梧桐館 (已結業)

這間店完全讓我感受到呢度嘅受歡迎程度😳星期六19:00到達 牛腩、豬手、魚皮、原條魚片已經賣完了😫原本還以為餐廳位於不起眼位置 應該不會太多人什麼知道還要得位 不過沒事 好東西是值得等待的❣️淨紫菜四寶四寶有墨魚丸、魚蛋、魚皮餃、魚片呢度最出名係魚蛋同魚片 呢碗正正可以品嘗兩款招牌菜兩款都魚味濃郁 咬落口感比較鬆軟 不會是加了很多粉嘅感覺 魚味濃郁 魚片外層炸過 更加香口 魚皮餃比坊間的的骰表皮煙煙韌韌 餡料帶木魚香氣 墨魚丸彈牙 加入少少香蔥❣️炸醬撈麵兒時回憶返晒嚟 細過真係好鍾意食呢款橙色嘅炸醬麵酸酸甜甜又辣辣哋好開胃 仲有啲肉絲同榨菜 口感滿分而家已經唔係間間粉麵店食到喇❣️淨水餃水餃超級巨型 勁飽滿 有木耳、筍絲、鮮蝦、豬肉食落好香口 口感豐富 打邊爐一定會嚟買生料返屋企食❣️薑蔥鵝腸撈麵新鮮嘅鵝腸帶有少少肥膏 煮到恰到好處 唔會韌配埋少少熟油爆過嘅薑蔥食 勁美味

梧桐館😘😘😘新裝港式麵館堅尼地城北街、新裝修黑框透明摺閘、西式款、透光寬敞感、簡約舒服！✨柱侯牛筋腩（大）$100牛腩炆得好腍好入味、陣陣清香牛味撲鼻、肉質軟綿綿、入口溶化、皮帶煙靭有嚼口、舔舔脷👅⋯🐂牛筋含大量膠原蛋白、炆至入味、口感爽脆彈牙、不油膩、好似啫喱、有嚼口、柱候汁好惹味、連汁都想飲埋😁✨京都炸醬麵撈粗$55豬肉切幼條、醃製、略炸後、用豆瓣醬和茄醬打芡、加少許醋，令鮮味提升，酸味卻不會喧賓奪主，把拌勻的醬汁跟肉絲炒拌，淋上已滾灼好的蛋麵上、醬汁微甜酸帶點微辣、開胃惹味，肉條軟滑有嚼口、顏色鮮艷奪目、🈵️🈵️披上金黃蛋麵條上、麵條爽口彈牙、色、香、味俱全！✨紫菜魚四寶河粉$54（魚蛋、魚片、墨魚丸、魚餃）手打魚旦、彈牙爽口、鮮魚味、夠爽滑魚片、外皮金黃、肉質軟綿綿、溶化口腔墨魚丸、質感豐富、咬一口、煙靱彈牙魚餃、外皮用魚肉、粉搓成的魚皮、再包裏魚膠、口感超煙靱唔少🉐️主角紫菜、豐富鐵同鈣、清甜、大🈵️足、舔舔脷👅✨雲吞水餃淨食$44雲吞、薄薄雲吞皮包裹🈵️🈵️餡料、蝦夠爽脆🦐水餃、餡料飽🈵️、荀絲、雲耳𢇁爽脆、鮮甜味、蘸點自家辣椒油、夠惹味✨新鮮油菜$20新鮮嫩綠、上湯滾、清香腍甜、伴蠔油

同朋友一齊諗住簡簡單單食個港式魚蛋雲吞麵晚餐🤣$60「古法秘製豬手（淨食）（小份）」：豬手一共有四件，炆煮得好腍，好味🤣$50「古法水餃🥟撈麵，加 $8 加 紫菜」：麵係幼麵，幾彈牙🤣；水餃🥟大大隻，裏邊有鮮蝦仁、豬肉、仲有脆脆哋嘅木耳，落足材料，好味😋$39「淨古法雲吞」：食到有鮮蝦仁，好味😋$20「新鮮油菜」：叫咗2碟，一碟係菜心一碟係芥蘭，2種蔬菜都灼到軟腍腍😋$10「大紅袍」：凍冰冰👍

今日同男朋友去堅尼地城拍拖睇海景飲咖啡，無意中行過呢間粉麵店，入去之前其實我哋都係OpenRice睇過好多嘅評論，但當時真係好肚餓，所以都決定抱住中伏嘅心態入去試一試，我同男朋友每人嗌咗一碗，紫菜四寶同埋紫菜三味，仲嗌咗佢哋舖頭嘅招牌炸魚片，炸魚片食落好特別，啲魚肉好滑同出邊食嘅炸魚片唔同😍點少少辣椒油已經好辣。😫其實喺出邊食粉麵嘅舖頭，一係就好迫，一係就好細，一係就好污糟，呢間梧桐館聽隔離街坊講開咗唔係好耐，環境衛生都尚算可以。仲有一點嘅係我見OpenRice好多人話啲員工服務態度唔好粗聲粗氣，反而我覺得佢哋嘅服務態度幾好，都唔係評論所講服務態度差，啲員工都好熱情，我哋買單走嘅時候，收銀哥哥見我哋枱面都仲食剩豬手同埋牛筋腩，都問我哋要唔要個盒打包拎走，因為我哋住九龍區，所以都唔想拎住返去，所以就冇打包，成個過程我覺得服務態度冇問題，嘢食都冇問題，下次會再嚟，真心推介！😜

