榕哥陳皮燒鵝

營業中

休息中

【油尖旺區】【榕哥陳皮燒鵝】奮力做好 1am紅館 嘅動力好強，但係我最近冇乜點見女同事，應該唔多關佢事。可能係自己忽然間唔知黐咗邊條筋就決定 chur 爆自己為止。行到嚟金馬倫道，見到呢間新開嘅餐廳，又係食住條「燒鵝水」嘅產物啦。不過既然我要寫，姑且會一會佢先啦。佢哋講到佢哋嘅燒鵝好勁，又講到榕哥有幾巴閉，我就叫咗碗 $98 嘅「燒鵝五寶飯」嚟睇吓。佢有燒鵝、叉燒、燒肉、油雞、鹹蛋，咁啱竟然畀燒鵝髀我，幾好彩，味道都唔錯。而佢哋嘅叉燒同燒肉口感都幾好，又爽又腍，攪到油雞同鹹蛋就好似失色咗啲喇。個飯加 $4 飲「凍檸茶」走甜，尖咀價，冇計，味道可以就算。叫多個特色小食嚟食吓，本身諗住叫魚皮但係佢哋冇晒，就叫咗 $78 嘅「意大利醋鵝肝」，唔好意思我真係接受唔到呢隻整法，我知係特登但真係酸到好難食。呢餐 $180，敗筆就喺個鵝肝度。。。（地址：尖沙咀金馬倫道48號中國保險大廈地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #fo

因為夜晚肚餓，所以就買咗外賣燒鵝飯，本應諗住呢間咁多食評話好應該都好好，但係買咗外賣返屋企見到之後有少少失望你哋可以睇吓附圖張相佢未到OK嘅同埋份量都足嘅，但係即係斬到咁樣一坺嘢咁

我又黎食晚飯喇！呢到就黎變左我飯堂，因為又抵又好食！我地仲叫左個性價比最高嘅叫法😏我地4人有2個都唔好飯；所以我地分別叫咗：燒鵝飯 同 四寶飯 然後再加3碟小菜：鹹蛋蒸肉餅、潮式煎蠔餅、九菜花炒鹹肉 。咁樣叫法岩岩好，因為佢啲份量都幾大份，如果叫一碟燒鵝又食唔哂，叫燒鵝飯價錢平，又包野飲，又可以滿足大家食少飯；四寶飯又可以變多左餸，望落3小菜2燒味，但四寶飯變相3小菜，燒鵝、叉燒、燒肉、雞、咸蛋；又有飯share，呢2個飯又有野飲跟埋 。燒鵝又好食，雞又好食，燒肉皮又脆，所以呢到燒味係好食；而估唔到小炒都一樣咁正，尤其係煎蠔餅呢碟真係有驚喜，好食到不得了，連相都唔記得映。蠔算大粒，唔會好多炸粉，又脆又好味！仲唔駛點汁仲好食啲，因為個汁偏咸 。肉餅同九菜花就正正常常，下次可以叫其他 。但蠔餅同燒味飯下次可以再番單！每人晚飯均價$105，尖沙咀黎講真係好抵！

四個人尖沙咀食晚飯，好食過茶記同酒樓，性價比超高，海鮮麵真係幾抵食 。我地4個人分別叫左4個小菜，加錢轉餐包湯、飯🍚同野飲，真係抵轉餐，因為淨係叫個飯都差唔多價 。四碟小菜評分最高嘅就一定係呢邊1️⃣蒜蓉開遊蒸蝦🦐 真係好新鮮，好鮮甜，好多蒜蓉油，令到啲粉絲好香又惹味，超正，一碟都有成8隻，無記錯好似百零蚊，真係好抵食 。另外就叫左個2️⃣豆腐海鮮煲，即時海鮮煲入面啲雪蝦比下去🤣 但啲豆腐好大粒份量都算多。3️⃣菠蘿咕嚕肉，呢個都唔差喎，唔會一大舊粉咁，真係有肉唔係淨炸粉🤣，配菜一樣多，份量岩岩好4個share4️⃣豆豉鯪魚炒菜，正常發揮～唔錯而又無乜特別 。另外順帶一題，如果鍾意食魚嘅朋友，就一定要黎食，我見枱枱都叫咁濟，即捉即蒸，都係百零蚊條，性格比非常高🥹🥹🥹尖沙咀夜晚諗唔到食乜就過黎啦，最後每人埋單平均$130 😎

係尖沙咀搵野食路過就入左黎本身無打算寫食評所以咩相都無影但食完覺得值得一讚$48 下午茶燒鵝飯 +$4 凍飲埋單總共$52味道唔錯同埋侍應服務幾好態度友善今時今日係香港係好難得

·榕哥陳皮燒鵝·最近喺尖沙咀多咗好多間食燒鵝/燒味嘅餐廳，有啲食過都覺得麻麻地。呢一間之前未開尖沙咀分店嘅時候，已經係佐敦食過幾次，以前食嘅時候覺得好神奇地真係有陳皮味。所以依家見佢喺尖沙咀開咗分店，搵日晚餐就試吓尖沙咀分店係咪都係咁好食。燒鵝瀨粉燒鵝嘅質素同以前喺佐敦食嘅差唔多，表皮咬落有少少脆脆地，而入邊都係保持到肉汁。但係唔知點解陳皮味好似冇佐敦食嘅時候咁重味，比較似普通燒味店好食嘅燒鵝。燒鵝叉燒雙拼飯同行朋友食嘅雙拼飯燒鵝同我嘅差唔多，而叉燒都係正常發揮，不過不失。服務質素以前喺佐敦食嘅時候，可能因為鋪面比較細嘅關係，同樓面嘅姐姐有時都會傾吓計。而尖沙咀分店可能因為鋪面比較大，樓面姐姐相對之下都比較忙碌，要照顧更加多嘅客人，所以冇咁有人情味。但係依然都係好有禮貌，值得欣賞呢

