榊原 (亨環‧天后)

營業中

休息中

今日同阿仔慶祝，搵左呢間位於天后嘅日式高級餐廳（榊原）日本料理，從餐廳裝修、食物品質到服務態度盡顯細心，環境簡約舒適，靜謐氛圍令人放鬆心情，也沈醉於欣賞師傅處理食材過程，師傅仲話主要以當季新鮮食材為主，每一次到訪都會有些食材不一樣的。穴子魚苗 口感滑溜，加了薑蓉，氣味清新。骨膠原鯛新鮮的骨膠原鯛以薄片的形式呈現，每一片都散發著海洋的清新氣息，食落沒有腥味，鮮味十足，搭配土左酢啫喱增添了一層酸爽感，與魚肉完美融合。香箱蟹混合蟹膏蟹子蟹肉，加埋旁邊嘅酸汁作為調味，口感味道層次豐富。富山灣新鮮螢光魷魚肥美鮮味，口感爽脆又鮮甜，好味。甜蝦非常鮮甜，口感彈牙又細綿黏口，加少許日本豉油和山葵可再提升甜味。金目鲷火炙過的魚皮有種焦香味，魚脂與肉比例適中，口感爽滑。長崎縣小長井蠔味道清甜，海水味唔會太重。慢煮4小時鮑魚菜餚顧名思義是運用肝醬撈伴鮑魚而成，食用時鮮味十足，口感既是香軟綿密，亦是濃郁鮮甜。鰆魚魚肉條紋分明，肉質細緻軟嫩，油脂豐富，口感清淡，加入炸蒜和芝麻，令配搭更豐富，味道更香濃。慢煮牛面肉經過師傅按摩再慢煮，超入味又軟滑，好食。肥吞拿魚腩大拖羅超肥美，入口即化，油香豐腴，好滿足，肉質嫩滑

早排去咗呢間CP值超高嘅榊原食omakase，超滿意嘅一餐！已經推薦晒俾朋友同同事。晏晝食當然最抵啦，最平嘅餐只係$388，最貴就$628，識揀一定揀$628嘅蟬時雨set，咩都有：刺身、壽司、海膽、手卷、天婦羅、麵豉湯、甜品，每樣都好滿意！另外加咗叫「天賦」嘅清酒，入口清甜，唔會好辣，啱晒夏天飲，唔太飲酒嘅人都飲到。首先上咗茶碗蒸先：湯汁好鮮甜，仲加咗啲蟹絲喺面，蛋入邊就有雞肉同菇，蒸到啱啱好，入口軟滑。之後係刺身四款：龍蝦配上濃濃蝦膏同三文魚籽，超鮮甜！兵庫縣嘅蠔配上柚子啫喱同蘿蔔蓉，零腥味，勁新鮮！伊佐目魚薄切肉身爽甜，建議卷住蔥花同蘿蔔一齊食，層次豐富！赤貝：見師傅上之前會撻下塊肉，話可以令肌肉收縮，更彈牙！和食：沙錐魚、秋葵、舞蓉菇天舞羅薄薄嘅一層脆皮，唔會油淋淋，唔錯！到壽司六件，一樣出色膠原鯛，師傅介紹話條原嘅飼料會混合骨膠原，食落肉質彈牙；北寄貝口感就比較爽脆；白見貝即係象拔蚌，口感偏腍；黑睦魚，炙燒過勁香；醬油漬劍魚腩配埋大蔥碎，都好夾；拖羅超正，無筋，入口即化咁🤗雲丹最期待就係海膽，今次有兩款：橙色馬糞海膽味道較濃郁；淺黃色白海膽就清甜啲，口感更綿滑。兩種都無苦味🥰

