榮發茶餐廳

營業中

休息中

打電話叫外賣，問接電話的女人應該要幾耐來取，佢話：乜嘢叫幾耐？你係邊個？你嚟到先落單，買外賣咋嘛，跟住cut我線。自問我好有禮貌，好想打電話返去鬧佢，但係都決定慳返啖氣。

老闆打錯單，收多咗錢，仲話益左你，晏晝唔食指定午餐，其他普通茶餐廳粉麵起碼等咗20分鐘先到，眼見大部人都係食A、B、C、D餐，嚟到D嘢食又貨不對板，總結收費貴，服務態度差，不去也罷😡😡

經過天后，又趕時間，求其去搵間中式茶餐廳食晚飯，入到去呢間榮發茶餐廳就叫咗個『時令二人餐』。點知等咗半個鐘都未有，隔離左右枱的也一樣。問收錢阿姐，佢冷冷地回句：『人多，要等一下』。原來一大堆外買單要處理。好似要堂食客等係應份咁款。早知如此，去隣近食個魚蛋河算。再等多十五分鐘先上菜，都唔明個上湯時菜都要整咁耐！食物普通，價錢也不算貴。

港島區少有好食茶餐廳 諗唔到食咩 餐牌基本嘅嘢都有 小炒 炒粉麵飯夠火候 焗飯焗意粉非常出色 炒嘢又夠香 火候夠 銀芽雞絲炒麵可媲美 外面酒店水準 每一次都唔會令你失望 焗飯焗汁係以前細個嘅味道 好似兒時味道 試過有一次叫公司三文治 入面配料非常豐富 人哋出邊茶餐廳用午餐肉做餡料 榮發係用牛扒 牛扒而非好似紙咁薄嘅貨 意外非常 一啲都唔似茶餐廳出品 又試過有一次 唔想食炒粉麵飯 就試咗佢哋個吉列豬扒薯條 豬扒炸到啱啱好 豬扒一啲都唔薄 厚度適中薯條同豬扒都炸得啱啱好金黃色 簡直係正

有時想食個簡單快餐，要求快靚正。是日外賣榮發乾炒牛河加例湯（$60），例湯可選忌廉湯或羅宋湯。🍽️乾炒牛河🐄牛河炒得乾身，條條分明，乾爽不油膩，有火候，亦有不少芽菜解膩。牛肉腍身，不過沒有太多牛肉味，茶餐廳質素這是預料之內。🍽️羅宋湯🥣雖然是餐湯，但味道拿捏得不錯，亦夠熱，所以有種想繼續喝下去的感覺。榮發最好外賣，因為堂食枱凳位置比較擠迫。

呀！我今日行過去食個放工早餐，點左份焗吞拿魚意粉同埋咖喱炒飯，真係得閒就要試吓新嘢嘛！那個意粉，餡料勁足夠鬼响，上面啲芝士都烤到微微金黃，丁香味飄到我隔離桌都嗅到，入口即溶！而家咖哪炒飯，米粒彈牙得嚟唔會太乾，夠哂咖哩香氣，食落有種暖笠笠嘅感覺。個雪菜斑球湯，清新開胃，斑球又鮮又滑，爽口得滯，真係消滯佳品啊。轉個頭又見到隔籬桌啲人叫嗰個豉椒肉片炒河，啲肉片嫩滑又入味，河粉爽滑、乾身，真心推介！喺茶餐廳食個下午茶就錯唔過啲小食，我呢陣都勁想埋啲脆皮豬仔包配杯靚茶，滋味呀爽！總之，喺呢度你可以慢慢味，食個滿足！落臺添杯茶或者咖啡，攞返份心情靚哂。👍🍴😋

如果你買外賣阿姐要叫你早3個鐘打電話嚟叫～問多句都好似得罪佢咁～完全唔叫外賣係一個罪～叫你下次唔好幫襯。垃圾～好污糟店不會再幫襯～客人食嘢，好似受罪、完全唔知禮貌係點

中午的飲食時間，間唔中會行到來天后一帶尋食物。亦因為這樣的一個好奇，令我發現，天后這一帶的食肆選擇，原來比北角、炮台山更豐富。在中午的時間行過來，首選的當然是一間經濟實惠，又有舒適座位既茶餐廳啦。結果，我就被這一間《榮發餐廳》吸引住了。食物偏港式，感覺又很西化，in between 茶餐廳同豉油西餐廳之間。咁特別，就一於試下。眼見許多人都叫紅湯，所以我一決定食午餐時，也來一碗店長推介的羅宋湯。蕃茄味偏重的羅宋湯，喝/吃起來很香。為何會加一個吃字? 因為這一個羅宋湯實在是足料，多菜，也有牛肉，濃濃的蕃茄味道更令人感開心。第二次來，我就要了一份白湯，也就是粟米忌廉蘑菇湯。入口很是香滑的湯，而且淡淡湯都有粟米或蘑菇，咬開粟米時，又有香甜的味道帶出來，令整體的感覺很好。這一個湯也是令人感滿意的。第一次來，吸食我的，是豬扒飯。是什麼汁我沒有太大印象了，總之是一個有少少茄汁，有少少菇味同有少少燒汁味的汁，是一個伴飯吃的良物。豬扒肉厚，香口而且質感夠腍，可以說，這是一件啖啖肉香的豬扒，令我感覺非常之滿意。因為第一次來吃得非常滿意，所以隔了冇幾耐我就再來一次。當日就叫了午餐中的咖喱牛腩飯。咖喱的味道是

