森 (已結業)

呢度有四種味道雞蛋仔，原本我想試朱古力味，但係見到佢可以俾客人mix and match唔同嘅配料，M&M's望落好新鮮，所以想試吓同雞蛋仔夾唔夾，另外仲有我最愛嘅芝士，可以想像到芝士會令雞蛋仔變得有啲似麻薯嘅口感，結果食落同想像嘅差不多，拉出黎會有少少拉絲，M&M's唔算落得多，主要係中間先有，邊邊淨係得芝士，所以會係咸味，食到中間就會有甜味，幾得意嘅口味，不過我對咸味嘅雞蛋仔有少少保留，下次會試其他口味

朱古力雞蛋仔變朱古力格仔餅。😑你冇睇錯我係post左朱古力格仔餅但係我其實係買朱古力雞蛋仔😒今日去買朱古力雞蛋仔，係等緊嘅時候覺得奇怪點解朱古力雞蛋仔會變咗＄25但係價錢牌又冇變，依然都係＄20，望一望張單原來佢落咗朱古力格仔餅。發現嘅時候行過去同落單嗰位小姐講「我係要朱古力雞蛋仔，點解你會落咗朱古力格仔餅？」小姐回答我話「已經整緊啦喎」，但係我明明就係嗌雞蛋仔我話「吾好意思，我吾食格仔餅咖喎」，然後佢再答我一次「已經整緊啦喎」👎🏻十分無奈.. 跟著再問多佢一次可唔可以轉返做雞蛋仔，佢又再一次答我「已經整緊啦喎，已經整左，下次呀！」下次呀！無錯，佢係叫我下次再買呀！淨係識答我「已經整左啦喎」，一句抱歉都冇呢位小姐係咪淨係識答一句「已經整緊啦喎」？我以後都唔會再理依度買雞蛋仔各位喺呢度買嘢嘅朋友，記得落左單即刻睇清楚，有錯要係佢同師傅講之前同佢講落錯。如果唔係佢又會答你「已經整左啦喎」好嬲囉估唔到我第一次寫食評就係要寫劣評

除左雞蛋仔有多種口味選（原味、咖啡、朱古力、綠茶），仲可以加錢自由配搭入面嘅配料，餓底今次出動就係要一試聞名已久嘅綠茶雞蛋仔，係我猶疑緊入面加必勝嘅 #紅豆 定朱古力粒時，友人已先我一步決定了。.雞蛋仔即點即整，當日是星期日下午，只有我們一對客人，所以很快已到手。雞蛋仔呈深綠色、每一粒都脹卜卜、咬落外脆內軟、入面呈濕潤的狀態，令濃郁的綠茶味得以保留、係餓底食過咁多綠茶雞蛋仔中最出色的一個！.每一粒雞蛋仔都有半熔的朱古力在內、朱古力本身味道較重、少不免會搶左啲風頭、但總括來說都很不錯!

最近雞蛋仔被變奏之後突然之間多左好多間，點都要搵機會試下變奏版，睇下傳統好定係新野好先。呢間好就好在有位同有枱，可以坐住等同食。佢整叫即整，要等幾個字先有得食！今次試左個田園雪糕雞蛋仔，將雞蛋仔變做雪糕筒再包住一球Dryer's嘅雪糕。上面加左少少oreo cookies 餅碎，後面加左枝木匙方便大家食雪糕。雞蛋仔無想像中嘅香脆，亦都無咩蛋味，只係食到甜味，加埋雪糕食先覺得無咁甜！就咁食一粒就覺得雞蛋仔本身嘅味道普通,又唔夠脆，雞蛋仔偏甜，下次都係食普通雞蛋仔算。可能我已經老喇，唔係好接受到新事物！食到底原來佢用一塊Oreo 曲奇打鈄咁放喺雞蛋仔入面頂住球雪糕等佢唔好流晒落去，再加埋個紙杯，食嘅時候就唔會流落客人隻手，呢個做法都幾聰明！個甜品真係幾heavy 下，一個人食應該會好膩，兩個人食就岩岩好！

