影片
營業時間
今日營業
05:30 - 00:00
星期一至日
05:30 - 00:00
以上資料只供參考, 請與餐廳確認詳情
估唔到嚟到冬菇亭都有咁出色嘅扒飯食，黃大仙下邨係我嫲嫲舊地址，以前細個成日都會喺度玩，咁耐冇返嚟，估唔到冬菇亭仲喺度，今次叫咗呢個雜扒飯非常之豐富，入面有牛扒腸仔魚柳煙肉，份量都好多，而且最主要都係個黑椒汁，估唔到執得咁出色香辣惹味，另外再點咗杯熱奶茶，奶茶非常好飲調教得又香又滑，唔怪得咁多人叫奶茶飲咁多年冇嚟食，仲感受到冬菇亭果種舊情懷，我覺得真係值得好好保留，始終都係香港特色之一，呢種風味買少見少了
繼續閱讀
呢間榮記粉麵真係由細真到大，平時我都好鍾意食茶記，但你問我最鍾意一定係大排檔嘅茶記，特別有種情懷感覺，就算好簡單一個茶餐都特別好食，茶檔最緊要杯奶茶，呢到沖得夠香夠滑，茶膽做得好好，所以平時好多奶茶控嚟嘆茶，另外簡單如一碗五香肉丁公仔麵都煮得好味，麵煮到剛好唔會過腍，好怕出面煮到過哂火位，另一樣呢到嘅五香肉丁貨係一粒粒肉丁，唔會係平價剩係得啲肥膏，呢點都好緊要，價錢上都合理，希望呢類冬菇亭好好保留，始終係香港特色之一
繼續閱讀
平時番工放午飯，最吃不厭的還是茶記正氣麻甩飯，因為最快靚正～呢日黎左 榮記茶餐廳 位於黃大仙大排檔冬菇亭果邊!茶記設有戶外座位，午市時段人氣都好旺，應該都是呢區街坊經常幫襯平民食堂！快餐1日有9個選擇都算多！芙蓉蛋飯 芙蓉蛋大小必須要整塊蓋住白飯，蝦肉、叉燒、火腿都不能少最後要加埋靈魂豉油，完美！同事點了粟米汁火腿雞扒飯粟米汁望落不錯，不會是白汁！熱奶茶 茶記必點熱奶茶，用的是傳統黑白奶！茶底濃厚，口感醇滑！
繼續閱讀
黎黃大仙做野見到近近地有冬菇亭就入去食下野順便避避雨🙊發現冬菇亭入面都幾多唔同嘅餐廳，以冰室，傳統茶餐廳為主，有d似我地以前細個會去嘅地方🫢衛生都有改善同埋冷氣都幾夠涼，店員都會推介一下是日午餐咁😉餐廳有提供唔少茶餐廳傳統嘅餐點🤗我就點左五香肉丁麵加熱鮮奶😆因為即刻整所以麵質唔錯🤓牛奶係支裝鮮奶再煲熱😌我見到多數食客都會點一d碟頭飯🤩食落熱辣辣😌有下午茶餐嘅炸雞髀同薯條都多人會點☺️
繼續閱讀
同老婆去吃碗粉面，大排檔，衛生一定比其他差，但起碼食物要乾淨，食碗牛腩米有4條毛，問侍應，竟然話牛腩一定有毛，我真係第一次聽，連幾十年街坊都昆，以後唔會幫襯。之前已經有好多次外賣側側搏雙拼變單拼，打去問，佢話你拎碗面返轉頭，俾返錢我，試問有邊個會？一來一回都變哂質啦。不知所謂。
繼續閱讀