榮安小食

營業中

休息中

榮安企立荃灣幾廿年，學生時代覺得佢門面 'up 耷' 唔多想入去，之後朋友介紹至知佢係好嘢！後悔浪費咗多年口福，所以而家久唔久都會嚟補償吓！榮安嘅裝修咁多年都冇變過，店內坐位少，空間細，講真坐得唔多舒服。服務方面，可以講係冇乜服務，食完有人執枱咁囉！食物方面，榮安價格絕對貼地。粉麵全部 $6，餸菜方面除咗牛腩、豬腸、雞翼、鳳爪、魚皮餃係 $10 外，大部份都係 $6。以下係推介。鹵水系列牛腩、雞翼、豬腸、雞尖、鹵水蛋，全部以鹵水熬製，非常入味，鹵水唔太鹹，少少甜。鹵水雞翼，雞尖，全部油亮亮，入味之餘仲好嫰滑。豬腸洗得好乾淨冇異味，入味後更加欲罷不能，好想多叫一份。牛腩就老咗啲，有少少黏牙 。今次叫咗油麵，份量都係幾多好飽肚。平時會叫粗麵，貪佢可以吸收湯汁 。攞麵前記得加一小勺咖哩汁，超辣超惹味。今日貪心咗，好辣呀！但好過癮 。

讀書時常吃平民小食車仔麫。出來做事後便甚少吃。今天路經荃灣，興起便試試榮安車仔麫。最低消費30元，6元1個餸。小店很少顧客。我揀了油麫，魚旦，豬皮，豬红及韭菜。一大碗食飽人，但味道只是一般，無甚特色，不及童年時吃的好味。但如想一試街頭小食，幫幫小商户，試下也無妨。

買外賣返去夜晚食 到夜晚食個陣先發現叫3隻雞翼比得2隻我 咪打電話返去同個阿姐講聲睇吓下次再要返得唔得 ，講真我都係一個成日幫襯嘅人，再有下次幫襯又有咩所謂補返比我唔知打電話過去個阿姐問我幾點着咩色衫 就照講晒出嚟我話你睇吓閉路電視啦 之後佢就好園直接收我線，我打電話返去你cut我線其實即係點？你一句都冇同我講點樣處理件事 我係咁話自己好忙唔得閒睇閉路電視 $10唔會呃我，我咪問吓我係咪留低個名你下次俾我就得啦？態度勁差嘅阿姐話我都好忙唔得閒睇點答你 就又收我線 ...其實而家你係比少咗野我點解好似仲係我錯咁

鑱咀萬萬歲!🙌🏻ChamZeoiLongLongLife🙌🏻榮安小食萬歲！屹立係荃灣路德圍幾十年，保留住懷舊不修偏幅既氣息面同餸款式不算多，勝在夠簡單豉油雞翼好出名，好多人會買雞全翼外賣或者雞翼尖車仔麵嘅辣汁同沙嗲辣醬係自己落嘅，沙嗲辣醬非常濃郁好味，但的確係幾辣最低消費$30 ，一定要嗌夠幾樣餸豬紅$6味道👅👅👅口感👅👅👅👅份量👅👅👅性價比👅👅👅👅👅🐭口感軟滑蘿蔔 $6味道👅👅👅👅口感👅👅👅👅份量👅👅👅性價比👅👅👅👅👅🐭鮮甜雞翼 $9味道👅👅👅👅口感👅👅👅👅份量👅👅👅性價比👅👅👅👅👅🐭好入味魷魚 $6味道👅口感👅👅份量👅👅👅性價比👅👅🐭冇味河粉 $9味道👅👅👅口感👅👅👅👅份量👅👅👅👅性價比👅👅👅👅🐭好滑食神鼠到榮安一遊，拜拜👋🏻