最近呢個月的星期六晚幾乎都會去森度食一底雞蛋仔，試了綠茶味，朱古力味同咖啡味，淨返原味未試過咋，原味周圍都有得食無乜興趣試。是晚又食了綠茶味加朱古力碎粒（$23），感覺上食底雞蛋仔都要廿幾蚊好似有點少貴，但佢又真係好好味。即叫即整嘅關係，拎上手熱辣辣的，充滿蛋香同綠茶香，燈光下影出黎唔係好綠色，但實物上是很綠的，但又不是太假的顏色。綠茶味十分濃，茶香但不會苦，加上甜甜地嘅朱古力粒很夾，每一粒都很有彈性，不是只有空殼的。除了綠茶，朱古力味都ok的，但朱味不是十分強烈。而咖啡味則有點失望，有咖啡的苦澀，但沒有咖啡香，所以都係食綠茶吧

雞蛋仔係香港好出名嘅地道小食，但係食黎食去都係得原味，好似開始有少少悶👉🏻 👈🏻。正當我諗緊有咩新野好試，果然「皇天不負有心人」，比我搵到一間好創新嘅雞蛋仔店。喱間店就係位於元朗又新街嘅。喱間「森」嘅雞蛋仔一共有四款味道揀：原味，朱古力🍫，咖啡 ☕️，綠茶。如果你唔想食一底雞蛋仔咁單調嘅話，都可以自由選擇去加配料落你個雞蛋仔到咖！每款配料都只係加$3-$5不等 ❤️ 。最近好興，為左令人唔好覺得老黃真係成個老古董咁，我都就跟下風，要企係潮流嘅尖端。今次我揀嘅係。因為要確保新鮮，所以森嘅雞蛋仔係即叫即整咖，大約要等8-10分鐘。如果你好趕時間，就唔建議你買喇！等呀等！我底雞蛋他終於食得喇。我第一個反應係：陣陣嘅綠茶味已經一直刺激住我嘅嗅覺喇！我忍唔住喇！！😋😋😋😋嘩，一哎落去就已經食到好濃嘅綠茶味，繼而又食到一粒粒嘅OREO，令到個雞蛋仔個口感變得好有層次。食完之後，個種回甘嘅茶味一直纏繞住我嘅味蕾。😍整體黎講，森SUMORE喱個綠茶Oreo雞蛋仔令我非常滿意。我覺得大家經過都不妨一試。森SUMORE除左自選雞蛋仔都有雪糕雞蛋仔同格仔餅賣，店面都有兩三張枱比大家慢慢享用。

為食的foodie可以去到幾盡？！就是為了吃抹茶雞蛋仔，於是放假入元朗搵食🤘🏻🤘🏻抹茶控對抹茶的熱愛，經常出現茶之心魔💚當然要一試森More的抹茶味雞蛋仔($20)❣抹茶味比雞蛋味濃，而且帶甘味，適合喜歡濃厚茶味的朋友仔🍵如果再脆啲就好喇😋

今日約左幾個朋友喺元朗食完沾麵，準備回家，經過呢間雞蛋仔，諗起平時週末經過，排隊嘅人唔少，所以即使大家都飽飽地，都決定試埋。可能時間唔早，都冇乜人等。新式嘅雞蛋仔嘅鋪頭愈開愈多，口味嘅變化繁多，聽過有咖啡、羅宋湯等等諗都冇諗過嘅原素。森都已經喺元朗開左一段時間，見過唔少人有介紹過，我地都係第一次食。除左雞蛋仔，亦有售格仔餅。店鋪裝潢簡約，以粉藍為調，設有幾張高枱凳，方便客人可以即場食用，即使係比較「複雜」嘅雪糕雞蛋仔，都唔怕行住食，避免食到狼狽。雞蛋仔口味分別有四種：原味($18)、朱古力($20)、咖啡($20)、綠茶($20)加錢可以選擇額外配料，例如紅豆 +$5、蜂蜜 +$3、朱古力粒 +$3綠茶雞蛋仔 加 Oreo $23雞蛋仔即場製作，拎上手熱辣辣，聞到好香綠茶味！雞蛋仔望落幾靚仔，外面光滑，粒粒都完整、實在~ 雞蛋仔使用麵粉製作，而非發粉，所以唔會齋發大，而內裡空心。雖然實心，但食落依然軟熟，因此屬飽肚之選。綠茶味突出，香濃茶香，但唔會苦澀。我地加左oreo配料，基本上粒粒都食到，但由於綠茶味較強烈，oero味道相對被蓋過，主要增添雞蛋仔嘅口感！論價錢，廿三蚊合理，而且味道

