榮安小食

營業中

休息中

本聽說這裡老字號，便去一試！千其不要再去，食物沒水準都算了，還一肚氣，店入面的阿姐，叫車仔面時態度極度惡劣！仲人身攻擊！面容黑到不得了。再也不會去，環境衛生惡劣，食物差！一肚氣！勸大家不要去試 我為了這特意開這個account因爲實在太差啦！差評x100000

Never go there again.  The operator's attitude really sucks!  Food was very very bad and dirty.  I won't recommend to any person due to hygienic reasons!!!

兒時回憶，細個日日蒲荃灣同葵芳，係荃灣既街坊絕對識呢間老字號車仔麵，曾幾何時隔離係好好食既佳佳魷魚鬚。今日黎荃灣好肚餓想搵野食，結果行左入去榮安，貪佢叫幾點食幾多，唔使咁飽～而家度度食車仔麵既麵底都要$7或$9，分分鐘買$40車仔麵食完都唔飽又唔好食。呢度仲保持街坊價，不過相對地麵底分量比平時少1/3，而有D餸都仲係比出面平，豬大腸、雞翼果D肉類都係用滷水煮～滷水汁好夠味，雞翼好似燒臘舖既滷水雞翼咁，係全翼。豬大腸洗走曬肥膏，無異味，魚蛋豬皮亦唔錯，豬皮剪得太碎，份量又係好少。不嬲都知環境麻麻，好似熟食檔既環境咁，不過環境情況令人咋舌！檯面有好多食完食剩既碗一路攤係度無執過，一個阿姐負責企係度負責整野食，另一個阿姐企係度吉下魚蛋黎食，檯面、辣醬樽、筷子筒睇得出係千年漬，啲汁既漬似係10日8日係抹過！救命！夏日炎炎衛生情況咁差！如果客人太多員工太少一時執唔切可以理解，話曬只係小店。但當時店內只有2-3個客，個阿姐仲企係度乜都唔執，當時有5-6個碗擺係度，趕客都唔係咁丫....😓

今晚叫咗車仔麵做外賣，二間車仔麵我已經食咗20幾年，佢哋嘅水準一直都保持都好好，特別係佢哋嘅滷水確係做得一流。今次叫咗河粉，另外仲有滷水雞翼尖，滷水雞翼，同埋牛腩。呢度啲滷水確係一流佢哋嘅滷水有一份滷水種，係咁多年來重複又重複煮滷水雞翼嘅滷水汁，滷水汁有好香嘅雞香，只係你見幾十年嘅老店先至可以做到嘅味道。點咗麵同埋送之後仲可以自己加滷水汁或者咖喱汁，河粉吸收左滷水汁之後味道不得了，一定要試。

荃灣真係超多食店...！今日受到'車仔麵'嘅感召...一於再光顧'榮安小食'...一睇門面就知該食店有返咁上下歷史...我覺得食車仔麵要去舊式舖...先夠好feel...店舖唔大...但勝在門口有張長枱...輪椅使用者想用枱食麵都算幾方便...但可能會有少少頂腳...無計啦...自己遷就少少吧通常食車仔麵都會叫油麵...亦會加辣...今次兩碗麵一共點咗七個餸...當中我會推介～冬菇...炆得好食呀...食落好香冬菇味（絕對唔係廢話）～豬腸...完全食唔出騷臭味（正！）～雞翼...醃得好入味...浸咗好耐湯...仍然好夠味...唔會太鹹...雖然店內有價目表....但點吓一樣...點吓又一樣...點點吓都唔記得邊樣餸係幾多錢總之...兩碗麵大概食咗$75左右...可能會覺得貴（我都覺得）....但有時遇到呢d本土小店...其實亦唔會計較咁多...不竟香港嘅租金可以去到好變態...踏踏實實為生活打拼...我真．願意比貴少少

#車仔麵 每次出荃灣如果諗唔到食咩⋯都會食呢間車仔麵,細食到大!有情義結!! 不過真係好細碗⋯我諗半個米粉都冇,但佢既滷水雞翼同咖哩汁真係超讚好首先講講雞翼先...佢係滷水雞翼黎架...重點係佢滷得唔會話太腍...亦都唔會話太硬...煮到岩岩好...我見每個客去到....都會嗌雞翼....再講下豬腸....太佬佢豬腸佢真係好用心好用心洗...佢每舊豬腸都唔肥...好瘦...我真係好鐘意....係一D肥膏都冇....香港真係好小可會有車仔麵檔肯同你...慢慢洗架喇...

