影片
港鐵銅鑼灣站 D4 出口, 步行約3分鐘
繼續閱讀
電話號碼
28329293
開飯介紹
由米芝蓮星級廚師炮製精緻高質粵菜，裝潢高雅富氣派，坐擁270度維港景色，設有5間獨立房間、露台茶座配合各類型聚餐，呈獻全新的粵菜體驗。
繼續閱讀
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
有關獎賞計劃
屋企人生日🥳，我哋揀咗銅鑼灣嘅一間粵菜餐廳一齊食晚飯慶祝。 餐廳裝修高級，別具氣派。座位方面有室內同室外，而且有廳房，室外位置仲可以飽覽維港景色，相當之有氣氛。 呢度主要都係食套餐，每位$488。首先係前菜三小食，擺盤同賣相都非常精美。 香橙鵝肝：香橙能夠解鵝肝之油膩，多士香脆。xo醬海蜇頭：海蜇頭好爽口，xo醬惹味。蔥油吊片：吊片新鮮鮮甜，口感有彈性，葱油味十足。 蜜汁叉燒：叉燒肉嫩多汁，蜜味香甜。 川貝陳皮水鴨燉湯：陳皮味好濃，食得出係老陳皮味，令成個湯甘甜，非常滋補。 柚子片皮雞🍊🐔：呢個柚子片皮雞真係好值得推薦，先講個賣相，師傅好有心機砌番成個雞嘅形狀，整齊排列好，仲有伴碟嘅青瓜片卷成花，別具心思。片皮雞做到皮脆肉嫩，陣陣柚子清新味，減低油膩感。 鳳梨咕嚕蝦球🦐：蝦球炸得香脆，整體酸甜度調校得恰到好處。 大廚脆炒黃瓜皮：本來對呢個菜色無太大期望，但估唔到有驚喜，黃瓜皮炒得好爽脆，而且非常入味，加上少少辣度，令整個菜式更加惹味香口。 東坡肉煎飯：呢個東坡肉煎飯都好特別，首先個東坡肉炆得好稔好入味，東坡肉脂肪比例恰當，唔會過份肥膩。煎飯做到乾身香脆，配合東坡肉一齊食用相當美味。 西施川貝雪梨茶🍐：食完咁多濃味嘅菜式，嚟番個清淡嘅糖水先，雪梨茶滋潤，再加上豆腐嘅花形，令平凡中帶點不平凡。
繼續閱讀
過往到銅鑼灣晚飯大都會選擇日本料理，最近被一間開張不久的高級粵菜食府「棽粵The Summit」吸引而來，環境高雅之餘亦設有露天座位，更可一覽270度維港美景。據知棽粵由米芝蓮星級名廚主理，午市以點心為主而晚上則供應各式各樣粵菜小炒，鮑魚、官燕等矜貴食材應有盡有，$488八道菜晚市套餐正好適合我這種覺得花多眼亂卻希望一試所有招牌菜的食客。三小食從左至右三款前菜分別為蔥油吊片、香橙鵝肝及XO醬海蜇頭，魷魚帶純粹蔥香；鵝肝如慕絲般絲滑而多士保持鬆脆，配以香橙啫喱份外清爽；海蜇頭爽脆彈牙並帶微辣。蜜汁叉燒叉燒肥瘦均勻肉質鬆軟，蜜汁香甜而又不失肉味，從主餐牌介紹得知主廚鍾乃彬師傅曾以秘製蜜汁叉燒奪下米芝蓮一星，水準之高果然不負所望。川貝陳皮水鴨燉湯 濃郁陳皮香與鴨香平分秋色，湯頭清澈毫不油膩，感覺溫潤滋補。柚子片皮雞 雞皮雖經油炸但已細心地除去脂肪，口感輕盈鬆脆，底層雞肉則拌以柚子醬及粒粒柚子果肉，加上雞皮一同品嘗份外清爽。鳳梨咕嚕蝦球蝦球裹上薄薄一層炸漿，外層微酥而肉質爽彈，糖醋汁酸甜平衡再配以新鮮鳳梨香甜多汁。大廚脆炒黃瓜皮黃瓜皮爽脆同時略帶煙韌，加上彩椒、辣椒及肉碎炒製微辣惹味。東坡肉煎飯五花腩肥瘦相間，脂肪層晶瑩剔透，軟嫩得近乎入口即化，卻又軟而不爛、肥而不膩，味道醇厚並夾雜一絲酒香；下層飯餅加入雞蛋煎成略帶煙韌，美中不足的是受醬汁影響令其失去預期中如飯焦般的口感。西施川貝雪梨茶將豆腐切成菊花一樣實在巧奪天工，川貝配搭雪梨清甜滋潤。
繼續閱讀
