棋哥燒鵝 (已結業)

晚市沒堂食，就簡單買燒味飯飯盒回家開餐。棋哥外賣自取有優惠，啱晒我心水。燒鵝拼乳豬飯呢度嘅燒鵝好香好特別，食落有一股煙燻的味道。雖然飯盒焗住一段時間，燒鵝皮已不怎麼脆，但煙燻的幽香加上鵝的油香，實在是令人難以抗拒。有質感咬口的鵝肉，沾上酸梅醬，好好味。另外，乳豬亦好邪惡，有3層滋味。乳豬皮卜卜脆，然後一層肥美的肥膏加上一層嫩肉，沾上乳豬醬，滋味無窮。叉燒飯不要看叉燒的顏色好像比較淡，它真的好好吃......我喜歡肉質較淋的叉燒，但又怕太肥全是肥膏。這盒叉燒飯的叉燒完全符合我的要求，肉質鬆軟，肥瘦適中。最緊要是叉燒汁很好撈飯，甜甜咸咸的，不知不覺已吃掉很多飯。值得一提的是，這飯的米飯質素不錯，軟熟有油香，不像一些劣質飯盒的米飯又硬又散。

晚上六時後不得堂食的政令一日未除，買外賣回家吃的日子只會愈來愈多，而這一天，我吃的外賣，就第一次是燒臘飯，幫襯的則是以燒鵝為主要賣點的「棋哥燒鵝」。買了兩個燒臘飯，一個是「棋哥燒鵝飯」（$53），另一個則是「腩仔油雞雙拼飯」（$53）。本來除了燒鵝飯外，我還想買「化皮乳豬飯」（$58）的，想不到我只不過是晚上六時許來到吧了，乳豬竟已沒有，唯有以燒味雙拼代替，也許這正是政府的「德政」，連午市都不許堂食，只可外賣的效應吧！三款燒臘中，燒鵝不愧是招牌菜，質素最好，特別是這次幸運地師傅斬的是髀位，肉最嫩，也最好味，七分瘦三分肥的燒腩次之，肉不太多的油雞再次之。至於例湯，味道不錯的「沙參玉竹佛手瓜煲唐排」只需在購買外賣飯盒時另加 $3便可喝到，經濟實惠。不過這天的白飯煮得較硬，就不太適合我的口胃。每隔數天便要買外賣吃的日子，不知道還要延續到幾時呢？多謝政府！

有時好多frd都話唔知邊間燒鵝好食 經過棋哥燒鵝果陣都話想試下 今次經過舖頭既時間 的起心肝去咗買嚟試下🤪 去到舖頭都幾多人排緊隊 個個都係買燒鵝 勁受歡迎咁 我就揀左半隻燒鵝外賣翻屋企同屋企人share 等緊既途中見到而家有唔少優惠 有送湯 又有特價既sets 好抵食 下次買翻去再試試！翻到去一打開 「哇」左一聲 睇落去已經知道棋哥燒鵝既鵝肉肥瘦均等 再試試 完全冇騷味 鵝肉有些許彈性 肥肉唔算多 啱啱好 醬汁同鵝汁都非常夾 平時好腌尖嘅屋屋企人都大讚棋哥既燒鵝 我都嚇親lol😂 由於真係好食又抵食既關係 決定咗得閒再去嗰度試吓佢哋嘅油雞同埋叉燒🤩

今日返工真係忙到氣都冇時間抖 收工決定食我最愛既燒味黎慰勞下自己！成日經過棋哥見到佢個櫥窗掛住一隻二隻肥美既燒鵝真係好鬼誘惑 店裡面又有d好有趣既插畫 一直都心思思好想試下 今次就決定試試佢啦！由於疫情關係 夜晚6點後只能叫外賣 就趁等外賣既時候望下同影下佢d燒味啦 內在環境都唔錯 目測都幾企理同幾好坐 下次有機會都想黎堂食價錢都幾合理 飯可以免費轉做瀨粉或者米粉仲有手撕雞同常餐食添 一般燒味舖比較少見 有選擇困難症既我諗左好耐 最後叫左個燒鵝瀨粉同埋叉燒飯拎返去同屋企人share 雖然門口都唔少人等緊 但職員都好快手 5分鐘左右就有得拎喇！燒味黎講 燒鵝一直係我既最愛！呢度既燒鵝皮又薄又鬆化 肉質juicy 而且有陣陣煙燻既香味 非常出色叉燒既肥瘦度岩岩好 完全唔會韌同鞋 但又唔會肥到食到人成口油 高質！值得一讚既係叉燒既份量好多！超抵食！以後斬料加餸又多一個選擇喇！