昔日在屯門居住時，跟太太最喜歡在附近一帶食車仔麵，除了近生果檔的肥媽外，另一間最常光顧的就一定是榮安。仍記得當年只是十圓八塊，連兩個麵餅都不過$20左右，已經吃得飽飽的。偶爾經過時，都會重溫一下當年的風味。老實說，不論門面及味道，多年來都不變，老闆娘依舊粗聲粗氣，但很有街坊的感覺。米粉底配生菜、魚肉、豬腸及魷魚，基本上好幾樣食材都是無味，唯有加點腩汁及豉油，魚肉粉質不會太重，豬腸多年來保持水準，預先已經剪好，炆得軟稔入味，油脂不會過多，配合什麼麵底都可以，真是百搭，魷魚只憑豉油吊味，但多年來都是食極唔厭。雖然離開時差不多9點幾，但依然人頭湧湧，又真係幾好生意喎。

荃灣路德圍附近有很多食肆，大多數"壽命"都唔長。有間車仔面仍然趷立而今，而且周不時都排長龍。但從佢舗外既裝修，門面簡陋，地方陜窄，肯定估佢唔到，佢有一班捧場客。店舖主張外賣主義，但亦可堂食，眼見大部份人都係外賣既。我都經常光顧呢間，當下午茶咁食。一入去就見到每樣餸同價錢都掛係廚房前，全店得2~3個人，一個負責樓面，另外兩個負責煮面及收錢。揀(嗌)完餸後，廚師快手"鹿"幾"鹿"就拎得，係呢度所有野都自己黎。今次我揀左豬紅，雞翼，辣魚蛋配幼面。豬紅好結實，冇一夾就散，而且有口感。極力推薦呢度d雞翼(8蚊一隻全翼)，超好味，好多人外賣雞翼返屋企食。雞肉幼滑，而且好入味，真係想骨都食埋，店主自家秘製去"葉"而呢度既辣魚蛋亦不可不提。出面d辣魚蛋係浸到大大粒，再加辣醬，而呢度d係好細粒但辣過出面果d從魚蛋既外觀你估佢唔係佢咁勁。佢唔爽亦都唔彈牙，一咬落去有陣辣味。之後陣辣味開始發功直逼去喉嚨。食得辣可以一試。個面就比較普通，係爽口冇"簡水"味。但份量黎講係好少，只能當下午茶而已。

久未有在荃灣市區一帶出沒，對一切區內的事物都變得陌生了。想跟同樣未夠飽的老友食過飯後再來點小吃，兩個人茫茫然的四圍逛後都沒有任何頭緒想要吃甚麼。不錯四處皆是食肆，既有大規模的餐廳之外亦有賣街頭小吃的店子，但走了一會後仍遲遲找不到心頭好。最終呢，仍是要回到自己從前熟悉的地方，選吃一些自己從前嚐過的東西。這一間車仔麵老字號，仍然是那般門庭若市。平日晚上已是八時許九時多了，但門口竟然還站著一條不短的人龍，真誇張。老闆娘仍是那舊模樣，待客態度極差對客人呼呼喝喝，好像"唔憂做"似的。為了不得開罪她，還是快快手點了餸及麵底後吃完便馬上走為上著。麵底仍是我每次吃車仔麵時的必然選擇 ---- 即乃油麵也。用筷子一夾看看，麵量就只得那兩箸，實在少得可憐。以這樣們份量竟還敢收我接近三十大洋一碗，可怒也。再來睇睇那餸料 ---- 螺肉是一點味道也沒有的而質感咬口也偏硬韌；魷魚夠爽口但同樣毫無味道；店自慢的翼尖醃味過鹹，若吃得多的話身體便儘要吃虧了。這樣的一碗水準極嗱喳的麵，確是明符其實的"嗱喳麵"也。

同朋友去做運動之前食少少野 突然間想食車仔麵 就諗起一間係荃灣算係幾出名既車仔麵 雖然要等位 不過都值得既同朋友一齊食油麵加咖哩汁再各自加餸⋯咖哩汁其實對唔食得辣既人黎講係會食食下好不其然咁流鼻水車仔麵更係加豬大腸啦 呢到d大腸好食（甜甜地既鹵水汁） 魚蛋就不過不失 佢地既雞翼都好入味 試左少少朋友既豬紅都好好食 唔似出面平價火鍋既豬紅 唔易散 其實成碗都好滿意,係細碗左少少姐 滿足完自己之後就要去消滅返d野食啦

