森美餐廳

營業中

休息中

假日同母親去懷舊食返細路仔時母親帶我去食既港式扒房.1: 餐湯正常2: 田螺有水準3: 牛扒煮得剛剛好,易入口,老人家都食到,森美汁幾特別.4: 甜品特別第二度食吾到老細同服務都很有善有人情味

本來想去堅尼地城食個all day breakfast 但老婆話想食正街嗰間牛腩 不過2點幾去到已經收舖所以老婆就帶我去森美50幾年歴史 座位比飛鷹more spacey.2點幾去到一半入座 静靜地 我叫左個午餐牛柳意粉配一隻炸蝦 好似系130蚊牛柳好軟唔嗱口 炸蝦雖然細隻但炸得幾好味呢碟我俾7分的老婆就叫左魚柳飯 冇相 佢就俾6分Anyway 服務都正常

2/5服務生落單同廚房都有點心不在焉。羅宋湯有點淡，餐包偏甜，軟但不太鬆。黑椒汁偏少，薯菜份量還好。小驚喜，雞扒外皮酥脆。豬扒很薄，但鬆肉粉份量還算合理。奶茶一般。想試吓佢啲特色甜品。

人在港島，想吃吃港式鋸扒，好像選擇也不多，唯一想到在西營盤的森美餐廳，雖然知道質素下跌了不少，就當是到老店懷舊一番。進了店內，就像穿梭時空，回到七、八十年代的舊時光。紅、白湯平時愛喝紅湯，但這裡的紅湯沒有層次，只有微微的酸，不太行。焗法國田螺據說是最能保持水準的一道菜，田螺肉鮮嫩，墊底的薯蓉吸盡了香草牛油汁，未吃主菜已吃得半飽。鐵板雜扒餐大堆頭的製作，有齊牛扒、豬扒、雞扒、香腸和煙肉，份量上肉食獸必然喜愛，而肉質是預期中的一般。法式砵酒燴羊膝這道菜較少在市面上吃到，羊膝的肉質煮得軟腍，醬汁甜酸而帶有砵酒香氣，很開胃，拌吃意粉也一流。森美的貓兒養得肥肥白白，一臉悠然自得，在店中穿梭。

平時好鍾意幫襯港式扒房，同先生經過森美諗住入去試下。加咗$60半打法式田螺，味道正常，無諗過已經係成餐飯最好食嗰樣嚟。。叫咗份晚餐鑊仔牛柳。。總共有3塊質素好似大家樂早餐既牛扒，咬落去完全唔係肉類既質感，植物肉都似肉過佢。。伏出國際先生嗰份12安士肉眼，叫7成熟比咗份得3成熟既嚟，用咗九牛二虎之力先切得到，食到好似食緊香口膠咁。。最後大家食咗幾啖就棄咗，離譜到為咗呢間餐廳打第一篇食評😅🤦🏽‍♀️

叫咗一個咖哩牛肉飯，一個鐵黑椒牛柳，一個森美汁牛柳，一個焗田螺。上一次食係以前附近返工食晏，10年後返嚟再試，啲嘢食退步曬。嘢食真係唔抵食，牛柳啲肉係霉嘅，好似食緊疆屍肉咁。地方又立立亂，好多雜物，報紙又亂放，貨又亂放，坐都坐得唔舒服。服務一般，唔會主動問你啲食物點樣，個侍應收碟嗰時，見兩份餐仲有兩大舊牛柳喺度覺得好疑惑但係又唔問點解，主動性欠奉，10年後再試，真心失望，以後唔會再嚟。

