森美餐廳

營業中

休息中

聽聞此店以前是有來頭的高級餐廳，所以光顧。再者是晚點了美國安格斯牛排，價值$160不包湯及飲品 （差不多是最貴的出品了）。要求牛排夠熱只是最基本啫，大家樂都會做到啦係嘛？

看過別人的食評對此店都有點好印象，今天決定往西要環試一試。 入內的裝修是舊式，令我懷念兒時吃西餐時的風味。 點了一份著名的森美汁牛柳， 加＄20變成牛柳餐， 有湯有餐茶, 另散叫了一個田螺。 田螺的味道可以, 紅湯來到時, 見到是淡紅色， 不夠濃已有黠失望。 牛柳來到時，食物是暖的有點扣分, 汁的味道可以, 但牛柳的邊部份太硬又扣了分。所以是次我的評分是"失望"。 妹妹點的雜扒餐, 份量夠又夠熱, 可以算是合格。 說真的九龍區也有類似的餐廳, 不用走到那麼老遠......當晚飯時, 於餐廳內發生了一段小插曲。 一位單身男士亦進來用膳, 他的打扮一看便知"上等人"。 過一會好像聽到他在投訴 - 牛扒裡面不夠熱, 外圍太硬, 味道不夠好等等.... 說出的要求全是高級扒房的質素。 高級扒房人家收你幾佰塊一份牛扒, 還要不包餐湯、咖啡或茶, 所有質素當然要有高於五星級表現。 可惜此處收費不到一佰圓, 要食物及服務有高質素, 未免有點苛求。 如果有的話, 真是十萬個"驚喜"。 那位男士真的來錯了地方...........

侍應多過客，一睇就知出事。要四成熟變咗七成熟，但成件扒凍冰冰，乜解究呢？已經叫啲貴餐喇，但煎扒都唔識，唔識食扒就咪開扒房啦不該離譜到有兩隻蚊之飛嚟飛去！以後不會再來

今晚去食西環既森美餐廳, 見到個門口好懷舊, 所以吸引到我入去試下, 一入去, 見到好多明星相, 又有飲食雜誌報導, 應該掂喇, 不過我地去時7點幾喇, 都冇人, 可能仲早啫. 坐低見到餐牌, 個晚餐只係55元, 幾抵呀, 試下; 我老婆就要食沙丹豬扒飯, 我個係牛扒餐, 不過個侍應冇問我要幾成熟, 我就知出事喇, 食牛扒又唔問你要幾成熟既, 大家都知水準係點喇... 結果, 不出所料咯, 餐湯忌廉湯唔知點解好甜, 個牛扒表面上好多汁(我都唔SURE係咩汁), 其實牛扒入面好乾..好似牛肉乾..唔信可以睇下相...最後餐飲個熱咖啡有d涼茶味..哈哈...唯一好既, 居然係另加3元有既雪糕...阿波x 出既...雲喱拿味我老婆既沙丹豬扒飯唔係例餐, 心諗好d 掛, 噢, 點知...又係有相睇加, 沙丹豬扒我認知既係蛋包著豬扒, but今晚依個, 兩塊豬扒, 加兩條煙肉, 加一個煎蛋舖面, 我老婆都抓頭, 佢以為黎錯咗雜扒餐咯....點解咁架... 我地食到8點幾都冇咩人黎, 唉, 但係居然有8個waiter同waitress, 做野既人仲多個食客咁多...成班企晒一齊傾計, 有個仲攞部

平時食d 新食店, 經常唯忘了一些老子號老牌子食店今日特當去試下舊式聖誕午餐, 老牌食店有度好, 雖然唔會進步但亦不會退步.牛油焗田螺- 雖然牛油不太重, 但勝在夠點味鵝肝- 份量比我想像中大,我記得好耐以前係冇鵝肝, 還配了個鵝肝汁, 帶點酸, 雖然不太匹配,但有HEART焗蟹餅- 小小一個蟹蓋, 有很多蟹肉,滿瀉...鐵板西冷扒- 好鐘意細細個食個種(炸)一聲既感覺, 間直童年回憶, 森美汁不錯, 但我比較喜歡佢地既黑椒汁多D...

