森林咖啡 (已結業)

同朋友一齊山長水遠入黎大埔 🤩 上網見到呢到影相好靚就決定黎食個tea 落左巴士仲要行一段路 身水身汗終於到左！可惜既係冇冷氣既室內已經full哂🥺🥺😭我地只好坐outdoor😢有風扇但作用不大 非常熱 同埋超多蚊😢 我地快手叫野食：beef burger,cheese cake,waffles 仲有沙冰、茶 waffles 好細份 味道一般般 cheese cake不錯 芝士味濃👍🏻 burger算幾juicy😀 影相位真係好靚！如果為影相而黎既朋友都幾值得 食物就無乜特別😧 建議冬天先黎😆

朋友推介呢一間位於大埔嘅森林cafe, 位置有點偏僻, 但係成個佈局都真係仿如置身森林一樣，感覺好特別，餐廳分室內同室外，老闆很有品味，店內放置黑膠唱片，一邊嘆咖啡，一邊聽歌，感覺好舒服，店內座位大約30個，如想欣賞景色，可以坐戶外，如果怕蚊就坐室內好了，始終室外有好多樹木惹蚊！我們點了Hello Burger 蝦佬漢堡，HK$113, 原條新鮮菠蘿伴碟，幾好食！不過款式不多，以售賣漢堡飽及珈啡為主，店外有一些裝飾品，亦有一個瑤瑤椅子，可以玩，又可以影相！颱風山竹之後，出面那棵大樹倒塌，仍未修葺！如果架車來這裏會方便一點！下次一定會再來，一邊飲咖啡，一邊聽歌！開放時間：中午12時

假日最開心就係輕輕鬆鬆食個Brunch / Tea！呢間cafe 餐廳外面有片空地停車場，所以好岩揸車友！呢度主打burger，都有五六款可以揀，有牛有豬有素菜，點都揀到d野食。我地揀左一份森林安格斯漢堡，一份唐人雞扒漢堡，出到黎好大份，而且配埋薯塊好夠飽。不過唐人雞扒漢堡感覺有d油，好似落左好多油去煎煮，再加上雞皮都有油，好有罪惡感😵安格斯漢堡就正路既，都叫Juicy~ 不過，burger 下面張紙掂到burger D 汁好易爛，有d會黏左係個包度😂食野再配埋杯咖啡, 開心晒😋另外仲叫左杯蘆薈蜂蜜梳打，呢個就馬馬地，都係咖啡好d☕️

朋友約飲咖啡，原本訂咗喺尖沙咀，但係心情麻麻但又唔想放朋友飛機，就建議改地點。其實又想遊吓車河散吓心，咁啱又喺車友搵食Group到見到大埔有間特色Cafe，於是就同朋友提議由尖沙咀改為大埔。喺油塘接咗朋友上車後就直接入咗大埔，其實Forest Cafe位置都算易搵，但係門口嘅招牌太細都Miss咗個路口，對於第一次黎嘅朋友都好易錯過咗個入口...泊好車之後，望吓四周圍嘅環境已經覺得好舒服好Relax，而且中午時間落完一場大雨，入喺雨木包圍之吓聞落嘅空氣覺得好似特別清新咁。職員安排座位比我地之前，都有問吓我地想坐喺店內還是店外，我見個天又停咗雨，而且又唔曬，就選擇咗坐喺店外帳篷嘅位置。不過坐低後，店員就同我地道歉，話所有麵包類嘅食物都已經售罄，不過無所謂，我都無胃口食包，不過職員嘅服務態度幾好。Menu都幾有特式，所有食物都係用即影即有相拍低再放喺相簿最後我哋點左一杯柚子梳打、一杯Cappuccino、一件Cheese Cake、一碟大菇沙律。柚子梳打我幾鍾意，唔會太甜。而沙律菜我鍾意佢地唔係用凱薩沙律醬，係用咗醋，而個大菇都煮得好香。芝士蛋糕都好滑。同朋友傾吓傾吓都傾咗兩個幾鐘，職員又唔

一早聽聞林村有間cafe環境好靚，難得朋友有車，於是就約左去呢道食個lunch，現場有車位，可以免費泊車，好啱一家大細食完揸車去第二道玩。去到環境好舒服，好大自然，有棵大樹冧左，聽職員講原來係打風吹倒，咁大棵樹都冧，真係好大風！但也令個風景變得特別。另外還有唔同裝飾，後面有一個庭園，有鞦韆，不過落雨有啲濕，無得坐同打卡了。食物質素都不太差，安格斯漢堡喺原塊牛扒上，肉唔怕好韌，都幾juicy，薯角喺粗身，$85，價錢都尚能接受，大食漢堡就喺漢堡扒，朋友話味道都唔錯。朋友仲叫左咖啡，我本身唔飲咖啡，佢就話質素都唔錯，我都聞到好香，個樣都好特別。整體喺一間食環境嘅cafe，好適合一家大細或者一大班朋友黎吹水休息啊！尤其有車嘅朋友，不妨一試！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

山長水遠入到黎大埔其實冇乜特別想做咁啱見到有間Cafe係之前好多人都去打卡嘅咁今日就去帶咗個burger已經唔記得叫咩名味道都唔錯不過我就鍾意個環境多啲食物呢就係其次