As i knocked off work early today, I decided to pack some roasted meat back home for dinner tonight. Ki’s Roasted Goose Restaurant was located at Carnarvon Road, few minutes walk from Tsim Sha Tsui MTR.When i reached at around 5pm++, there were already a number of people queuing outside for take-away, hence their popularity. All meat were displayed on the glass window, for customers to glance upon. They have a menu for take-away and having a promotion for take-away currently as well.  BBQ Pork -

食燒味　我最喜歡　疫情前我一星期真係會食到兩三次　外賣又好　堂食也好　港九新界既燒味我都有興趣因為燒味每家店都不同　制作手法不同　味道更有個性化　最重要　這是香港的味道　棋哥燒鵝　不用多講　炭燒味香濃　入味非常講真算係我食過其中一間深印象燒鵝店　而且店面係新世代計　但又有保留不同的舊有文化對比強烈　令我更深刻講咁多　當然都係得外賣啦今晚同另一半既晚飯就要靠「棋哥」喇外賣餐牌有折扣　又多選擇　真係出盡法寶除左燒味　其他伴食都好吸引　尤其係手撕雞我睇住有客人買左一盒　香味四溢　令我食指大動好多不同既組合　緊有一款岩口味不過選擇多　都搞到我樣樣想食不斷既引誘　我就快擋唔住喇！！！！！！蜜汁叉燒　賣相好光亮誘人燒鵝更加不在話下最後答案。。。。。。。。。。都係要返隻燒鵝脾　炭燒味充滿整個屋企光澤明亮　脂肪比例極好　少少油脂帶出左香濃既燒鵝味道肉質結實有咬口　脆皮香口　好岩拎黎送飯再加上半隻鹽焗手撕雞　極香濃味美　肉質好滑好爽口彈牙　真係令我想食完再食半隻好大既雞　已經同平時食一隻春雞量因為好入味　我爭啲連骨都食埋　飯都食多左一碗

#小秘書 早排喺網上訂咗啲嘢，#望穿秋水... 終於返貨🤩 為咗盡快可以拎到手，襯自己得閒，一支公出咗去 #尖沙咀，順便補吓倉🤪 由 #TheOne 行去 #美麗華 方向，路經 #香檳大廈，#拉麵店、#車仔麵... 樣樣有齊，不過當時我食飽無幾耐，唯有下次先幫襯😅 我反而想去「棋哥燒鵝」買啲 #燒鵝 返去孝敬吓 #老豆、#老媽子😁 我哋人少少，買份「下庄」應該就啱啱好🥢不過我到嘅時間唔合時，#收銀姐姐 建議我比咗錢先，半個鐘頭再返嚟拎 #鵝。本來就係要去 #美麗華 入貨嘅我，時間剛好，快閃一圈再回頭，我嘅 #外賣 已經預備好👍🏻 #服務員 好細心，包裝之前先將 #外賣盒 嘅四角整穿，原來係方便散走鵝身嘅熱氣，咁就算拎到返屋企，唔使驚啲鵝皮淋晒啦😉返到屋企，時間啱啱好，洗手消毒一輪就馬上開飯喇🍚 #小秘中 先將鵝髀位置分比老豆同阿媽，我就梗係揀啲邊位先啱食啦🤤 一啖咬落去，陣陣炭燒香味🤤 我通唔會加 #酸梅醬，怕影響原味😅 師傅將鵝身多餘嘅骨位去除，啖啖肉好滿足🤩 見老豆阿媽食轉個頭就碟，睇嚟下次我要買半隻先夠食喇🤪

