梨泰院 (愉景新城) (已結業)

帶住勁渴望嘅味蕾，我行咗進去梨泰院嘅門檻，準備大快朵頤一番。嘿，店入面嗄嗄撈，香味四溢，真係叫人嘩樂。頭先一過，碟碟精緻嘅小菜就嚟到，免費加嘅架。個泡菜酸辣得嚟又唔嗌辣，流啖口水😋 開胃到不得了。再嚟個黑豆哋，甜甜地又帶啲咸香，啖啖惹味。功夫唔負有心人，主菜無骨香蒜蜜糖雞，真係啖啖肉，皮脆肉嫩，蒜香蜜甜，嘴啫嘢就係此乎！架啦，啲肉汁咬落去嘅時候噴出嚟👍🏻，呢個味道，食咗重溫都記得噏。辣海鮮豆腐湯嘅話，滾熱辣辣，啖啖海味，個豆腐滑潤，好食到額頭冒汗。烤牛肉紫菜包飯就有少少遜色，我試過嘅好，咁啱今次啲飯係種乎身，但牛肉香口，重點係肉味鮮～唔係好啱我口味，不過個人點法唔一樣，總會有畀定啲咋嘅。最後，落幕大吉就係俾個開心嘅心情點睛。個心情，就似食完梨泰院嚟嘅舒暢，你都嚟試下啦！🥳🍴

我十月中去了光顧此餐廳, 原因之一是因為Openrice 標示此餐廳可以用Openrice Pay 結賬, 我還因此吃多點, 以求達到領取Openrice Pay 的優惠門檻，誰知结賬時, 餐廳不接受使用Openrice Pay, 我再看清餐廳門口, 亦沒展示Openrice Pay logo。事後向Openrice 反映, 獲回覆已聯絡餐廳負責人, 會重新教導前線員工使用。

如果我住得近啲一定會經常去食，裝修好特別，員工服務都好好，餐廳客人亦都好多，所以安排唔到我坐舒服啲嘅位置，我同朋友被安排坐一張勁細嘅枱，嘢食都擺得好迫，但味道真係好。

叫左5xx外賣。袋鼠送。呢餐叫左4樣野炸雞 ，烤牛肉， 飯卷 ，年糕。。我就唔識分呢d係未解凍的雞， 定係未夠熟的雞。不過肉又真係反光透亮，有肌里紋$190 細細份牛肉， 菜係清爽新鮮， 感覺似沒有經過高溫處理。然後牛又夠熟。不過除左貴dd都無投訴既。反正墊底吸油用。😮‍💨我為左黃色蘿蔔先叫佢㗎， 但係黎到無左。 呢份$90…..90$ 一合的年糕。認真數過得7條年糕！3個人每人3條都無…..成餐飯， 好唔好味都唔係重點。食完可以係其他店再叫多餐消夜。😓 不可一， 不可再的一餐。

好想食炸雞，所以食lunch set都嗌碟炸雞食吓。點咗$188半半炸雞，點知嚟到以為自己叫咗小食😅全碟都係雞翼同雞鎚。好想食炸雞呀😫唔知叫無骨係唔係會好啲店內好靜，但店員收枱bing bing bang bang。少啲心血都俾佢嚇死其實食物都ok，lunch都好大碟，抵食嘅，味道都可以。但真係對碟炸雞好失望。估唔到人生第一次寫食評會係因為一碟炸雞。應該唔會再幫襯喇🥺之前幫襯過晚市，冇叫過炸雞。諗住帶家人嚟食吓，誰知讓人失望。

好耐冇食韓國野，見評語唔錯又有位，就揀佢啦。香蔥海鮮煎餅粉漿比較厚，材料唔足夠，得幾舊魷魚，好似食粉餅咁。一睇已經覺得煎得唔平均，唔夠金黃，入口唔脆，口感唔得半半炸雞揀左香蒜蜂蜜同甜辣味，每種口味8件雞。一上枱，我地都呆左。炸雞定炸雞翼呀。平時韓式炸雞都係原隻雞，有唔同嘅雞部分，但今次竟然係全碟雞翼同雞膇，真係估佢唔到，好失望。雖然個醬汁味唔錯，但我唔係諗住食雞翼only㗎，咁都唔算係韓式炸雞啦牛肉石頭鍋拌飯飯太濕了，食唔到石頭飯嘅乾身同脆口。白桃荔枝梳打似乎係唯一唔錯嘅飲品對呢餐非常失望，完全唔係韓國口味

