椰林閣餐廳 (華都商場)

營業中

休息中

想食沙律🥗同坐下, 又唔係好肚餓, 揀左脆炸雞脾🐔拼沙律🥗, 配熱檸茶🍋, 等左一陣飲品先到, 好濃的紅茶, 再隔一陣雞脾🐔也送到, 賣相幾靚, 不過我個人唔食外層的脆漿, 切件雞食下, 食落有肉的質感, 唔會好淋亦唔會有雪藏味, 醃得幾好食, 沙律正常味道, 唔係特別突出, 不過42元都算好抵食, 唔喜歡食太多, 又想坐下,依度算幾舒服, 又唔會急住叫你走👍

今日過來屯門市廣場, 去食好耐無去的椰林閣🍽️叫左兩個晚餐, 一個雜扒🐽🐮🥦🥓🍟一個三文魚扒🐟白汁意粉另外加$轉酥皮忌廉粟米湯🌽同加$叫左個大蝦🦐沙律🥗, 等在一陣沙律送上, 味道也整得幾好, 蝦🦐亦新鮮, 唔會有好大陣雪藏味, 但我個人覺得如果用圓碟裝住, 會更加靚仔d😅, 之後送來雜扒, 有薯條🍟, 腸仔, 煙肉🥓, 火腿, 牛扒🐮同豬扒🐽, 另外也送來三文魚扒白汁意粉🍝, 賣相也精緻, 兩個餐的份量也不少😆, 之後再送來酥皮忌廉粟米湯🌽同兩片蒜蓉包, 個湯也好味, 但我個人覺得咸左d, 而且個湯好濃但太結🤣😂, 再加上一片酥皮同一塊蒜蓉包,飲晒已經飽到上喉嚨😂, 之後食件三文魚,味道唔錯, 外層有d照燒汁, 煮得好味☺️, 白汁意粉也煮得唔錯😘超好食😁🫶個扒只係試左少少豬扒, 味道幾好, 整體都有80分, 而且坐寬闊卡位, 又唔會趕你走, 不過可能周圍太多食肆, 所以依度都係比較靜😄😀

來到屯門市中心，見大部份餐廳都係連鎖餐廳，華都鄰近屯門市中心，椰林閣也算是少分店的餐廳，所以揀了它吃下午茶。西多士夠厚，用了花生醬...豬扒麵都ok...餐蛋三文治就好一般，材料不平均及蛋不夠厚...見到店內poster推介特飲，揀了3杯不同嘗試，以為會有驚喜，無唸過3杯都咁難飲。提拉米穌紅豆冰，是有tiramisu味，但做飲料太甜及令人作嘔感覺。冰爽白桃椰果紅茶，又是太甜，還有點吃驅風油感覺。橙香阿華田，小朋友話又苦又有沙好難飲，寧願吃真正積及橙餅。總括來說，把甜品蛋糕原素加入飲料並不可取。。。

今日去左間好耐都冇食過嘅餐廳屯門華都椰林閣，亦係以後唔會再去的。到餐廳門口，如常按票等叫入座，等左幾分鐘都冇叫我入去，我見餐廳内有好多吉枱，於是我直接問個收銀員，是否直接坐下就得，佢話(係呀！)，咁我就坐下叫個茶餐啦！今次點左豬扒包加凍檸茶。等左一陣食物奉上，唔知係個侍應打牌輸左錢，定係剛剛比上司鬧完，佢係用掉嘅手法將個包放在枱上，當然個包就解體左啦！😡我來比錢食嘢，雖然唔係高級餐廳，但不至於要受氣囉。講返食物質素，由於個包散晒，我要將D配料還完在包內，見到D生菜唔新鮮，有一半部爛了，豬扒好乾，勝左有兩片蕃茄夾住，食落去都冇咁鞋口，個包都烘脆，凍檸茶茶味比淡。遇着咁嘅員工，要接受咁嘅務服，就算食物再好食，都不會再光顧。希望只係個别員工嘅問題，如果個個都係咁嘅工作態度，香港飲食業就好快玩完。

