榮記粉麵

營業中

休息中

因為某人的關係，我們今晚的晚餐就是車仔麵了。避免等得太久的關係，我們未到吃晚飯的時間就來到店了，不過店內已經坐滿了人，等了一會才可入座。今次我們並沒有特意選擇什麼餐廳，只是選擇在附近的。店內是沒有餐牌的，因為餐牌都寫在牆上，車仔麵的送了並不是太多，但當中我留意到有春卷、墨魚頭，這兩樣不想再車仔麵的系列當中，於是我膽粗粗的點了這兩個餸及牛筋了，因為要減肥的關係配了一個米粉食物到了， 十分豐富吸引，眼看通的顏色好像濃了一點，不知會否很鹹呢？好了事不宜遲吃吧！這是牛筋，每一件都是這樣大件，而且有四件呢，據我所知牛筋的價錢是不便宜的，而這本卻有四件可見十分足料，牛筋入味而且十分有彈性這個是墨魚頭，當然也分量十足，爽脆彈牙，但我還覺得牛筋更勝一籌！春卷方面，我反而覺得有點失色，因為我以為是脆卜卜的春卷，但看來這個次腐皮卷多一點吧總括來說這一碗麵材料也很豐富，三個餸+一個面都只是40多元，算是不過不失了！

一個人係銅鑼灣食咩好？當然係榮記啦！差不多每次一個人的時候都去吃榮記今日出面有少少雨，吾使排隊就可以直入去坐啦！黎啦黎啦～一定點既有牛肺！魚腐，仲叫左春卷添！湯汁一如既往既濃郁好味！配合我至愛既粗麵～果然係一個人既享受呀！

約左朋友喺cinema city victora睇戲，見對面有間車仔麵好多人排隊，本身對車仔麵情有獨鍾既我地一於入去試試！睇下餐牌先.....有好多選擇，好多都好吸引!! 最後揀左三餸：墨魚頭、魚皮餃、魚腐。 麵底唔洗諗一定係揀油麵，再加腩汁😋好豐富😍 d餸全部都好好食，份量又多!! 湯底香甜濃郁，配油麵一流👍🏻👍🏻再追加左個蘿蔔豬紅。賣相普通，但食落真係好正😍 個蘿蔔真係好有驚喜，又腍又甜，好好食!! 真心推介!!

之前聽同事講過話哩間車仔麪好味，出親銅鑼灣必食！但我一直都冇試，但經過總會見到有人排緊隊。今晚吾想食得太heavy, 咁不如就試下哩間車仔麫啦！去到都有十幾人排緊隊，但吾洗十分鐘就有枱嘞！坐位我覺得都ok,吾會太逼挾。而價錢都好合理我叫左紅腸，蘿蔔， 雞翼尖， 春捲米粉我朋友就叫左 牛筋, 大腸， 雲吞粗麵賣相已經覺得湯底好濃旭,值得推介係蘿蔔同翼尖,超入味 朋友話牛筋都好好味好林我哋仲叫咗腐乳通菜好大碗好好味， 畀足腐乳汁宜家已經好難食到好味嘅車仔麵， 好多車仔麵都好hea, 哩間足料味道好價錢又合理， 絕對值得推介!另外值得一讚嘅係啲夥記服務態度好好, 又唔會急住趕客走, 令到大家都食得好開心😊

牛腩豆卜油麵💰HKD34-豬頸肉豬紅蘿白油麵💰HKD40-美味雞翼尖💰HKD27-👦🏽帶我食我期待咗好耐嘅榮記車仔麵😍🤣食車仔麵當然要配上油麵，佢嘅油麵爽滑彈牙，配埋佢濃郁嘅牛腩湯底簡直係味覺嘅享受😆，其他配料例如白蘿蔔，紅血同豬頸肉都唔錯！豆卜吸哂腩汁精華好香好好味，而馳名嘅鹵水雞翼尖亦不負所望，真係超 好 食！佢嘅份量亦足夠兩個人食，而附送嘅通菜份量好足之餘亦煮得好嫩😋-‘Cart Noodle’ is a typical dish in Hong Kong. Not only can you pick any add-ins, but you can also choose different kinds of noodles. The add-ins include almost every cut of pork, beef, chicken, seafood and vegetables. The choices of noodles include yellow (thick or thin), flat rice, rice vermicelli and egg. Wi

