棋哥燒鵝 (已結業)

上了一整天的班，感覺很疲乏⋯正當我煩惱今晚的晚餐時，經過這間棋哥燒鵝，展示着的燒味令人垂涎欲滴。但由於疫情關係，還是決定買一點外賣回家享用。但事實上，雖然店舖不算大，但防疫措施還是做得很充足的，座位與座位之間有一塊很大的膠布分隔著客人，職員也會為每一位客人量體溫，令人用膳時也較安心。看着餐牌和不同的優惠組合，我想了很久，最後選擇買半斤乳豬試試，$120有這個份量，個人覺得挺化算！乳豬皮很有光澤，很香脆；肉不肥膩，很嫩口～而且味道鹹淡適中，絕對值得再次光顧！

环境：在THE ONE商場附近。來往地段都係美食揾食街。鋪面新裝修，各式檯凳都好新淨。果然收工同事無介紹錯呀！現在再唸燒鵝要去深井食就錯啦，普通茶餐廳風味已經滿足。今日同同事撐台腳就真的是隨便有幾隨便就入黎坐。服务：入門口已經有服務員親切探熱，可能係新鋪的原因，好多人入座。呢個1830時段竟然差不多坐滿人，幸好沒有需要等位。主打燒鵝，當然試一試招牌。但又想食乳豬，竟然有雙拼符合曬。乳豬拼燒鵝^乳豬的肉質有層次分明，最外面果層好似硬的一片，咬落去還知是鬆脆入味。伴碟的是乳豬醬沒有平時我地食開的白糖。也是一番風味。我同同事講開用白糖，服務員都熱情話可以提供白糖，所以嘗試左之後，依然覺得白糖食法比較偏原味，但如果用返伴碟的乳豬醬就突出乳豬的味道。因人而異喇。另外燒鵝部分就有成支燒鵝汁類似酸梅醬的伴碟，隨重口味的人落多少都可以。例如我，倒落飯撈喇。飯聚之後，黎杯凍檸茶簡簡單單又一餐。🤗

今晚亞媽不煮飯，所以今晚唯有自己吃飯，行過見到這間食店，淨看店名就知出名燒鵝，入到去環境不算太大，但乾乾淨淨，礙於疫情，所以我都是不堂食了，一丁人，就對自己好一點，買個原隻燒鵝脾飯，我見本身是$118，但現在只售$108，都幾抵，所以就買它回家。落單時，老闆問我隻鵝脾斬不斬，我就為了方便就叫他幫我斬件，師傅都手起刀落，都斬得好靚仔，雖然回到家後隻燒鵝涼左少少，但燒鵝皮仍然很甘香，還有一陣陣的燒烤香味，肉質很嫰多汁，鵝脾始終是鵝脾，啖啖肉，真的很滋味！！白飯軟硬度適中，醬汁不會太鹹，剛剛好！一個人吃晒原隻燒鵝髀真的是賞心樂事呢！

今日放lunch，自己行左去尖沙咀到食棋哥燒鵝，好耐之前已經好想試，今次終於試到，去到的時候都好多人排緊隊。一坐低即刻叫個叉燒燒鵝飯，d燒鵝好香好好味，食得岀落左好多心機去整，皮脆肉亂嫩，最重要係煙燻嗰陣香味，一試難忘呀真係，下次要再黎食

尖沙咀有很多好吃的餐廳， 但今天實在太肚餓的關係，於是就到了一間我認為很快 便可以吃的餐廳就是吃燒味！一入去立即 點了一碗叉燒燒肉瀨粉加多碗老火湯！忘記了是什麼湯只記得湯底很甜， 有幾舊紅蘿蔔和豬骨，感覺很清潤，而且熱辣辣 沒有味精的感覺沒有想過叉燒燒肉和瀨粉是分開上的，而且份量都幾多，有點開心落單時要了瘦叉燒，果然都幾瘦！ 受得來又不會很乾或者很硬，仍然是鬆化的口感脆皮燒腩仔真的十分脆皮！ 而且外皮燒得非常之香又不會太鹹， 於是極速被我清了！清湯瀨粉都幾大碗， 值得一讚的是通常這樣的那群都沒有什麼味道但這個瀨粉是帶有少少鹹和甜味的，而不是一般的淡味！由於聽見隔離枱說手撕雞很好吃，我也點了一碟小食 ，而且要了鴛鴦手撕雞即是一邊要了麻辣另一邊則是原味…手撕雞麻油味好香，原味帶有少少沙薑嘅味道，很好吃…麻辣對我來說則是超級辣，用湯沖沖再吃仍然是辣的很，舌頭麻痺很很過癮！

