影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
中午時間去到觀塘食放題，12:00之前未夠鐘已經排緊隊，好彩有book定位😻入到去座位間隔舒適，枱與枱之間都有一定嘅距離今日帶媽咪黎，都覺得坐得舒適☺️-今期重點推介，藍鯨吞拿魚刺身油脂均勻入口鮮甜，其他刺身都好出色例如甜蝦大大隻剝咗殼，新鮮好味。😋仲有藍鯨吞拿魚鐵火卷👍-熟食方面今次有新嘅鹽焗膏蟹，膏蟹嚟到嘅時候好多膏啊，我就叫咗一件試吓先，鹽焗蟹係會食到蟹嘅鮮味，一客一件如果鍾意食蟹嘅就叫多幾件嚟食啦。-鵝肝多士每次都是必要的，鵝肝大大件油脂非常豐富，好香濃，好好味。仲有鵝肝壽司！-川燒珍寶鮮蠔燒，有少少香辣嘅感覺！隻蠔好新鮮！-王牌乳鴿王，每次嚟親都會食！因為真係外皮炸到脆卜卜，裏面啲肉質好嫩！-燒榴槤，平時屋企多數食開普通一個榴連，呢度嘅榴槤係燒完仲更加香！更加濃味😋😋-飲品區有多款嘅果汁汽水啤酒任飲，同朋友一路傾偈一路飲嘢一路食飯，非常滿足。-甜品區都有多款甜品選擇，又有好多款雪糕雪條，簡直食到飽為止啊。
繼續閱讀
基本上格局都好分明，冷盤熟食區一目了然。個人會推薦麻辣雞腎同泡菜。因為呢兩樣酸酸辣辣開胃，等之後可以試到其他更多唔同款式嘅美食。至於刺身類，都保持到一貫水準，鮮味足夠。重要嘅係三文魚一定係厚切！厚切三文魚帶出嘅嗰種魚油香，喺口腔真係感覺到大滿足。如果食到生蝦嘅可以點幾隻，因為黑嘅酸甜醬可以中和下三文魚嘅油膩感。鍾意食海膽嘅，絕對可以叫個海膽手卷。白飯量唔多，但海膽多！一口咬落去，鮮味十足。我都忍唔住叫咗三卷。而熟食方面，必推介金鑽燒蠔，因為嚟嘅蠔都隻隻好飽滿，食落去蠔汁足夠，蒜香十足。吉列蠔其實都好正，但我私心鍾意金蒜燒蠔更多。而鵝肝梗係必試啦，雖然好邪惡高脂，但呢啲咁香口誘人嘅美食，又點可以唔試呢？食落去滿口鵝油香，至少食兩件先夠！當然想清少少可以試吓燒雞軟骨，加少少檸檬汁清新去油膩。而燒比目魚係我食放題必叫嘅，因為真係好滑好香。私心推介一定要叫埋燒榴槤，因為平時都唔會喺屋企特別整，呢度啲榴槤軟糯十足，我敢講我至少食咗三件。最後當然唔少得嚟返杯Häagen-Dazs收尾啦！日本版嘅黑朱古力真係幾好食！個人推薦度爆燈！
繼續閱讀
收工去咗觀塘的極尚大瀛喜日本料理，晚市放題任食，最近推出的日本版Häagen-Dazs，任食金枕頭榴槤燒，高性價比的美食體驗。餐廳的裝修風格現代而典雅，簡約的木質設計搭配柔和的燈光，營造出一個舒適的用餐環境。家庭聚餐還是朋友聚會，都是一個理想的選擇。掃描QR code 自助落單，餐牌的榴槤和刺身立即吸引了我的目光。極品金枕頭榴槤燒馬拉甜品界的明星，榴槤的濃郁香氣，肉質細膩，味道甘甜，吃得出有一點焦糖的甜味，欲罷不能。川燒珍寶鮮蠔燒帶著淡淡的海洋氣息，蠔鮮味無比，口感緊實，鮮美多汁。刺身：象拔蚌、松葉蟹腳、磯煮鮑魚、甜蝦、赤貝、三文魚、油甘魚、希靈魚、池魚、北寄貝、八爪魚、北海道帶子、赤蝦。新鮮的象拔蚌、松葉蟹腳和磯煮鮑魚，每一樣都擺放得恰到好處，色彩鮮豔，非常新鮮，美味的刺身令人垂涎。象拔蚌肉質鮮美，口感彈牙。松葉蟹腳蟹肉豐滿，味道鮮甜。刺身拼盤，三文魚、油甘魚和赤貝等應有盡有，三文魚鮮嫩多油，富含Omega-3。油甘魚肉質結實，味道醇厚。無論是視覺還是味覺上都讓人忍不住想要品嚐。磯煮鮑魚鮑魚嫩滑，帶有海洋的鮮味。鐵板鵝肝多士絕對不會讓你失望，外焦內嫩，搭配香脆的多士，口感層次分明，令人回味無窮。香芒芝味魚生簿脆，獨特搭配。法式紅酒藍莓鵝肝既有法式的高貴，又不失日式的細膩，令人驚喜。