榮發茶餐廳

營業中

休息中

味道太濃 食到起膿叫左個花旗芯雞扒煙肉飯有樟魚湯 + 奶茶呢度d雞扒同煙肉的味道好濃濃到係有d 澀口.....令到你非常口渴果隻睇下相都會知一 pat 汁倒落去d 飯咁law~~樟魚湯唔夠熱....只有微溫....呢間野...失色d播....

今日一早起身,諗住去榮發嘆早餐,之前去試過,需然招呼極差,D阿姐速度又慢,但係早餐尚ok,所以再去一試,但今日再一試,諗再難有下一次,因呢度D餐全部加晒價,D朋友話佢開張不過7至8個月,已加了3~4次價,飲品,食品同餐全部都加,平均2個月加一次價,依家人人真係咁好境?????????,同埋D食品又唔係有乜特別,但D價錢就海鮮價!!!!!!!呢度係茶餐廳唔係賣海鮮?????????再咁下去,可能天后又少一間D食品尚ok茶餐廳!!!!!!!!!

9月6日, 呀比踢波前到天后搵食~ 經過見到呢間茶餐廳門口裝修到紅卜卜幾光鮮, 於是就唸住同呀比一齊去試下喇.::: 雞扒撈出前一丁 + 凍檸茶 ::: $36乜野叫做撈丁呢… 咪即係一個出前一丁走湯加薑蓉… 但係面身就濕濕地. 雞扒尚算炸得香脆不過略鹹~ 整體上食到不少味精. 更隨撈丁附送出前一丁味精湯一碗. Oh~ 凍檸茶不過不失, 表現正常.::: 咖哩雞飯 + 凍奶茶 ::: $34跟個白湯. 係稀稀地, 不個都叫有忌廉湯味道… 咖哩唔係港式咖哩, 東南亞風味啦, 有少少椰香, 杰杰地. 雞就係雪藏雞柳, 冇乜咖哩味. 仲有少量薯仔同洋蔥… 普通亦唔特別.天后咁多好野食, 老實講呢間榮發表現唔算突出~ 冇乜特別招牌野. 基本上都好難會再翻食lu~

今天中秋節,一早約人去榮發食早餐,叫一個炸魚沙律早餐,另外叫一個奶油豬仔飽,俾我感覺是食品一流,招呼九流,坐了半小時,無人理,食品到,無刀,我以為去了印度,朋友話呢度有個帶耳環的Coolman經理,雖然Cool,但當佢招呼,寫單,做速度之快,比今日見到的阿姐,真是天同地之別!!!!!!!!!!!但呢度的早餐真係一流,豬仔飽烘到非常脆但又不乾,加埋另外跟奶,真有計!重有呢度的即磨咖啡,一流!!!!!!!!!!!!!掂!!!!!!!!

我淨係食過呢到的早餐, 都ok.今日食左俄羅斯捲捲通粉餐, 餐包火煺奄烈加飲品, 通粉個湯底色水夠但淡左少少, 濃味啲会更好, 好彩佢啲料足, 有好多蔬菜, 有西芹,紅蘿蔔,椰菜, 幾健康吖! 補番啦!另外, 食左香脆脆奶油豬仔包, 曄! 新發現, 猪仔包外脆內軟, 再加上甜甜的奶油, 好啱我口味!

由於住得近，所以我都成日去榮發食嘢，雖然附近都好多食肆，但係哩間 d 味道係較好的。早餐：佢地 d 麵係用魚骨湯底，都幾好味，配即磨咖啡，醒神，好味！午餐：試過食茄牛飯，牛肉夠腍，味道夠酸，甜度適中，good！午巿有好多 set，都幾抵食。晚餐：食過扒餐，咕嚕肉，蒸鱔，焗飯，樣樣都好得，連中湯或羅宋湯都好味，夠濃。總括嚟講食咗咁多次，都未食過一樣係唔好味嘅。

下午2:30 - 6:00焗吞拿魚意粉咖喱炒飯雪菜斑球湯米粉金菇雞絲炆伊麵豉椒肉片炒河奉送咖啡或茶 ($26)唔算迫人，味道夠濃，份量唔少，可以當午餐或晚餐，適合女仕或少食男仕，若男女朋友，可以一位吃 "精選扒餐" ，大若$56-$62，份量大大份，我旁邊的情侶便一位吃扒，另一位叫下午茶，然後一齊吃，都好吸引架﹗仲有菠蘿油配熱飲 ($15) 都好多人叫，我未試下午茶時段吃，可能新鮮熱辢好味d，不過我早餐買過，就又凍又硬。

日期：2008年4月9日路經此處,入去試一試.香桃肉排：好香甜．菜心炒蝦球：蝦炒得好爽口．跟飯，有例湯：節瓜鱆魚and餐飲送．