榮光手工創意曲奇

營業中

休息中

今天經過買了一盒甜蜜時光，有12種口味，特別在港式茶餐廳風味的檸檬茶、阿華田杏仁、好立克夏果仁及咖啡朱古力，其他有燕麥提子核桃，抹茶，原粒杏仁，濃香牛油，黑白芝麻等Glory Bakery主打本土味道，特點系不含泡打粉、梳打粉及起酥油，不含豬油或動物油及蛋入口非常鬆脆，有廣告話店主在製作時加入中式粘米粉，有些更連雞蛋也不用，免得曲奇質感變實。食落所有味道都真系好鬆，吾油膩，吾系好甜，一次可以是好多，但咁多種味道，只有咖啡，朱古力，芝麻系味道突出，其他都好淡，吾睇住張照片對著（有幾種系睇住相都吾知道啊）好難分辨系乜味。但性價比好高，質量比貴好多的其他牌子例如皇X, s"x"ft dessert,等都好。好處-手工製作，不含防腐劑，-每天特別款式，很實在，不要學虛偽的s"x"ft,得個樣。改善-盒裝系真空包裝，開膠袋後只可以一個星期，哩個款式如果一兩個人吃比較多，建議：-除了咖啡，朱古力，芝麻味道，其他包括果仁都應該加強味道令客戶用blind test都知道食緊乜味，咁先系成功。-加一種tasting 禮盒，每種一塊，平均收貴D都OK啊！

今日去開尖沙咀，見到這個手工曲奇，所以買了2包試吓，咖啡杏仁，吃和聞都不太重咖啡味（個人是咖啡控）但曲奇本身鬆化，又無添加劑，所以也可以放心俾小朋友吃。咸蛋黃曲奇不錯，不喜甜的人可以試吓。

上網見人推薦就去試吓，買左原味同花生醬味。口感係脆同鬆化之間；原味食完覺得餘韻有啲怪，諗真啲應該係麵粉味。真係幾似自己焗出黎既感覺，所以手工曲奇無叫錯。花生醬味果隻既花生味取代左麵粉味，好食好多。不過反而有少少膩。我個人只喜歡原味曲奇，其他都係食新鮮感，所以唔會回購。但佢真係有超多口味，好多仲好有香港特色，例如檸檬茶、好立克、奶茶... 喜歡特別野既人我又覺得可以一戰。我買既袋裝係$52兩包，每包有十塊。曲奇黎講，中等價位吧。

同事送俾我嘅曲奇，情意重物都唔輕，攞上手好重，睇返原來made in Hong Kong😍, 大愛💝。packing 幾靚，好認真，好多層，好保鮮，12款囗味。《檸檬茶味》🍋第一塊試檸檬茶味，因為好欣賞有呢個諗法👍，人地國家有伯爵茶味，有焙茶味，我地香港都應該有奶茶味檸茶味，講真就唔係話好好食，少少酸，同曲奇好似唔太夾，但贏在idea , 真心like💗.《咖啡朱古力》🍫咖啡味有少少over , 有啲澀。《抹茶杏仁》作為一個抹茶控覺得抹茶味唔夠濃,不過配咗我鍾意嘅杏仁，overall都可以。👌《黑白芝麻》芝麻好香，不過囗感好粉，唔太似曲奇😅《咖啡杏仁》呢個囗味係最大路，因為係絕配，而且我本身鍾意食almond , 呢款同其他囗感唔同，鬆脆好多🤔總括嚟講其實唔係特別出色，同坊間好多出名品牌相比係唔夠香同唔夠鬆脆，但因為無加起酥油去整所以係會明白嘅，感覺健康同local , 所以好鍾意同事呢個推介我自己亦會支持🤝。

曾經睇過肥波channel介紹過Glory Bakery呢隻粒粒樽裝曲奇新年有幾日假 就趁呢個機會 買黎做其中一樣假日糧食儲備 所以就爬左文同買左兩樽 試下佢咩料😌資料顯示Glory Bakery係主打本土味道 曲奇不含泡打粉 梳打粉 起酥油 但口感仍然鬆脆 👀原因係因為店主起製作個陣加入左中式粘米粉 每日新鮮製作 而且不含防腐劑 所以食用日期只係得30日左右入口➿資料以外都係啪入個口先知佢味道正唔正 俾我食到就無個樽係咸蛋黃芝士味 有好豐富既咸香 味道似平時個隻硬身芝士條零食 入口鬆化 味道濃郁 重口味既你會幾岩食另一款係好立克夏威夷果仁味 食落都幾多nuts 幾足料 入口質感無咸蛋黃芝士味咁鬆化 有咬口 實在啲啲 一咬落去唔會即刻碎曬 但係唔知點解好立克味係無咩 反而食到甜甜地既奶粉味 我就麻麻地 但另一個人兄就反而覺得咸蛋黃芝士味隻味食落係奇奇怪怪 鐘意好立克夏威夷果仁味多啲 所以咸魚青菜各有所好 有興趣都係自己買黎食 一試究竟➿

買香港手信的話，也可以試一試這一家的曲奇餅，因為是香港製造。。曲奇餅味道十分之多，亦有本土特色的味道，例如：檸檬茶味、 好立克味、阿華田味、pizza 味，香蔥味……還有現在大熱的鹹蛋黃味道。鹹的曲奇餅，我個人覺得分憂吹到大熱的鹹蛋黃味，一早已經售罄了。。每種味道也提供試食，可以選出自己最喜愛的口味才購買呢。除了鐵罐可以送給人作手信之外，也有紙盒裝和玻璃瓶包裝。。這裏售賣的曲奇得我和家人的歡心，因為牛油味香，而且非常鬆化。加上包裝也大方得體，個人覺得送禮是不錯的。

