榮安小食

營業中

休息中

尋晚放工去左荃灣整頭髮 個人超支力咁俾人剪左成個幾鐘頭剪完都成9點 之後搵野食 好求其是旦咁就入左間食車仔麵檔d餐牌寫住訑名滷水雞亦尖 不過我唔食雞亦尖既.. 所以就叫左滷水既雞亦$6 +尤魚$6 +spicy魚蛋$3 +河粉$3order完之後 可以自己+調味既 我本身以為落緊沙dei汁 點知原來係spicy汁黎問一問人先知 仲我仲落左兩大匙=0= .. 食落wa..真係好spicy 哈哈 不過我中意呢種感覺個滷水雞亦好入味 滷水味夠晒濃 魚蛋好似街邊d咁 唔係大大粒個款 尤魚我都中意食食完總共用左 6張紙巾 d鼻水係咁流 眼水又錶埋 個嘴爆紅 勁樣衰 哈! 旦真係好味 好野黎!!

本來興致勃勃去老婆娘米線, 關了, 惟可到小巴黎, 太多人, 算, 吃榮安.3餸麵, 很少麵.油麵, 牛腩, 雞翼, 豆卜.油麵同米線店的相比甚遠, 基本上夾了幾轉經已耗盡.牛腩都不錯, 腍香, 軟滑. 份量不太少, 因為要$6.雞翼當真好吃, 濃郁的滷水味, 同樣是$6, 雞翼顯然划算多了, 所以不少人吃.本來的湯底已香濃, 加了辣汁, 可能多得滯很辣, 加少少應該可以了><下次試下豬腸

AUG 7, 2009 (FRI) TEA理髮一輪都差唔多 4 點，差D餓死，立刻醒起好耐無嚟食車仔麵，行快兩步嚟醫肚！呢間D餸我零舍喜歡吃！尤其係雞翼，係全翼嚟，好入味！不過今天卻選了：：冬菇、鳳爪、咖喱魚蛋 & 河粉 $16呢度有樣嘢我好鍾意的，就係D咖喱汁 & 鹵水汁自己任加！:我加咗少少鹵水汁 & 好多咖喱汁，成3匙羹，好似咖喱撈河，好好味，好少車仔麵有咖喱汁落，不過提醒大家係會越食越辣的，唔食得辣唔好落咁多！冬菇係用麻油撈過，好厚好入味夠腍，剪開上，不過加起嚟應該得一隻！鳳爪睇落顏色好淡，食落真係好夠味，呢樣就係我鍾意食佢D嘢嘅原因之一！咖喱魚蛋其實好一般，不過因為好想食，所以就叫咗！河粉份量偏少，女仔應該還可以！門面就一D都唔吸引，不過D嘢真係好好食！

之前一直都聽人講呢度D車仔麵好好味!今日終於都同男朋友一齊試左, 因為舖仔細細, 人太多, 我地決定拎走, 我地揀左雞翼, 豆卜, 蘿蔔.......雞翼真係好好味....一隻真係唔多夠喉呢.....

讀中學時已經常光顧,二十年了,這天返來已經是美食遍地的荃灣,還是鍾愛這裏,味精一定有,而且不小,味道也變了,鹵水和咖哩汁没有以前那麼美味,但價錢平,3蚊,4蚊的餸也有,最出名是鹵水雞翼,咖哩汁, 餸的份量不多因價錢平,反而好處是可以叫多幾樣餸!魚旦,蘿白,豬紅,荳卜,蝦卷,紅腸,魚肉,香腸,炸菜,時菜,各式粉麵賣3蚊豬皮,豆腐,牛丸,雞尖賣4蚊最貴的雞翼,尤魚,鳳爪,牛腩,豬腸才賣6蚊來荃灣的話,試試吧!!很地踎,但代表着荃灣的歷史和回億!!