突然好想食車仔麵，問朋友有冇邊間好介紹，佢即刻推薦我一定要食榮記！去到嘅時候已經見到門口好多人排隊，期待咁即刻暴增。等咗大概10幾分鐘就有得入去，雖然入邊座位唔係特別寬倘，但係見到個個都食得好開心。點左蘿蔔豬紅魚腐麵，再加多個雞翼尖。平時食車仔麵最怕食到好重油膩嘅感覺，但係呢度嘅湯加咗腩汁，香得來都算幾清。豬紅同蘿蔔整得好正，尤其係蘿蔔好腍好入味，食得好爽！雞翼尖都係食極都唔停到口，好想encore～😋好味指數：🌕🌕🌕🌕

每次下午3-5點左右時間在銅鑼灣搵食既話，我必食「榮記」！依個鐘數唔洗等位之餘，店內冇咁多人冇咁逼！食左N次榮記，每次必點墨魚頭，豬腸，冬菇！墨魚頭爽口又夠淋墨魚味重，豬腸滷得入味又夠淋，腸內肥膏清得好乾淨，岩哂我！冬菇味香又爽口！係我自己必食之選！湯頭濃郁加埋腩汁好香呀！同朋友食，多叫一碟腩汁通菜&炸魚皮！炸魚皮浸入濃郁既湯度，再食，好好味呀😻另外雞翼尖亦都係好正既小食，但叫哂既話會食唔哂，每次只能取捨啦！所以不斷再去食，已經食過好多次❤️

一开始就系慕名而去，去到还是被铺面的小震惊到了。刚刚好是中午吃饭时间缺不用排队，拼桌就OK。老板也很有礼貌。有一桌大陆人完全不会说粤语，老板还是很耐心地跟他们沟通。在来说食物，粉面的种类还真是超乎我的想象，再加上各种餸，简直美滋滋。在铜锣湾50块也能吃得那么好真系抵食啊！有机会还会去帮衬！

今次去灣仔美食展前來到銅鑼灣一試朋友極力推薦嘅榮記車仔麵，朋友話墨魚頭必點，自己叫左一份墨魚頭牛筋米線，份量不大，女仔食岩岩好，裡面有少許通菜中和一下湯頭.牛筋夠冧，墨魚頭夠爽口，34蚊覺得抵食！男朋友就叫左大什麵，有蘿蔔、豬皮、丸、等幾款材料.自己鍾意偏辣，加左啲辣椒醬更是回味無窮.雖然排左20分鐘但是口味份量 食材讓人滿意，湯頭好特別.沒有太多款式的湯頭，唯一口味可以贏得人心！如果有下次都會再去幫稱

朋友知我鐘意食麵，所以介紹我試依間車仔麵，一開頭行過龍搵唔到😂，因為朋友唔記得店名🙄，原來係叫'榮記粉麵'，就係正依家大熱既黑糖珍奶對面🙈.細細地既一間普通粉麵舖頭，大家擁擠住一齊食碗車仔麵，最後每人嗌佐三餸一麵，係等緊既期間已經聽到搭檯既客人話好好味，令我好期待😍.等佐一陣就有得食啦，通常食車仔麵個湯都會有一陣油係度，但係依間完全無油浮係面。.三餸麵 $41 （大腸，蘿蔔，魚肉春卷，油麵）（牛腩，豬皮，墨丸，米線）唔知有無人同我一樣，每次嗌車仔麵一定會食蘿蔔同油麵🙈，依間既油麵同平時果啲唔同，比較幼身質感比較似拉麵，而且仲搭佐幾條通菜。腩汁好夠味而且唔油膩，啲餸都好入味，大家記得一定要嗌蘿蔔呀超正😚，牛腩都好林，大腸一啲都唔肥膩，簡直係又平又正既選擇😍。