今日經過天后咁又肚餓就求其入去搵間餐廳食野，入到去呢間榮發茶餐廳就叫左個肉片炒河下午茶，黎到覺得份量好小好迷你，但又唔平要成45蚊，食完都唔飽，咁我坐單人位，就係我食食下差不多食完個時，有個阿姐係佢地員工，無啦啦坐我對面，當時我已覺得佢無禮貌，客人食緊野架，最離譜係佢跟住換鞋收工，搞錯人地食緊野你係度除襪換鞋，我埋單個時同負責人反映番，不過無下次，我一定唔會在食第二次

早餐揀左一個腿通餐，一個豬扒蛋面。腿通：份量太少，唔夠飽。煎蛋、多士：追單個時，侍應話送錯左比隔離。what?甘你地唔係應該整反份比我地架咩？哭笑不得。豬扒面：豬扒食得出係即煎，冇炸衣，入面嫩，出面香口。

諗住打完波同啲朋友食早餐，點知........食完即趕走，服務態度好差，食物質數惡劣，筷子未放低，立即叫你食完好走，這個老板不要幫襯，竉壞佢！以後都唔會再嚟呢間餐廳，環境衛生惡劣。

點左早餐A要轉出前一丁，個落單阿姐覆單都有講到，但佢嚟到係普通公仔麵。我同阿姐講我係要轉丁，佢話「張單都冇打到」，我咪話你明明覆單都有講到，佢又話「咁你係咪要轉丁丫？」，我再講多次頭先你覆單都知我要轉丁，個阿姐就講「轉返咪得囉，唔駛咁多嘢講嘅」！真係火都嚟🤬 咁你講乜嘢張單冇打到，你去打返轉返咪得囉，根本唔駛講嘢囉！正垃圾！！！

人情味好濃，態度好好的老闆。普通一般餐廳，睇味道。好味道的餐廳最緊要人情味的餐廳。未入黎之前，老闆就熱情招呼。因為11-12系送貨附近時間，好多師傅泊車都過來坐，有時候預留一兩張臺比佢地快脆食飯午餐。快餐快脆呢一點就好窩心。飯不算太硬，最主要以鮮茄好好味道，濃烈的番茄味道。豬扒鬆脆柔軟，比較方便切又容易入口。本身無咩味道，所以加落茄汁，燴飯都幾好味。快快脆脆。差不多11-12點都比較人多。快餐有不同味道。有幸食到最喜歡的鮮茄，是真的新鮮番茄味道。豬扒有軟身，56元有個豬扒飯，羅宋湯，還有熱奶茶。鮮茄汁濃烈有香味。

乾炒牛河是港式地道美食， 要找到一間夠鑊氣也不容易。這次來到天后區榮發茶餐廳， 點了一個乾炒牛河。這個乾炒牛河鑊氣十足, 牛肉一大大片， 牛柳部分肉質嫩滑。 而炒河也做得不錯，每一條河粉也分開的， 不是像有一些餐廳炒到黐埋一舊舊。

茶餐廳，香港特色之一，唔單止價錢經濟實惠☺️，而且選擇多樣化，中西菜式總有一款啱你口味😙！.今次有演員朋友👨🏻‍💼介紹，一齊嚟咗呢間天后茶餐廳食晚飯，呢度老闆娘好好人🙂，態度非常友善親切，如果因為太多選擇唔知食咩好，佢會慢慢為你介紹架🤗！.#香煎鹹魚肉餅($95)，咸魚粒🐟加入肉碎中，煎至金黃色，賣相吸引😍。肉餅肉質結實，爽口彈牙，實屬阿叔真心推介！👍🏽.#黃芥末焗火腩飯($78)，好少喺其他茶餐廳食到嘅菜式。啖啖肉嘅火腩面頭淋上黃芥末醬，再加上芝士🧀一齊焗。芥末醬汁酸酸地帶少少辣，一次過連火腩同飯一齊食，好惹味！😙.#西蘭花炒帶子($98)，足料菜式，西蘭花夠爽脆，帶子口感亦彈牙，肉身夠厚，值得一叫！👍🏽.今次一行兩人，一個焗飯，兩款餸，二百零蚊，食到捧住個肚！哈😝！更難得係食到嗰份人情味，雖然阿叔唔係附近街坊，但都感覺到小店嘅親切，好似屋企食飯咁！😌