細個時老豆成日帶過我去食佐敦嘅夏銘記✌🏻因為佢超鍾意食魚蛋粉，久而久之我都變咗個魚蛋妹😍😍今日去開堅尼地城先知原來夏銘記有間分店叫做梧桐館！所以特登嚟試下😘睇下食唔食得番細個回憶中嘅味道🥹🥹🥹 本身睇食評真係少少驚話d侍應態度服務好差 不過為咗食好野我都好堅持要去🤣🤣🤣好在黎到我又無呢種感覺反而小店有種溫馨嘅feel 我哋三個人叫左最出名嘅魚三味一碗就有齊魚蛋、墨魚丸加魚皮餃超豐富😆😆😆😆同埋我想講呢到嘅魚蛋真係同其他地方超唔同㗎，因為食落去個種感覺係好真材實料咁正嘅手打魚蛋香港真係好難搵到，佢個口感唔係彈牙果種，係好獨特嘅咬口😋好軟滑超鮮超有魚香！好鐘意❤️❤️❤️另外我男朋友勁讚個墨魚丸，因為裏面加咗芹菜粒同肥豬肉粒，所以食起嚟呢係特別爽脆特別香！ 佢係咁叫我買d返屋企煮面🤣之後仲有魚皮餃😚佢個外皮呢係加咗鯪魚肉落麵粉一齊壓成 配埋佢哋自家製嘅餡料 好香油脂好有咬口 超正！另外魚三味個湯頭係好鮮甜，正宗潮州魚骨湯又濃郁又鮮～但呢度最出色嘅，係佢個原條鮮炸黃金魚片！🫶🏻🫶🏻🫶🏻佢一炸起嘅時候成條肥嘟嘟仲要厚切嫁oh my god食落去真係超Juicy出邊炸到好香脆 裡面係香滑彈牙我可以夠

食物已經每況越下，服務直情係趕客！落單唔會行埋嚟枱，大嗌問食咩！加單都黑口黑面，覺得你做咁咩唔一早嗌埋 （間鋪當時係無乜客）！以前既大地魚湯已經變到清水湯咁, 魚旦亦無味, 無下次!

港式粉麵舖周圍都有，但唔係間間都做得出色，食過唔少粉麵舖，梧桐館算係數一數二做得比較出色，係現場見到每一粒雲吞都係師傅手工製作，用心製作每一粒雲吞，雲吞食落份量十足，仲嗌咗白灼鵝腸鵝腸同埋魚片頭，魚片頭係梧桐館嘅招牌特色菜，推薦雲吞河或者魚片頭。另外仲有古法秘製豬手，配上秘製嘅醬汁同豬手融合埋一齊，食完一碟都仲再買多一碟，去到你會見到Menu其實唔係話好多嘢食，但係Menu上面嘅每一樣嘢食，即使係一碟芥蘭或者菜心，食落口，你總會覺得同其他粉麵舖係完全唔同。我相信梧桐館係西環街坊同遊客至愛粉面舖。

原本賣點係有兩款湯底，魚湯或者雲昋麵傳統大地魚湯，平時都會揀要大地魚湯底好味好多，但今日食已經話無大地魚湯底，真係失望，我覺得佢最有水準算係大雲吞麵湯底，點知已經無咗呢個賣點，算吧啦！

水上人執笠之後，西環尾只係得返南記依啲連鎖店，睇網上知道西環尾有間出名嘅粉麵店，所以上年十一月夜晚第一次來試食，叫咗碗紫菜四寶河，墨魚丸同貢丸都有驚喜，同平時食開嗰啲真係有分別，你食過一次就會明白。隔離嗰位大叔叫咗碟鵝腸撈，我唔係咁識得欣賞內臟，但見到佢食得咁滋味，我諗有機會我都會食一次。今日來食下午茶，再上OpenRice睇食評見到有唔少差評，主要係講冇服務，我今日一坐低樓面立即遞杯水俾我，令我大感詫異，可能係前人feng得佢多，間店舖有所改善，收銀阿姐都有講多謝，希望keep到服務水準。今次食碗牛腩麵，其實都幾冒險，因為鹼水做得唔好就好大浸味，我平時一定會叫牛腩河。除咗第一啖聞到有鹼水之後食落去，麵身好脆同冇鹼水味，牛筋多個牛腩，牛筋係一整條脆的，牛腩份量就比較少同鞋冇乜特別，整體而言成碗麵份量都算少。西環街坊來講都可以食多次。兩次來食都覺得啲食客好似都係喺區外人入嚟食，冇乜後生仔。當係支持吓啲傳統食物，唔想日日食米線，又食唔慣啲螺絲粉。食完都有少少口渴，返屋企前買咗杯飲品。

