楚撚記大排檔 (馬頭圍道) (已搬遷) 新店位置

黑椒薯仔牛柳粒 : 薯仔先炸過再用蜜糖炒，做了焦糖脆面，咬落鬆軟又帶點甜味。牛柳粒炒得剛剛好熟，又軟嫩，加入黑椒醬汁搭配薯仔，口感微辣帶甜。整道菜的味道非常豐富，酥脆的薯仔包裹著醬汁，蜜糖甜味恰到好處，直接化解了黑椒牛肉汁的鹹辣感。支竹豆腐火腩煲: 豆腐外脆內腍，嚼起來口感極佳。蠔油和老抽的味道是完美的搭配，令整道菜更加美味。燒肉的脆皮是這道菜的另一大特色，脆卜卜的口感讓人欲罷不能。而且，豬肉火腩的肥瘦比例非常均衡，不會過於油膩或咸口。支竹更是這道菜的點睛之筆，吸收了湯汁和火腩的精華，更加香。西檸雞:  味道酸酸甜甜，嫩滑的雞肉被晶瑩剔透的檸檬汁包裹，讓人食慾大開，倍感開胃。每一口都能感受到雞肉的鮮嫩，肉質細膩柔軟，配上檸檬汁的酸甜味道，讓人回味無窮。這道菜的雞肉近乎無骨，非常易於食用，是大排檔抵食夾大件的絕佳選擇。椒鹽粟米:  這道菜的香味非常濃郁，粟米被炸透後，每一粒都分明可見，加上惹味的椒鹽調味，讓人無法抗拒。這道菜中還加入了蒜味，口感豐富，為整道菜增添了一份濃郁的香氣，不可錯過。椒鹽九肚魚 :  椒鹽九肚魚 肉質滑嫩，嫩如豆腐，很有魚香味道，入口即化，炸出來熱辣辣同時又夠香口。

網站列明每日下午五點開始營業，來到門口就話五點半先開，十幾個客睇到ig等五點開前來，卻不得其門而入，三十五度高温，有人頂吾順即走，店方則啋你有味，玩到你團團轉，完全不負責任，希望能有所改善。

男士們還是比較喜歡大排檔，喜歡大排檔的鑊氣，楚撚記大排檔比較適合我們，因為有冷氣，有服務，又質素，有衞生，食得安全又放心。既有大排檔風味，又有合理的價格，真心推薦。香煎黑松露手打蓮藕墨魚餅 $108基本上是必點的菜，一上枱就散發陣陣黑松露味，薄薄的蓮藕片增加了墨魚餅的口感，入口香脆，墨魚餅爽口彈牙，非常香口，大愛!楚撚記小炒王 $99蝦乾醃製夠味，韭菜花新鮮，腰果香口，XO醬味濃，叉燒入味，銀魚仔卜卜脆，整碟小炒王鑊氣夠，簡直色香味俱全，我們邊食邊讚不絕口!黃金椒鹽粟米 $69粟米本身就很甜又有營養價值，但配合咸蛋就吃到完全不一樣的味道，咬落去微鹹發沙，粟米都被咸蛋滿滿的包裹着，所以鹹中又帶點粟米的甜，味蕾都精神起來了蕃薯糖水老闆送的蕃薯糖水，薑汁濃，驅寒暖身，味道辛辣，蕃薯多又軟腍，去油膩感不錯。

有香港風味嘅大排檔實在買少見少。但都比我係土瓜灣搵到一間撚手小菜同鑊氣小炒都好受歡迎嘅楚撚記，佢嘅室內用餐環境舒適，約埋親友晚飯宵夜直落啤一啤，一樂也！菠蘿拔絲咕嚕肉，呢味餸每枱客人都會叫，受歡迎程度極高，上檯見到份量都好多，加上拔絲賣相極精緻，用梅頭肉做肉質特別香腍軟滑，醬汁味道酸甜極滋味！枝竹火腩豆腐煲，熱辣辣香噴噴上檯，火腩炆得稔香，枝竹、豆腐、冬菇吸盡醬汁和火腩的精華，非常惹味！鮑汁海皇福建炒飯，份量十足兼且非常足料，炒飯香噴噴，軟硬適中又有鑊氣，配料爽口，獻汁加有鮑汁，啖啖都充滿鮮甜味。番薯糖水喺店家奉送，糖水甜度剛好，薑味香濃，番薯林甜！