高級粵菜食府棽粵位於銅鑼灣謝斐道黃金地段高層由米芝蓮星級團隊主理主打創意點心以及精緻粵菜大量全包圍落地玻璃以及室外茶座可以飽覽維港海景三小食香橙鵝肝口感綿軟柔潤配搭香橙凍以及脆多士可以平衡膩滯感同時豐富層次；XO醬海蜇頭口感爽脆同時鹹辣刺激；蔥油吊片口感柔嫩鮮甜拌搭蔥油清爽輕盈蜜汁叉燒主廚曾經憑藉秘製蜜汁叉燒奪得米芝蓮星；叉燒肉質鬆軟同時脂肪豐腴配搭蜜汁燶邊焦脆個人真心推薦川貝陳皮水鴨燉湯原盅川貝陳皮水鴨燉湯無添加勁足料可以化痰止咳同時滋陰潤肺宮廷鮑魚釀乳鴿乳鴿肉質柔軟細膩同時內釀鮑魚厚嫩完美吸收乳鴿肉汁鳳梨咕嚕蝦球咕嚕蝦球肉質爽彈同時漿粉薄脆配搭鳳梨醬汁酸甜醒胃大廚脆炒黃瓜皮黃瓜皮口感脆嫩簡單配搭辣椒肉碎爆炒惹味同時可以清熱解毒適合夏天東坡肉煎飯煎飯類似鍋巴口感軟糯柔韌配搭東坡肉肥瘦參半肉質油潤軟嫩甘醇邪惡西施川貝雪梨茶川貝雪梨茶清甜配搭菊花豆腐可以消膩解滯同時生津潤燥
繼續閱讀
棽粵是小編甚為喜歡的中菜館，知道好友不日要招待遠道來訪的貴客，特意推介。順道跟好友一聚，先食為快。裝修高檔，海景、華燈以及寬敝舒適的座位，高級感滿滿的，商務聚餐，最佳選址！VIP 房可連接270度全海景露台，靚到一個點 😍😍😍😍😍，露台設有座位，飯后聊天小酌一下，賞心樂事 😁😁是夜點了行政套餐 每位$488套餐，價格合理！三小食有鵝肝、海蜇頭及吊片，鵝肝濕軟綿潤；海蜇頭爽脆；吊片質感柔軟零韌度，多款口感味道同時享用，有心思的設計。蜜汁叉燒，蜜汁豐富，味道甜美，配合叉燒的肉香，及港人口味，大滿足 😍😍😍川貝陳皮水鴨燉湯，燉湯清澈，味道甜美，川貝陳皮潤肺止咳，所謂醫食同源，多喝有益 😄😄宫廷鮑魚釀乳鴿，乳鴿原隻上枱，保留最多肉汁。鮑魚釀在乳鴿內，即時升格。不論乳鴿或鮑魚，同樣軟腍入味。清湯牛坑腩，牛腩軟腍有咬口，切口整理靚仔，湯汁味道濃郁，正！濃湯鮮茄浸時蔬，是夜的時蔬是莧菜，莧菜嫩綠，艷紅的蕃茄味道微酸，還算不冇錯！東坡肉煎飯，煎飯很特別，味道不差。東坡肉肥而不膩，醬汁惹味，別具一格的主食！甜品西施川貝雪梨🍐茶，賣相優美，豆腐豆味濃，雪梨🍐茶甜味恰到好處，又靚又好味，很喜歡的一道甜品！非常之滿意的一頓晚餐，感恩經常有機遇可以嚐到不同的靚餐廳 🥰🥰
繼續閱讀
能欣賞到維港景色嘅高質中菜餐廳-棽粵，位於銅鑼灣謝斐道535號Tower 535 25樓。 餐廳樓底好高，水晶吊燈非常吸晴！仲設有獨立落地玻璃房間同露台茶座，裝修環境高貴氣派，好適合家庭聚會或者請客食飯。聽講呢度仲系由米芝蓮星級廚師料理菜式，依家中午仲推出點心套餐，相當抵食，包括六款點心、一款飯同埋兩款甜品，只係298/位，好抵食。蟹皇蒸燒賣同菜苗帶子餃好大粒而且夠新鮮熱辣，蟹皇蒸燒賣有著蟹嘅鮮香，肉質唔錯，菜苗帶子餃嘅皮晶瑩剔透，帶子好高質大粒。鮮竹牛肉球賣相飽滿大粒，牛肉鮮嫩多汁。蜜汁叉燒肥瘦適中，入口甜蜜。蜂巢帶子芋角呢個點心有驚喜，比想像中好味，表面有粒帶子，用脆香酥皮包住中間系綿密口感嘅芋頭蓉。菠蘿叉燒包熱辣辣嘅菠蘿包，內裏有菠蘿粒同豐富嘅叉燒，叉燒醬汁流出黎，入口鬆軟富有層次。上湯煎粉果仲跟埋一碗湯，表皮脆香，咬開仲有豐富湯汁嘅粉果，好香口。梦粤招牌黑豚肉炒飯炒飯粒粒分明，乾爽入味，黑豚肉質唔錯，份量亦好滿足！清香竹葉角及新疆紅棗糕甜點都不馬虎，竹葉角打開之後系白色糯米糍，充滿竹葉清香，紅豆蓉口感甜蜜。新疆紅棗糕濕潤軟滑，紅棗味突出，唔會太甜，好味。
繼續閱讀