樂園牛丸大王 (已結業)

d湯太多味精,d 牛丸有"油益"味,食牛丸大把地方好食過佢啦,牛什河也是一般啦!

今日去o左食牛雜河～ｄ河粉好薄身好滑，牛柏葉好爽口。其餘大腸ｏ個ｄ怕肥唔敢食，但見人地食得好滋味！１８蚊碗都幾抵～落單後唔洗３分鐘就有得食，人來人往好快食完走。

食物就OK﹐這樣的地點和價錢﹐無得投訴。但係試過有一次﹐食完打算埋單之際﹐有小小強從個筷子筒爬出來...無癮。所以一直沒有再去。

星期六晚睇完戲，佢食左下午茶唔係咁肚餓，應該話佢做野做到連食lunch都要遲到三點先有得食，咁佢就在睇戲前食左兩個下午茶餐。佢建議不如食個湯粉麵，無咁滯。家姐都有話過呢度幾好食，而我就第一次黎。原來裡面仲有好大的地方，從外面睇真係睇唔出呀！我的魚麵都唔錯，但份量唔多，飲品同埋菜都好平，大部分茶餐廳有的飲品都係五元，今次我地就加左七元，試左新推介的柑桔蜜，唔係咁甜，味道偏淡，佢話唔夠甜，好似無落糖咁，我覺得甜度就ok，但味道就唔係十分好飲。最差係菜心，好老。基本上以這個價錢，呢個水準都令人接受，應該有下一次!

星期五o係大陸落番o黎.約埋女友食飯.佢話想食D呢區好昔o既粉麵.一諗就諗到呢間.入到去撘檯就梗架喇~叫o野食先~我叫牛腩魚餃河,女友就要牛腩魚蛋米另外再加油菜(通菜).查實唔係一定食牛丸o既.佢地其他丸都OK架~魚餃都好出色~不過雙拼得果兩粒就真係孤寒D~不過話時話牛腩o係同區o黎講都算係OK個喎~點都好啦~10零廿蚊又唔可以有D咩要求o既~算係咁啦~查實o係呢D咁o既環境下.坐到咁逼.食完都急急腳走啦~都唔知點解D人仲會嘆埋煙先走o既?

開夜之後要o係附近等紅van 返歸，見未開車就o黎食碗麵。本來諗住過o下口癮，點知o的質素都好okay 喎。廿三蚊一碗麵加杯o野飲，仲有返咁上下水準o既，好滿足喇我。試o左幾樣o野，不過都係黑椒牛丸最穩陣。不過我真係好希望食肆可以全面禁煙，因為一邊食o野一邊吸二手煙真係好辛苦，咩興致都冇晒！

尋晚同個friend行行吓街, 突然落大雨...匆忙間入左呢間樂園..裏面都有幾多位, 見佢個名有牛丸兩字, 於是試左個牛丸河, $18...加碟很細碟的菜$3, 加埋汽水$5...d牛丸ok la, 幾爽, 而佢地加落粉麵的香料都不錯

對於一個曾戒牛八年的人,現在每一件入口的牛肉,都希望能追回記憶裡失落中的牛味.坦白, 還俗以來, 留下深刻印像的, 不多.似水流年, 世間變, 牛亦變?樂園, 是否牛味的最後歸宿?入, 選一角坐下.最典型的香港庶民食店, 狹窄, 人來人往, 亂中, 有其秩序.點了最簡單的牛丸河粉.濃濃的味精, 心中有數.河粉, 不錯.牛丸, 非常彈牙, 但, 牛味, 淡, 未能動心.是我忘記了牛的味度, 還是牛忘了牠的味度?

好鐘意食牛什, 現到大家話這裡的牛好食, 加上上次食隔離鋪的牛什失望而回. 所以來這裡試試要了一碗牛什面+凍咖啡, 牛什味道不錯, 幼面都幾彈牙又冇鹼水味, 份量都算ok啦埋單21元正, ok啦, 搭枱的姐姐個牛根丸好似好好食, 下次試下!!

若果你係長期糧尾之人, 標記樂園是個不錯的選擇.粉麵舖十蚊雞好多地方都做到, 但卻做不到呢度肉丸質素. 個人十分喜歡牛筋丸, 牛丸, 今日食左個黑椒豬肉丸, 同樣彈口, 皆因手打之故. 所以食丸係我不二之選.若果返屋企想打邊爐, 門口同樣有魚旦同丸類散買.一杯凍飲大大杯都係五蚊, 檸樂都係八蚊,不過咪剩飲, 皆因寫左剩飲雙計.以前每日都有五蚊雞特價粉麵, 記得2000 年時佢地宣傳叫"千禧除虫價", 食兩碗都係十蚊, 香港邊到仲有你話我聽. 不過今日去已經無左lu.不過要小心, 行過幾個舖位近戲院都有間樂園, 呢間價錢完全唔同, 成十八蚊碗, 食平野咪入錯.仲有夜晚係打冷, 咪夜媽媽走去搵十蚊粉麵食.不過呢度有關樂園間舖張相係錯o既, 呢間並非在花園街, 而係旺角中心對面的西洋菜街南, 小心咪按相搵舖搵錯左.

雖然幾好味, BUT 實在好多味精, 食完之後勁頸渴!

我地上次食既時候冇叫到牛丸黎試啦但上次去既時間係除夕嚕因為倒數完冇地方食野是但搵左間就黎左呢度勒我地一行成十四個倒好在佢都有位比我地坐晒但要坐後巷果d衛生唔好啦梗係但食物方面都算過得去我就食左個牛雜河我個fd就食左個魚旦河兩個都唔錯呀但叫埋杯野飲就比較貴囉成廿三四蚊因為而家好多粉面餐廳都做緊十蚊碗呢度就唯有靠招牌牛丸魚旦撐住勒整體黎講ok可能我冇食到牛丸果d但價錢比其他貴可有更多選擇~

吃過幾次，環境給我的印象是迫和急。但我總覺得食物才是重要。牛丸，黑椒丸等皆比坊間一般的為佳，辣椒油更是典型潮州的辣，比很多只油而不香不辣的更吸引魚麵又的確幾好，彈牙，只可惜我記得份量比以前的少，配菜反而多了。只計食物，可以一試。

同鋪有打冷食,叫左鵝片,炒聖子及沙鍋田雞飯.鵝片正常.聖子比食開的大,上菜時已經不太熱,食落有食沙的感覺,再拆開研究,發現有灰色像泥的污積!好核突,但為時已晚,已食左大半碟!沙鍋田雞飯D田雞好大只,但食落起"渣",大概田雞已上左年紀!整體來說是"油麻地", 朋友更激動,說是食垃圾......系喱度都是食粉麵算.

今日夜晚同bf 黎左呢度食野, 叫左海參豬肉丸粗面, 我bf叫左黑椒牛丸幼面~~~ 豬肉丸入面包一粒仔口感似jelly的海參, 不過咬落去有好多湯o係入面, 味道都唔差, 口感都算爽口~~~ 但係我d 粗面就有d "林"... 麻麻地, 可能自己鐘意食比較硬既面啦~~~~ 我bf 的牛丸都ok, 都係爽口的, 兩碗面加一杯熱奶茶同凍檸蜜, 埋單51蚊, 都算ok啦~~~~ o係旺角食呢d 粉面, 都預左環境迫架喇..... 但都唔算好差既~~~ 只係好多人食煙.... 雖然都係預左, 但係有d頂唔順.......