我隔2個月總要去1次，喜歡懷念小時候的味道，喜歡幻想一下殖民地時代中西區風貌，喜歡把殖民地年代港式高級西餐填滿肚子。我相信50 年前走進大酒店的西餐應該是這種味道的。當然不能跟現代西餐比，但能在味道上保留殖民地時代風格香港都已經沒有幾家。田螺永遠是我最愛食物之一，食過無數間，用殼 serve 這種 so far 只有在 paris 的 Allard 比 sammy 好。曾經在淺水灣 veranda 食過同 sammy 一樣味道的，但可惜不是經常有。人在香港，sammy 始終是我食田螺首選。牛尾湯又是必點之選。曾經在 new york 的 Gallagher Steak House 喝牛尾湯，味道竟然和 sammy 的一模一樣。老闆笑說可能有徒弟移民去了。蒜蓉飽應該是生麵糰現場烤局的，並不是現成法飽加工。總是另我受不住誘惑多食幾塊。芝士牛柳又一最愛。大概無什麽地方有吧！長大後受得了 Roquefort 的味，原來發莓芝士+牛柳是天衣無縫。sammy 並無用頂級牛肉，有點好奇為什麽，後來我自己買 US Prime + Roquefort 發覺係唔得的。應該都是因爲只有次一等的牛肉才能匹配歐

上次來到, 同行者點了個T骨扒餐, 抽水一吃, 嫩滑的肉、入味的汁, 甘甜的感覺令我至今念念不忘!這次跟同行者再來, 各自點一個T骨扒餐想要回味,二人卻發現感動不再...說不出的原因幸好餐飲的茶底仍然有水準。下次再來應該會點其他扒餐了吧?

難得又到Happy Friday，著causal wear返工，食lunch行遠少少，就去好多同事都讃佢個紅湯得的森美開餐。是日的精選午餐有三款，我地5個人各款都有要，包括A餐 - 牛扖併薯菜／意粉，B餐 – 波菜焗石班塊併意粉，同C餐 - 雜錦炒飯。小妹揀咗B餐食魚。先來個牛油麵包，跟住就係羅宋湯，個湯真係幾得，得在雖係不是濃湯，好野味，有些少楜椒粉味，加上番茄的酸甜味，清得來口感都算幾豐富，唔錯。跟住主菜來啦，小妹個波菜焗石班塊個樣都OK，食落啲魚都有味而魚肉不太散，焗嘅白汁併意粉都不錯。同事的炒飯面上有兩塊蝦片，幾攪嘢；兩個同事食完一個話稍咸，另一個話無乜味，水準都幾飄忽。食牛扖的同事就覺得OK啦。叫完餐飲之後，本來想叫埋個雪糕，點知今日無供應，令到小妹有啲失望，已經無其他甜品，連雪糕都無，點攪呀！！不過咁嘅價錢，都OK多嘢食，算喺咁啦。

去o左傳說中又平又大件o既森美，入到去，好似去o左80年代o既港式西餐廳，有好多選擇，不過冇理由食lunch走o黎食"乍乍"聲o既扒... 所以都係叫o左個午餐B，即係焗牛利意粉，牛利好蘇，似乎係未經醃製就拎去整，灰灰o既色，令我想起以前o向澳洲，有一次買o左條牛利自己整... 意粉好泡，好似整過時，又冇炒過下，應該係浸過籠先o岩，個焗炒好明顯係整好之後再焗一焗... 汁又唔夠~ 友人俾o左少少雞扒我食... 佢有煎過下，不過就好雪咪，我知我知... 雞扒唔通俾新鮮雞係咩... 但係都唔好咁雪啦~紅湯同個包都好普通，紅湯唔夠濃，最好係杯奶茶... 最濃!!http://hk.myblog.yahoo.com/ultrabearhk/article?mid=722

間餐廳大名聽左好耐, 今晚終於試到係咩水準ORDER左1) 焗田螺 + 黑椒西冷扒餐 $9X 以為個餐有跟湯, 原來選擇左田螺係會無左個湯既, 但有比餐包 (好騎呢) 西冷扒唔夠熱, 味道一般 配菜D薯角似翻炸多輪變成黑色, 又皺又乾 2) 森美汁牛柳 $110 + $20 跟餐 這是餐廳推介的招牌菜, 森美汁只是普通的洋蔥+磨菇+黑椒+燒汁 牛柳亦是一般貨色, 有D "UN"裝修九唔答八, 中西大FUSION, 一入門口就有福祿壽, 牆身有中式裝飾, 枱布係爛既, D 椅又破又爛, 最重要係食物質素唔得, 真唔明點解會有咁多明星幫襯過.......呢個價錢, 銅鑼灣金爵好得多。簡單一句, 我唔識欣賞。