人生第一次寫食譜，並唔係因為超好食，係難食到要記底，作為一個慘痛既記憶。講下叫左乜嘢食先，有半半炸雞，一半香蒜蜜糖，一半甜辣，都大路野，應該穩陣，點知😓。甜辣味個醬好似溝左水禁，得好少甜味，辣味就完全感覺唔到。香蒜蜜糖都係，完全無蒜味，連聞到聞唔到。炸雞好似烤雞，無趣卜卜，連好鍾意食炸雞既小朋友，都只係食左兩舊，之後全程無惦過。有兩個主食，一個辣海鮮湯麵，一個牛肉拌飯。牛肉拌飯我就真係無食過，但係當我幫小朋友整呢個拌飯既時候，果陣雪藏牛肉味都幾勁，不過小朋友食左三分一，就當佢無太大問題，因為我哋無放拌飯醬，所以可能啲味又會唔同。點解無食牛肉拌飯，就係因間呢個海鮮辣湯麵，咸到我呆左，咸到俾唔到反應，食咗幾條麵，飲左成杯水，食咗幾舊炸雞白蘿蔔之後清清個口，俾多次機會佢，再試多啖，真係唔得。自問都係重口味，食嘢都食開多醬、濃味，但係呢個真係頂唔住。平時個男人做開執手尾，佢盡力都食唔到三分一。我有話要同侍應講，叫佢同番廚房反映，男人話算啦，費事煩🙄。我哋仲有叫到一個醃生蠔餐，呢個有一兜沙律菜，一兜辣醬拌生蠔，一個紫菜飯，一個大醬豆腐湯，平心而論，$138係平，只係味道…。首先白飯係正常，辣醬生

同朋友想食韓食，即時搜尋到呢間覺得啲食物相都幾吸引🤩兩個人食平日lunch時間，平日嚟講都算幾多人，但位同位之間空間都算幾足夠，坐得舒服，侍應服務都幾周到，我同朋友分別叫咗「炒粉絲」味道剛好料充足同無骨炸雞，最好嘅係叫無骨都唔使加錢炸得好脆，啲汁勁好味呢兩杯嘢飲都超級好飲甜品賣相OK不過就一般總括嚟講坐得舒服，食物美味，雖然店面好明顯不夠人手，但員工服務態度親切友善，用餐舒適愉快，最推介氣飲品同無骨雞翼，真心讚👍🏻👍🏻👍🏻👍🏻👍🏻

見咁多好評，諗住試吓，點知中伏外面有poster寫住牛肩肉半價用QR code落單，見到show原價，於是叫個侍應過嚟問清楚個男侍應話：你陣間出去比錢時個收銀會幫你減返於是我哋就安心繼續點餐點咗人參雞湯同牛肩肉，另外加個白飯個人參雞湯算足料但份量偏少以$1xx嚟講絕對唔平到個牛肩肉又係無特別好彩叫做半價咗如果正價$219簡直係離譜去到比錢，個女侍應話由於張單扣除加一之後未夠$200所以無得半價我見到個app既total明明show住$375如何唔夠$200呢？再者，我哋落單既時候明明問咗個侍應都無特別講明係要夠幾多錢先有半價個女侍應嘅態度亦好經典「我哋無客人會咁樣質問」「總之我哋公司規定」仲要面口衰到冇朋友食咗都背脊骨落！我一定唔會幫襯第二次希望佢哋快啲收檔

愉景新城一到晚飯時間就好多人，我地同時間拎咗兩間餐廳嘅飛仔 ，睇下邊間有位就入邊間，最後當然呢間最快入座 ～ 我地一共6人叫左個梨泰院套餐，好多唔同款野食，份量挺大份。太陽芝士雞鍋極邪惡，炸雞有4款味，炸到好脆身但粉感偏重，芝士味比原味好食 。 海鮮豆腐辣湯有蝦、豆腐、翠肉瓜、金菇、洋蔥粒等等，對我嚟講好辣呢🥵 玫瑰醬炒年糕入口煙韌但完全無味。泡菜煎餅口感似茶樓嘅薄餐，微辣，唔食得辣都可接受。除左玫瑰醬炒年糕同傳統糖餅之外，其餘整體都唔錯，我最鐘意泡菜煎餅同安東燉脊骨薯仔鍋❤️平時同屋企人少食韓國菜，挺有新鮮感。✨️梨泰院套餐✨️太陽芝士雞鍋韓國直送醃海鮮拼盤玫瑰醬炒年糕泡菜煎餅🌶元祖豬手海鮮豆腐辣湯🌶烤牛肉石鍋拌飯傳統糖餅另外在餐牌見到安東燉脊骨薯仔鍋做緊storellet會員價優惠，我就叫埋佢！估唔到咁大鍋，件件都好大舊啖啖肉，燉到完全軟嫰，輕輕一咬就骨肉分離，湯汁甜甜地，同附送嘅烏冬好夾，裡面亦有薯仔、金菇等配菜！