放工好想食車仔麵，叫咗粗麵搭辣魚蛋，蘿蔔，豬紅，冬菇及香腸，腩汁底。辣魚蛋食到少少陳皮味，應該好食，不過我覺得辣得滯，食咗一粒就冇食，係我嘅問題，食唔到辣。蘿蔔及豬紅一般，不過不失，好味談不上，又唔算難食，好普通。冬菇最掂，厚肉而且入味，全碗最好食嘅餸係佢。香腸得一條剪開，以我食日食香腸嘅經驗，呢條腸唔靚，質地粗糙而唔好食。湯底雖然加腩汁，仍然淡口冇乜特別。碗麵就唔貴，30蚊，不過食完覺得唔飽肚，冇下次了。

 呢間野只係可以講個抵食，沒有任何嘢可以說好。餐廳環境一定唔使講一睇就知好差啦，因為今日想食車仔麵 ，事事旦旦搵一間見到有人排隊。第一句想同大家講就係超級難食，成碗野無論餸菜同麵都是沒有味道的。叫完餸之後叫人牛腩汁， 個姐姐超差態度講咗一隻字‘無’就算啦。 成玩野完全冇味冇道，隻雞翼都係冇味嘅可以，好過份囉本身隻雞翼係叫做滷水雞翼咁啲滷水汁未呢？講到態度方面，唔使講都知啦！超差。 又難食又要受氣，冇下次

今天請假去荃灣看醫生, 看完醫生才不夠十點, 可以選擇吃東西的店有限, 在附近看看, 見榮安小食開了, 之前都想試, 總在放工時間看見好多人, 就沒吃了。 叫了菜、滷水雞翼、冬菇、蘿蔔、豬腸, 三十幾元份量偏少, 豬腸沒怪味不過不夠肥, 雞翼入味好食, 蘿蔔有渣失敗, 冬菇和菜OK。

''榮安小食''可說是青蛙由細光顧到大的車仔麵店。記得小時候, 青蛙媽媽常帶著青蛙到荃灣逛街,逛夠了, 就會吃碗車仔麵才回家。如今人大了, 青蛙仍時不時跟媽媽光顧它,為的就是要重拾它的味道﹑以及大家的回憶...恰巧地, 豬大人也是光顧它多年的『客仔』,所以我倆對荃灣共同喜愛麵店的排行榜上, ''榮安小食''一定榜上有名!!是日跟豬大人在荃灣看早場, 見時間尚早, 又碰上它已營業,一於就在此吃個早餐啦!!!豬大人的魚旦﹑雞翼﹑豬大腸粗麵 (加咖喱汁)魚旦: 一貫的夠辣夠刺激, 肉質尚算彈牙。雞翼: 完全吸入滷水汁, 夠入味但不會過咸或甜~ 是每次必吃之物!!豬大腸: 青蛙覺得略為韌, 但不肥﹑清潔亦乾淨。賣相差, 卻充滿滷水味~粗麵焯得剛好, 但不得不加咖喱汁, 皆因辣味全由此起呀 ^^青蛙的魚旦﹑雞翼﹑白蘿蔔粗麵 (加咖喱汁)青蛙選擇的食材幾乎跟豬大人一樣,唯獨青蛙選了白蘿蔔而非豬大腸。白蘿蔔: 清甜沒有渣, 但未夠入味及腍, 可以的話, 下午才點這個吃比較好。

今天3pm在這裡買了個油麵配豬紅,豬皮和蝦腸，老闆收了25元，我趕著搭車回公司沒留意價格貴了很多，但我記憶中麵和配料都是4元一份，理應是16元攪掂。之後我回到寫字樓，打開一看，發現有些我一直不喜歡吃的豬腸在入面﹗ 令整碗麵和湯都充滿著豬腸味道，根本不能入口﹗ 因我不吃豬腸，也不接受那味道的﹗ 跟著我便打電話去店告訴他們給錯了餸我還收貴了﹗ 聽電話的男人，應是老闆，語氣非常串，竟反怪我自己沒有留心看著他執餸，沒辦法幫我，連道歉也不道，cut埋我線﹗ 現在我唯有把所有豬腸丟走，湯也要全倒掉，自己另外撈醬油，才可勉強吃下。這樣的服務態度實在不能容許﹗ 就算自以為是生意好到不憂做，都不應這樣對待客人吧﹗ 我只不過肚餓想吃個麵，也沒介意要付多少錢。但店方做錯事不道歉還要cut我線，這樣的氣是否客戶應該受呢!!