椰子媽 (頌富市場)

營業中

休息中

一口氣叫左八碗外賣都係中式糖水 椰汁紫米露綠豆沙芝麻糊嗰啲全部冇味又唔甜 稀過粥水 之前都食過一次 上次就結得滯估唔到俾多次機會都仲衰過上次不可一不可再唔食又覺得嘥嘢食又覺得難為自己 雖然天水圍選擇唔多但係食呢間寧願唔食

好耐冇開po，因為掛住玩掛住食，懶打字😚 今日就講下呢間街市入面嘅糖水舖，佢開到11點幾，係附近已經算開到夜😣❤️‍🩹 🤍掘地礦工 ($28)《芋頭+椰奶芋香西米露》芋頭比較硬，唔粉🍠 但勝在非常足料🤩 有勁多芋頭粒粒係度🤍椒鹽花枝丸 ($22/6粒)呢個價錢都算親民，平時花枝丸都賣到勁貴🤑 花枝丸好彈牙，花枝好好咬😋 同埋佢勁香，未打開個外賣都聞到香味😍 ❛椰子媽❜📍天水圍天華路33號T Town North地下T Town市場📍屯門、元朗、朗屏、沙田#傻9去天水圍 #傻9食甜品 #天水圍美食 #hkfood #hkfoodie #天水圍 #TinShuiWai #TSW #HongKong #HongKongFood #甜品

今次黎到買飯後甜品，買左幾款黎試下😋呢個係紫米露加芋圓加小丸子同埋加清心丸，椰汁紫米露個味唔錯😋，但係d配料唔夠淋，超級硬，好似冇煮熟咁☹️有點失望。但榴槤產品就推介，叫咗個榴槤西米露包埋個榴槤雪糕，個雪糕好重榴槤味，而且幾creamy🤤🤤西米露入面嗰個榴槤都幾大嚿而且都好甜，好滿意！之前試過榴槤椰皇個個都推薦！榴槤份量都算多同埋甜！不過芒果產品都唔太推薦，之前叫過個芒果西米露，雖然有半邊芒果，但係酸嘅😖

夜媽媽想食個糖水，叫呢間椰子媽仲有開，叫咗個椰皇楊枝甘露。盛惠45元。結構好間單，一個椰皇裝住啲楊枝甘露，再有一個獨立包裝嘅芒果味雪糕。呢個芒果味雪糕好甜，芒果味唔算濃，奶味會比較重，一般。個楊枝甘露入面有嚿好多嚿嘅芒果，偏酸，可能係因為芒果依家唔係當造嘅水果。其實個楊枝甘露入面料幾多，有唔少柚肉，西米，而且唔算太甜，其實就not bad嘅。不過佢就冇椰汁/椰子嘅味道，佢個椰皇本身係冇汁嘅，見佢整嗰陣，佢嘅係用個空嘅椰皇嚟裝啲楊枝甘露。

晚上吃宵夜是香港人的一大喜好，跟住我叫了要飲啦龍眼西米露和芒果班cake加上一口番薯，龍眼肉每一粒也是真材實料，清爽清甜，滋潤可口，每一顆也是巨大的啖啖龍眼肉，非常足料。一口番薯🍠每一粒軟軟糯糯有咬口的口感，感受到烤的味道，吃了兩串已經相當飽肚了😲

$2x-$3x一個甜品是真的便宜每一次去開頌富都會買一碗黎食但是每次買的料都時多時少還有的是店員一路做甜品 一路傾計 見住佢裝 好驚佢噴曬啲口水落去 建議負責甜品的那位在做甜品時少說話 或者是帶口罩感覺上一路傾計一路做甜品 令人覺得唔衛生!!!

喺街市買糖水唔係啲新鮮事，但可能比大家嘅印象係賣中式糖水居多！🧐 喺天水圍呢一個街市自從裝修之後多咗一間甜品舖，除咗有中式糖水之餘仲有呢啲特色甜品，普通腸粉接觸得多，芒果腸粉唔知大家試過未？🤔芒果腸粉同鹹味腸粉原理上差唔多，只不過係用白色嘅蒟蒻捲住芒果咁解⋯好唔好食係在乎芒果夠唔夠正啫！😀 呢間嘅芒果腸有三條，每一條都包住一舊頗大件新鮮芒果，食落都相當清甜，微酸多汁！😍而外層嘅白色腸粉皮，佢嘅店名叫椰子媽&據我所知係要落椰汁嘅，但食落冇椰汁味，只不過係白色嘅蒟蒻，變相成個甜品只有芒果味，有啲單薄！🤨 最多讚佢啲蒟蒻好滑咁囉⋯🙈 呢個甜品CP值唔算好高，但如果你係一個芒果控嘅話，又會好鍾意喇！🤤