極品刺身 (福華街)

營業中

休息中

$126自選刺身丼絕對唔會食第二次！$40一羹吞拿魚蓉？$40 一篤仔三文魚子？有一半都係蛋同蟹柳係咩玩法？打開真心嬲🤬影衰晒香港餐飲業🤬🤬另外一個角切刺身丼都廢事影兩片三文，兩片油甘魚，兩片吞拿魚切開晒就扮角切🙄🙄又係放一堆蛋同埋蟹柳落去扮多就算🙄🙄🙄

去朋友屋企聚會，叫左個外賣，大家都食得好滿意。啲蠔🦪又大隻又甜，個個食到讚不絕口，啲蠔幫我哋開埋，送到黎就可以開餐喇👍我哋叫左兩款蠔🦪，一隻日本蠔，另一隻法國蠔，都好正，日本蠔更正😄仲叫左刺身同壽司，都好新鮮，吞拿魚夠肥美，壽司🍣全部都唔差😍值得推薦！

早前經某海鮮關注組推薦，初嚐呢間《極品刺身》買左個刺身生蠔拼盤$598，試一間刺身店質素，最好就係試呢啲咩都有既拼盤，各類型既海產都可以試下。今次呢個拼盤有生蠔（美國、愛爾蘭、法國）翡翠螺，酒煮帆立貝，甘蝦，拖羅，蜜柑鯛，池魚皇，三文魚腩，活赤貝，車厘蜆。價錢方面十分抵食。質素方面，三款生蠔都係偏向礦物味較重既蠔，但我本身比較鐘意輕身甜啲creamy啲既品種，而且其中一隻有啲腥，所以生蠔方面就一般般。值得一讚既係翡翠螺，清潔得好乾淨，而且好大隻，螺味鮮甜。蜜柑鯛同池魚皇係最出色既兩樣野，質地爽口，新鮮，鮮味濃郁。其他野都正常發揮，冇伏但都冇好出色。最差既係車厘蜆，非常腥臭，食唔落口。整體而言不過不失，對得住價錢，魚類比甲殼類海產出色。

作為深水埗舊街坊 重回舊地都會去極品刺身記得佢喺我中學小學已經有而家姐成日都會買俾我哋食長大咗之後味道都好掛住今日同老公出開深水埗買電子產品，順手就去回味下老公發板 佢點咗不同嘅壽司🍣味道一樣 炙燒壽司好有香味叫左4隻中級蠔Size有啲細 但都對得著個價錢下次得閒有時間又會再返黎食啦Btw 老闆好nice🤩

黎到ssp 友人講聽蠔group 講推薦呢間生蠔晚飯前食個頭盤先小試牛刀點左半打南非生蠔$216蠔身偏大 完整光滑 食落都幾重海水味同清甜爽口 一人三隻已隻已經好滿足！有機會一定再幫襯

今日去長沙灣睇醫生，見有少少餓就看附近有什麼餐廳，見到這間極品刺身，入面有不同的手卷而價錢都不貴就入去買一個來試，入面去原來這裡除日本食物還有蠔食，但連一個企位都沒有就比較麻煩，最後都叫了一個吞拿魚沙律十二元，好快食物就整好，有豉油但沒有芥苿要自已整，手已有手卷就沒有手再整就放棄了，吞拿魚都幾多，不過因為沒有位企，豉油只倒了少許之後就離開了，紫菜都夠脆口，啖啖沙律都不錯，但飯比較多醋有點酸，帶有微溫的飯，以十二元來講其實都不錯，如沒有咁酸可能更好。

無意中搵到呢間，叫左4色刺身，壽司，珍珠蠔！價錢合理、食物質素 、味道 都好ok!刺身肥美 生蠔脹卜卜 手握壽司 不像一般連所店的味道 係有種風味 全部食物見得大場面 老闆好人！ 因為我住得遠 所以老闆叫左van送貨 但屋企開party 都值得！起碼特別d 客人感到驚喜！ 祝生意興隆 長做長有！