2020年5月26日 星期二為咗迎接聽日真正嘅上班，呢幾日都要埋頭苦幹咁工作，所以今晚專登忙裏偷閑同女朋友出去食飯我哋去咗尖沙咀搵嘢食，見到餐廳個名就知道佢應該係專賣燒鵝嘅入到去坐低見到餐牌，除咗主打燒味之外，仲有新推出嘅手撕雞套餐，既然係新菜式，咁當然要試吓啦等左大約10分鐘左右就有野食到，首先就係我哋要嘅鴛鴦手撕雞，分別係兩個唔同嘅味道。有鹽焗手撕雞同麻辣手撕雞，兩款都算幾濃味之後我叫咗燒鵝油雞瀨粉就到，燒鵝果然係呢間舖頭嘅招牌菜式，未食已經聞到好香嘅味道，咬落去皮脆肉嫩，仲有肉汁流出黎添，油雞真係相比起失色好多最後兩個人仲有叫咗一碟油菜，淥得岩岩好，唔會太老同黃

這間棋哥燒鵝，之前曾經路過尖沙咀、天后和銅鑼灣的分店，它的燒鵝好似好靚。但今天出到去尖沙咀加拿分道見到門口掛了一隻隻新鮮出爐既燒鵝和其他燒味，淨看已令我流哂口水，仲要聞到燒鵝香味。今次試下買外賣返屋企食，原來外賣比堂食會平少少，見燒鵝外賣有分壹隻、半隻、上莊、下莊，真係唔錯。比錢位置後方有張期間限定海報買半隻燒鵝，加$10有半隻雞，真係又幾抵(但原來數量有限)。【棋哥燒鵝-下莊1/4】$148我去到選了燒鵝下莊外賣,，這個燒鵝原來用了獨持的煙燻技術，並有陣陣荔枝柴的香氣，不只聞仲要食落口都好有煙燻的味道，他的秘製醬汁，令到燒鵝做到皮脆肉嫩的效果，配上酸梅醬仲可解膩。這個值得推介。【脆皮燒腩仔飯】$48初頭看其他人介紹的相好似唔吸引，但原來去到現場看實物，燒腩仔真係層次分明、肥瘦適中，最重要係外賣返到去個皮仲脆。香脆的燒腩仔一定要點芥辣一起食先有樂趣。

好一陣子前經過尖沙咀見到棋哥燒鵝既店被佢既玻璃橱窗吸引見到燒鵝掛哂係到覺得好吸引一直好想試今晚終於抽到時間黎食一餐試皇牌乳豬五寶飯有乳豬 叉燒 切雞 紅腸 咸蛋一次過可試哂咁多餸 要讚個賣相未食都睇到好新鮮而且好足料樣樣食材都有4 件乳豬皮好脆好脆肥瘦岩岩好可見處理一點都不馬虎叉燒的肉質鬆軟多汁香甜而美味切雞皮滑肉嫩非常有水準整體黎講覺得棋哥性價比好高一碟飯樣樣餸都處理得好味道唔係咁易夾埋佢d獨家醬汁真係冇得頂

我和媽媽去了尖沙咀的一間「棋哥燒鵝」。到了晚飯時侯，不少人已經在店内坐在等待，店內是裝修新淨簡約的，座位闊落，感覺乾淨。因為疫情的影響，店內坐位的確少左，有些顧客是等位和外賣。店員幫我們量度體温就可以入座了，店内有酒精洗手液提供。坐下之後，店員會擺放餐具和茶水，給顧客安全衛生的感覺。這裡的餐牌的招牌菜是鵝，價錢合理，我朋友一試難忘，急不及待要去試它的燒鵝鵝。我叫了二人套餐，燒鵝切得非常均稱，每塊鵝肉帶有少許皮，油香肉嫩，充滿肉汁，咬起來帶有油脂甘香。另外，燒肉夠爽口滑嫩，份量足，真材實料，肥瘦均勻，燒肉皮爽口，帶有少少肥膏。枱上放了白醋或鵝汁，我覺得調味恰到好處，用來醮鹅肉更惹味，完全提升了整體口感。

成日途經見到尼間燒味店一直都想試，今日難得回家吃飯一於加餸，見到門口櫥窗掛住多款燒味，睇落叉燒肥瘦適中，切雞光澤肉嫰，燒腩外表酥脆，燒鵝大大隻燒得脹卜卜，相信食入口一定好Juice眼見外賣也有很多選擇，真係唔知揀邊款，手撕雞都有麻辣或者鹽焗㨂，又可以揀著數燒味組合，啱晒人多多一齊食，買半隻燒鵝仲可以加十蚊雞換購鳳中鳳雞半隻，真係好抵話明棋哥燒鵝，打正旗號燒鵝出名，第一次食，當然要買燒鵝，燒鵝可以買一只，半只，上圧，下圧，喜歡吃脾位就點了下圧，燒鵝皮下帶點脂肪，入口感受到濃厚的木薫味之餘又帶點荔枝香味，原因是用荔枝柴煙燻，所以跟一般傳統的燒鵝不同，肉質有口感，入口充滿鵝油香味但一點也不油膩，終於明白貴得有道理