大家應該都會試過花園同埋金鳳兩間餐廳鋸扒，前者以抵食夾大件見稱，但梳打粉太多令肉質變得太軟，口感全失。後者地方太逼而且油煙味太犀利。今次介紹位於西環嘅森美餐廳，雖然裝修較陳舊，但牛扒味道相當唔錯，價錢仲幾抵食，怪不得有人話係平民版嘅Morton's of Chicago啦！跟餐麵包同埋羅宋湯唔會有太大驚喜，水準合格！起碼湯唔會太稀，菜味亦濃，入面仲有少少牛肉絲。麵包大大個熱辣辣，配埋傳統紅白格仔檯布，令我想起細個去雅閣，紅寶石餐廳嘅感覺...頭盤薯蓉焗田螺一般貨色，田螺味道略嫌唔夠濃，但薯蓉焗得好香又唔會牛油味太勁，幾好味～黑椒Ｔ骨牛扒大大塊烤得好香，雖然份量上無Morton果啲咁驚人，但起碼視覺上同份量上都一定得到滿足。 而伴碟嘅節瓜片，香脆薯角，煎蕃茄味道都唔錯，起碼不是馬馬虎虎堆上去就算嘅行貨。呢度嘅Ｔ骨係唯一一款完全無醃製嘅牛扒，所以味道好唔好，烤焗功夫真係要幾講究。果然無令我失望，火侯控制得唔錯，入口肉質甘香鬆化，唔駛$100呢個價位，我收貨了～另外老闆強烈推介嘅黑椒西冷牛扒，同樣無令我失望，份量同賣相都相當對辦。當然...唔可以用貴一大截嘅dry age處理西冷扒相比啦～！

話說前一天到了「花Ｏ餐廳」鋸扒(已被我負分)得到了不好的印象第二天就到這間老字號再鋸!!...但陰影這東西真的不容小覷吃過「花Ｏ餐廳」的羊扒後就不敢再點這菜, 穩穩陣陣的點了個豬扒x牛柳餐這餐可選湯或焗田螺當然是焗田螺抵食啦, 而且還有薯茸墊底!豬扒的肉質意外的腍, 牛柳就更加不用說, 非常香口軟腍!同行者選了餐湯+T骨羅宋湯極大碗, 湯不會太酸, 也有點雜菜吃T骨上桌時大家都呆了......那塊扒比臉還要大塊!!!!!正宗的T骨扒上半部是西冷扒, 下半部是牛柳一塊扒就滿足了兩個慾望侍應阿哥很落力的介紹, 又說那些汁是自己調較而不是開粉的吃到中途又細心地遞上黑椒汁給我們添加~而且這個吃得飽飽的T骨扒餐$100也不用, 才$90!!!強力推介這間老字號!!!

一入到餐廳已經覺得好有7,80年代的感覺看到四周的剪報就可以猜到這間餐廳水平應該不差點了個經典的午餐A T骨扒加薯菜先說餐湯和餐包餐湯的羅安湯有點稀~ 但味道ok~餐包就稍大和硬，一吃便知是在微波爐翻叮的結果....吃罷已飽了一半T骨扒和薯菜是合到好處的好吃不得不試它的汁聽說森美汁加牛柳是最好的牛肉有牛肉的味道，不是很多餐廳做得到很多都是肉質鬆鬆的薯菜起用了薯角，不像普通薯條一樣，沾到汁已淋了餐茶就少了一點但總括而言，在這裡真的必吃牛扒!!!

晚上偕友進膳，是為敍舊倒可以閒點慢食。近讀GourmetKC文章，有意點T骨扒，適逢套餐優惠，推薦友人，自己則點砵酒燉羊膝。T骨扒或許跟餐關係，肉甚薄，卻不俗；砵酒燉羊膝，火候足，汁和味，平常味佳作，最好麵飽伴吃。甜品點雪糕班戟，填滿雪糕再打一把忌廉在面；個人口味而言，班戟還是熱點好，像橙酒煮班戟。也是個人而言，客人未點菜點飲品，侍應其實不用刻意追問，收碟也請問一下用畢沒有，讓客人慢慢享受；走進西餐廳，只是尋找中菜館欠缺的悠閒和氣氛而已。有位年輕男侍應值得一讚，從走入店一刻已經掛上陽光般的笑容，也對答有禮，聽說已在行內一段時間。

十一月中旬•晴 每之在出賽馬拉松比賽前，除了每周接近100公里的練習距離外，在比賽前的一周，還要經歷另一個極為艱苦的過程，就是「消炭」，即是在三天內，完全不吃碳水化合物及醣份，先將體內的能量盡量消耗。在這三天內，只有幾款東西可以吃，就是蛋，及肉。所以午餐的選擇，多數鋸扒。不過這樣也有這樣的好處，因為不能吃調味品，所以就到處去嚐未經醃味的肉類，這樣才吃得到肉類的真味。 純鋸扒，想要便宜一點的選擇，公司附近的選擇不多，很客易又來到這裡，要了T骨扒。餐包、湯等都因為要消炭，統統吃不得，一來就是扒了。大大塊T骨扒，烤得香噴噴，火侯控制得不錯。肉質很鬆化，相當滿意。 盛惠98蚊，加12元，可將餐飲轉做支裝啤酒。加三十元，就可轉餐酒，真樂也。想看扒燒得賣相如何及足本食評，請參考下列網誌：http://gourmetkc.blogspot.com/2010/01/mortons-of-sheung-wan.html