今天到訪了香港50年老字號舊式扒房 - 森美餐廳。餐廳位於西環區。一踏進餐廳的門口，濃濃的懷舊氛圍瞬間讓人穿越回到五、六十年代的香港，而且不只是裝潢和音樂，店家的服務態度也十分貼近老香港的風格，真的能夠讓食客感受到那份懷舊情懷。令人彷彿回到了舊香港的時光。而這間餐廳除了懷舊情懷之外，更有令人驚喜的性價比之高，每道菜都非常實惠。來到這裡，我點了他們的招牌菜-西冷牛扒🥩。這道菜的表現非常出色，賣相不錯,  搭配香脆薯仔和新鮮青菜，看上去十分可口。咬下一口，我被這份牛扒的滋味所折服。牛肉煮得恰到好處，味道鮮美，肉質也非常嫩滑，配上黑椒汁更是絕配。不需要太多的調味料便能讓人品嚐到它本身的鮮味。薯仔和青菜的份量也十分充足，更讓這道菜的性價比倍增。另外，我點了一杯熱檸水🍵，這杯檸檬水在這個寒冷的天氣來得十分適宜，讓我感到十分舒適。尤其是在吃了那麼多的美食後，一杯熱檸水更能令我解膩。除了美食，餐廳還有一隻「貓店長」🐱，它是這裡的「餐廳吉祥物」。喵喵已經在這裡生活了很長時間，成為了餐廳的一個獨特景觀。貓店長很可愛，經常在餐廳裡走來走去，也會和客人互動。許多顧客也會和喵喵合照留念，讓人感受到這家餐廳的人

朋友帶路中西區食lunch，提議鋸扒，去左森美呢個懷舊餐廳～懷舊西餐set lunch，標準配備都有齊，餐包、餐湯、主食、餐飲。餐包整熱左先上枱，包身鬆軟，揸少少牛油好好味😋餐湯有紅、白湯揀，揀左羅宋湯，好大碗🤣而且有齊各種疏菜，真係好足料煲👍🏻主食叫左羊扒羊扒有兩件，唔肥，偏瘦，帶輕微羊騷味，係大家都接受到既程度～熟程度剛好，夠軟淋～配薯條同蔬菜，薯條點個汁都幾惹味！餐飲意料之中，一杯普通齊啡Set lunch $85都算性價比高，抵食👍🏻

西環森美餐廳sammys kitchenhere is a very old resto located over 40years in westpoint. i tried it 2times. honestly the price is expensive. but u can taste the most old original hk style.this lemon juice chicken. sauce has slight lemon sour taste quite diff from othe resto very sour and yellow sauce. the chicken is superb, i dont know how they make their chicken. external skin is crispy and internal meat is tinder juicy✅👍last time orderes oven porkchop rice also very nice.taste 100% ok✅✅✅✅will come back

一間有五十年歴史，一直駐紥西營盤的懷舊扒房，之前無意之中幫襯過，扒餐份量唔少，咸豬手與其他扒房造法有啲唔同，整體好味！今次聖誕節朋友想吃懷舊扒房，所以再去幫襯。自從港𡷊西有了地鐵，非常方便，餐廳就在地鐵出口。聖誕夜餐廳滿座，好彩一早訂座，否則八個人真的難有位。餐廳分為兩部份，普通房（燈比較光）及 小房（暗紅色燈光）。由於我哋多人，餐廳要將幾張枱拍埋，所以坐普通房。餐廳裝修一睇就知道懷舊，尤其見到格仔枱布（兒時回憶）。雖然聖誕節，餐廳除咗聖誕餐，仍供應少量A La Carte,我哋當然選擇聖誕餐，雖然講不上高水準，但價錢適中，最重要是每人有一份聖誕禮物（呢個係吃聖誕餐的精髓。一大班朋友開心過了一個聖誕，有得吃又有禮物好開心！

人大了時代變了，試問有幾多人會鍾意食港式扒？今次再食是為了兒時回憶，以前的一個大牛牛招牌，係一個重要地標，牛牛沒了，其實老牌扒房或者要改革下先可以繼續經營維持落去。⚜️森美浪漫二人套餐 ** ** ** ** ** ** ** ** ** **餐包+兩款湯+飯/意粉一款+扒類一款+飲品🍴羅宋湯x2⭐️湯太稀太淡又無乜料，唔好味！🍴焗豬扒飯⭐️⭐️⭐️⭐️呢個同一哥果個好相似，整體味道同豬扒厚度都差唔多，飯焗得好香，汁亦好足夠，似加大版一哥。🍴美國安格斯西冷牛扒12oz⭐️⭐️我嘅兒時回憶只係大牛牛同紅色格仔枱布，今次試吓聲稱$2xx嘅扒有幾好食先，首先薯角係另上但又凍又硬，主角牛扒唔知幾成熟但煎得好靚呈淺紅色，口感軟諗而鬆肉粉無”花x餐廳”咁重手，但就唔見得有肉味，對於喜歡重肉味嘅我無疑是一個大失望，以為呢個價錢會有好少少質素，結果兩者都無異，今次係最後一次了！二人共消費：$260 (外賣平台送遞)