有人知道我喜歡 Glory Bakery 的玻璃樽裝曲奇餅, 說出開尖沙咀, 竟然見到有 Glory Bakery, 仲要有檸檬茶味曲奇餅, 好特別喎, 所以買了一樽送給我!Glory 杯裝曲奇仍然是用上我最喜歡的 jar!曲奇雖然細細粒, 但每次一口一粒, 食 7 至 8 粒已經很滿足了。由於用上密實玻璃 jar, 曲奇存放一段時間也不會受潮變淋, 非常方便。講返味道: 其實檸檬茶味不香濃, 要食多幾粒才會食得出檸檬茶味! 雖然檸檬茶味不太多, 但食落卻感覺有些太甜了。倒出來與同事分享就好了, 自己一個人一定吃不完。下次都係買返咖啡杏仁味就好了。

今年中秋收到盒香港手工製作嘅曲奇餅，內心掙扎咗幾日，曲奇餅多糖多牛油超heavy，自己食定轉贈他人呢！🤨最終都係敵不過美食的誘惑😁甜蜜時光～有12款口味，每款4件，共48件。曲奇入口超鬆軟，淡淡牛油香味又唔太甜，清新可口，食多幾塊都無內疚感！最後試齊12款不同口味囉😅我覺得每樣都好好味，最愛黑白芝麻、檸檬茶和咖啡杏仁片👍🏻👍🏻👍🏻👍🏻另外見到一啲特別口味～竹炭葵花籽、蔓越莓和亞麻籽都好想試埋。🤤

同事帶了賀年禮物回公司分享。第－次食榮光Glory手工曲奇，打開open rice 看看原來已有２間分店。英文名Glory比較好聽。黃色鐵盒加上青新的小鳥及花草圖案，有春回大地之感，新年送禮最應節！打開鐵盒還有膠袋密封以保新鮮全氣。共有４個味，曲奇鬆化帶牛油香味，不會太重牛油而入囗融化，有咬口。另外茶味曲奇茶味香濃。而果仁及芝麻，增加了曲奇香味及富囗感。一個下午已經被吃光！有機會一定會自費買其他口味試試！

最喜歡新年買小禮物，年年都係個啲都幾悶。今年朋友介紹呢間做手工曲奇嘅鋪頭，係尖沙咀旺角都有分店，啱我。諗住新年前一個星期買實有貨，點知要預訂啦，年初三先有得拎。店內有得試食，亦有介紹有咩味，店員都有細心講解。最後買咗兩罐甜蜜時光，咩味都有，價錢合理，有成138元500g。帶佢地返去公司拜年，自製咗個對照表俾同事朋友揀黎食，似乎港式同朱古力綠茶都受歡迎。包裝唔用傳統係罐外面包膠紙，反而包曲奇係用真空包住。曲奇嘅牛油味重，糖都合理，100g有15g左右，其實每一塊都幾足味，食落口同佢寫嘅味道係一樣，你一定會食得出。佢係手工曲奇，無添加，今日寫食評已經係開罐嘅第三日，雖然個罐真係吸得好實，曲奇確實無剛開個刻脆口，所以一開罐一定要快啲食。

經過附近，好奇入內試食，見有好多不同味道的曲奇，詢問那款最鬆化，店員介紹 "黑白芝麻"，一入口，真的異常鬆脆，加上啖啖的芝麻香味，心想，喜愛芝麻的媽咪應該會鐘意.原來$27一包，114克，二包$52，於是揀多包，見"竹炭葵花籽"都頗特別，黑色的曲奇，但賣相一點都不弱，心想讓媽咪試一些特別的味道及樣子的曲奇都好! 回家後，媽咪好喜歡，大讚好味，近日經過. 今次試"好立克夏果"，陣陣好立克味道加上鬆脆的果仁，完全是媽咪的致愛! 店員服務亦非常有禮，笑容可掬，值得惠顧!回家後已好快地吃了幾塊，原裝每包約有10塊!

話說諗住買d曲奇禮盒送俾朋友，係尖沙咀加拿芬道見到呢間曲奇餅店，有買港式茶餐廳口味ge曲奇，覺得幾特別就試食左幾款口味，有好立克、阿華田、檸檬茶、黑芝麻味，好得意ge味道，創意加分👍🏻而且曲奇鬆化，唔錯！

朋友推介，所以search到有門巿路過就去買尖沙咀門巿唔難搵係K11對面入到去，職員好好，問我想買咩可試食因為香港製造，又有茶餐廳飲品嘅味送禮我覺得幾特別所以試食左幾隻味，覺得好味就買左一盒細嘅送禮大嘅留俾自己食其實出邊好少呢啲曲奇買，唔係原味就朱古力但呢個就好特別食幾塊都唔會漏尤其芝麻味好香，我食到停唔到口就算係原味牛油都勁好味朱古力味就好重，未去到苦，但應該都唔係差嘅朱古力個盒好靚，包裝得好好，買返屋企無點碎之後再食又唔會話好快出氣（不過都唔會留得耐，太好食，一陣就食埋，邊等到佢出氣）下次再買其他來食先

男朋友送左一jar咖啡味曲奇俾我。好味到要上黎打兩句。曲奇好鬆化，同埋佢細細粒咁，食既時候好方便。好容易唔覺唔覺食多左最鐘意曲奇入面有d杏仁片，好香口又有口感。咖啡味都幾濃，一打開個蓋已經有朕咖啡味湧出黎~ 值得一提既係佢用玻璃樽裝住，食完之後仲可以留返但樽做杯，夠晒環保，抵讚!