今日根據阿媽要求要過嚟買燒味一嚟到已經望見廚房掛滿不同嘅燒味除咗佢嘅招牌燒鵝仲有貴妃雞、燒鴨、燒鴨胸、燒腩仔等選擇望落去都幾新鮮自己本來想食燒腩仔但係屋企人指定要食叉燒同雞下次自己嚟食應該會試吓其他燒味叉燒呈深啡紅色 帶少許燶邊 厚度適中食起上嚟軟身爽口肥瘦剛好 不乏肥膏 肉質較實 雖然經常性聽到人哋講雞要食少少生有少少血水先至嫩滑但係我真係好驚食到啲有雞骨有血不過佢熟晒食得安心得來又唔會過鞋仲有保持到雞嘅鮮味呢度嘅燒味性價比好高絕對係斬料加送首選！

疫情關係出唔到街食飯長期都要喺屋企今日經過呢間燒味店見到好多人買嘢最後我決定試吓呢個外賣着數燒味組合我揀咗叉燒同埋桶子油雞呢度嘅店員好快手雖然好多人幫襯但係等咗幾分鐘已經可以拎到外賣👍🏻👍🏻叉燒肥瘦均勻 厚切大嚿肉 紋理分明食上口都幾軟腍又帶點鬆化口感保留叉燒肉汁 好juicy 原汁原味雞肉嫩滑豉油味唔會太重而且聞落去好香仲有好香嘅玫瑰露味但係又食唔到酒嘅味道👍🏻👍🏻如果稍為肥少少就更加好

日日喺屋企煮飯唔出得街食，已經煮到唔知煮咩好🙈橫掂出開去做嘢，就去斬料加餸，自己再烚條菜就得啦～之前屋企人試過棋哥燒鵝話好正，所以今次就特登去買。原來佢哋依家做緊 $128 嘅「外賣著數燒味組合」，咁就啱曬啦😍即刻落單要半斤燒腩仔拼半隻油雞。上到車（自己揸車）已經急不及待要試吓d燒腩仔😆d皮真係超脆，咬落真係咯咯聲～d肉又好嫰滑而且唔會過肥同過咸，入口即化😋返到屋企唔係即刻食，晚餐時已經距離買嘅時候幾個鐘，d皮都仲係脆🤩至於油雞，見到個樣同皮嘅色水就已經覺得會好好味🤤層皮食落又真係好甘香，應該係喺豉油到落咗工夫，而雞肉亦唔鞋口，正～😋下次試埋「桂香切雞」同 「生舊叉燒」先🤣

今日在尖沙咀做嘢，差不多4點時間，見到呢度都有間棋哥燒味，肚餓得滯，就拱入去食左個下午茶，又幾抵食啊，但就食到一半先記起冇影相🤣，咁就影下內部環境啦，都乾淨企理，待應姊姊雖然都忙碌着，但叫到都即應機👍唔會扮睇唔到🤭見佢嘅叉燒、燒鵝、燒味...都好多人幫襯，咁又買番$50叉燒+1隻雞髀（免切），回家加餸啦😋叉燒肥瘦適中，唔會太硬，食落肉質有咬口，加埋啲汁撈飯很正啊☺️。而切雞髀就皮嫩肉滑，因為冇切開嘅原故，我就大啖大啖咁齒開d肉嚟食, 好耐冇試過咁樣食雞髀啦, 仲要連雞皮都食埋，因好味唔怕肥呀嘛😝