久不久必吃one of my favourite 嘅車仔麵 - 榮記。地點易找，夠快夠平夠好食，正！這次點了墨魚丸雲吞魚皮餃腩汁米線 $40 (3餸) 好食！濃味不會太咸，麵的份量合理，一個女仔來吃是飽肚的，略嫌墨魚丸沒有墨魚味，是混了豬肉嗎？雲吞和魚皮餃都是我的至愛，細細粒一啖放入口，加上腩汁，夠濃味夠好味！三款餸只要$40！性價比高！難怪每次來都大排長龍！今次醒目六點多就來吃，走時見門口長長的一條人龍。要食就早點到呀！

問我鍾意食咩，榜首都定有車仔麵。雖然車仔麵食評我比較少出，始終車仔麵核心價值都係平快靚正，好食嘅又唔記得影相，唔好食嘅更加唔想影相。可能車仔麵平身就太hea，都提唔起勁去review 佢。車仔麵當中，我最鍾意榮記，一定要有蘿蔔，一定要有墨魚頭，大會指定一定係通菜，三樣加埋河粉底，係我嘅基本。蘿蔔夠甜，又煮夠火喉，墨魚頭爽口👍🏻👍🏻。榮記個湯底都唔知有幾多年，不過自從怡和街開左分店之後，係無以前咁濃，可能一變四，四變十二，精華少左。另外，榮記fans 可能都留意到，怡和街的湯底同糖街的湯底，經過一段時間分別調教後，味道開始唔一樣，本人覺得怡和街的稍勝，因為帶點點辣。最後，糖街排隊時間長一點，好似比較多遊客。相對地，怡和街分店比較多陀地。 都係一句，兩間都好食，邊間近咪食邊間囉。

個人認為行完銅記必有三寶：人和、蛇王二及榮記。晚餐諗唔到食乜就必入其一，貪佢抵食又方便。當中最愛的就是榮記的車仔麵，麵條沾上熱辣濃郁的湯底，想起也口水直流，今日又來重溫舊夢。基本上來榮記必先經過排隊之磨練，今次傍晚，排了半小時就入內了（一入去出面即刻落雨，幸運到呢），同家人各點一碗（最低消費每人$34）。我就點了蘿蔔豬紅，濃濃的湯呈深棕色，香味四溢，餸菜浸住湯，未食都覺得好正！先飲一口湯，先食舊蘿蔔，哇不得了，此應天上有，蘿蔔沒渣而甜得很，好耐未食過咁正的蘿蔔，外面好多都帶苦味，呢度絕對沒苦味，清甜味係湧出來，正得很！再食舊豬紅，好滑沒怪腥味，再飲啖湯，完美！媽媽就叫了牛筋豬腸河，加了一杯豆漿。可以睇到它的湯色比我的更濃稠，可能因為有牛筋關係，那湯色湯質都比之前黏身，有助掛湯。一飲不得了，辛香的香料（應有花椒/八角）突出牛筋炆到好淋好淋，但不會溶掉到沒形狀，仍保留著整體，質感化到連沒牙婆也能吃下整塊牛筋，而湯汁掛在牛筋上更添風味。豬腸乾淨，但就沒什麼特別味道，似乎未夠入味，不過口感爽爽的，挺有嚼頭。奢華佳餚當然令人羨慕不已，但永遠是平凡美食才深入您我他的心，你呢？哪種食物是您常常令您想

今日去開銅鑼灣行街，又唔算十分肚餓，就去左榮記搵食。平時經過都好多人排隊，今晚好彩唔洗排，不過都坐滿晒人。我地叫左2碗麵- 豬紅+牛腩+春卷- 尢魚酥 + 墨魚頭 + 牛根基本上每樣都唔錯，不過我覺得最出色就係個尢魚酥，同埋個辣汁係必試！！好辣人士一定要試下，好惹味。

呢間銅鑼灣榮記，開業左30幾年。以前車仔檔做起入鋪，之後就做到呢加。雖然D滷水汁同牛腩汁好好食，但伙記D態度真係好黑人憎。成日黑口黑面又西面同大大声串D客好放袋落張椅到。果時又唔係繁忙時段，又承直頭一個不可一世既樣今。碗🐷紅蘿白油麵份量少到得人驚收人$38，都好意思。加上味精好重，食完要不停今飲水。下次都不會再光顧，唔想睇呢間野既面色。