話說這間榮安， 我從小學時代開始食， 但最近幾年， 發現這間小店會常常收多人錢扮計錯數。 我不知道到底是收銀阿姐手腳不乾淨還是怎樣，真希望各位食客和老闆可以看到這篇文章。 因為這樣的事， 發生了太多太多次了。 今天去榮安食面， 叫了粗面加底（$12), 豬紅（$6),蝦卷（$6), 尤魚（$9),豬腸（$9) , 收銀阿姐（口音福洲人）收了我$48 , 我拿著面回到座位，發現不太對路。 立即跟阿姐說， 然後他們兩位阿姐開始做大龍鳳，當時小店只有4位客人， 不是煩忙時段。 雖然只是$6 , 但因為這種事已經不是第一次發生在我身上，是幾次了！ 是氣難下， 而且阿姐明知自己收錯錢， 也沒有給回錢的意願。 所以我必須發貼， 好讓其他食客不要上當， 還有如果是那兩個阿姐手腳不乾淨， 希望老闆可以正視問題。 這間小店， 我以後不會再幫襯了， (說真的也沒以前好吃了） 雖然我同為福建人， 但這種騙人手段是絕對不能支持！！ 我生活在荃灣30年， 這間一直是我食車仔面的首選， 但現在開始不是了。 做生意太不老實了！！

依間位於荃灣紅十字會附近嘅車仔麵，講真係就咁望落去真係唔敢幫襯，但係就成日見到大排長龍終於鼓起勇氣一試，入到去見到有好多滷水雞翼咁就知道一定要試吓啦，今次我叫咗豬紅豬腸滷水雞翼，滷水入味豬腸OK豬紅OK湯底好濃分量OK整體質素可以一試

聽聞呢間車仔麵曾經係米芝蓮推介，但好多人都話佢的衛生環境比較差，黎到見到就覺得尚可接受。堂食座位唔多，要比錢買完野食先搵位。呢間車仔麵最低消費$30，所以叫左雞翼、蘿蔔、豬皮同魚蛋四樣餸。鹵水雞翼係最多人推介，果然好好味，入哂味，而且啲肉仲好嫩滑。蘿蔔都出色，入味之餘仲唔會有渣。豬皮魚蛋就正常，無特別。不過成碗麵都無咩味，一定要落佢啲醬汁。麵的份量真係偏少，完全食唔飽。

朋友推介呢度嘅鹵水雞翼好味，我都特登黎食下，未黎之前都聽講過話間舖衛生情況比較差，所以已經有心理準備，黎到都真係真係幾唔理想，但見到一路都有客黎幫襯，相信呢度食物真係有水準。呢度有最低消費每人三十蚊，麵底6蚊，大約要揀多三，四個餸，碗麵嘅份量男士應該都唔係好夠飽。鹵水雞翼好入味，但都仲好大隻，冇點縮到水，好味。牛腩味道都ok, 但切到好細粒冇咬口。蘿蔔清甜冇渣。 整體黎講呢間車仔麵啲餸真係幾好食，尤其係鹵水雞翼。

本身喺荃灣見到呢間鋪頭裝修簡陋，但朋友話呢間車仔麵檔都幾出名。咁就入去試吓，點知呢間車仔麵真係名不虛傳。食完之後搞到我成日心思思想去荃灣再食多一次。呢度最低消費$30一碗， 但係車仔麵嘅餸選擇都幾多。 首先叫咗面底先。我鍾意食米粉， 個餸我就叫咗雞翼同埋雞翼尖仲有豆卜同豬大腸。但係我大力推介嘅就係呢度嘅雞翼同埋雞翼尖！真係滷得好入味，直到我依家打呢篇食評嗰陣時我都好掛住個雞翼🤩🤩但係我上OP見到其他朋友寫嘅食評，大致都係話呢度嘅服務態度好差而且面嘅質素亦都係一般。我就唔覺呢度服務態度啲咩太好或者太差，但係個麵食完之後就一試難忘啦。不愧為米芝蓮有得主。👍雖然呢度裝修麻麻哋，但係鍾意食車仔麵嘅朋友可以試吓。