記得中學果陣椰林閣仲係有好多分店，午餐好抵食，係中學生嘅飯堂！時移世易，而家椰林閣得返兩間店，隔咗咁多年之後就突然好想來呢到食返餐飯，搵返當年嘅童年回憶～黑椒汁大蝦拼牛柳💰HK$125牛柳叫咗7成熟，感覺都係熟咗少少，牛柳好似仲有一陣雪藏味，有啲失望！大蝦嘅味道反而更出色～蒜蓉汁肉眼扒💰HK$108肉眼扒叫咗5成熟，生熟度剛剛好，味道唔錯～晚餐仲有包埋餐湯，蒜蓉包同埋餐飲！我哋揀咗忌廉湯，而蒜蓉包就味道偏鹹～

椰林閣已經少左好多間, 以前真係好經常去, 今日來到屯門, 又去幫襯下, 唔食牛唔要食太多肉, 就叫左芝士帆立貝配洋蔥豬扒加飯, 餐飲要熱華田, 因為佢係餐, 另外要左忌廉粟米湯, 其實環境幾舒服又靜👍😍 不過唔知點解個個去晒隔離吃壽司🤣🤣 坐左一陣先來湯和蒜蓉包, 湯夠熱又濃, 都幾多粟米👍 不過覺得結左少少, 飲落有d滞😅 但味道係ok, 配蒜蓉包又幾好味😚 再隔左一陣餐送上, 份量也多, 賣相就一般般, 先試汁撈飯😅 唔知乜嘢汁, 但叫做有味, 飯唔係太熱, 食到好多硬的焦米😆 用刀切一舊豬扒食, 醃得幾好味👍😋 都無雪藏味道, 帆立貝食到d芝士味, 帆立貝味道就一般, 整體都合格😛😜 之後要左熱華田又幾有驚喜, 夠熱又夠味👍😋🤩 大型西餐廳已經買少見少, 都係香港人的集體回憶💓

🤗難得去開屯門市中心行街，去食個午餐先🍴「椰林閣」細細個就跟家人食過，絕對係童年回憶😛.😌唔知咁耐無食，水準是否保持住呢？午餐時間拎飛等4️⃣個號，好快就有位可以入去👏🏻👏🏻\\ 午餐選擇 //✨每個套餐都有餐包、餐湯附送▶️洋蔥汁西冷牛扒配薯條牛扒很好食 不會太老 煮得剛剛好▶️海南雞飯醬汁好惹味 雞肉也很滑一間老店西式餐廳，喜歡懷舊的朋友仔，可以去一試哦!!❤️🍽️餐廳資訊🍽️椰林閣餐廳地址 : 屯門屯利街1號華都商場3樓9號舖電話 : 26681998時間 : 07:30 - 23:00

以前中學間唔時都黎椰林閣食平價西餐，今日黎開附近再回憶下。叫左一份牛扒火腿炒蛋配牛油多士，多士香口，熱辣辣幾好食。但其他就真係普通。火腿輕輕煎過下，炒蛋份量細，炒得唔夠蛋香，牛扒既汁太杰。

椰林閣曾經是香港一間廣為人知的平民扒房，但隨著時代變遷，大部分集團式的平民扒房餐廳已逐漸被市場淘汰，風光不再。時隔多年，今日終於在屯門華都花園看到其所剩無幾的分店，便決定看看可否重拾當年回憶。----------用餐環境：⭐️⭐️⭐️椰林閣裝潢經典而精緻，場內燈光偏暗，感覺仍然是當年椰林閣的一貫風格，變化不大。整體用餐環境尚可，唯2人座位偏窄、環境略為嘈吵，影響用餐體驗。----------衛生情況 : ⭐️⭐️餐廳店面整體尚算乾淨企理，唯餐桌和餐具的整潔度有待改善。----------服務質素：⭐️⭐️服務質素方面，接待員和侍應的服務態度相當一般，唯效率尚可。整體與傳統茶餐廳分別不大，不至於非常惡劣。----------餐點評價：⭐️⭐️⭐️食品的質素沒有驚喜，亦不至失望。雖味度偏淡、層次不足，但份量、擺盤尚可。作為平民式扒房，整體符合預期，唯食品溫度欠奉，有待改善。----------性價比：⭐️⭐️⭐️⭐️⭐️作為平民式扒房，價錢相當親民。60蚊包主食、餐包、餐湯和飲品，且份量適中，可謂物超所值。----------總結：其實椰林閣整體表現與當年全盛時期大致一樣，變化不大。可惜隨著時代變遷，在激烈的市場競爭下