有時揸車經過都會見到，聽人講都好似話已經䇄立左半個世紀，今日終於有機會去試一試。見到門面都覺得好似係普通地道扒房嘅感覺。入到去可以話有少少古色古香嘅味道，就咁望落去都見到係有一啲經歷嘅地方。望到門口一入去右手邊嘅一幅牆，全部都貼晒啲明星嘅合照，相信呢一間餐廳都曾經叱咤一時。黑椒汁肉眼扒 $95 跟薯菜唔討論餐廳嘅用具，一見到呢一份肉眼扒，已經見到有好多筋，然後薯菜上面竟然見到白烚節瓜，真係有少少技驚四座同大開眼界。呢一個係跟餐嘅羅宋湯，見到嘅時候佢嘅顏色的而且確令到我有少少卻步，黑色既羅宋湯，感覺就真係唔係幾好，但係飲落去味道就完全冇問題，雖然說不上話好好飲。整體來講，今次都係一個體驗同埋係食一食個味道，舊有嘅裝修望落去有少少恐怖嘅感覺，講真坐得就唔係幾舒服，相信都唔會有下一次。

舊式嘅港式西餐店舖越黎越少，雖然佢哋嘅餐點未必係比較起上嚟最美味最有驚喜嘅嗰種，但勝在有嗰種古老嘅港式情懷，令人間唔中就想去感受一下。餐廳嘅裝修由卡位去到擺設都充滿懷舊風格，而且唔係專登佈置出嚟嗰種，而係因為餐廳本身已經有好耐歷史，喺歲月嘅痕跡之下顯露出獨有嘅風味。西冷扒肉質豐富而且附上嘅黑椒汁份量亦都好大方，餐前奉送嘅餐湯大大碗（甚至有少少懷疑餐廳係用一個湯麵碗去裝湯hahaha），連埋餐包同嘢飲都係$70左右，喺依一區來講算係非常抵食～

2022年1月3日 晴今日返工同同事一齊食lunch, 今次行去西營盤個邊揾食, 但間間都好多人, 咁就入下呢間舊式西餐廳試下(主要係因為唔洗排隊又好似幾出名咁)。叫左兩個套餐, 有湯有包又有野飲餐包都軟熟, 正正常常咁羅宋湯, 都幾大碗下。飲落都濃味, 唔會好稀溝水咁, 幾好D 餐 手制漢保扒拼德國豬肉腸配薯菜 $70唔好以為漢堡扒咁細舊一定唔飽, 佢啖啖肉都好足料, 食完絕對夠飽!食落都叫有少少肉汁, 唔會好乾, 呢個價錢我覺得都唔差ga條腸同薯菜就有咩特別同事叫左牛扒餐, 好大塊都係$72! 最後我地每人都+$9 升級左杯飲品七仙伴月 (雪碧+雪糕) 同 雪糕紅豆冰好有港式風味呢雪糕都幾好食, 好香奶味, 而且大大杯, 小朋友實超中意!

行過西營盤 打算懷念下童年回憶 入去森美到食下扒 絕對係惡夢！（收銀姐姐 如果唔係你態度極惡劣 我都唔想出文 當自己唔好彩 下次唔食就算 係你既態度迫使我要出文警惕下其他食客）叫左個牛扒餐 五成熟 （因為年輕侍應有貼心提醒鐵板上 到時會熟d )很好彩叫左5成熟 黎到已經變7成左右，重點係塊扒多根到食唔到 左切右切得番少少食入口都有d要吐番出黎 ，唔緊要 百幾蚊一塊扒 有咩要求丫 講真都係想食情懷到尾聲叫左黑牛就真心燥左 侍應一放底杯野飲我就即刻影相 一堆泡 個雪糕球去左邊？溶左？拿 我冇放佢半個鐘先影既 一黎即影（見圖）即刻叫番個侍應黎拎走佢啦 點飲呀，就聽到個收銀女人大聲抱怨鬧客 我反應慢：其實事後好想叫佢飲比我睇 我請佢飲 睇下佢會唔會肚痛餐廳環境一如其他食客講：舊 污穢 特別一提個廁所真係世界級污穢！食完呢餐飯好唔開心 本身想懷舊一番 而家勁後悔 自己親手揀佢黎食破滅自己既美好回憶 比我揀多次 一定唔會行入去🥲