其實呢間舖頭我嚟過幾次 , 起初 覺得服務態度好好食物質素一流 , 所以今日特登放中午飯過嚟食 , 大失所望 , 唔知係咪樓面嘅人唔同 所以質素就唔同晒 , 想要一杯熱水 , 佢叫我買樽裝 , 叫咗一碗魚片牛筋米 俾錢嘅時候發現魚片$12 最驚奇嘅係我食嘅時候得三片魚片 魚片仲薄過一張紙 最可惜唔記得影相 因為冇諗過佢收我$12 老實講，食咗$150 要一杯熱水 , 去任何一間餐室佢都俾你 , 佢冇杯嘅原因 , 一個字懶同埋唔生 , 我好後悔今日嚟 , 其實 西環好多選擇 揀佢唔使囉 !

我食左幾次，牛丸係好食真心，魚蛋都係真魚肉無乜粉但就無乜咬口，辣椒油香，堂食仲可以落花椒油。佢手機落單menu同出面貼海報都話賣辣椒油，手機落單menu都有生料撳。我落左生料、辣椒油同碗堂食粉，跟住成班人係度大大聲話我地無得賣架，邊有咁平架，70蚊12粒邊有咁平架，講完一大輪，行過黎同我講辣椒油無貨，牛丸要100蚊12粒，真係笑出黎，你哋準備好先開舖啦不如，咁樣做生意，真係不知所謂，啲嘢更好食都無哂心情食。

趁今日放假去試間新開既粉麵店，可能有幾日長假期，加上係夏銘記既班底，我大約2:30pm到都要排隊唷！我前面有大約15人排緊隊，等左大約20-30分鐘先到我地兩位。.地方細、座位迫，落單有啲混亂，可能樓面叔叔唔係太熟手，我以為齋叫叔叔落單，點知叔叔先俾張有QR code既單我地，咁樣攪下攪下就用左5-10分鐘黎落單。.我地叫左一碗雲吞麵同一碗魚旦魚片頭河。.雲吞麵細細碗，雲吞細細粒，印象中有五粒左右，雲吞皮薄餡夠，餡料足又鮮，湯底好味夠鮮甜，略嫌麵身幼較冧。我個人比較鐘意爽口，整體黎講唔錯。.魚旦魚片頭河屬一般，魚旦魚片頭有魚味但唔係彈牙既。比較下魚旦魚片頭河會飽肚啲，但味道一般，雲吞麵細碗但味道唔錯。注意既係地方較細較迫，食完即走人。飲品方面，只有汽水供應。.

晏晝同同事嚟咗呢間面鋪食晏，餐廳面積唔算好大，只係大約放咗六張枱。Peak hour時可能要等一等。雖然賣嘅係傳統粉麵，但就係一間新式裝修嘅舖頭，好有一啲新舊交融嘅感覺。我點咗一碗牛筋腩麵，跟同欖都炆得冧，唔會鞋颯颯。湯底加咗腩汁就更加入味，畀一般嘅粉麵舖都做得出色。至於同事就嗌咗個鵝腸撈粗，佢就話鵝腸爽脆，不過就略驗唔係好夠味。另外我哋都仲叫咗一碗淨雲吞，呢碗雲吞正正常常不過不失。整體嚟講呢間新派粉麵舖唔會太令你失望

少嚟堅尼地城經過見到好似幾好味就入嚟食大家千祈唔好嚟，好後悔🤦🏻‍♀️侍應落單不分先後次序先的嚟無野食，後的嚟就有野食🤷🏻‍♀️有客人等咗勁耐最後唔食走左中途送餐無啦啦問我哋係咪自己調咗位，十萬個黑人問號最後發現自己睇錯枱號🤷🏻‍♀️餐廳所有炸物都無🤷🏻‍♀️得返炸魚片頭，仲要係$10一粒我地都叫左想試下點知係無特別😅炸得多油仲貴過夜繽紛$20四粒燒賣餐廳連最基本的辣椒油都無曬🤷🏻‍♀️

試下新嘢，地方比較細，同埋比較唔就腳，因為㼀時間係下午3點幾，所以無咩人，可以慢慢食。。叫佐薑葱撈麵，加佐花椒油，味道不錯，份量略小，但尚算滿意。。再叫佐魚蛋魚鮫麵，魚蛋好食，好彈牙，味道係中上，魚片有點淋身，可能未必啱個個人口味，麵屬爽身，要淋麵，最好講定聲。。再叫佐炸魚角，好食，好食，好食，有魚味，無油炸味，上佳之作，價錢都係。。總括價錢，屬貴價，但一分錢一分貨嘅，要食靚魚蛋，俾多啲錢都抵嘅。。