森 (已結業)

連埋呢間附近炸比..都係抱住期望..點知再一次失望..試左綠茶+芝士..野飲就話幾MATCH..點知雞蛋仔就唔太夾LA.D芝士味蓋過哂D糕味..同埋本身正食糕味都唔覺濃郁綠茶味..總之就好似食梗唔知咩味既蛋糕咁..唔太肚餓既我..原諒我係咁直..最後食剩1/3掉左..平時唔係咁嫁

即將掛八號風球的晚上，在元朗覓食，有很多店舖都提早關門！經過「森」，見到有特別味道雞蛋仔以及格仔餅，由於有點餓就點了一份咖啡焦糖味格仔餅。等了大概5分鐘，聞到陣陣咖啡香味就知道應該就有得食！果然冇估錯，熱辣辣的格仔餅超厚身，裏面搽左焦糖醬，咬落口感鬆軟，焦糖醬又唔會太甜，仲有濃郁咖啡味！下次黎要試埋雞蛋仔先得！

本身唔太好雞蛋仔，但係對於綠茶控既我，見到咁多人介紹綠茶雞蛋仔，當然要去試下啦！太多款式揀喇！ 有蜜糖（我朋友話試過綠茶加蜜糖/紅豆好食）聰明豆，芝士⋯ 本身有紫薯粒，但暫停供應😭 最後我揀左綠茶oreo~ 雞蛋仔好聚手下，好足料，入面啲餡係滿滿的！ oreo 都好多下，食到有綠茶味，甜中帶小小咸～ 食完唔夠喉再食多底原味加oreo😋 不過呢底就好似食黃金色oreo 果隻味咁！ 都好食，但我覺得綠茶味會香一點～

話說之前買左個宇治金時格仔餅，滿心歡喜既又厚又脆既餅底，點知幾分鐘後發覺成個紙袋濕哂，格仔餅已經係平放，一打開黎睇，原來有勁多勁多既黑糖醬+紅豆，首先個綠茶餅底係好食既，但係個餡真係好難食，黑糖醬苦苦地既，重要咁多，d紅豆都變苦埋！今次想再買多次宇治金時格仔餅，但係要經典原味既餡。店員：無，唔得，做唔到！收返宇治金時果個價錢喎，都唔得！你有你地做生意既手法，但係食客都可以選擇唔買你既權利！

位於元朗又新街附近的 森 Sumore，是一間以雞蛋仔岀名的小餐廳我由小到大都喜歡雞蛋仔，特意在兼職收工後吃完回家才吃飯元朗又新街38號恆富大廈地下11C號舖共可選四款口味，包括原味，朱古力，咖啡，抹茶味更可另加配料，包括紅豆，M&M，OREO，芝士，蜂蜜，紫薯，栗子抹茶，紅豆和紫薯控當然選抹茶和紫薯，可惜紫薯未有供應 抹茶雞蛋仔$20+$5紅豆加+$3Oreo需等一段時間哦，不防找個位置先坐一坐拿上手份量不輕的雞蛋仔，有微微雞蛋香。抹茶綠得極吸引，馬上吃一口雞蛋仔軟綿綿，不是脆口類型雞蛋仔，而是像軟熟蛋糕類型雞蛋仔每粒煙靭軟糯，如加了麻糬一樣蛋味和抹茶味非太重，淡淡的，並不會搶過配料的味道紅豆甜蜜軟糯，Oreo口感像oreo軟蛋糕，甜味不太夠，我較喜歡紅豆溶的此為重份量軟熟雞蛋仔，和一般雞蛋仔不一樣哦。

呢間既雞蛋仔超超超超級好食！😍😍 好耐無食過咁足料咁好食既雞蛋仔😭😭😭 啖啖口感 唔係啲垃圾雞蛋仔中間空心無蛋漿咁🙄 食到停唔到揀左曲奇同朱古力粒 唔甜但又好重味 熱辣辣食啲朱古力半溶match軟林林既雞蛋仔個口感似心太軟果啲咁希望下次去食仲係咁好質素😋

之前在網上見到這間店已經覺得很吸引, 今日特意前往試試。點了綠茶底的雞蛋仔, 另加2款配料 - 紅豆和oreo。 一邊是紅豆, 一邊oreo餡料。等了大約10分鐘, 雞蛋仔熱騰騰的出爐了。綠茶紅豆果然是絕配, 十分好味。 相反綠茶配oreo就不夠突出。而雞蛋仔十分足料, 清晰可見紅豆和oreo充斥在每一粒之中。十分推薦, 下次會再來試試其他配搭。

傳說中的雞蛋仔 ~琴日做完facial 入開元朗終於食到首先就揀左雞蛋仔個底先，有4個味可以揀，包括有 原味，朱古力，咖啡同埋綠茶 （$20)。如果唔加任何配料就係$20，如果每加一款配料就＄3，配料方面都有好多選擇，包括朱古力粒、芝士、紅豆、 M＆M、OREO、蜂蜜同黑芝麻。咁我就要左綠茶雞蛋仔 加蜂蜜 ($23)等既時間都有少少奈，如果可以加快速度就更好了～雞蛋仔既綠茶味好香， 有淡淡的蜂蜜香味。雖然無睇片果種流心蜂蜜的效果，但係咬開有暖暖的蜂蜜真的不錯！雞蛋仔係軟身果種， 不是脆的~不好甜食的我都覺得好味！見到人地食朱古力味好香，下次我又試下先！