It doesn’t matter if you call it egg waffles, eggettes, or ‘gai dan zai’, it is always the most popular snacks on-the-go in Hong Kong. Chewy, gooey on the inside, crispy on the outside; the original captured most of our hearts. At Sumore, this traditional egg waffle is given a twist, serving four different flavors from original, chocolate, green tea to coffee, plus a wide variety of additional fillings such as chocolate chips, red bean, honey, black sesame and M&M’s etc. Seriously? Need I say mo

住喺元朗嘅朋友有福啦😍小粉姐我一向都係雞蛋仔嘅忠實fans，今日食完飯專登嚟試吓呢間新派雞蛋仔店，呢度款式選擇都幾多，我係好鍾意食朱古力所以最後決定試呢個好似好勁又足料既＂森林雪糕雞蛋仔＂果然冇令我失望，首先雞蛋仔既外皮真係做到卜卜脆，而中間嘅朱古力雪糕就好香濃(石板街雪糕係小時候既味道🙂)，加埋朱古力醬同朱古力粒粒，每一啖都食到冷同熱交錯感覺😍層次啲樣嘢亦唔需要多講！一個字！正！店內只有少量座位，都溫馨提示大家，一個人食真係有啲over🤣最好同朋友share。

食完飯又到左又新街掃街，買完野飲就係時候食雞蛋仔，食過X芽，今晚試下森先，後面條街好似又開多左檔，真係競爭激烈，無實力都幾難留低。落完單坐低等食，森間舖幾大喎，有兩張枱四個位，幾好hea，仲有埋紙山巾添，抵讚。買左綠茶味雞蛋仔加朱古力碎，廿三蚊，真係公價人情，間間有啲特色嘅雞蛋仔都要廿幾蚊或以上，明明以前都係幾蚊一底，而加越黎越矜貴。等左大概五六分鐘有得食，即叫即整又算快手。超濃綠茶味，真係好濃，唔係得個色，合格有餘！！朱古力碎每粒雞蛋仔都有，加呢三蚊又唔貴喎，朱古力成本都唔平。雞蛋仔很軟身，粒粒飽滿，重綠茶味又有朱古力碎，巧巧味喎！

最近天氣 氣溫急降 加上 工作壓力，下班後讓人忍不住想食暖笠笠嘅甜食。知道元朗附近有幾間雞蛋仔舖 , 今次就試咗 森sumore 的紅豆綠茶雞蛋仔。即叫即做， 等了大約15分鐘。 綠茶味濃又唔太甜，$25值得一試。

好似cafe 嘅靚靚門面，入面原來係買雞蛋仔同格仔餅。我揀咗朱古力配Oreo餅碎，因為都好多人，等咗15分鐘左右，雞蛋仔個皮係林林地，無北角雞蛋仔個種脆口，入面嘅餅碎都俾蛋醬浸林哂，簡單黎講只係一個朱古力雞蛋仔，無驚喜，有少少失望！下次試吓第二個配搭，希望有好啲嘅效果！

order 左宇治金時格仔餅($25），價錢略貴，但係店主俾超多紅頭餡，多到食ge 時候都要好小心，驚住會跌出黎。格仔餅幾鬆軟， 但外皮略嫌不夠脆身。 傳統和新口味之間 我還是較喜歡傳統。

抹茶味雞蛋仔 ($20)抹茶控一定中意，抹茶味好重🍵，唔會好甜，仲有少少茶既甘味tim!加左$3要個蜂蜜配料， 好可惜唔係咁食到蜂蜜味，反而抹茶味真係好出，唔錯唔錯👍🏻