟撈飯真係冇得輸◽️飲品✨清爽菠蘿梳打✨+ $22酸酸甜甜的，菠蘿味好重，清爽醒神又開胃✨招牌茉莉奶白✨+ $18優雅既茉莉花茶香清新突出，有埋鮮牛奶既加持仲多左層奶滑感整體既用餐體

以前黎麗新商業中心，都係為咗食壽司郎！估唔到而家呢一個商場嘅一樓開多咗咁多新餐廳！呢一間新開嘅餐廳裝修真係好靚！而且係寵物友善餐廳，可以帶埋我家主人一齊嚟食！呢度嘅套餐價錢都好商議由$68起！而且仲可以飲爆打香水檸檬茶添！作為健身達人，我要增肌減脂！梗係食全雞宴啦！我叫咗$78套餐，可以揀兩個小菜一個冷盤！招牌腐乳鹽酥雞外皮炸得好脆，入面保留肉汁！要慢慢食，小心辣口！慢煮雞胸（溫）雞胸煮得啱啱好，非常嫩滑！而且好大塊，估計我一日嘅蛋白質就足夠啦！日式醬油蛋拌飯用咗日本無菌蛋，蛋液好香蛋味！爆打香水檸檬茶唔使喺出面排隊，都可以飲到爆打檸檬茶真係爽呀！馬鈴薯燉牛肉薯仔如果可以再煮腍啲就好啦！醬燒黑豚腩肉豬腩肉煮得好腍入口即溶！桂圓紅棗八寶茶超多紅棗！養生之選啊！

有朋友介紹呢間喺荔枝角最近新開嘅餐廳，今日經過就決定試下🤤發現佢有唔同set&份量可以選擇，啱晒細食嘅朋友唔會浪費食物🫶🏻$68嘅足食之選除咗可以揀兩樣配菜，仲有昆布湯、溏心蛋、醃蘿蔔附送，性價比真心高！餐廳仲要係寵物友好🐱🐶 當日我地都見到好多好可愛嘅柴柴🤎.Food Ordered: 足食之選 - 單骨芝麻雞翼、醬燒黑豚腩肉 ($68)#hungrykuuu_hongkong #hungrykuuu_laichikok #荔枝角美食 #香港日本美食 #香港好去處 #香港美食 #hkfood #hkgoodwest

我同老公都好鍾意四週圍去唔同嘅地方試新餐廳 長沙灣呢區我哋比較陌生 附近好多工廠區 真係好少嚟今日特登上嚟呢一間寵物友善餐廳 真係好有驚喜 商場好新淨 主打寵物友善 啱曬我同老公 鍾意貓貓狗狗 商場好新淨 好乾淨 地鐵站 好方便 呢一間新開嘅日系嘅台式餐廳 真係好有驚喜 裝修好乾淨 好新 自己落單冇難度 餐牌上面嘅嘢 貴精不貴多 簡易容易明白 點菜又好容易 好方便 而且價錢一啲都唔貴 $100蚊內就食到一餐豐富簡單 高質又健康嘅晚飯 真係好開心 為食之選 (自選兩款主菜 加冷盤)日式麻湖豆腐主菜馬鈴薯燉牛肉 薯仔好淋 好好送飯 牛肉好鮮甜 非常開胃 鹽燒鯖魚亦都係我個人至愛 皮好香 食魚健康又好易送飯 好開胃 日本珍珠米配上黑芝麻 非常健康 飲品 都真係好有驚喜有我近期最愛嘅 爆打香水檸檬茶 加18蚊就飲到 大食之選 (自選三款主菜) 招牌腐乳鹽酥雞 份量有好多 雞肉淡淡肉 非常滿足 秘製蕃茄牛腩 牛肉味好濃鬱 個醬好好餸飯 比目西京燒非常之有驚喜 魚肉好滑流 好香 呢一餐我覺得好健康 好有幸福嘅感覺 鍾意佢嘅idea 寵物友善見 好歡迎啲狗狗 呢度畀人感覺好放鬆 嘢食好好食 令我非常

呢間餐廳初初開嗰陣時，冇咩人幫襯，果時去過一次，嘢食ok,唔貴，之只不過落單時order 2杯品，嚟咗一杯，另一杯遲遲不到，追咗2次，到食埋野都未嚟，樓面兼收銀，完全唔理，最後取消埋單走人，當時係冇乜客，都咁嘅服務態度。近排經過見佢多咗客，次次見都要等客，今日見唔使等，諗住再比多次機會佢，點知又出事，食完埋單，明明用枱號落order同埋單，都收多差唔多$100，行返轉頭問收銀，係上次果位，黑口黑面咁襟收銀機，最後問我扡拎返之前找錢嘅$6，再比返$89我們，完全冇解釋亦冇話唔好意思，好似佢收多咗錢唔關佢事，係我哋錯，收銀員服務很差，之後返到屋企再睇張單，收多咗$6，呢個真係找錢檔，今鋪俾人呃咗$6。

