影片
港鐵黃埔站 B 出口, 步行約4分鐘
繼續閱讀
電話號碼
21420918
營業時間
今日營業
08:00 - 00:00
星期一至日
08:00 - 00:00
以上資料只供參考, 請與餐廳確認詳情
牛筋粗麵的牛筋又淋又入味，個柱候汁又唔會太鹹，個粗麵無梘水味，麵質偏煙韌。鮮蝦雲吞嘅蝦又真係幾新鮮嘅，入面粒蝦雖然唔係原隻，但係真係多蝦肉而且算係幾大粒嘅。雲吞皮都幾滑，湯底都香大地魚味。油菜唔算好大碟，正常size，都新鮮。
繼續閱讀
這家坐落於紅磡的老字號粉麵店，一直是我私藏口袋名單。店內裝潢雖然簡單，卻充滿濃厚的街坊情懷，價格更是親民實惠，每一份餐點都物超所值。最讓我念念不忘的是他們的奶茶，茶香濃郁、奶味細滑，堪稱紅磡區最地道的港式奶茶，每次光顧都必點一杯！另外, 招牌菜如豬手、牛腩和水餃更是讓人回味。豬手燉得軟嫩入味，膠質滿滿卻不膩口；牛腩肉質鮮嫩，湯汁濃郁，搭配個人喜愛的米粉或麵條簡直是絕配；水餃皮薄餡多，每一口都讓人滿足。大部份食物都煮得恰到好處，可見廚師的深厚功力, 不愧為一間多年老字號的小店。雖然小店低調不起眼，卻是實實在在的隱藏版美食寶藏。無論是日常用餐, 還是想品嚐地道港式風味，這裡都是我的誠心推薦。如果你也熱愛探索街坊美食，這家店絕對值得一試！
繼續閱讀
呢間麵店嘅出品真係唔錯，叫咗雲吞、水餃、牛腩同炸魚皮，洋洋都做得幾有水準。雲吞屬於係適中size唔係超級大粒，又唔係細細粒嗰啲雲吞，入面嘅餡料好新鮮，隻蝦嘅肉質都幾有彈性。水餃粗麵嘅水餃都好新鮮，入面啲餡有木耳絲，所以都幾爽口，水餃皮雖然柔軟，但係又唔會好容易一夾就散開晒。牛腩米粉嘅牛腩炆得好入味，啲牛筋好正，牛腩唔會韌，印象中好耐冇食過咁好味嘅牛腩，而且佢個份量都OK。佢嘅炸魚皮質素都唔錯，比較硬身厚身，點一點碗上湯再食就Perfect。
繼續閱讀
呢間粉麵店又抵食又好食，兩個人叫到成枱嘢都係$152。牛筋腩麵啲牛腩同牛筋都好入味，而且煮得好淋，而且都有好多舊牛筋腩。鳳城水餃粗麵啲水餃又真係做得幾好，水餃入面嘅餡料好新鮮，特別係個木耳好爽口，個麵冇鹼水味。淨雲吞一碗share食，個湯入面嘅韭黃好香，雲吞入面啲蝦都幾新鮮，同埋隻蝦都算大。忍唔住叫份炸魚皮嚟食下，都幾脆，而且又冇出曬油，跟埋一小碗高湯比你點。油菜就揀咗芥蘭，健康啲走蠔油走油，新鮮美味。
繼續閱讀
舊舖以前成日有幫襯開, 搬咗新鋪之後一直冇時間試~ 今次咁啱喺附近去試下!鮮蝦雲吞粗麵湯底好鮮甜, 雲吞入邊啲蝦都幾新鮮同大隻,口感好爽口~好好食!柱侯牛根腩雲吞粗麵,湯底都好鮮甜, 有少少腩汁好惹味~ 牛筋好彈牙,牛腩肉質唔會好鞋, 牛筋腩都好入味好好食~ 粗面味道唔會好鹼水, 幾好食~ 面嘅質地唔會好腍~記得以前好似有分大細size, 而家無左~ 搬咗呢邊舖頭真係光猛同新淨咗好多~ 下次要再嚟試下撈麵同其他野! 見到水餃都幾吸引~
繼續閱讀