棋哥燒鵝

營業中

休息中

棋哥燒鵝，位於長沙灣。最近我有機會去試試他們的下午茶，雖然價格高達五十幾元，如果對於在長沙灣這個地段，我覺得稍為貴一點。首先，燒鵝的質素幾好的。鵝肉外皮酥脆，肉質鮮嫩多汁，搭配店家特製的醬汁，味道很好。總的來說，如果你對燒鵝情有獨鍾，這裡值得一試！

棋哥燒鵝店原本係我心目中都是一間唔錯既食店.8月中經過長沙灣店就入去用餐.叫左燒鵝腩仔雙拼.燒鵝切雞雙拼飯.飯到既時候已經大打折扣.燒鵝可以乾到黑既.腩仔望落去已經唔新鮮.真係好失望.這樣既品質/賣相可以出品嗎？再望望D員工原來都唔係之前果班.現在員工態度劣差.真係好想問.長沙灣店出品咁差.真是唔會影響＞棋哥燒鵝＜品牌嗎？

成幾個月無吃過燒味飯了（因之前病咗個幾月，日日吃住中西感冒藥💊，吃到無晒味覺）終於好返哂了，於是今日中午專登去長沙灣祺哥分店。吃我心❤️的叉燒及咸蛋飯。可能久違了的味道，所以第一口叉燒及豉油味道，真係好好吃。不過老公就覺得一般，但他的乳🐷好脆口，很不錯。期間員工開飯，見到兩位女工有講有笑，又問個廚吃不吃她們自帶的炒飯。感覺這裡氣氛和諧，不黑水。👍👍👍

D燒味切四方形細細舊....都算 飯好似泥漿........失望！！！ 起初係好食可能轉手滑到極 食到想喊..............................！！！

$55元的燒鵝飯，全部都是骨，有相為證，大家想幫襯的話，要認真考慮。$55元竟然全部是骨，不單與相片差距非常大，明明掛起有一隻隻鵝，但俾人都是骨，$55買骨頭，又不是煲湯，十二分失望，十二分憤怒!大家可以俾意見，公道自在人心!明明都無人幫襯，竟然都俾骨頭人食，又不是狗隻，骨頭食唔到落肚，起碼都有幾件是肉，但都是骨頭骨頭，一些肉都無，得皮，以重量來說，非常重手，我又唔係無俾錢，但付出和食物完全不合比例!

凍燒鵝4／5都係厚厚厚厚的肥油和鵝骨基本上只食到鵝皮，鵝沒有鵝香，但滿口都係油，總之只食到鵝油同鵝油。燒肉同樣又肥加厚厚的肥膏加超凍，瀨粉已浸泡到發賬似的，應該已煮好了好耐和湯有怪味，例湯淡如清水，要求更換燒鵝，服務員不客氣地回答，應下單時講清楚。之前在天后返工，當飯堂，所以念念不忘。轉工到荔枝角，行20分鐘都要試試棋哥燒鵝。滿有期望試試呢間分店，結果無論例湯，燒鵝，燒肉，瀨粉，服務全部都不合格。

大約兩年前係銅鑼灣食過一次《棋哥》既燒鵝，皮脆肉嫩而且木味香濃，點知兩年之間竟然退步到咁。今次叫左個腩叉燒鵝瀨粉，腩叉係特別部位，每日售完即止。一嚟到當然要試左個湯底先，有陣熟悉既感覺…係福字麵湯底味呀！再嚟就係啲燒味，個腩叉基本上成舊都係肥膏，好淋，唔爽口，咬落成口油。燒鵝啲肉極鞋，亦都冇左以前既木香。但佢最大既問題，係佢所有野都係唔熱，只係暖，啲燒味甚至係凍既，要放落啲湯到坐返熱佢，60幾蚊燒味飯嚟講真係好過份，唔會再食！

