影片
以上資料只供參考, 請與餐廳確認詳情
打電話叫外賣，問接電話的女人應該要幾耐來取，佢話：乜嘢叫幾耐？你係邊個？你嚟到先落單，買外賣咋嘛，跟住cut我線。自問我好有禮貌，好想打電話返去鬧佢，但係都決定慳返啖氣。
繼續閱讀
老闆打錯單，收多咗錢，仲話益左你，晏晝唔食指定午餐，其他普通茶餐廳粉麵起碼等咗20分鐘先到，眼見大部人都係食A、B、C、D餐，嚟到D嘢食又貨不對板，總結收費貴，服務態度差，不去也罷😡😡
繼續閱讀
經過天后，又趕時間，求其去搵間中式茶餐廳食晚飯，入到去呢間榮發茶餐廳就叫咗個『時令二人餐』。點知等咗半個鐘都未有，隔離左右枱的也一樣。問收錢阿姐，佢冷冷地回句：『人多，要等一下』。原來一大堆外買單要處理。好似要堂食客等係應份咁款。早知如此，去隣近食個魚蛋河算。再等多十五分鐘先上菜，都唔明個上湯時菜都要整咁耐！食物普通，價錢也不算貴。
繼續閱讀
港島區少有好食茶餐廳 諗唔到食咩 餐牌基本嘅嘢都有 小炒 炒粉麵飯夠火候 焗飯焗意粉非常出色 炒嘢又夠香 火候夠 銀芽雞絲炒麵可媲美 外面酒店水準 每一次都唔會令你失望 焗飯焗汁係以前細個嘅味道 好似兒時味道 試過有一次叫公司三文治 入面配料非常豐富 人哋出邊茶餐廳用午餐肉做餡料 榮發係用牛扒 牛扒而非好似紙咁薄嘅貨 意外非常 一啲都唔似茶餐廳出品 又試過有一次 唔想食炒粉麵飯 就試咗佢哋個吉列豬扒薯條 豬扒炸到啱啱好 豬扒一啲都唔薄 厚度適中薯條同豬扒都炸得啱啱好金黃色 簡直係正
繼續閱讀
有時想食個簡單快餐，要求快靚正。是日外賣榮發乾炒牛河加例湯（$60），例湯可選忌廉湯或羅宋湯。🍽️乾炒牛河🐄牛河炒得乾身，條條分明，乾爽不油膩，有火候，亦有不少芽菜解膩。牛肉腍身，不過沒有太多牛肉味，茶餐廳質素這是預料之內。🍽️羅宋湯🥣雖然是餐湯，但味道拿捏得不錯，亦夠熱，所以有種想繼續喝下去的感覺。榮發最好外賣，因為堂食枱凳位置比較擠迫。
繼續閱讀