用二十多元便能堂食連飲品的早餐的茶餐廳，實在不多，這店還在尖沙咀區，怎能不試！酸辣肥牛湯米，轉為公仔麵。先試湯頭，微酸，辣度頗足，甚是醒胃，公仔麵的麵質也可以，不會煮得過軟，肥牛有七八片，而且有牛肉味，不錯！墨魚卷公仔麵，相對來說，湯頭比較清淡，幸好墨魚卷味道也算不錯。飲品都選了熱檸檬茶，沒什麼特別。這兩款特價早餐，我覺得酸辣肥牛比較突出，不過無論那一款，以這價錢來說，都是性價比夠高的了，值得回頭。

心血來潮想食燒味～！就叫了原隻燒鵝脾飯$125記得order原隻上，否則他會斬件。話明燒鵝店，燒鵝當然出色！原隻鵝脾肉質juicy~鵝皮燒得剛剛好成隻拿起黎食，特別有口感

岩岩今日係尖沙咀做完野路過見到求其入去試下。之前食過其他乜哥啲燒鵝好失望。但今次真係好有驚喜。外表睇間間燒味舖都係咁上近。今次完全係撞彩撞出黎。今次就試下佢個燒鵝髀飯一食就眼都突埋。皮脆肉嫩。好出色。完全唔駛點酸梅汁都覺得佢個原味好正。平時我都唔係好鍾意食燒味。因為我都唔係食肉獸。但今次真係忍唔住。成碟連片都食哂。你話百幾蚊食碟飯貴唔貴，貴我就覺得幾貴，但質素真係有返咁上近，間唔中食一次都唔過份。好正，值得推介。

꧁ 榕哥陳皮燒鵝 ꧂ 📍 Hong Kong | Tsim Sha Tsui地址：尖沙咀金馬倫道48號中國保險大廈地下B號舖好味指數：🌕🌕🌕🌕🌗◆◇◆◇◆◇◆◇◆◇◆◇◆◇◆◇◆◇◆◇💰榕哥燒鵝 (下庄) $178燒鵝好肥美juicy，油而不膩，而燒鵝皮燒到脆卜卜，好惹味🥰而且仲有陳皮香味😍叫一隻都食得落呀！🤤🤤💰榕哥金獎傳統叉燒 (例) $138本身以為例牌既份量會好少，但原來都幾多🤣叉燒甜度岩岩好，瘦肉比例比較多，個人覺得幾好食😋而且完全唔柴，又超入味，送飯一流😍讚！讚！讚！

琴日睇到呢間店舖覺得好眼熟就入去食，佢哋嘅鵝腸加埋豉油汁都好好食，仲有佢嘅乾炒牛河，上面有一點雞蛋，一啲都唔鹹。仲有佢嘅四拼，包括叉燒，腩肉，油雞同埋燒鵝，連同各種醬汁，無論係邊一種都唔錯👍。美中不足嘅就係幼麵有啲鹹。但係下次仲會嚟！

用餐日期：2023/12/27用餐時段：午餐用餐費用(每人）：$55餐廳環境：環境整潔乾淨 冷氣足 室內不少座位 檯與檯之間較近 人多時可能要搭檯 服務：服務員服務正常 點菜出菜都快味道：點了燒鵝飯 送了熱檸水燒鵝飯: 這家的飯夠稔 酸菜偏咸 如下圖 飯上有10塊燒鵝肉 上面5塊超級超級肥 基本只有皮+肥膏+骨 沒什麼肉可食 下面5塊是正常鵝肉 這5塊鵝肉醃得入味 有鵝香味 肉質潤滑唔鞋 味道不錯飲品：選了熱檸水 味道正常總結：這條街上有2間開得近的陳皮燒鵝店 價錢也相近 這天來尖沙咀便2家都外賣了鵝肉飯來試試 這家榕哥的鵝肉味道是不錯 但相對地鵝肉飯中的鵝肉偏肥 可食的鵝肉份量不多 配的酸菜也偏咸 整體性價比低 希望店家會改善

今日下午去買外賣，叫左個燒鵝燒腩仔飯同差燒飯，差燒飯不過不失，燒鵝飯全部骨頭無肉，勁衰 外賣就比骨頭你，垃圾一定要比差評，而家寫評都要作80字 真評真評真評真評真評真評

午飯時間行經過望望餐牌比佢地個炒河吸引左想試試，估唔到外賣返公司依家鑊氣十足熱辣辣👍🏻河粉上色均勻，唔會油到食唔到，牛肉片都非常軟稔，整體都十分之出色，會再返去食！

頭抽鼓油雞，由廚房出品，急凍雞放入鼓油煮到全熟。肉質差味重，難食到極點。作為一間燒味餐廳，東不成西不就。75蚊半隻鼓油煮雞。睇佢熟到呢個程度，懷疑係斬成雞件掉入鼓油汁入面煮出來