每次節日老人家都想買燒味加餸，早幾次買過棋哥燒味贊不絕口。飯盒尊登留排氣位，上枱前重系香脆肉嫩。果份細心，果份專業，貴系值得的。今日應要求，再買燒鵝加餸，一眼見已經系透明密封盒。拎上手竟然系冷冷，就知中伏。要保持水準真系咁難？只可嘆句，中伏了。又少一個選擇。

今日病病地好想食燻蹄飯，仲特登行左兩間燒味舖睇下有無得買，見呢間有已經即刻落單，唔該一個淨燻蹄飯呀。返到屋企收完衫諗住黎食我今日特別想食既燻蹄飯啦，點知！打開個包裝袋一睇，即刻想喊出黎，燻蹄飯變切雞飯即刻無曬食慾都唔阿姐打錯單定師傅斬錯料，反正病到唔想再落去，大家下次去買飯記得留意佢有無比錯飯

平時是不錯的選擇：今天晚餐雙拼 叉鵝飯，可能是店標榜鴨油健康 今晚給燒鵝肥肉比例9肥比1瘦，叉燒就沒比例100%全瘦，好在多買了盒木耳可餸飯。更高興的是會跟飲品或湯，但沒有啦，只好飲水。燒味飯一般都會有條菜及在燒味飯上加上醬油，但又沒有，食原味加白飯都好啦。幸好沒給快子餐具，回家吃也要盡量環保。

外賣燒鵝半隻，$250，唔算平，重點係番到屋企打開食，盒底一大堆頸位墊高，胸位得兩三舊，腩位又係得兩三舊，據我多年食燒鵝經驗，成盒野唔計頸位其實比一個下庒多少少咁大把雖則話斬料難免會俾人打斧頭，但係呢間野實在偷得太過份講返隻鵝，味道都尚算入味，肉質亦都唔算好老，燒鵝皮亦有煙熏味，可惜最大敗筆係燒鵝皮非常之韌，佢唔係攤凍咗嗰隻淋，而係燒得唔好，基本上有一半都咬唔開，浪費晒另外買鵝可以用$10優惠價買半隻雞，不過質素都係相當一般，普通平價燒臘檔嗰啲質素總結：無下次

食過幾次，每次都不合格，次次都係食骨。點解會咁差？我初初以為佢最出名是食鵝，所以次次都叫，點知鵝骨多個鵝肉，咁樣都賣53蚊。不過，我都唔再幫襯佢了，希望佢可以改進下啦！

燒鵝肥叉飯（$60），原本要腩叉燒鵝飯（$64），點知落錯單，咁唯有算啦。好好彩，燒鵝切咗上脾位，皮脆而且食到煙燻味，但可惜應該出爐已久，鵝肉唔熱而且比較乾。肥叉合格沒有驚喜。反而送嘅例湯幾好飲。整體價錢/份量合理。

今日午餐食咗一間大型連鎖燒鵝店，叫咗個雙拼飯，試一試佢地最出名嘅燒鵝，同埋我最中意嘅叉燒！😋😋一坐低，店員就比咗兩碗例湯，沒有特別出眾。雙拼飯價錢對比普通茶餐廳來說偏貴，沒有套餐，飲品要額外收費。作為間主打燒鵝店，呢度嘅燒鵝油香充足，味道不錯，但骨比多肉，實際份量唔多。而叉燒肥瘦適中，燒得都幾香，略嫌有點厚。整體來說，燒味的味道是不錯的，可以一試😊但性價比不高，如果可以有午市套餐/份量多小小就更好😢

去長沙灣店外買1斤燒腩多油到暈叫佢飛邊，同時有另一食客外買燒腩，親眼睇住斬，結果，另一客果盒係有邊，我果盒係接住斬出黎既燒腩，跟本無邊可飛而份量得盒一半。呃秤都唔使呃到咁，錢照比，間店比咩你就要咩，仲要受個店員氣，唔會再幫襯，太興好啲囉