上網見到有人介紹榊原，於是今日就嚟食$628 lunch omakase course！清酒Sake🍶店員推介呢款叫天賦，來自日本播州，味道清甜易入口，適合lunch嘅時候飲 😛茶碗蒸高湯味濃，入面嘅蟹肉鮮甜，加埋菇同雞肉更有層次👍🏻龍蝦刺身 🦞 用咗西澳龍蝦，龍蝦肉味道清甜，配上三文魚籽嘅鹹鮮，仲有燒過嘅龍蝦膏嘅香濃，3樣嘢非常夾～兵庫縣 赤穗生蠔 🦪 生蠔肉質結實，配上柚子啫喱同醋嘅酸來帶出鮮味，非常易入口不帶腥味😍伊佐目刺身薄切🐟魚肉捲起包住蔥同蘿蔔一齊食，入口食到淡淡魚嘅甜味～☺️赤貝刺身🐚赤貝肉質爽脆帶甜味，唔會好似出面啲赤貝咁有時會帶一陣腥臭味，呢個有驚喜🤩天婦羅 (沙錐魚、秋葵、舞茸菇）🍤炸完但完全唔油膩，沙錐咬開魚肉濕潤，秋葵同菇炸完都唔會乾癟癟～壽司6貫 🍣 骨膠原鯛魚 師傅介紹呢條魚嘅飼料加入咗骨膠原，令魚肉特別爽彈！😛北寄貝 北寄貝刺身爽滑，唔同出面已經煮熟帶紅色嘅北寄貝咁硬！😎白見貝 師傅介紹日本嘅白見貝即係我哋叫嘅象拔蚌，呢一款壽司師傅有加咗青檸汁，好特別好清新～🥰炙燒黑鯥 一咬落去魚嘅油香爆發，肉質軟綿，呢個真係好正😇醬油漬劍魚腩 上面加咗大蔥段，醬

朋友喺加拿大返嚟香港度假，去“ 榊原”（享環.天后）食omakase.Dinner Menu 瑩狩 Hotarugari $1480( OMAKASE 20品 ）刺身/壽司/和食/湯/甜品飲品🥂黑龍大吟釀日本清酒40度,酒味香醇.前菜開胃酸甜漬物水雲（海發財）omakase （ 20品 ）骨膠原鯛魚🐟配酸甜啫哩蘿蔔醋北海道大溝貝新鮮爽口彈牙加上青檸汁香霜蟹配上有柚子蟹醋日本象拔蚌昆布甜蝦喜知次北海道印尼斑馬瀨尿蝦八成熟多膏清甜😋小沢井蠔長崎縣出產清甜爽口鱈魚白子加上北海道赤馬糞海膽超正😋安康魚肝金鯛魚壽司大肥拖羅壽司肥美入口即溶😋腦天吞拿魚頭頂前肉鹿兒島A5和牛/北海道馬糞海膽壽司魔鬼魚面肉/冬菇天婦羅牛油大蝦魚湯稻庭麵甜品：布甸蛋綠茶紅豆布甸總結：日本餐廳環境舒適高雅，由經驗豐富大廚親自介紹高級新鮮食材，目睹烹調製作過程品嚐日本美食😋，職員服務殷勤體貼.

要提早 Book 位預早慶祝情人節💕去天后 "榊原” 食 Omakase座位不多，食材新鮮水準超高👍瑩狩 Omakase 20品 $1480店員介紹“黑龍”清酒來自日本凍凍哋入口清甜順滑好香米味，又唔會辣前菜 沖繩水雲水雲爽滑混入姜蓉和醬汁,甜甜酸酸先醒胃👍今晚整體都用高級食材，最為難忘是馬糞海膽鮮甜到不得了😋北海渡香箱蟹：香濃蟹肉蟹膏加蟹子紫菜包住小小壽司飯,再加已燒香A5和牛再加入馬糞海膽,簡直層次昇華到無朋友😍瀨尿蝦肉7-8成熟，重點是瀬尿蝦膏是流心，真心是無敵👍👍先燒雪魚“白子”上面擺滿馬糞海膽再混合小小壽司飯邪惡又完美組合🤣連續食咗幾款壽司🍣每一款壽司都好精緻骨膠原鯛魚大溝貝象拔蚌昆布甜蝦喜之次甘鯛魚大肥拖羅腦天小長井生蠔還有牛油大蝦🦐天婦羅魔鬼魚面肉和冬菇新鮮魚骨煮魚湯稻庭麵紅豆綠茶布甸作完美句號🥰欣賞廚師專業,介紹食材又有禮，整晚用膳氣氛一流👍