蒲燒鰻魚肉質鮮嫩，搭配特製醬汁，讓人感受到濃厚的日式風味。王牌乳鴿紅燒蟹肉花膠翅吉品鮑汁鮑魚飯這裡熱食菜式的質素也令人讚賞。壽司：藍鰭吞拿魚炙燒焦糖鵝肝海膽拖羅蓉劍魚腩蒜香牛油熟帶子燒鹽醬和牛肩胛鮟鱇魚肝池魚王醬燒左口魚邊至於壽司有我喜歡的藍鰭吞拿魚，口感滑嫩，味道清新鮮美，適合生食。肉質鮮甜的燒鹽醬和牛肩胛，口感彈牙。炙燒焦糖鵝肝，口感脆嫩，極具質感。自助區：走進自助區，海鮮、冷盤、沙律、小食、黑松露煙三文魚，琳瑯滿目，口感滑嫩，色澤鮮豔。梅酒、清酒、啤酒任飲梅酒清酒飲一兩樽返晒本，我鍾意飲佢嘅日本果味啤酒，蜜桃味、檸檬味，微醺感覺真好。甜品：日本版Haagen-Dazs及movenpick任食海燕窩椰汁燉木瓜楊枝甘露拼九份芋圓這裡晚市放題的性價比無可挑剔，高質食材和豐富菜式，合理的價格，感到非常划算。尤其是海燕窩椰汁燉木瓜和日本版Haagen-Dazs雪糕任食，更是為這個放題增添了不少亮點。
繼續閱讀
每隔一段時間又會想食吓放題，「極尚大瀛喜」嘅晚市放題真係食咗好多次，午市放題就真係未試過，今次就到觀塘分店試吓，好彩有book位，估唔到都爆場，以為午市放題嘅食物種類點都會少啲，殊不知一樣咁豐富，一貫坐得舒服，上菜執枱效率高，而且價錢$258/ 1位，食足三個鐘好抵食。⊙刺身坐低一定係點轉刺身先，刺身款式依然好多選擇，我點咗三文魚、油金魚、吞拿魚、北寄貝、帶子、八爪魚，赤貝、赤蝦、甜蝦，象拔蚌⋯⋯點完好快上枱。今次最鍾意係藍鰭吞拿魚，肉質柔軟夠新鮮，油金魚肥美，象拔蚌脆口勁鮮甜，淨係呢盤刺身已經超值，我點咗幾轉。⊙壽司⦿藍鰭吞拿魚壽司午市可以無限任食藍鰭吞拿魚壽司，柔軟鮮味，配蔥絲更清新，我點咗好多，回本之選。⦿ 炙燒焦糖鵝肝壽司炙燒鵝肝表面焦糖化，入口微甜帶脆，口感綿滑有即溶嘅感覺，飯糰沾上鵝肝油，喺口中混和層次豐富，必食推介。⦿ 鮟鱇魚肝池魚王壽司池魚王勁鮮味，配鮟鱇魚肝味道濃郁。⦿海膽拖羅蓉魚腩壽司海膽拖羅蓉係絕配，劍魚腩肥美。⦿海膽手卷手卷係迷你，一口一啖，最緊要飯係細細嚿，唔會食到飽晒，海膽鮮甜，encore之選。⊙期間限定⦿油鹽焗膏蟹係得觀塘分店嘅期間限定，當造嘅奄仔蟹爆晒膏，軟滑甘香，蟹肉都飽滿，鹽焗更能提升鮮味，奄仔蟹出面食價錢都唔平，食幾隻就已輕鬆回本。⦿鐵板星級鵝肝多士鵝肝夠大件，鐵板煎香外脆內軟，入口即溶，鵝油香氣充滿口腔裡，配脆脆多士，無得輸。⊙燒物⦿川燒珍寶鮮蠔燒熱辣辣燒得好有水準，蠔肉新鮮大隻飽滿，鋪滿蒜蓉即叫即燒，啖啖充滿蒜香，juicy勁鮮味⊙自助區有多款前菜、翡翠螺、熟凍蝦、青口、麻辣小龍蝦、蟲草花花膠雞湯、蝦餃、燒賣、沙律、生果⋯⋯⦿飲品區一排雪櫃放滿飲品，款式多過便利店，汽水、茶類、自家製冷泡茶，亦有啤酒類提供。自由斟咖啡、冷熱清酒、梅酒、if椰青水⋯⋯⦿甜品區凍櫃放滿泡芙、布甸、大福、乳酪⋯⋯名牌雪糕雪條款式都唔少，自助軟雪糕機俾你自己唧軟雪糕。#極尚大瀛喜日本料理地址：觀塘觀塘道414號1亞太中心5樓
繼續閱讀
上次食完放題 發覺佢地既海鮮都好高質今次見到大瀛喜做緊期間限定既油鹽焗膏蟹每碟賣相都整得好精緻 連埋粗鹽上枱比你🤣蟹膏滿滿 鹹鹹香香 好惹味 蟹肉都幾鮮甜☺️另外仲有任食藍鰭吞拿魚 油脂超香 入口即溶刺身仲有其他款式 推薦蝦刺身 大大隻好鮮🥰甜品呢到既重點係Häagen-Dazs雪糕任食🍨口味仲要唔係普通款 有焦糖脆餅 又有夏威夷果仁二款都係高質又唔係常見既味道 記得要留肚食🤣整體黎講 油鹽焗膏蟹超香 蟹膏控必試✨吞拿魚油脂滿分 海鮮狂食都唔肉赤 飽到上心口🥰
繼續閱讀