今日同朋友去左麗新商業中心睇戲，見有D時間，就去左搵下嘢食，上一層樓見到呢間梓沐村，見餐牌係食台灣菜，而且叫餐可以選擇多款主食，同朋友一齊食就可以試多D唔同的食物，就決定去呢一間試試。我地分別叫左一個主食2款+冷盤1款同主食3款，TOTAL 有五種食物，好多選擇。冷盤我地叫左糖心蛋，蛋的生熟程度真係啱啱好😍，中間無過老，而且應該醃汁的時間好足夠，成隻蛋都入哂味，必食之選。之後我地試左鹽酥雞，以為咁大舊會炸到又硬又老，點知一咬落去就出乎意外地有肉汁🤩，唔係求求其其炸完就上菜，相信佢地都計好左時間，而且夠味又唔會太濃味粉，食完都唔會話好口渴，呢個都係推介之一。另外我朋友就試左古早味坑肉，睇個肥膏就知道係五花腩，鍾意食肥豬肉的朋友一定好鍾意(例如我朋友😂)，但呢個我就唔敢試啦😜，不過朋友就話D肉好淋，連埋醬汁一齊食好好餸飯，佢直頭話想加飯添🤣不過佢話D紅蘿蔔可以再煮淋D就仲好，但本人試左另外一舊，我就鍾意爽口啦，各有喜好啦！最後想講下個黑豚肉，唔好睇佢兩塊好似好普通咁，（我因為香味咬左一啖，其餘畀哂朋友食😝）估唔到肥肉入口即溶之餘又有煙燻的香味，呢樣又真係有驚喜。仲有兩杯台式飲品，佢地明知大

我們一行2人，約朋友食lunch,朋友講近公司放便取位，由於第一次食，無book位，lunch2個人都等了10-15分鐘才有位。我們分別叫了兩個主食兩款：招牌腐乳鹽酥雞+馬鈴薯燉牛肉，另一個叫鹽燒鯖魚+單骨芝麻雞翼；我們交換餸黎食，鹽酥雞味道OK，份量都ok,馬鈴薯燉牛肉，我無食，朋友講無乜特別；單骨芝麻雞翼，味道都ok,由於係單骨，所以方便食，最後鹽燒鯖魚，這個比想像中油同埋有啲腥，加咗啲檸檬汁會好少少。這個餐跟一個鹽味蛤蜊湯，湯的味道不會太喊，都ok。服務方面：職員在排隊等位時會跟客人講好快有位，同埋會叫客人先考慮食乜嘢，然後有位一掃抬號就會好快有得食，我覺得都幾聰明同細心，等客人入座後不用再等好耐就有食物。食物方面：不過不失、賣相不錯同價錢合理不妨一試。

♡每一篇都係很用心寫的食評♡⑅◡̈*！！✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍荔枝角區：梓沐村✿👧🏻同朋友翻教會前諗住搵個地方食下飯、傾下計😍尼間餐廳好似開咗冇耐～✿✨！！菜式推介！！✨🍱大食之選 $128佢配咗一個冷食同埋兩個熱食～我哋叫咗涼拌手撕雞🐥微辣幾好食～仲叫咗馬鈴薯燉牛肉🤍甜甜地熱熱幾好食🍱為食之選 $136呢個會配三個熱食🫶🏻🫶🏻我哋叫咗西京燒～份量都幾大條古早味坑肉都幾推介！！✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡✨小編食評✨👧🏻： 餐廳環境幾好幾寧靜幾啱傾偈😍✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍餐廳評分：味道：💗💗💗價錢：💗💗💗地點方便：💗💗💗餐廳服務：💗💗💗餐廳整潔：💗💗💗💗CP值：💰💰 💰 回頭率：65%✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡地址📍 梓沐村 梓沐村 (荔枝角)荔枝角長沙灣道680號麗新商業中心1樓105A-B號舖✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡👧🏻我係一個成日周圍食嘢嘅女仔，希望可以分享更加多好食嘅嘢俾大家！😋💗✨#852foodie #hkfoodie #hkfood #hkf