OMAKASE LUNCH 約埋朋友一齊試下呢間omakase既lunch, 見倒佢地有3個menu可以選擇，有omakase, 有15件壽司加手捲，同埋13件壽司！ 咁我地就選擇左Omakase試下佢有咩料 第一樣有蒸蛋，都留意倒好多料 呢個貝類刺身非常爽口 好好食 非常特別既瀨尿蝦刺身，唔係全熟，所以入面d膏係流心既!! 呢個係其中一個重點食物之一有蠔既Omakase當然唔話得 配柚子醋都好清新另外有安康魚肝，都配有柚子醋熱食係魚天婦羅同埋粟米天婦羅,都唔會好heavy 連續幾款壽司都非常唔同，有魚有貝類，亦有中拖羅比較肥既，非常豐富，亦唔會好似全部差吾多味手捲重有其他 總括黎講，呢個omakase lunch都抵食，除左有蠔有好多唔同款野食，其實配搭都好好，唔會有食膩既感覺。 ♥️: 8/10

今次同朋友去天后行完工展會諗緊食乜好，行行下見到有幢大厦個水牌有間日本野好似唔錯，乘電梯上16樓見入面都多人食，就walkin去試下。服務員帶領我哋坐bar枱位置，可以一邊望住師傅整野食一邊和朋友聊天，位置也很舒適，唔會好迫夾。這間廚師發辦位於天后樓上店，裝潢以淺木色為主調，店內空間雖然不大，但環境舒適十分適合朋友相聚和小酌幾杯。今晚選擇了最貴的Omakase，食材相當有水準，每呈上一道菜式，師傅都會為我地詳盡介紹，呢啲細節位值得欣賞。其他壽司所用的食材都很新鮮，而且擺設精美，讓人可以靜靜地享受食物的美味，同時能好好欣賞師傅的技術和心思，無論味覺、視覺都是一種享受，實在令人賞心悅目。整體上都很滿意，店員好親切又細心，在合適機會下跟客人交談，了解客人的需要，而師傅的手勢和做法有水準，不用另外點豉油同芥末，已經食到魚生嘅鮮味，有去左日本嘅感覺，值得下次再來光顧。*而家可以經inline或openrice網上訂位，方便度更勝之前。*

今日我同朋友去咗天后一間高級日式餐廳，因為出咗糧，當然要食最貴嘅$688廚師發板【OMAKASE 16品】！呢個價錢真係好吸引，因為包含咗好多精緻嘅菜式。首先上嚟嘅係海鮮茶碗蒸。茶碗蒸滑順得無得輸，裡面仲有新鮮嘅海鮮，味道香濃，食落去好有幸福感接著就係刺身，今日嘅選擇有間白魚同斑馬瀨尿蝦。間白魚切得極薄，肉質鮮嫩，味道清新，完全冇腥味。而斑馬瀨尿蝦就更加驚喜，蝦肉彈牙，口感十足！然後就係炸物，今次係炸希魚。炸得金黃酥脆，魚肉新鮮，咬落去完全冇油膩感，外面嘅脆皮同魚肉嘅鮮味搭配得好好，真係好味到想再加一份！跟住就輪到壽司，呢度有八款壽司，包括池魚、赤身、拖羅、燒右口魚、馬糞海膽，仲有吞拿魚蓉手卷。每一款壽司都做得好精緻，米飯同魚肉之間嘅比例掌握得非常好，食落去鮮味四溢，特別係拖羅，油脂分佈得好均勻，真係滑到無得輸！馬糞海膽就更加奢華，味道濃郁，完全係海鮮愛好者嘅夢想。食完壽司之後，仲有味噌湯，湯底清淡，味道好舒服，裡面有豆腐同海帶，令人感覺到日式料理嘅精髓，真係好適合搭配之前嘅菜式。最後，甜品就係好少見嘅芝士雪糕！呢個雪糕滑順，芝士味濃郁，食落去唔會太甜，反而有一種清新感，真係一個完美嘅