食過就明點解成日見人排隊等位😋😋港式風味嘅餸菜煮得夠火喉！味道高質之餘又價錢合理！下次決定帶家中長輩去再回訪🥢. ✨菠蘿拔絲咕嚕肉(梅頭) $99雖然我哋最後食哂都諗唔透…點解嚿用嚟拔絲嘅糖膠要放旁邊…而唔係咕嚕肉嘅上/下面 (因為放旁邊對拉絲係毫無幫助嘅😅)但真係整得好有水準嘅！每嚿都包圍住醬汁嘅梅頭肉肥瘦相宜！咬落啖啖肉且酸酸甜甜！勁開胃好送飯！. ✨欖菜肉崧四季豆 $68看似平平無奇卻實在好惹味！豆冇煮得過腍…保持到適當嘅口感！加埋咸香嘅欖菜肉崧係會令人一條接一條四季豆咁啪入口🤭🤭.✨啫啫滑雞煲 $92一開蓋香氣四溢！香到隔離枱即刻跟風叫咗個😂😂件件雞件嫩滑又入味！而且吸收哂醬汁精華嘅配料(豬潤, 蒜粒, 洋蔥, 香菇) 都唔好錯過要食哂呀！大推薦！.✨瑤柱蝦粒帶子蛋白炒飯 $88好夠鑊氣嘅炒飯👍🏻👍🏻海鮮粒鮮味彈牙！飯又炒得夠乾身！味道好而且份量勁足！Be食吓食吓添咗兩次飯😝.✨熱蕃薯糖水 $0飯後送懷舊嘅經典港式糖水🧡蕃薯夠哂腍又甜美！且帶有啖啖薑味滲出！正！！

如果想walk in 堂食楚撚記 就一定要五點半至五點九乖乖去排隊攞飛 太早去又要即時入座計時食 太晏去 就連飛都唔會比到你但人哋真係串得起 皆因啲野食真係有水準 如果唔係都唔會咁多年黎都排曬長龍啦蜜椒薯仔牛柳粒 推薦指數 *****牛柳粒夠稔同入味 蜜糖同黑椒味嘅比例岩岩好 唔會話邊個搶走邊個嘅味 薯仔外層鬆口 唔係就咁炒埋一碟麻辣韮菜鴨血煲 同茄子煲 推薦指數***味道夠濃 但唔會話好食到要再encore 外面價錢平啲都係差唔多味咕嚕肉 推薦指數****炸粉唔會過厚 肉質都夠稔唔會太難咬 個芡汁酸甜適中 都掛曬係啲肉到 好快就清左碟啦

我們叫外賣自取分量少得可憐又冇折，連揚州炒飯都差冇味差過普通茶餐廳，牛仔骨得果三件，2盒通菜，一盒份量正常，一盒份量得三分一都沒有。幾個餸配菜，青/紅/黃辣椒就佔九成。一定唔會再叫返來。

楚撚記_菠蘿拔絲咕嚕肉(梅頭) (5.5/10)拔練咕嚕肉冇特別😫同平時個啲一樣 唔知拔絲同唔拔絲既分別係咩 咕嚕肉入面啲桃亦唔係特別夾 但咕嚕肉本既肉質幾嫩 加上調味亦係正常 所以都ok😗_沙爹粉絲金菇牛肉煲 (6.5/10)幾惹味! 食落第一啖好似食緊茶記啲沙嗲牛肉麵咁🤨 同埋佢係用牛肉片 唔係用肥牛 加分加分😜 但略嫌唔夠足料 配料多過肉好多😤 同埋食到後尾有啲寡 味道唔夠豐富 得第一啖有驚喜!

