榮記牛什粉麵餐廳

營業中

休息中

係太子呢一條美食街，選擇好多，泰台美意都有，快食就入左榮記食下午茶。點左熱狗同熱奶茶面包有輕微脆，但面包面好「淋」，有牛油香熱狗腸十分普通，一條普通腸，又短又油。但奶茶好熱，又夠香濃，唔錯唔錯

一去到，不知道是店員還是店老闆都已經是黑口黑面，好像殺了他全家似的。感覺已很不好！ 心想小店繁忙，也不能要求太多，速吃飽後速走就算了。點了幾份早餐，麵浸到浮屍發漲咁，見到都唔開胃！ 火腿奄列還好 都算幾大份。 凍檸茶叫了少甜， 還是甜到飲了會糖尿病一樣 , 無下次了。

前幾年成日黎食，皆因佢地既牛肮腩肥瘦適中，食過反尋味。但無奈有感愈食愈咸，食完好口渴，都少食左。見咁耐冇黎，就再食下啦～下午茶麵餐包野飲，＄38 ，係呢條街黎講算貴。今次個米粉係我咁多次以黎最少份量，以前下午茶size都好足料架。牛腩都保持到水準，好入味而且好林，冇乜肥膏。湯底就冇以前咁咸，算佢啦～

上星期在隔壁新X茶餐㕔吃了個無味番茄牛米，今日無啦啦第一次光顧榮記早餐B，點了沙爹牛肉，嘩！好食過隔離幾皮，牛有牛味，正！睇真D呢度專吃牛，唔怪之得。個跟餐牛油方包仲有粒粒蒜粒響上面，覺得好好味！之不過衛生有待改善。

本人並不特別好牛，但呢日係榮記食到嘅牛腩麵，真係好出色，嗰幾片半肥瘦嘅牛腩，入口即溶，好味！，忍不住讚了老板話好食，老板話係撈腩嚟㗎！（吓，撈腩？乜嚟㗎？）不愧係老字號，真係好好味，下次一定會再幫襯！

晚飯時間，四周圍都要等位，就是這家榮記不用等，還座位處處，心想支持一下小店吧，就進去坐下了。男友點了炸醬面($32)，我點了雲吞牛腩撈面($38)。不用5分鐘就上枱了，試了一口炸醬，味道非常酸，非常咸，再帶點辣，嗅起上來酸酸的，我也不想再吃第二口。最後男友只吃罷面，剩下炸醬原封不動。我的雲吞牛腩撈面，份量頗大，雲吞2粒，厚切牛腩堆到小山丘一樣，大概有8塊左右吧。牛腩味道尚可，雲吞一般。面底非常咸，嘗試沾湯去吃，更咸，那湯嚐起來很咸，像鹽開水一樣。雖想撐小店，但說真的，味道實在強差人意。

因為下午要去行山，所以在做完物理治療，便快快找地方食午飯，便來了這間餐廳。從店外所見都不會期望有什麼驚喜，要了洋蔥汁火腿豬扒飯，就如快餐的一樣普普通通。******************************隨便找間餐廳食午飯，好又一餐不好又一餐，怎樣都試下可以給食訐加點力。因為時間不多，要快點食完去行山，所以選了這個洋蔥汁火腿豬扒飯。配了杯凍檸茶，凍檸茶茶味太濃了，甜味不夠，入口有點苦澀，真的不太好飲。洋蔥汁火腿豬扒飯，只得一片火腿和一塊豬扒。味道真的如快餐的一樣，食得你飽便可以。豬扒和火眼食不出有什麼味，整個飯只靠個汁帶出味來。 

下午茶叫咗個干炒牛河外賣，等到胃都穿。送外賣個阿姐勁又冇禮貌，粗聲粗氣。一打開個蓋，嘩! 真係名符其實嘅乾炒牛河。一字記之曰：乾。冇油嘅，啲蘿蔔絲完全係最後就噉掟落去，生嘅。啲粉硬到呢！

成日都來食, 因為附近都冇乜野好食!最好食是牛腩/ 牛什/ 牛筋丸, 不過河粉太硬, 質地唔好,所以多數都要食米粉!!今日試食牛腩飯, $26, 勁多牛腩, 差d食唔哂....!!正!!

一肚子氣的從同一條街的客家人出來後, 來了這間自稱牛什大王的榮記吃東西. 這裡雖然同樣要等位, 但門口的侍應哥哥態度比客家人的好得多. 入到裡面的卡位坐下後, 不用十秒鐘已經有位大嬸上前來替我們落單,我們連餐牌也未找到.........典型的港式小店侍應服務: 快落單, 快上枱, 食完請快走! 既然是牛什大王, 當然要試試它的"牛", 我們點了牛什河, 孖筋麵,, 楊州炒飯, 和干炒牛河. 先來干炒牛河, 看上去一般大小, 不太油, 但是牛肉很韌! . 至於牛什河和孖筋麵的賣相只是一般,吃下去的味道也很一般; 牛什河有牛肚, 牛肺, 牛腸和牛"榜". 牛肚只有一兩件, 沒有甚麼味道; 牛腸很肥, 裡裡外外都有很多肥膏, 除掉肥膏後已經不見了三分之一, 而且還帶點苦味! 牛筋算淋但不算出色; 楊州炒飯的飯很濕, 看起來已經不太好吃, 而且除了蔥, 雞蛋外, 其他的餸也很少. 整體來說, 雖然可以填飽肚子, 但距離味美實在有一段不小的距離. 特別是牛什, 如果真的要自稱為"大王"的話, 實在有要好好檢討的必要!

平就平啦...不過希望各位唔好去貴顧..話說..有日..我同朋友趕時間..近近地就黎到呢間..見佢幾平丫MA...好啦..叫左碟牛扒飯食..食食下..發現酸既D牛扒..似過期既..見個環境唔多好,,搞到都有D驚..咁我地有權換丫MA..之後叫佢地換過碟..但佢地D態度好差囉..O係到死撐..好似係我地味覺有問題咁..WA..冇晒講囉..如果唔係趕時間..我一定要佢地理論..

榮記的煎蛋免牛飯很好食, 好耐無見過咁有水準的免牛飯, 時下很多茶餐廳都用中式生粉"獻"水加入免牛扮傳統免牛飯, 但榮記的做法正式很多, 有青豆和用茄汁煮個汁, 好吃很多o 另外他們的蝦仁炒蛋飯也不錯, 特色是加入雜菌去炒, 又有益又好味, 不過太多油漏落d飯到o

The beef is really good,very clean.This local restaurant is the best on this street.

做左十幾年味道依然可以保持果然利害. 服務的話呵呵那要看是誰了除了兩位老板外其他都是新手先後處理次序有點亂了調子.ps老板你比10年前肥了很多呢哈哈!!

從書展中,買了一本介紹香港美食的書,看見文中有篇介紹丸的粉麵餐廳.早兩日專程去食,粗丸果真水準高,令我十分驚喜,同行友人則點了牛什,味道不錯.下次定必再光顧...