榮記(東成)飯店

營業中

休息中

啤小姐一向愛吃鑊氣，自朋友帶我來鵝頸街市試過後食上癮，今次已經是第五次來訪啦！蠔餅是每次啤小姐的必食菜式，先說份量已經取勝，$65 大大份，有很多蠔仔。再說口感外脆內軟，蠔餅外皮酥脆，內裡有juicy的餡，沾上魚露更帶出蠔的鮮味，食過返尋味！真心推介雖然知道油炸食品上火，但來到大排檔實在按捺不住苦苦爭扎還是再叫一道椒鹽鮮魷。場內客人眾多，等了半小時後終於熱辣辣上台！魷魚很有彈性，十分煙軔，外脆內彈牙。啫啫雞煲火氣十足，配上各式配料，蒜、䓤、洋䓤、薑等，香味撲鼻！雞炒得乾身而不老，整件都沾上醬汁，很惹味！

今日一家行完工展會，去搵食！諗起鵝頸橋街市。就上去食大排擋喇！上到去估唔到咁大多人熱鬧之後梗係搵間最多人食嘅！我哋坐底咗，4個人叫咗5樣嘢食！蝦粉絲煲，幾乾食！有10多隻蝦幾抵食椒鹽雞軟骨好勁酒味芋頭臘味煲啫啫芥蘭煲豉油王炒麵我覺得係最好味！

原本以為柴灣泉記嘅羊腩煲正，今年食過有d失望，正當失望之時，好彩搵到榮記！結果食完一次又一次！柴灣泉記羊腩煲係羊腩汁正，榮記係羊腩炆得夠冧！羊腩唔會太大件，最可惜係榮記嘅羊腩煲無竹筍。另一個驚喜係炸子雞，好多時食炸子雞，可以做到皮脆肉滑，但雞肉總係凍嘅，榮記嘅炸子雞食咗兩次，都係熱嘅，當然係皮脆肉滑啦，結果食完一次又一次，無失望，如果有甜嘅豉油汁更好！見到枱枱都叫碟小炒皇，但自從食過尖沙咀圓山嘅超硬小炒皇之後，對哩款菜好有介心。炸豬大腸夠脆口，而且份量唔會太細件。鎮江豬仔骨外相唔係咁好，望上去好似煮得過咗火，但原來係假像，食上口肉汁豐富，而且夠入味。蝦膏蝦乾蒸肉青咸咗少少係正常啦，不過無想像中咁咸。唔講嚕，襯熱食羊腩呀！

都有年幾冇幫襯了。越做越大，質素都冇乜變。服務依舊，有大排檔feel,好親切。價錢一般啦。經常都咁多人。來一個食個海鮮餐先。食椒鹽鮮魷，首選大排檔。灼蝦好大隻，豉油皇炒麵，灼螺，沙薑雞腳，加支大啤。（欠個火腩豆腐飯，就好大排檔兼麻甩了）食得開心。

A very good local Dai Pai Dong restaurant in wanchai.We've been there many times. Their food never disappoints. If you want to experience local hongkongese dinning and enjoy good food. This is a must go. Good food, great price and buzzing vibe. With these good traits, you probably need to overlook the hygiene some, also the waiters/waitress here is not the most patient/friendly.I took local hongkongese friends, friends from overseas and family there. All loved it.

不止一次帶外國來港的朋友到此吃晚飯，因為這裡甚有香港地道風情，地點近銅鑼灣時代廣場夠方便，有大排檔feel之餘卻有冷氣。每次我都會點油鹽水浸蜆，感覺無炒蜆咁熱氣，又有粉絲、冬菜食。鎮江豬仔骨應該也是這裡的招牌菜（因為放在餐牌面，還有照片😁😁）酸酸甜甜的汁，應該是炸過的的豬仔骨，用手食最方便，但一碟只得四件，如果大棚人就不夠分了。想有魚、有肉又有菜，就果點了椒鹽白飯魚，大大碟，炸嘢冇得輸！朋友愛吃通菜，椒絲腐乳通菜很有鑊氣。全部小菜均很快上菜，全部都好味。唯獨是氣氛熱烈，但比較嘈吵，要交談就要大聲一點了！