與友人看戲，出來後商場已經漆黑一片，回到了土瓜灣，街上人煙寥落，店舖已關門，唯獨對街角後巷仍然燈火通明。我們發現是很受歡迎的《楚撚記》，決定來一個宵夜。走到門前，牌上寫着10點後一律八八折，唯有為了錢包的重量餓一下。門內大多數都是三五成群的朋友，桌上放滿小菜及冰鮮啤酒。我和朋友首先點了兩個小菜，鮑汁海皇福建炒飯及菠蘿拔絲咕嚕肉（梅頭）。點福建炒飯是因為太餓了，濕炒飯跟一般茶餐廳一樣，在預期之內。🥢鮑汁海皇福建炒飯值得一提的是菠蘿拔絲咕嚕肉，外脆內嫩，浸在酸甜的醬汁中。醬汁有桃及菠蘿的果香味道，混以香甜的拔絲— 糖絲及一塊大冰糖，惹味非常。🥢菠蘿拔絲咕嚕肉難得來到，我們再點了一客酥炸黑松露菌醬芝心乒乓波牛丸，嘴裏爽口彈牙，流出的連綿芝士醬， 非常香口。🥢黑松露菌醬芝心乒乓波牛丸臨走前，還有免費的番薯糖水贈送，雖然番薯不多，但口感軟糯，帶有薑的辣勁（好像不同於其他食評家的經歷），非常暖胃。🥢番薯糖水

楚撚記受歡迎程度就唔洗多講，但無諗過，好食得嚟，仲要幾抵食🤩 有驚喜！呢晚食咗幾款菜，都食到我哋lumlum脷👅 等我嚟個重點推介先🙌🏻🎈楚撚記脆皮燒bb鴿 $58/隻Bb鴿幾大隻，可以一開四share🤗 皮脆肉嫩，而且帶汁🤤 必點！🎈楚撚記原隻脆皮炸豬手 $138原隻豬手已拆骨，食落方便。豬手炸得皮脆香口，而且肉質緊緻，有嚼勁又唔鞋口😋🎈脆皮炸大腸(鳳梨底) $88脆炸香口，口感唔油膩，因為配埋咗甜酸菠蘿底一齊食💕🎈酥炸黑松露芝心手工乒乓球牛丸 $95牛丸彈牙爆汁，仲有黑松露流心餡👍🏻🎈飛天通菜煲 $78煲仔菜亦係大排檔必點菜式，鍋氣十足，香口惹味！除咗以上幾款，其他菜式亦唔錯，正常發揮… 🎈椒鹽九肚魚 $82 🎈豆漿杞子鮮腐竹浸時蔬 $78🎈菠蘿拔絲咕嚕肉 $99🎈蕃薯糖水 最後，飽到盡頭，仍然要嚟碗糖水😆 蕃薯糖水香甜驅寒，蕃薯仲係熱量最低嘅紅蕃薯呀❤️

晚市無得堂食, 所以又睇吓附近有咩好食, 🔸楚撚記大排檔🔸 都真係好有名氣, 一於試吓佢嘅外賣喇。🍚 豬油撈飯第一次見到豬油撈飯呢4 隻字係覺得好恐懼嘅, 諗吓都覺得肥膩, 不過試咗就返唔到轉頭喇🤦🏻‍♀️ 外賣嘅豬油撈飯做得好細心, 分開一盒盒, 有豉油, 豬油, 芫茜同香蔥。根據自己嘅口味將d 配料撈埋一齊, d 飯變得好順滑, 保暖又好味。🥢 香爆黑椒牛仔骨煲雖然外賣唔係用煲上菜, 不過d 牛仔骨爆得好香, 肉質好軟腍, 完全唔黐骨。配料洋蔥, 紅椒同綠椒都炒得好惹味。🥢 蜜椒薯仔牛柳粒本身期待有多d 蜜糖味, 不過反而偏向黑椒味重d。牛柳粒同薯仔粒嘅size 差唔多, 的的骰骰, 都有少少甜味。💭 整體食物都好食, 好有鑊氣, 值得支持。