環境非常清幽，泊車空間足夠，寒冷下到訪有點去了外國小餐廳的感覺。大食漢堡八安士的牛肉非常足料，牛肉味濃而且相當juicy，配上熱暖的粗薯條及清新的配菜，10分滿足。煙肉漢堡為咗一條的菠蘿而點，煙肉煎得很香，加了少少蜜糖汁更好入口，那菠蘿很推介！陳年老吉茶+檸檬蘆薈茶天寒地凍下的郊外沒有選擇到咖啡，反而揀了兩杯比較養生的飲品，估計不是自家調製的，但飲品的味道不錯，起碼不是水汪汪淡無味的，下次到訪必然選擇咖啡。小小建議，店主可考慮多加意粉或All Day Breakfast 的選擇，好讓食品有更多不同的種類，增加客人再度光顧的機會

森林Café 剛開張的時候有來過一兩次如住開附近過來都好方便 行一會便到後來有傳媒介紹 愈來愈多人 就沒再來 今日又有時間便慢慢走過來 遊人不多點了個魚手指拼薯角$53同一杯Latte $39食物質素平平 價錢都唔平 但都可接受係呢到預了係食環境的😚 上來呢到主要都係悠閒下 又唔洗落到大埔咁遠即好似村屋入面的茶座士多咁😌有個位置比人簡簡單單食下野 傾下計不過呢到環境再靚D Café 裝修空間又大但如果山長水遠過黎 期望大 失望自然大

Went here with my boyfriend in a causal weekend. The food here is just so soWe ordered chicken skewers, an angus beed burger and a fried squid cake They are totally below average What is more, theres no any wifi, and the attitude of all the staffs are extremely bad They are neither helpful nor attentionsThey also only accept cash payment which is very inconvenient The experience also reined my mood and we decided not to order any dessert at the end We will never come again

跟朋友在這裡用餐，打算hea一個下午，跟朋友正在玩手機時，不知道是經理還是老闆走過來串我們問'我們是不是中學生，做埋中學生行為。'我想不明白，我跟朋友也沒有大呼小叫，而且也有叫食物、沒有人在等位(餐廳也有其他空位)，我們只是靜靜的玩手機，也沒有騷擾其他食客，他憑甚麼話我們？而且我還沒說他一邊說話一邊四處抽煙噴煙。食物一般般。不會有下一次。

今次係第二次過嚟 上一次係週日 三四點先嚟到好多人 而且好多嘢食都賣晒得返野飲同甜品所以建議大家如果可以嘅盡量都平日過嚟人少啲 仲有食物可以揀|$84 森林安格斯漢堡原塊大大塊牛扒放係漢堡中間加上蕃茄洋蔥 配以薯格生菜價錢來講都偏貴少少但依度始終都係食環境同埋可以慢慢坐 優休閒閒咁渡過一日 享受清新森林但大家記住要閒日先好黎 如果唔係就會好多人都唔敢坐咁耐 而且漢堡包都會賣晒難得一場嚟到梗係要喺門口打返張卡豬仔留下倩影一張 哈哈

友人揸車先黎到呢個咖啡室。周圍都係樹木，有位泊車，人唔太多，附近都有d 影相位，蚊就有d ,記住帶蚊怕水。野食選擇不太多，有burger 同salad. 送到黎水準正常，起麻唔會話難食，太好食都唔會expect. 野飲都係ok ,咖啡稍嫌細妹，豆有d 苦。但環境加晒分。裝修好特別， 有d 復古風。似係家族經營，服務人員全部好nice. 坐係出面， 係望住好多大樹食野，服務員好好咁開大個風扇，用餐時係無咩蚊。係香港黎講，咁嘅餐廳真係好小有。強推。強調多次，野食唔會係重點，但體驗係無得頂。

其實係見到ig既相覺得環境唔錯特登揸車過黎食既，好就好在泊車既地方都好大，同埋四週被樹木包圍，真係幾森林架；不過我地揀左坐戶外，都有蚊，店員貼心地係食到一半既時候黎點蚊香，後段就好d啦。講下食物，其實選擇係極少，主食真係得burger同沙律，意粉同飯都無既，小食有雞翼或者魚手指個d；野飲還好，咖啡都有幾種，味道就還可以啦，說不上係專業水準。不過個環境都令我想再返黎既，帶本書坐一個下晝都可以，而且靜靜地，傾下偈亦得。

環境非常舒服，亦都好寧靜，啲staff(相信係老闆娘)非常nice。 個芝麻cheesecake好特別，出面好少會成日食到 ，味道唔會好淡，啱啱好。杯latte亦都好滑，檸檬梳打就普通啦! 唔洗等位但都叫做滿左七八成座位。不過位置就真係有啲遠，幾近林村許願樹果頭，我同朋友都係搭的士去，都搵左一陣先搵到，原來係啲屋仔既地面，要行入少少先搵到。老闆都好好，到六點都唔會話趕你走。廁所亦都好乾淨。不過因為坐出面係室外，都有啲蚊呀飛嚟飛去。

山長水遠揸車黎試試呢間森林cafe!佢地主打係漢堡，因為淨係得漢堡… 叫左牛扒burger同雞扒burger，份量合理，不過味道真係麻麻… 牛扒同雞扒好明顯係佳寶醃既肉，平時買去BBQ果d... burger隔離d生菜有d hea，不過正常味既個人覺得環境幾好，不過食物就普通。weekend下午揸車過黎飲杯野都唔錯既，但lunch就…自己諗啦！最正係佢有大大塊空地，泊車好方便影下相扮下文青又一日，門口個打卡位記得唔好漏左