以前曾經好鍾意去椰林閣西餐廳，唔太貴，有餐湯、牛油餐包，主菜及飲品，價錢大眾化，但而家都很難見到佢嘅蹤影。點知，有一日突然發現喺屯門華都商場見到佢，於是，我諗都唔使諗，我即刻衝左入去，好希望懷念吓嗰種味道。我一個人，入去無人理我😂，坐低咗，環境算ok，服務以前無乜，而家直頭唔好有期望添🤣，叫咗個牛扒配薯條，等咗好耐，終於上枱，熱切及滿心期待，點知等咁耐牛扒不多熱、薯條直頭係又凍又硬。點解而家會差成咁，懷念已消失。

唔知大家細個嘅時候有冇食過呢間西餐廳呢？咁我就帶大家嚟到我充滿童年回憶嘅地方佢就係位於屯門華都商場嘅椰林閣細個嘅時候，屋企人成日都帶我嚟食眨吓眼原來餐牌已咗咁多，分店亦都剩返葵涌同屯門兩間我就叫咗同事最愛嘅雜扒餐套餐有餐包、餐湯同埋嘢飲餐湯羅宋湯、忌廉湯或者例湯我嘅砸下餐非常豐富，分別有豬扒、牛扒，雞翼、煙肉、司華力腸配薯菜平民指數：🌟🌟🌟好食指數：🌟🌟🌟🌟———————————————————-椰林閣營業時間：星期一至日10:30am-9:00pm#香港美食 #美食 #hkig #hkfood #hkfoodie #hongkong #hkfoodblogger #hkfoodlover

有一段時間冇食過椰林閣見到夜晚個餐牌唔錯，所有再試吓叫咗一個燒春雞配薯菜燒春雞外皮香脆☺️雞胸部份意外地嫩滑我本身對燒雞嘅雞胸部份，冇乜期待感但呢個雞胸仍然保留住肉汁😋😋 好香可惜嘅係雞髀嘅部份有少少唔太熟整體來講係好味嘅😄另外叫咗一個牛柳配烤大蝦牛柳叫咗五成熟 好有肉味😙大蝦都烤得香，但有少少過左火

在華都個電影院 睇完早場，去隔離食個椰林閣早餐，時間岩岩好～ 點左A1 同A2餐🔸A1 早晨全餐 $42漢堡扒腸仔火腿煙肉炒蛋配牛角包及沙律菜 想食牛角包，點左呢個餐。中規中矩，個牛角包ok架，鬆脆又有牛油香味。餐飲配左凍檸茶 要加3蚊🔸A2 醒神早餐 33蚊仿鮑片火腿通粉（輕量版）配炒滑蛋及脆脆奶油豬仔包(半個) 配熱奶茶 33蚊 有3款野食 +熱飲，份量對得住佢個價。火腿絲鮑魚絲通粉，雖則是輕量版，但唔細碗架。如果奶油豬仔包,可以烤得脆d就更好喇食飽飽，又開始出發，遊玩的週末～餐飲上得好慢，同左餐廳講，希望會有所改善。

order了一個下午茶餐，估唔到蚊型咁细嘅pizza，驚嚇！！食落仲激氣，又無乜料又難食；似食剩啲火腿，隔夜叉燒之類放哂落去焗成一片餅！！極無誠意！中伏！！麵包店買唔使2O元！依家仲要46元！勁揾笨！！另外又叫左個乾炒牛河，河粉似隔夜，炒得無獲氣就緊架；連牛肉都又乾又老，炒到燶哂！这間舖以後不會再光顧了！

細細個時椰林閣周圍都係，但越開越少分店。味道計，以咁嘅價錢實在冇乜可以話佢…味道上都要評下分嘅…1. +15蚊轉左酥皮湯呢個湯底係白湯只係加塊酥皮收多你15蚊。個白湯底唔係好得，冇乜味…只係加左好多麵粉😩 落鹽都保佢唔到😓2. 肉眼扒晚餐配意粉呢塊肉眼扒太薄，七成熟變咗well done 🤣仲要有條勁根位係中間….. 3. 牛柳大蝦晚餐配薯菜牛柳比想像中細舊…佢4oz牛柳個set賣86蚊，呢個加咗一隻蝦就收你118….30蚊多隻蝦仲要舊牛柳縮水唔夠4oz…下次再幫襯可以慳返🙄4. 鰻魚雞扒晚餐配飯味道最正常總括嚟講，港式西餐收你呢個價。食飯環境比茶記好…我覺得係no complain … 去Dan Ryan 食個扒係呢度三個餐嘅價😂😂你話點比？