有一段時間無得出去食晚飯，今晚放工決定係棋哥斬料返屋企加餸。棋哥的燒味一直都做得好出色，佢嘅燒鵝不嬲頂瓜瓜。今晚見到佢做緊雙拼特價，見咁抵我就叫咗桶子油雞同埋叉燒。半隻桶子油雞切得好靚，雞皮充滿油光非常靚仔。每一件都切得好分明，雞件夾起唔會黐住另一舊。雞肉食落好嫩，真心唔係講笑，尢其雞脾位置啲雞真係又嫩又香滑，完全難以抵擋。至於叉燒，佢嘅叉燒肥瘦勻均，每舊都有小小肥肉，但只係佔兩成位置左右，所以咬落係啖啖肉。佢嘅叉燒 燒得好香甜，食落去又有陣咸香味，唔會一味得個甜。今晚呢餐加料真係加得值，趁住佢做緊外賣優惠，要叫多幾次。

日日返工經過海底隧道，都睇到棋哥燒鵝大大嘅廣告牌，所以日日都心思思想試。今晚放工專登去尖沙咀嘅棋哥燒鵝買燒味飯外賣返屋企。而家只可以買外賣，但係好彩嘅係，佢外賣嘅餐牌係比堂食平啲。當然要試吓佢哋招牌嘅燒鵝啦，叫咗一個棋哥燒鵝飯，再加一個桶子豉油雞飯。燒鵝飯真係好好味，肥瘦適中，光澤又多汁。豉油雞飯雞肉超柔嫩，薑蓉亦都調製得好好味，食多盒飯都得啊。兩盒飯都俾咗好多菜心，食多啲纖維，均衡飲食。我諗當我媽咪生日，帶佢去食原隻燒鵝髀飯開心吓都係一個唔錯嘅主意。

因應疫情關係，全港食肆晚上禁止堂食，外賣生意成為晚市的唯一出路，無得堂食，相信好多人同我一樣，選擇回家食住家飯，間中更會斬料加餸。今晚一於去棋哥燒鵝買屋企人的至愛.......燒鵝。一般人都鍾情下莊，貪佢夠肥美，不過我郤偏愛上莊啖啖肉的口感。一落單，燒味師師傅便會從掛滿各種燒味的燒味架上取下燒鵝，接着手起刀落，斬出一件件大小均等的燒味，再整整齊齊放入外賣盒內，樓面姐姐幫手將盒入袋，紮好袋口，最後交到客人手上。在回家途中，燒鵝的香味隨著餘温散發，隔着口罩也隠隠聞到。返到家，第一時間洗手，再解開外賣袋，一股濃烈的煙熏燒鵝味湧出來，盒內的燒鵝皮色澤光亮，以荔枝柴煙熏燒過的燒鵝味道特別濃郁，叫人垂涎。急不及待先嘗一口，外皮挺身皮下脂肪少，皮脆肉嫩，鵝汁豐富，甘香惹味，肉質豐厚，如果再加碗米粉或者白飯一齊食，幹掉整盒上莊應該絶無難度。雖然不似堂食，可以品嚐到燒鵝最好最滋味的狀態， 不過我對外賣的質素也十分滿意，連跟餐的漿汁也不用點，原汁原味，正!

不能堂食，唯有去買點燒味回家煲飯加料吧🤤。下班時間去到這家人氣燒味店舖，看到外送的單子有很多，所以我也快快買個外賣才行。門口有很大個廣告牌寫著，有外賣著數燒味組合優惠😎，所以選擇了其中一個組合吧🤭。靜靜買的組合是棋哥叉燒(半斤)和桶子油雞(半隻)，看到燒味賣相不錯很吸引🤤🤤。💥棋哥叉燒(半斤)，店家的叉燒的顏色和賣相不錯，還看到“燶邊”叉燒很吸引🤭。而且是厚切的版本，所以吃起上來口感更佳🤤🤤。叉燒口感腍身挻有咬感，半肥瘦的版本最好吃🤭♥️。💥桶子油雞(半隻)，這個油雞賣不錯，另有薑蓉可以拌著來吃的。雞皮口感爽滑，吃不肥膏挻好🤤。雞肉不會太韌，味道剛好不太咸。這個組合用來配飯吃確實不錯的，以這個價錢吃到這個質素感很棒🤤，而且份量挻大份呢。下一次再經過要再買其他買回家加料才行🤭。