十年如一日，晚晚都旺場，必有其原因。大排檔一定要夠鑊氣，材料要新鲜，氣氛要熱鬧。今天就點了：1. 椒鹽九肚魚九肚魚炸粉一定要薄，炸到外脆內裏還是軟綿綿。送啤酒一流。2. 蝦醬鲜魷炒通菜上檯就聞到撲鼻蝦醬味。用的是粗條通菜，妙得油綠脆口。魷魚大塊又鮮味。3. 水煮雞正宗應該是水煮牛肉，但因為已叫了個黑椒牛仔骨，咁就改了水煮雞。湯汁保持傳統水煮味 - 夠嘛辣，雞夠滑，菜底是芽菜加酸菜，好味！4. 黑椒牛仔骨完全吾點，煮得好生，牛肉又靱，味道不行。跟店講一声，馬上取消，至高客戶服務，搶回分數。

东宝之后，就迷上了香港的大排档，这次来找到了这家位于鹅颈桥街市的荣记。这次住北角，都没有去东宝，原因很简单，因为东宝实在太贵了，这家事前做过功课，明白价钱比较合理，所以就不怕来了。晚上七点多到吧，人非常多，基本爆满。而且和周边的档口混在一起，认住红色桌布就可以了。点了个鱿鱼须和金菇肥牛，味道都不错，适合喝酒。服务还可以虽然蚝饼漏单了，其实，我最想吃的，就是蚝饼吧，内地叫蚝仔烙。关键是价格便宜，比东宝便宜很多。还是需要多点机会发掘香港美食，两个人，能点的菜真的不多！

本身想黎喝度食粉麵 點知唔做晚市...只好隨便搵間黎試 見到呢間算多人食梗，所以無睇食譜就坐抵兩個人叫左三款餸，兩碗飯(@$10)同一支可樂($8)蠔餅 ($58)個份量嚇親我 因為估唔到咁大碟😱但好睇唔好食，係就係熱，但唔脆又多油..蠔有隻匙羹咁大隻 但粉漿太厚兩個人食 有點吃力😵蜆芥鯪魚球 ($62)本身唔係好鍾意食鯪魚 因為怕佢多骨但見到隔離枱食緊好似唔錯 所以先叫但原來又係得個樣一碟都有十幾粒 分量又真係好多只不過鯪魚球有骨..個汁又鹹得過分..完全唔match豆腐煲 ($62)呢個熱辣辣煮出黎 樣子正正常常唔叫難食 但又唔係話好味不過好肯定一句 好油...最後 唔知點解會收我地$236🤔真係無下次

剛好在附近收工和同事在鵝頸找食, 沒有特別心水的餐廳, 見榮記有坐上食客, 而店面員工亦兜搭了幾句於是便入座。在餐牌上隨手點了六款小菜黃金蝦, 但鹹蛋裹得很少, 成件事重點頓失芝士鮮魷, 乾成一團的粉絲鋪底, 中層普通炒鮮魷, 再淋上濃稠死鹹的芝士白汁真心講句, 都幾難食。其他小菜不過不失唯一覺得不錯的是這碟XO醬腰果蝦乾銀魚, 老實說沒有什麼XO味但銀魚幾好食。整體上覺得有點overrated, 雖然今次沒有食到出名的魚腸椒鹽鮮魷難道不是recommand的菜色就成這個質素？不得不說這裡收費算便宜, 6個人6碟小菜, 白飯汽水, 埋單＄596可惜只可以說一句, 味道與價錢相符, 不能期望太多。

之前都黎過鵝頸橋食野，不過我就未食過呢間，朋友拍板話呢間正！價錢又唔算太貴，同一般大排檔差不多啦！粟米班塊，幾好食，好可惜只係微暖。難怪既，呢類熱門菜色好多都會整定。蒜香蟹飯，朋友話以前好食D，而家就大不如前。不過我覺得佢既蒜好香，撈飯食一流！椒鹽豆腐，金黃色既豆腐，一睇就知即叫即煮所以好熱辣辣同脆口。上面既炸蒜，同樣係送飯一流！街市環境不錯，好多人食，想食真係要早少少黎搵位。我地仲撞到慢必(定係快必？！唔識分)都黎食添！