榮安小食雖然名為小食，不過主打的卻是車仔麵，榮安在荃灣營業多年，甚至曾登上米芝蓮，總算風光過。可惜現在走向下陂，褪色不少。其麵底有油麵、粗麵、幼麵、河粉等選擇，不過都較以往欠缺彈性，而且過往出色的辣汁亦沒有以前惹味。另外員工服務態度也沒以往周到，可惜。

由細到大都中意食車仔麵既我今日路過荃灣睇到呢間昔日既米芝連既鋪頭心唸應該唔伏啦 點知原來係惡夢既開始😨人均消費每位30蚊😶首先我想講都係個份量太少 米粉得幾擔就食完以成人來講根本就唔夠🤔 豬腸又細舊 😧但食物質素來講都算好食 尤其係滷水雞翼 🤤好入味 好正 食過翻尋味🤗 但美中不足就係食完等於冇食過 🙄🙄 服務態度都一般 趕頭趕命又成日計錯數 我覺得真係一次有多🤭🤭如果唔係之前係米芝連既車仔麵 我唔會食🤗

最低消費$30但兩位阿姐心水都唔清然後計數又計得亂兩個服務員夾埋（話顧客）一位黑面一位出聲話人唔明比錯嘢食我同佢講 要某幾款餸但又話最低消費但心水又唔清比到亂曬好心唔清就唔好整最低消費仲指責番 當更正番我要咩餸 又無啦啦加多個餸講極都唔明又話冇收多你錢野食又小 價錢又貴仲要收錯錢態度惡劣點解會係米芝蓮？我好懷疑囉

每次經過路德圍 都會經過一間舊式車仔麵 從來不會以貌取人 這可是曾經的米芝蓮街頭小食推介看到開飯很多食評都說店員態度很差 但是這次去感覺沒有那麼差只是裝潢比較舊式 地方小小 摺凳坐得比較沒有那麼舒適🦐蝦卷 是比較特色的餸 感覺比較像魚肉春卷 但質地較淋 味道較淡🐮牛腩 入味不韌🐷豬皮 夠淋身🍜湯底本來很淡 精粹在於咖哩汁 粗麵和韭菜沾上咖哩汁後 香辣惹味🍜整碗份量很少 連麵量也很少 吃完一碗也不飽 價錢亦較貴 餸也不是特別岀色 性價比較低

荃灣食物選擇太多，今日去到又未諗到食咩，過馬路後見到呢間舊式車仔麵，想起荃灣長大嘅朋友曾經推介，決定將晚餐機會留比佢了！先選粉麵，後選配料，見前面食客都揀豬腸而且色澤非常入味，即刻要揀返個豬腸滷味十足，而且唔會好似其他豬腸咁厚，洗得算乾淨而且薄，口感好好。另外加左榨菜，比較少係出面車仔麵店見到有榨菜，一試後與辣湯底味道都幾襯，有驚喜另一重點雞翼，同樣滷得入味，無雞毛，一隻全翼剪開3部分。總體而言，必定會再光顧，唯一美中不足係份量較少，價格亦非便宜，但食到呢個水準的配餸都覺得值但環境舊式，不太整潔，如果住附近，最好選擇外賣

一直想試試這間車仔麵，惟每次放工經過，都準備關門！今晚早了一點，終於可以一嚐！門口很多人排隊，到我後面的只剩餘一，兩碗米粉，即是剩菜也沒有很多可以選擇！環境很陳舊，但仍可以接受堂食！今晚點了蘿白，魷魚，豬腸，冬菇米粉*蘿白軟淋清甜沒筋！魷魚有一條鬚，爽口！豬腸碎件，豬腸味頗濃！冬菇厚肉入味！咖哩汁香辣味濃！加一點已足夠！不過米粉份量偏少！總括而言！值得一試！多嚐這傳統味道！題外話，有見不少朋友有感店員態度差，本人親身一試，感覺沒傳聞那樣差，只是沒服務，典型地道快手快腳的文化！