森 (已結業)

新開的店子總令人帶點期望,但小女子相信保持平常心才有驚喜。要一客原味雞蛋仔($18),價錢都算貴,由於係即叫即整,所以要花些時間等候喔。拿到熱烘烘的雞蛋仔時,它散發淡淡蛋香,少少脆的外層輕咬下去,食到煙煙韌韌的,帶點不太甜的雞蛋糕感覺。蛋香稱不上香濃,但實心的雞蛋仔買少見少,食左一半已十分飽肚。大家可以一試,但我會一試就夠。

經過過都好幾次但都無真正去過食。。終於有時間去試一試！4點幾去都好多人 可能係星期日！ 一黎就叫個特別小小 綠茶雞蛋仔$20但無加其他配料 因為雪糕仲未有住等左5分鐘都ok 人多都算快手相機食先後就試試佢 一黎都幾香綠茶味！食半啖你會發現好實心全綠茶 無偷工減料都仲要外面幾脆口 真係外脆內軟不過到半個雞蛋仔會有啲乾口可能係咩配料都無加如果加蜂蜜會更好！期待下次有雪糕推出 加埋雞蛋仔會更好更想試埋其他味道 ，仲有咖啡味雞蛋仔！

第一次到 森。經過元朗又新街聞到陣陣蛋香，忍不住停下來嘗嘗這新開的特色雞蛋仔店。看看menu有原味 朱古力 咖啡 綠茶 四隻味道再可以另加filling，款款都好吸引😋最後，我地三個人選了綠茶加Oreo同原味加芝士。因為人龍非常長及即叫即整的關係，我們在店內的座位坐下來等候，在等候期間已經聞到非常香濃的綠茶味🍵 很快我們的兩份雞蛋仔就做好了～ 先嚐嚐綠茶Oreo味，一拿上手已經感到非常聚手，可以看到非常多一粒一粒的Oreo（連熊b都望到眼甘甘😍）～ 吃一粒就知道料非常足，不會像有些店的雞蛋仔一樣 空心的。綠茶味就跟它的顏色一樣香濃，甜味不會過重，加上粒粒Oreo，口感非常豐富，對不好太甜的我來說味道剛剛好 非常搭！再來是原味加芝士，芝士味非常香，當然也是非常足料！外皮有芝士的脆香，內裡拉開有一絲絲的芝士，用料靚加十足，一放進口內 大～滿～足～ 芝士迷的我簡直是完全著迷了！！！ 這款雞蛋仔已即時成為我的元朗必食👍🏻這兩款雞蛋仔絕對是心機之作，值得推介！下次想試朱古力味加Oreo加hershey朱古力粒😋今日聽店員說即將推出雪糕格仔餅，超期待喔❤️～

同朋友仔去元朗行街順便食個B仔涼粉～發現隔離開左間好田園feel既小店。原來係賣雞蛋仔既～個裝修都幾靚，同個名好夾森Sumore最愛食街頭小食既我梗係要整返底黎試下叫左綠茶味+Oreo新鮮整熱辣辣，唔鐘意放左係度好耐果d～想叫你整底新鮮既又要黑口黑面同埋唔鐘意食落口得個殼，𠝹到個口損哂講返正題～呢個雞蛋仔好重綠茶味！入面粒粒都好飽滿好足料同埋唔係好甜～食左罪惡感都少d拎果陣聞到隔離果個咖啡味都超香！下次要試埋其他味先得可能新開張都幾多人排隊，不過等左10分鐘就有了要食好野等一陣我係完全唔介意

我是憤怒篇」滿心期待這個新的雞蛋仔 結果😩-這次點的是原味雞蛋仔 ($18)我額外加了芝士 ($5) total: $23雞蛋仔是即叫即造的 沒有即先烤好放左一邊的大概十分鐘就會做好的第一口我滿心期待是有芝士味的結果是沒有芝士味 而且亦不脆的 並沒有外脆內軟的口感😭😭😭連基本的蛋香味亦沒有😭所以真的是挺失望的-希望他們能趁著新張期間 吸取意見 作出改善我期待20多元的雞蛋仔是有對得起價錢的質素😩-Instagram: chloeelovestoeat喜歡的可到Instagram 看看

近來元朗新開既食店愈黎愈多，今次係位於又新街的新店SUMORE，係由數位年輕人開設的，於當日既下午小妹已經去左幫襯了!.大家又估唔估到店子係賣什麼食物呢? 先講講環境吧，裝潢走簡約風格，以柔和的藍色為主調，店內還有數張桌椅讓客人可以邊坐邊等呢，不過奈何當天的冷氣不太夠。.其實店子係專賣雞蛋仔和格仔餅的，賣既係四款口味的雞蛋仔，包括雞蛋、朱古力、咖啡和抹茶味，價錢由 $18-$20，價錢係有點貴。客人仲可以另外添加配料，包括栗子、M&M、OREO、芝士、蜂蜜、紫薯肉等，豐儉由人。另外仲有四款同樣味道的格仔餅，遲一點更會供應有雪糕雞蛋仔。本身想叫原味雞蛋仔+芝士，咁岩無晒芝士就轉左要蜂蜜 $18+$3。另外加個焦糖咖啡格仔餅 $25，等左十分鐘到就有得拎。.蜂蜜雞蛋仔 $21雞蛋仔食落只有頭幾粒係帶微脆，一路食基本上都係腍的，無左外脆內軟既口感，口感似雞蛋糕，相信係沒有先讓風扇吹一吹便放入袋。食落蜂蜜味都幾重，與蛋味都幾夾，但還是欠了點蛋香，整體味道都可以。.焦糖咖啡格仔餅 $25個餅做得幾厚身，食落有陣陣咖啡味，同搽左好"少少"的焦糖醬。食落既口感似窩夫多過格仔餅，基本上係得個樣似。格仔

又新街新開小鋪，今日黎潮聖。晏就三點幾黎到，前面都有幾個人等緊，不過都算快手，即叫即整，等左五分鐘左右就有喇。店主同店員都好年青，望住佢地做野完全感受到佢地既熱誠同活力！今日試左剩朱古力味，無加到其他配料，朱古力味好濃郁，唔係剩係得甜味，可可味好重，同平時食到既又唔一樣。粒粒都厚實，有口感食完真係會飽肚唔係空心。食到尾雖然唔係好脆，不過味道一流。下次再黎試抹茶味！年青人加油，支持小店！