在鋪面經見到幾靚可能有射燈照住，就揀左盒三文魚，點知返屋企打開再仔細睇清楚，刺身暗淡無光澤，超唔新鮮，食落淨係覺得好油，完全唔掂，感覺有點中晒伏，肯定唔會再幫襯。

平均每個月都會去買一次，自從上次買完返去食，食材已經不如以前，本身已經吾再想光顧今日本著希望再去試一試，最後失望到谷底，食材大縮水，啲飯好似食稀飯甘，完全冇口感細鋪的優點係食物質素一定好過大型連鎖店，就算價錢稍高都吾緊要，希望本店能做岀以前的質素

同事介紹呢間小店，咁啱Lunch唔知食咩就試下，眼見有個密封雪櫃裝住一盤盤壽司任揀，比起每件獨立膠紙包住放係開方式雪櫃，d🍣出曬汗咁，既環保左又保鮮D，我就覺得呢到熟嘅🍣重好味，下次一定再幫襯。

事緣上星期六去深水埗, 經過這間"極品刺身", 店外見到啲三文魚、海膽、生蠔好似好新鮮, 最後決定買盒海膽返去試, 價錢不算便宜($150/5格), 於是進內購買, 有位著便衣 (其餘都著師傅衫) 疑似老闆的人站在收銀處, 佢一味大讚自己海膽又話係"馬糞海膽係靚嘢", 佢命人在店內大雪櫃取...返到屋企諗住好開心咁拆開食, 誓都諗唔到面頭個浸舖得咁靚好似好新鮮, 原來重頭戲就在底層, 全部都爛到一pat pat, 完全唔掂! 真係無下次!

想食日本野，就行去極品刺身，要左客三文魚刺身... 買左一pack三文魚刺身返去做晚餐，大概百零蚊... 三文魚刺身(8.5/10分):三文魚好新鮮，好肥美，仲甘香嫁!三文魚係厚切嘅，都有幾多塊下...而且D三文魚紋同色澤都好令，由其佢個部位係魚腩，所以真係好正!配埋佢俾嘅日本豉油，哇，好味到暈 雖然係貴左少少，不過咁好味，冇所謂la xdd 不防幫襯下極品嘅三文魚刺身真係好值得食^^

本人上星期前到極品刺身買了6隻生蠔同一些壽司.準備同我班friend一齊係屋企食住睇波.以為會很美味, 點知....一打開啲蠔, 一陣臭味!!我當然唔高興, 嬲到我想即刻攞返去比佢老闆.最後因為我班friend好人, 叫我算數, 唔係佢地都唔知點收科.....以後我都唔會幫襯...你地要幫襯記得唔話我今日無提你...真係平嘢無好!!唔好貪平!!

呢晚約左個同事一齊做<faceso>但...由於時間緊逼.所以冇乜時間食野.朋友就帶左我去呢度~~買外賣開餐.好意外,款式都有好多,仲有生蠔添.價錢亦唔係貴,雖然唔係十分新鮮,但都可以接受.

一個心血來潮想食三文魚刺身，之後想起這家外賣刺身壽司店。會想起，只因常常經過但無緣一試。這次，就順勢當獎勵自己，落街買來作外賣午餐。一個人吃得不多，要了客三文魚刺身(簿切約8片/約$28)，加7件壽司。很快，把刺身完全消滅，味道不錯，吃得出新鮮和鮮甜的味道，但略嫌份量太少。之後再掃壽司，包括三文魚、北寄貝、蜆肉、馬刀貝、赤貝。未放入口已經發現飯太硬，不知是否非當日即製的冷藏品，但上頭的刺身則頗美味，貝類都不會腥且爽口鮮甜。抵讚︰如其店名一樣，刺身質素不俗，貝類壽司的價錢也只是$4一件，外面店鋪都未必會有。改善︰壽司飯影響了整體壽司的味道，可以改善一下會更好。結論︰可以再試，希望下一次的壽司質素會再好一點。