今日係我同男朋友嘅拍拖紀念日，為咗慶祝，我哋揀咗位於天后嘅一間高貴日式料理餐廳。呢間餐廳午餐有三款選擇，我哋決定簡咗最貴嘅$688廚師發板【OMAKASE 16品】。內容包括刺身、壽司、和食、雲丹、卷物、茶碗蒸、味噌湯同埋甜品，真係好期待！一坐低，服務員就幫我哋準備好所有嘢，首先上嚟嘅係蟹肉茶碗蒸。茶碗蒸滑順得無得輸，蟹肉新鮮，味道香濃，真係一開始就令我哋感受到廚師嘅用心。之後就係刺身，看到活北寄貝同斑馬瀨尿蝦，真係眼前一亮！北寄貝肉質鮮甜，咬落去有種海洋嘅味道，完全唔腥。而斑馬瀨尿蝦就更加驚喜，蝦肉QQ，爆多蝦膏，口感十足！跟住就輪到炸物，有炸希魚同炸松茸菇。炸希魚外脆內嫩，魚肉新鮮，冇油膩感，配上少量嘅鹽，味道正正好。而炸松茸菇就真係意想不到，外面炸得金黃香脆，內裡嘅松茸香氣四溢，咬落去有一種土壤嘅鮮味！之後就係壽司，呢度有好多款魚，包括池魚、赤身、拖羅，仲有吞拿魚蓉手卷。每一款壽司都切得極薄，米飯同魚肉之間嘅比例掌握得非常好，真係食到鮮味四溢。特別係拖羅，油脂分佈得好均勻，食落去滑溜溜，真滿足！最後仲有味噌湯，湯底清淡，味道好舒服，非常適合搭配之前嘅菜式。湯裡面有海帶，味道清新最

今日生日，屋企人同我食我最愛嘅Omakasae慶祝🥳我哋揀咗20品 Hotarugari💗💛沖繩水雲沖繩水雲嘅口感非常清爽，食落去好彈牙，加上師傅特製嘅醬汁同加咗啲蒜。真係好開胃，為接下來嘅菜式做好鋪墊💛北海道大溝貝呢個大溝貝新鮮得嚟，啖啖都充滿海洋嘅鮮味，口感滑嫩，咬落去有一種清新的海味。師傅處理嘅時候，唔單止見到師傅嘅刀工，仲睇到食材超級新鮮，仲郁吓郁吓。💛香霜蟹香箱蟹最吸引人嘅地方就係佢甘香嘅蟹籽同蟹膏。師傅將蟹肉、蟹膏同蟹子放喺蟹蓋上，撈埋一齊食，每一啖都好濃郁，又唔會好漏。真係一口接一口，令人唔覺唔覺就食晒。💛赤身山藥配北海道馬糞海膽然後就嚟到呢個赤身山藥配北海道馬糞海膽呢個搭配真係好出色，山藥滑滑地，加上海膽嘅濃郁味道同赤身嘅鮮味，三者結合得恰到好處，食落去令人驚喜💛斑馬瀨尿蝦斑馬瀨尿蝦有豐富的蝦膏，師傅更加整到變咗流心嘅感覺，師傅仲拎咗成隻蝦俾我哋睇，超級新鮮大隻！食嘅時候可以享受到鮮甜的海味同獨特的口感，蝦肉鮮甜脆口，咬落去有種爽口感覺，真係好想再食多幾隻！💛鹿兒島A5和牛最令人期待嘅當然係鹿兒島A5和牛壽司佢嘅肉質鮮嫩多汁就已經唔使講，炙燒過之後香氣四溢，啲油迫晒出嚟