去朋友家吃飯，無理由雙手空空，於于走去附近的棋哥燒鵝餐室加餸。棋哥幇襯過N次了，餐室走簡約路綫，乾淨，現在疫情嚴重,還用透明膠隔開座位，每次客人走，都用消毒液噴洗枱面，相對來説，價錢公道，食物質素有保障，除了喜歡它的燒鵝外，也特愛它的叉燒和燒腩仔，叉燒入味不乾身，燒腩仔脆卜卜。今次買了燒鵝下荘，小心翼翼地去到朋友家打開餐盒，原來鵝汁是用小膠盒盛起，害我担心一場怕倒瀉，哈哈。燒鵝一吃下去有淡淡的煙熏味,醃得很入味而且不鹹，皮脆肉嫩我特別喜吃骨位，咬下去，甘香回味。沾上酸梅醬，令到鵝味更加突出而且口感不油膩。朋友吃到不停口，很快碟空空只見枱上的鵝骨頭，哈哈

這段時間冇得去旅行，特別喜歡行超市買海外零食。經過尖沙咀一定會去DONKI行下，買完後就係附近食Dinner☺️計計下，已經有幾個月冇食過燒味飯，見到這間店外面掛了不少燒味，燒得很靚😍就入去試試。當日我和朋友都有點肚餓，就叫了二人套餐share，有燒鵝、叉燒、菜心、瀨粉或白飯和兩碗老火湯。—————————🔹棋哥燒鵝例牌這間店的燒鵝很出名，未食已聞到好香燒烤味☺️燒鵝很有光澤，皮脆肉嫩，而且不會太肥，正合我口味😍就算比較多肉的部份，都好腍，很香鵝肉味，不錯👍🏼- 🔸棋哥叉燒例牌本人很喜歡食叉燒，喜歡甜甜焦焦的味道，雖然叉燒看起來不是太有光澤，但味道一樣好食😋 叉燒是半肥瘦，但整體瘦肉比較多，朋友都特別喜歡～ 外層有微微焦香味，好食😋😋 - 🔹瀨粉由細到大，食燒味通常都會配瀨粉，而現在不是所有店都有就變得很少食。這間瀨粉的份量很多，口感爽而滑，配上淡淡的肉汁，好清爽☺️

作為香港人, 最自豪就係燒味! 少左出街食飯真係好掛住燒味呀因為日日食住家飯, 不過燒味真係屋企點整都整唔到難得出街, 就出左去食個靚燒鵝~再來到棋哥燒鵝~依然無加價, 仲係248蚊, 超多野食又大份!!!2個人食到超飽!!!燒鵝:燒鵝脆皮多汁唔洗講, 例牌都有咁大碟架!! 真係好抵呀~而且燒鵝淡淡肉, 肥瘦均勻, 唔洗去到深井咁遠HAHAHA, 食燒鵝記得跟個賴粉, 燒鵝賴真係無得頂!另外套餐可以揀多一樣燒味~燒腩仔:燒腩仔有成3行, 一層肉一層肥, 層次分明, 豬皮脆到薯片咁卜卜聲!!!又唔會太咸! 好食到停唔到口

第一次食係喺鵝頸橋第二次都係反而今次第一次就喺尖沙咀食環境唔錯疫情之下都有口罩紙套非常細心坐低唔使諗一定係雙拼⋯燒鵝加叉燒凍檸茶😂今日真係好意外燒鵝非常瘦，只有兩舊係肉🤪叉燒就甜到不得了😅真係不似預期🤪下次都要返去鵝頸橋食先得😜

之前堂食過棋哥的燒鵝很不錯，所以今晚再來買個外賣回家做晚餐，餐廳現在還提供期間限定的外賣優惠。今晚沒有點他們的主打燒鵝，而點了一個雙併燒味，叉燒併腩仔，件件都大件厚切，雖然比較瘦，但肉質鬆軟，帶點蜜汁的香甜，有燶邊就更好。而燒腩仔的脂肪及瘦肉層層相間，比例恰當，有肉味有油香，但外賣就會影響到皮沒有那麼脆身，所以堂食會比較好。另外點了鹽焗手撕雞飯，飯很多，雞絲份量相對少，但雞絲醃得入味，而又充滿麻油及芝麻香，很好送飯的。