影片
電話號碼
22794598
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
招牌菜
食評 (42)
椰林閣喺以前香港有好多分店，不過基本上好多分店都閂得七七八八，其中一間開到依間依然屹立不倒嘅分店就係葵涌邨嘅呢一間。我哋嗌咗一份全餐，沙嗲牛肉麵顏色較淡，食落去有浸淡淡嘅清雞湯味，但係略嫌沙嗲味不足，如果鍾意淡味嘅人可能會幾鍾意，但係相比起普通茶餐廳嘅沙嗲牛肉麵，冇咗咁濃嘅沙嗲味就好似冇咗佢嘅特色咁，所以我覺得一般。反而佢嘅多士做得好出色，食落去好脆，而且已經幫你搽咗牛油，食落去方便又好食。 炒蛋同腸仔就冇咩特別同一般食到嘅味差唔多。跟住我哋再嗌咗一份當日先有嘅午餐餐牌嘅焗雞皇飯，雞肉食落去幾嫩滑，唔會話焗得太老，面頭嘅芝士味都有融入去個飯入面，比起一般茶記做得算係出色。
繼續閱讀
3點3，二人點咗二份下午茶餐特色洋蔥豬扒包配沙律豬包好juice ，唔乾，炸得剛剛好👍沙律份量足！美式珍寶熱狗皇配沙律珍寶腸加上鲜蕃茄，口感滿滿！沙律份量一樣足👍熱奶茶熱檸水下午茶餐真係抵食又飽肚！
繼續閱讀
葵涌邨咁多食肆，我只幫襯椰林閣，因為夠平，又好食。每個菜都係$58，份量係細小小，不過白飯夠大碗，一定夠飽。味道而且好食。但可能因位置問題，多數街坊都係忽略左佢，直接去大家X 。而且座位夠闊，坐得好 舒服睇相就知啦！
繼續閱讀
預祝各位新一年身壯力健，財源滾滾來今日虎年最後一天，女兒指定嚟呢度食早餐，$35一個沙牛面，煎熟蛋，加杯熱飲，價錢合理，坐得舒服，職員落單快，出餐快！食物夠熱，味道正常。晚餐都幾好食，夠晒大份。外賣晚餐仲抵$40有交易。所以外賣都幾受街坊歡迎學生仲有優惠。預祝各位新一年身壯力健，財源滾滾來
繼續閱讀
今日黎到葵涌 竟然俾我見好多年前無食過既椰林閣 記得以前椰林閣都係做西餐 今日係門口見到有中式小菜食 就好好奇咁入咗去試下啲小菜 入到去有好多款小菜 我就嗌咗個比較簡單既煎蛋角 一試就試出驚喜 蛋角比想像中足料 鑊氣又夠 唔係太咸太淡 拎黎送飯真係啱啱好 好開胃 本身跟一碗飯一個湯 後尾我仲加多左碗飯 食得好滿足😋 仲有不得不提個羅宋湯係飲過咁多地方最好飲既羅宋湯黎 好足料好好味下次黎到再食過😋
繼續閱讀