即係咁，由落單到而家呢一刻我已經等咗一個鐘. 外賣自取5個餸，叫我等8個字. 咁我8個字後翻嚟都未有. 而我裝到其他都係4-5個餸嘅外賣遲我廿幾分鐘落單都已經有得拎. 唔該廚房安排可唔可以好少少？ 雖然我覺得你啲食物質素幾好，但都唔係咁樣運作. 謝. 最終我比預計等候時間(8個字) 等多咗5個字. 之前喺openrice落單預計半個鐘有得拎而最終都係等多10-15分鐘先拎到，呢樣我接受到. 但今次我真係覺得過份咗. 利申唔係第一次幫襯.

位於土瓜灣呢間新派風味小菜，雖然唔係黃金地段但係每日排隊嘅客人絡繹不絕！除咗佢哋嘅菜式新穎款式特別之餘，味道仲絕對有保證🤩 燕麥金沙蝦球蝦球起咗殼方便客人食，廚師用咗黃金蛋黃炸香左之後再撈埋燕梳，至於用燕麥做配菜就更有諗頭，既可以解黃金蛋黃既漏嘅感覺之外，燕麥感覺健康仲有咬口！拔絲咕嚕肉呢個幾乎好似係每台都會叫嘅小菜，咕嚕肉炸粉唔吼甜甜酸酸肉質鬆軟！拔絲同麥芽糖新鮮整起，脆口，比起一般傳統更有新鮮感！飛天通菜煲通菜惹味有鑊氣，炒好嘅通菜用砂煲上更可以保存熱度麻辣韭菜鴨血近排掀起鴨血熱潮，呢度用鴨血取代一般嘅韭菜豬紅，鴨血更加滑身入味，要黎撈飯一流食完之後每位仲送番薯糖水😋

晚上和朋友來到位於土瓜灣的楚撚記，餐廳主打鑊氣小菜，佈置也充滿大排檔風味。經常聽住在土瓜灣的朋友介紹，所以這天有空便和他來試一試。楚撚記原隻炸豬手，豬手皮炸得金黃香脆，豬手肉質結實彈牙，味道調教剛好，不會過鹹。豬手分量很多，非常適合一大班人share，食用時可以搭配泰式甜酸醬以及黃芥末醬，解膩之餘，又可以增添另一種風味。枝竹火腩豆腐煲，熱辣辣香噴噴，上菜的時候還是一直噴煙。材料豐富，有枝竹、豆腐、火腩、鮮冬菇、芹菜等，火腩肉質軟腍，炆得非常入味。重點是以砂鍋盛載，食到最後仍然保持溫熱。香煎黑松露手打蓮藕墨魚餅，蓮藕打碎成蓮藕未加入打成膠狀的墨魚，做成墨魚餅。蓮藕碎有口感，結合而成的墨魚餅煙韌，每一口咀嚼都散發着淡淡的黑松露香味，絕對是招牌的撚手小菜。用餐完畢後，餐廳還會為每位食客送上免費飯後甜品，當晚有兩個選擇，包括清補涼糖水以及番薯糖水，一冷一熱，於是我們就各叫了一碗。糖水雖說是免費，但做功絕不馬虎，難怪餐廳食客人流不絕。

價錢合理， 平均每人100蚊 （呢個年代，好難搵）對客人有禮，講說話唔會粗聲粗氣。食物不錯， 味道好好， 唔會太鹹。不過肉餅有d 多油， 但可接受餐具整潔，其他地方， d 碗碟油淋淋，佢地無呢個問題。由於我0545到， 唔洗等位。用餐時間個半鐘，7点三要還枱， 巳經有好多人等位，可想像： 呢間餐廳，幾受歡迎。會再來食，今餐食得清，好想食佢其他招排菜。