呢間車仔麵開左好耐，我呢位荃灣居民亦都食左好耐；今日因為要返工，遲了join朋友的鵲局，班友己經叫晒pizza唔預我, 所以唯有自己去榮安解決。榮安的車仔麵麵底份量偏少，對女仔黎講剛好，但男仔可能唔夠，最好要兩份；我想食清d, 只要了蘿蔔、魷魚和魚蛋，配上河粉，再加上他們秘制的沙爹汁同吃。首先要說是最基本的河粉，這裏的河粉煮得很爽滑，這麼多年，我從來沒在這裏吃到過兩條"痴埋一舊"的河粉。餸菜方面，這次的魷魚最精彩，煮很爽脆，甫咬下去即分開兩邊的，而且味道也不錯；反而蘿蔔有點失準，不夠諗，吃下去還有渣，明顯是煮得不夠久，但也是清甜的。魚蛋是一般貨色，但總忍不住要了，以配合他們特制的沙爹汁同吃。他們特制的沙爹汁很香，也相當辣的，我加了一大羹，粉、湯和餸都變得美味多了，但教人愈吃愈辣，過癮非常；所以嚴冬路過想吃點東西，到這裏來一碗加了沙爹的車仔麵是一個相當好的選擇。 (另，如閣下不能吃辣，加醬時輕手一點)

以前住荃灣都經常嚟幫襯,都食左好多年,因為它的雞全亦真係好好味,做到好入鹵水味,雖然店舖舊D,地方窄D,環境差D,都無咩唔好吖~~~企係門口叫餸,裡面個呀姐呀哥就會"畢"比你,之後比錢,可隨意再加咖哩汁和鹵水汁,咖哩汁都幾辣嫁,跟住求其搵個位就開餐喇~~~我差不多每次都係食LEE幾個餸,唔會點變雞全亦+豬紅+蘿蔔+咖哩魚蛋+豬腸+米粉=$24雞全亦唔洗講咁多,一定要試下,雞皮充滿鹵水汁味,唔會太鹹,反而帶小小甜,又夠大隻,她會剪開三節,放便你咬豬紅夠味,唔會好實.蘿蔔比以前細粒左好多,以前係一大舊,唔係細細粒,不過都好清甜.咖哩魚蛋唔夠煙韌,有點林.豬腸由於時間關係,一早就剪好晒,只係"畢"比你,都係超入味,唔會韌.食飽飽就回家休息,今天去完城門水塘郊遊真係好累~~~

(7/11/08)無意中,知道呢間,說道鹵水雞翼好食。買來做餸。八點鐘,仍有小人龍,不過好快就買到。因為車仔形式,全是開揚擺放,食物唔夠熱。買了兩隻鹵水雞翼(小size的雞除連雞中翼,雞翼尖只是店員後搭),滷味色澤十足,很入味,微甜咸香。再加咖哩魚蛋&魚肉。因為淋了秘製辣汁,魚蛋和魚肉咩味,都唔太清楚。整體來說是冶味的,可惜份量真係好少。

返家途中見到呢間鋪頭, 記得呢度食評都唔錯其實不餓, 但還是好奇地買了一碗要了雞翼魚蛋油麵加辣外賣($13) 本來想試蘿蔔, 但忘了order > <雞翼真的不錯, 距係一隻雞全翼剪開三份的, 很入味, 就連雞翼尖的肉也入味呢. 但我比較喜歡嫩滑一點的雞翼魚蛋就差d, 一點也不彈牙, 質感不對... 也沒有魚味辣汁的味道不錯 油麵一般吧, 對這樣東西也沒有多大研究... 吃完後也不想再研究了.. 原來不是我所好! 早知要河粉了.. 份量很小, 如果肚餓既話絕對起碼要嗌3, 4個餸但真的幾抵食呢! 不妨一試的.有機會也會回來試試其他餸(見到好似有最低消費: 12蚊)