真的想不起，對上一次到「榮記」食飯是幾時了！因為以前中學時期，甚至是畢業後的數年，都會同一班同學仔到這個街市飯聚。很多年過後，物是卻人非。以前熱熱鬧鬧的後生仔女，都沒有再成群結隊地出來吃個飯了。有的都是可能三四個小圈子聚一聚，不由得慨嘆，友宜這東西，好難保全。相隔了數年，這裡依然熱鬧非常，店員都好忙碌！幸好我們去到的時候，是晚上八時多，有一小部份食客都差不多走了。剛剛好的，有一張二人檯！先來一罐可樂！可口可樂豉椒炒蜆 HKD 68.00比想像中的大份量，蜆肉很多。而且很夠味，炒得好香，蜆肉新鮮好味！但是我個人覺得，不夠辣！如果可以再辣一點，就更好下飯了！砵仔焗魚腸 HKD 58.00這個是很久很久以前吃過的一道菜，記得以前真的好喜歡吃，但不記得是在這裡吃的，還是別的地旁？因為，我記得是好好味的，但是「榮記」的這個魚腸並不是令人回味的一道。雞蛋漿的表皮被焗至很香，又脆口。魚腸的份量也不少，不過就算有粉椒粉，仍覺腥。那個魚腸的腥味如果可以再減一點就好！蒜茸炒通菜 HKD 55.00通菜真係好好味！用蒜茸炒更是惹味非常！味道教得剛剛好，不會過淡又不會過鹹！很有水準！有這些惹味的好餸，當然少不

服務態度非常差，伙記愛理不理，口黑面黑，呼呼喝喝；食物質素差，小炒皇裏面的魚肉落咗好多梳打粉，豉油皇炒麵難食，無watt氣，一個羊腩煲要$268，價錢不平宜，以後不會再幫襯。

今日同老公去成日街，考慮去洛克道街市定鵝頸橋街市食飯，我就提議嚟這間食，一來近，二來食過都好嘅食肆，點知令人大失所望，到達已經人山人海，已是意料之內嘅事，等咗一陣就有位，老公話要食蝦醬通菜牛肉，我就想清清哋要個翠塘豆腐，落單等咗10-15分鐘，蝦醬通菜牛肉就嚟，再叫咗2碗白飯，食食下問題出現，我發覺通菜咬出嚟嘅汁有陣漂白水味，係輕微嘅，即時已經吐出嚟，然後問老公覺唔覺，佢就話冇，再食咗一大半又係發現漂白水味，今次好明顯味比較濃，吐出來要飲啖茶，老公亦已發現有味，我仲話唔知係咪洗菜跌咗落去沖唔清，算啦！但已經就食晒碟菜，個豆腐仲未到，已經由落單到等食晒碟菜都有半粒鐘，唯有追單，追單後大約5mins，一碟水汪汪賣相有點亂嘅翠塘豆腐上枱，我老公呆咗，我都望住哩碟水汪汪嘅豆腐唔知講乜好，我同老公講以前唔係咁㗎!可能漏單又趕住出所以失敗，加上星期日比較忙，食咗一大半老公話明明用料新鮮，應該賣相好先係，依家成碟野錯晒，我話算啦！嗱嗱聲食飽走啦！行咗成日累喇!雖然有一段時間冇嚟食，但當諗起搵食就諗起哩間野，可惜真係強差人意，依家2個肚都有啲唔舒服，唔知係漂白水問題定水汪汪的豆腐問題?不過未至於肚痛要

同人說去鵝頸橋食晚飯，好多人都只會想起寶靈頓道的三間位於馬路邊的海鮮大排檔。我的公司，我工作座位的窗，就正正在這三家大排檔的對面，每晚熱鬧的光景，每晚攻入來的海鮮香味，每朝在房內殘留的油煙味，其實早已令我對這三家食店，又愛又恨。是日加班，與同事二人又準備近近地食個便飯。想起的，固然是公司樓下的大排檔，之不過，我們感覺，黎黎去去都係食呢三間，不如轉一轉新意思。而我們手上有紅酒，為了免開瓶，於是想起了熟食中心內的一間晚飯店，同樣是食海鮮小炒的《榮記飯店》。 白天，這是《清真惠記》同《九記車仔麵》的主場，晚上，整個佔了半層熟食中心的場地，就是《榮記飯店》的天下。我們，就坐在《清真惠記》的店前。而《榮記飯店》的兩個廚房，其中一個叫《榮記飯店(東成)》的，就在《清真惠記》旁，另一個叫《榮記海鮮飯店》的，就在《九記車仔麵》的對面，《九記車仔麵》茶水檔的旁邊。所以，一入夜，這一半的熟食中心，是清一色成《榮記》的天下。我們點了沙拉骨，沙律醬配香煎帶骨豬扒，味道非常之香。沙律醬組過爆炒，香味更重更濃，帶點咸，帶點酸，又有少少奶油香的味道，配合埋之肉味非常香的豬扒，惹味就是最簡單的形容詞。 我們叫的餸菜，