心思思想食韓國嘢，於是就嚟到愉景新城嘅梨泰院。一坐低，店員已經提供各種小菜，包括泡菜、芽菜、黑豆、魚糕、醃蘿蔔同埋醃青瓜。小菜數量多，滿足我樣樣都想試下嘅心態😝1️⃣今次我同朋友叫咗無骨香蒜蜜糖炸雞，雞件皮薄香脆，肉質嫩滑，十分多汁，唔知大家有無好似我咁覺得，蜜糖同🐔翼真係好夾😻十分推薦。2️⃣另外都叫左辣海鮮豆腐湯，由豆腐、大蝦煮成，材料勁多，湯底微辣，鮮味十足。岩曬食到小辣嘅人😌3️⃣烤牛肉紫菜包飯，呢個略嫌飯太濕，雖然大大份，但味道我覺得一般🥲消費價錢：每人150結論：可以繼續光顧餐廳名稱：梨泰院 (愉景新城) (荃灣)餐廳地址：荃灣青山公路荃灣段398號愉景新城地下1019號舖

好耐冇食過一餐咁難吃嘅韓國菜，叫咗海鮮豆腐湯，牛肉石鍋飯，炸魷魚….. 難吃，湯好淡冇味得個辣，飯啲牛肉竟然係免治牛，炸魷魚唔脆，總之永冇下次！唔使錢都浪費我一餐！！

因為突然想食甜辣炸雞，而朋友不能食辣，所以外賣了一份有骨的半半炸雞（原味+甜辣）我想食既係韓國炸雞，既係有雞胸、雞背等等部位，點知返到屋企打開，全部都係雞翼同鎚😮‍💨😮‍💨大概每款味各有10件左右🔸原味🔸外皮只食到脆粉味，無任何調味料，肉質多汁滑嫩，但肉既調味似茶餐廳炸雞翼，不過不失😋🔹甜辣味🔹肉既調味同原味一樣，而醬汁偏甜，較杰身，唔算辣，小朋友都可以食到😂送既蘿蔔冷盤小食因為放左係炸雞入面變得好熱，第一啖入口好怪，攤返凍食就正常返總味💭味道尚可，如果突然好想食韓國炸雞，而附近唔多選擇都可以一試♥️

招牌韓式生菜包豬肉:豬肉切片軟嫩滑爽，味道偏淡，而泡菜則酸辣爽口，兩種食材搭配在一起，彌補了各自味道上的缺陷，可謂是絕配。生菜的清爽口感和豬肉的香味完美結合，讓人吃起來非常開胃口感豐富。配上特製的韓式調料，味道更加鮮美，讓人忍不住一口接一口。韓式海鮮湯麵:一道非常清爽的美食。選用了新鮮的海鮮和蔬菜。蝦，鮮魷， 蜆肉質鮮美，配上口感豐富的蔬菜絲和翠玉瓜。湯底清淡不失鮮美，喝起來非常舒服。麵的口感獨特，有一定的嚼勁，而且不會過於軟爛，味道非常協調，海鮮和蔬菜的味道相互融合，讓人吃起來非常開胃，適合在炎炎夏日里享用。

平時吃港式下午茶多，今日來這店吃韓式下午茶，我們兩人每人選一款。韓式雜菜炒粉絲，另加10元有牛肉。粉絲內的配菜有蘿蔔，椰菜，蔥，全部切成幼條狀，混和粉絲吃增添口感，不過牛肉有點韌。問待應取了韓式辣醬醮粉絲吃更好味。滋味三重奏，有三款食品，原味紫菜包飯、炸紫菜卷、炒年糕。炒年糕的辣醬好味，不過年糕較硬身，在年糕下面又有幾片魚糕，魚糕軟身易吃。炸紫菜卷，咬下去仍是熱騰騰的，外層脆口，內層軟糯，面層有醬汁，增添食味。紫菜包飯，食材顏色豐富，飯的質感軟硬適中，灑上白芝麻，增加香味。兩杯飲品分別是熱柚子茶及熱紅棗茶，味道十分韓式，不會太甜。