影片
港鐵宋皇臺站B3出口, 步行約2分鐘
繼續閱讀
營業時間
9:00-23:00
以上資料只供參考, 請與餐廳確認詳情
經過九龍城見到呢間傳統中式糕點外賣店，做緊優惠$30有5件糕點，忍唔住買來過下口癮😽⭐️薑汁椰汁糕 $6薑汁味唔濃，冇辛辣感，同椰汁味互相平衡得幾好-⭐️芝麻椰汁糕 $6 芝麻味同埋椰汁味都只係好輕微，淡淡地慢慢滲出嚟-⭐️班蘭椰汁糕 $6 綠色分層最靚🤣食唔到我期待嘅口感，都係偏向鍾意煙煙韌韌嘅泰式口味多啲🙈-⭐️咖啡椰汁糕 $6呢個終於有啲小驚喜，咖啡味稍為突出啲，都保留到椰汁味，唔苦-⭐️芝麻糕 $6食唔到沙沙顆粒感，處理得幾好，芝麻味好淡，口味比較樸實-整體來講，糕點拎上手好動L😹食落去唔會黏住個口，但又唔係煙韌，椰汁糕分層好靚🥰清清甜甜，甜度啱啱好💖飯後食一嚿啱啱好，唔太食得落第二嚿🤡記得Share食🤡-味道中規中矩，好平凡冇乜特別，冇乜記憶點😗-椿禾 評分5/10
繼續閱讀
行過先發現有間新開嘅中式糕點舖，價錢好平啦，$30有四件，款式都好多，懷舊小食喺香港已經好少見，一於買來試吓舖頭門口寫住新鮮現做，糕點之外仲有中式糖水全部無添加、低糖好驚喜，終於食到白糖糕無酸味，啱晒我口味芝麻糕芝麻卷好香濃芝麻味，超級滑溜，爽彈砵仔糕都係好彈牙豆嘅比例都啱啱好，下次要買多幾件全部糕點都淡淡嘅甜味，口味都好正宗，難得搵到呢啲傳統嘅美食，價錢經濟，下午6點去買，大部分口味都仲有，下次經過會再買
繼續閱讀
傳統中式糕點鋪買少見少，九龍城呢間小店糕點款式多而且店員有滿滿人情味💜糕點擺放乾淨企理，食得放心，值得支持🎈砵仔糕有白有黃，紅豆俾得好足🫘煙韌砵仔糕加上粒粒紅豆口感滿分🫘食落幾彈牙甜度剛好，性價比非常高🎈桂花椰汁糕椰汁味好香，帶淡淡桂花清香，層次分明，食落有彈牙嘅感覺，好啱我口味🎈椰汁斑斕糕斑斕糕味道清新，同時有椰子香，軟糯彈牙，食得出好有誠意🎈白糖糕好少地方食到白糖糕，呢度嘅白糖糕軟硬適中，Q彈爽口，甜味恰到好處，好味
繼續閱讀
本身喺九龍城買泰式小食，路過見到呢間主打中式糕點既椿禾，標榜新鮮現造，無添加，最後決定順便買埋糕點返去孝敬下媽媽🙆🏻♀️✨ 唔知係咪新開張，價錢都算實惠，$30/4件，每件糕點都幾有重量，幾足料😬芝麻糕香港好似唔算多地方可以食到芝麻糕😆 每次見到芝麻卷/糕都好開心！芝麻味香濃，又唔會太甜膩。馬蹄卷第一次見卷卷形狀嘅馬蹄糕，除咗粒粒馬蹄，仲多咗層層卷物嘅層次，雪凍食感覺更加清爽。另外斑蘭糕都幾推薦，可以俾媽媽試吓新口味😆
繼續閱讀
係香港，賣中式糕點嘅舖頭真係唔係好多，喜歡中式糕點嘅我，每次見到都總要買返幾件，今日經過九龍城見到呢間小店，梗係要買黎試下。除咗中式糕點，小店仲有自家製樽仔飲品，價錢都算親民。椰汁西米紅豆糕 :粒粒紅豆有咬口，夠晒足料，味道唔太甜，加上薄薄嘅椰汁糕，味道更有層次。椰汁西米糕 :本人最愛椰汁西米露，見到呢款椰汁西米糕又點可以唔叫？食落煙煙韌韌，椰汁味香濃，西米份量都好多，好似飲緊西米露咁。芝麻糕 :芝麻香味突出，口感軟糯幼滑，唔會太乾。椰汁桂花糕 :桂花散發出淡淡清香，相比起椰汁糕，食落清新無咁膩，長輩較喜歡。椰汁芝麻糕 :黑白相間分明，賣相好靚，香濃嘅芝麻配上甜甜嘅椰汁，味道無咁單調。
繼續閱讀