我在某食谷見到有人大力推介這間森,元朗近年來在雜誌大力介紹之下多了不少外區的人入來，森由三個年輕人開店,喜歡試新店的我，我在某個星期六去了元朗搵下這間,我需然在元朗長大,我真是好少去建業街 ，對建業街真是不熟悉，搵了好耐才找到森,森有提供座位給客人，我喜歡邊行邊吃 ,18元的確貴咗些小，另外加配料要加3元,星期六都不算太多人排隊買，我在店鋪見到有10個人，我決定試下森,我平時買屯門某雞蛋仔，既然食谷有咁多人推介，今次買原味加蜂蜜雞蛋仔,當天是否我太黑仔,當我滿心歡喜拎雞蛋仔,雞蛋仔哄得好燶，亦不夠脆,我吃不出有蜂蜜味,我覺得21元好唔抵食,我亦唔覺得特別好食,只可以話一般,服務就麻麻, 店員亦不是跟號碼叫客人，比我遲買仲先過我拎,只此一次,未必再來森,我覺得食開個間平過森,亦好食好多啦味道原味蜂蜜雞蛋仔,哄得好燶，亦不夠脆，有些小淋感覺，亦冇蜂蜜味可言,欠缺蛋香味道。整體味道一般服務我覺得服務麻麻,叫號碼不是順序叫,十分混亂環境地方不是太大,有高椅給客人坐下慢慢吃價錢21元都不便宜，並不太值這個價錢，冇下次

呢幾日天氣熱到high high 大條道理食雪糕減肥？！遲啲先啦😂😂😂今晚路過森 俾雞蛋仔嘅香味吸引住忍唔住買左 我㨂左oreo口味雪糕 勁大球😍雞蛋仔岩岩整起 吹左陣夠香脆蛋味香濃 粒粒都非常飽滿 唔係空心架😂夾埋個雪糕落去又熱又凍 雙重口感 超正👍🏼

有咩正得過綠茶味雞蛋仔？🤔就係綠茶➕OREO雞蛋仔❗️😂雞蛋仔都可以Mix & Match架💪🏻💪🏻💪🏻首先雞蛋仔可以揀原味、朱古力、咖啡或者綠茶味☺️之後仲可以自己加filling架🤑想加栗子、M&M、OREO、芝士定蜂蜜🍯完全由你揸fit！Like！😍綠茶➕OREO雞蛋仔 🍵🍩🍮 ($20+$3)綠茶同OREO餅出奇地夾呀！😛微微甘香的綠茶配上脆脆OREO碎💃🏻清新低調中帶脆脆咬口👄而且每粒雞蛋仔入面都OREO碎架！😳好足料呀！🙇🏻🙇🏻🙇🏻雞蛋仔一定係脆身？🤔 未必！😛原來䭃身的雞蛋仔都有另一番風味架❗️好似食緊雞蛋仔形狀的Waffle咁🍫軟熟糯綿。煙韌飽滿☺️想試新野的潮友就要去try try喇！😏粒粒雞蛋仔都好飽滿好足料呀🙌🏻入面幾乎係實心咁濟🙀完全無偷工減料😁唔會好似食緊空氣咁👻兩個人Happy Share啱啱好👍🏻表示食完都已經半飽喇！😂再去食隻雞脾。Perfect池❗️

每次行過都會停低望住個menu 左諗右諗但其實每次都只係想試一次綠茶配Oreo 但每一次埋到去都選擇困難咁又走左去今日適逢平時買開嘅韓國野太多人反而Sumore未多人我就選擇今日買黎試等待整嘅時間頗長，買完等等下，都開始多人等待過程，觀察有好多人都係黎試某廣告效應的綠茶蜂蜜Oreo不過為食妹怕太甜只好棄蜂蜜了綠茶味幾fresh 唔會太重而變苦配Oreo 碎，又唔會被Oreo 搶走味道而且無蜂蜜都有甜味兩邊味道均匀但如果想食脆嘅雞蛋仔可能會失望因為口感似在食蛋糕的所以好飽。。最好2個人share唔係就會好似為食妹咁食唔晒

今日係元朗掃街，同朋友一心嚟試下呢間Facebook有page推介嘅雞蛋仔鋪～近年雞蛋仔嘅味越出越多，有啲味都真係拍得試原味唔單止夠蛋味仲有啲新意之前都食過朱古力味同咖啡味，今日一於試下綠茶味啦。仲有好多配料可以加，我就揀咗M&M！本來仲想試格仔餅，不過可以等雪糕雞蛋仔出埋再嚟試～落完單就會即整，見到店員都落咗好多M&M，好colourful好靚啊（不過我手慢影唔切）大概等5分鐘左右就有得食啦未食已經聞到有好香嘅綠茶味，隻綠色好original好吸引雞蛋仔個皮有少少脆，感覺好鬆軟，入面好軟熟仲要每粒都食到M&M，好足料啊下次嚟元朗會再試，希望快啲出新野

知道元朗開左間新雞蛋仔 店!所以今日走左過黎試一去到已經見到好多人係門口企左係到等...再去睇下有咩食我仲見到佢有埋格仔餅 tim架...但我冇嗌到....我揀左「綠茶蜂蜜OREO雞蛋仔」綠茶配OREO，帶甘香的綠茶配上微甜的oreo朱古力碎，都幾好味。雞蛋仔勁實心!食完好飽肚OREO 亦都唔係HEA比...每粒雞蛋仔入面都會有D OREO碎係到...~下次一定要番兜佢既格仔餅先得....HEHE

收媽咪雞蛋仔的價錢，但完全冇質素、個賣相唔得，其次係見到啲員工整就知出事，正常整完要風乾一陣先,佢地冇做呢個程序，整完就入袋，如圖，林pai pai, 加上可能我揀錯料，m&m真係唔夾，食左一半都冇