一間殘殘舊舊既老店，食物卻如此出色，一碗車仔麵，一碗用心做的誠意車仔麵，請細意品嚐呀各位河粉，只屬中規中覺，但所有的麵，河粉，米粉只是車仔麵的配角，所以無需太注重，太注重反而只會失去左食車仔麵的樂趣。蘿白，無渣，清甜，令人欲罷不能。豬紅，普通但本身喜愛車仔麵一定要有。咖喱魚蛋，好入味，平日就算不食車仔麵都要買一串過口癮。雞亦尖，一定要食，鹵得出色。湯底，味精湯一碗，可自行加料，有一次加左好多辣汁，跟住買左兩包o茶救火有時間一定要試試

在荃灣活了廿多年, 經過這小店不下千次, 每每見到人山人海, 今日下定決心一試. 價錢算挺實惠, 三蚊麵底, 菜從三到六蚊有多樣選擇, 我點了雞翼, 蘿白, 豬皮才十六元, 咖喱和卤汁任添. 份量有人嫌太少, 我個人覺得剛好. 豬皮稍薄但很爽; 蘿白揀得好, 無渣, 煮得入味; 卤水雞翼最讚, 色水靚兼足味, 夠淋身好易食. 如果不好肉者, 選翼尖就夠過癮. 坐埋出去鋪外的靠邊位, 仲唔夠本土特色?

辦完銀行事務和當採購員後,路過這間車仔麵店發現竟出奇地少人,既然如此我也買碗回公司慢慢吃,因為這裡地方極度淺窄,月巴人怎也不會坐在這裡堂食的!!放在店前的鹵水雞翼肥美得很,雖然看來不太衛生,但吃得污糟麵都不理會這些問題了!點了米粉後,再點了雞翼、魚蛋、豬皮和豬腸($23)。阿姐將碎濕濕的貨尾米粉煮給我,本來已覺得有點不爽,怎料那份量真的如此迷你,要不是剛才吃了雲吞麵,這撮米粉應該吃不飽我哩!! 米粉除了碎了一點外,吃來還算爽口,ok啦。豬皮真的比其他車仔麵店爽口,不是淋之之貨色,正因爽口就等於炆得不夠入味,所以味道真的有點淡,針無兩頭利!魚蛋是爽口而不是自己喜愛那實的的貨色,那咖喱汁有點勁度,雖然份量不多,辣味都能感受得到,對我來說是剛好!! 豬腸味道得濃,炆得相當入味但又不會太淋,軟滑中帶點咬勁,不俗的感覺;雞翼同樣煮得入味,鹵水濃味中帶點甜,味道很對自己口味,再來的話,單買雞翼/豬腸好了。單憑美味大雞翼和入味豬腸已有笑臉,其他的忘記他好了。

食過好多地方嘅車仔麵，都係覺得呢間最好食，就算出名嘅太安樓都比唔上。我最鐘意嘅配搭係 雞中翼 + 魚蛋 + 豬皮 + 油麵。首先講吓滷水雞翼，佢嘅滷水真係好好味，滷出嚟嘅肉質又啱啱好。如果妳鐘意"lun"骨同皮，食雞翼都係好嘅選擇。另外，呢度嘅魚蛋好彈牙，豬皮爽口，其他配料都唔錯。加埋佢哋果個好食到不得了嘅沙爹汁@@@

依間野係荃灣成名多年…..佢個滷水雞翼/雞翼尖真係正, d 汁好好味, d 雞翼/雞翼尖又好入味wo.. 正牛腩又係好入味同林, 拿渣麵就梗係要加腩汁la豬皮爽口唔”un”味精……拿渣麵點會無味精ga.. 食枝可樂就解到la

這間黑黑小小的車仔麵，和隔壁的佳記小食(2006-04-18食評)可算是荃灣市中心的孖寶。一排排黑漆漆的滷水雞翼，縱使明知放正在大門口極度黏塵，仍剎是吸引。雞翼異常入味，而且每隻都很muscular的，雞翼尖也非常好吃。自不然想起小時候，家人最愛說的「大菌食細菌」，可能真的因此好味點。其他食物也相當不俗，不過緊記要加辣汁，好吃很多的。地方淺窄，小心行走，而且家族經營，態度也一般。絕無僅有平平地又好吃的傳統拿渣麵喎，張就點好了。