今日慶祝朋友升職，佢就話好想食日本嘅廚師發辦，上網搵多少少資料就見到呢一間餐廳有好多好評，而且喺佢社交平台上邊每一日都會發佈餐廳嘅食材貼文，睇落都非常吸引，所以就打電話去預約，我哋係星期五去食，所以人流都非常多，餐廳位置大概有12至15個，喺地鐵站行過去都大概只係需要3分鐘餐廳有兩款可以揀嘅套餐，我哋就揀咗有多啲嘢食嗰個，總共有20款，師傅都好細心咁問我哋有冇食物敏感同埋為我哋首先放上幾款唔同嘅漬物，每一款都有一到兩件，唔夠可以再搵師傅添，酸酸甜甜非常開胃！🍣北海道大溝貝，餐廳選用左北海道新鮮嘅北海道大溝貝，作為頭盤，真係非常有驚喜，拍落去嘅時候總係識得郁，證明非常新鮮，而且加埋餐廳特別配製嘅醬汁，令到成個味道更加突出，佢嘅口感亦都非常爽脆！🍣香箱蟹，本身就非常鍾意食蟹餐廳係原隻蟹自己手拆，再放返入去個殼度，非常有心思，而且非常新鮮，佢嘅蟹味非常濃郁，餐廳亦都會有一個蟹醋，比客人可以點🍣赤身山藥北海道馬糞海膽，吞拿魚嘅赤身餐廳用咗少少醬油，去浸，再加埋新鮮嘅北海道海膽真係冇得輸，入口嘅味道非常高質！🍣印尼斑馬賴尿蝦，餐廳係用咗新鮮嘅印尼斑馬瀨尿蝦做一個大概八至到九成熟中間嘅仲係流心，第

廚師發辦午餐，每位398，物有所值，環境舒適，十分滿意。大賦（14代的小弟）-米香清甜1.燉蛋-上加海鮮湯汁，鮮味軟滑，內有魷魚仔、鮮芛、蟹肉配料，個人較喜歡2.墨魚醬油漬三文魚子3.香箱蟹-蟹膏蟹子蟹肉混合，蟹香、鮮、肥加上紫蘇花提香，蟹味滿口4.印尼斑馬瀨尿蝦-蝦肉滑，蝦膏軟糯，口感豐富5.鮟康魚肝-魚味濃厚，汁適中，中和油膏感6.希魚舞茸菇天婦羅-炸漿薄，鬆脆，處理很好7.赤貝壽司-爽脆鮮甜8.骨膠原鯛魚寿司-將骨膠原打碎餵鯛魚，充滿骨膠原，肉質較爽9.金鯛魚壽司-火燒處理後肉質帶有油香10.鰆魚壽司-肉質軟11.拖羅魚腩寿司-肥美冇得輸12.右口魚壽司-魚油豐盈，紫菜脆口，滿足13.馬糞海膽飯-北海道海胆鲜甜14.蔥吞拿魚手卷-飽滿的手卷加了炸蔥粒，增加了層次感，效果很好15.玉子布甸-蛋香軟棉16.麵豉湯

亨環這座食廈是天后的新地標，我繼續在這裏尋覓美食，這個下午選擇了「榊原」，吃了一頓CP值高的午餐。食材優質，我最欣賞斑馬瀨尿蝦。傳統木系裝潢，暖和舒適，中央就是一張廚師發辦餐桌，另外有一間房。午市餐單三款，我選擇了每位$668的廚師發辦，有16品包括刺身、壽司、和食、雲丹、卷物；另外兩款$538及$438的午餐主要是壽司。天賦 佳餚少不了美酒，與日本清酒是絕配，點了天賦，是14代的弟弟，味清甜，富米香，酒濃15度，適合中午。燉蛋水凝透亮，絲絲蟹肉，亦有蜆肉，幼滑味甜。墨魚．醬油漬．三文魚子墨魚肉質黏稠、對比卜脆的三文魚子，十分合拍。香箱蟹、蟹膏蟹籽．蟹醋豐腴甘香，無疑是極品，畫龍點睛是蟹醋。印尼斑馬瀨尿蝦亮點是蝦膏豐富，亦很有蝦香，相比菲律賓的斑馬瀨尿蝦肉質較腍更討好，非常好吃！鮟鱇魚乾新鮮蒸熟，極之軟滑超甜，配酸汁有助減膩，餘韻悠久。希魚．舞茸菇天婦羅已經適量加鹽調味，外脆內鮮甜，香脆不油膩。赤貝壽司爽甜，回甘甜美。骨膠原鯛魚壽司餵食骨膠原的鯛魚，色澤亮麗，有點透明感，入口有嚼勁。金鯛魚壽司炙燒過，留下焦香烙印，油香膨拜，與米飯融合於嘴內，實在太滋味。鰆魚壽司非常肥美，完全無筋，入口