樂園牛丸大王 (已結業)

今日女朋仔病左 所以收工10點幾 經旺角買左碗粉比佢食買左碗魚片頭+牛腩河比佢食 $ 26好在d亡命小巴唔洗10分鐘就入到佢屋企 15分鐘就送到佢手上佢食完食藥就訓啦我都有試既 d魚片頭幾好食 不過始終焗左陣 d河有d漲 牛腩 一般貨色囉湯底 不過不失 一般粉麵檔魚湯味唯有幾好 叫佢多青真係多青 因為女朋友仔話病左 想要多d青 話殺菌wor.........

在公在私，友人都煩到爆頭，今天收工碰巧出旺角交款，就和友人行久違了的信和，再順道食個輕食飲野吹水。如果食牛丸，樂園一向是心水，曾經試過在家豪華邊爐，東買西買，樂園牛丸就是其中之一。牛筋丸依然是至愛，牛丸太單調，黑椒牛丸太霸道，還是牛筋丸無論味道咬口都最四平八穩。今天依舊叫了一碗牛筋丸粗麵，依舊保持水準。一碗五粒牛筋丸是很不錯了，牛筋丸比牛丸彈牙，也比黑椒牛丸更吃得出牛味，水準依舊，如果不雙併只選一款，我一定會是牛筋丸。今年煙花特別燦爛，祝我這位朋友前程似錦。

經過花園街，見到"樂園牛丸大王"有不少客人，於是湊熱鬧內進品嚐品嚐。不知道吃什麼好，於是點了"招牌牛丸河"和"招牌牛筋丸粗"，相信"招牌"食物必定有特色而且味美。的確，牛丸新鮮爽口，沒令我失望，河粉又大碗抵食，加了一點辣椒油，更覺惹味。如果要在餐廳用膳，我會選擇"樂園牛丸大王"，因為我認為此餐廳比其他餐廳水準較高而抵食。

由 o係花園街(金聲斜對面)出現之後，一直食到宜家，我都唔知食左幾多年喇~~，絕對係忠心 fans，之前住得近，經常食，收工總會食一碗先返屋企，宜家搬左入新界，雖然少左，但多年留落黎既味道記憶，絕對無減。轉左亞仔做揸fit人之後，裝修變，員工變，廚房變，食物品質變！以前好有潮洲魚蛋粉風味，店內裝修雖然舊，員工招待雖然唔係殷勤 (其實都唔需要)，勝在食物品質好，繁忙時間總係人頭湧湧，要等位，一碗魚蛋粉，快食快閃，何需裝修？何需殷勤？魚餃..係我最愛...每次必叫...自從出現黑椒牛丸後.....黑椒牛丸魚餃河就成為我每一次去都係咁叫既一碗粉，宜家只成為最懷念既一碗正中潮洲粉。宜家...魚餃變了，牛丸亦都變成普通街市都買到既品質，細粒又唔彈、無牛味。我老公話：牛腩變左柱候牛腩，唔再潮式了！這是代表改朝換代嗎？樂園爸爸，你可有考慮開返一間o黎滿足我地呢群 fans ？

約左人系旺角。。 太肚餓。。去樂園頂頂肚先。。叫左招牌牛丸河+ 一杯凍奶茶第一次去樂園牛丸大王。。以為D牛丸好特別。。 其實吾差既。。 一般茶餐廳水準。。。凍奶茶少甜就幾好飲。。樂園比茶餐廳好既地方就系環境舒適一點。。食物就差不多

唉真係bad luck我今日又同男友去搞結婚野, 行到天天見麵附近諗起上次既經驗........ 即刻掉頭走實在太肚餓, 於是入左樂園, 諗住集團式有最起碼味覺保證SORRY! 我地又錯左原來樂園D 魚旦可以比天天見麵更差, 又腥又無魚味係呀無錯係腥!!!!!味道固然難食X1.5, 但價錢居然差唔多係天天見麵X2 ?! ($23)D 河粉一浸超過兩分鐘就爛極唔好吃男友安全計叫左個沙薑雞飯原來牛丸大王D粉麵已經唔係賣點?!~結果係食唔晒(我唔想浪費, 但我用盡奶力點食都追唔上佢發脹既速度, 我可以點?!)我唔會再去任何一間樂園因為佢完全無進步過

以前好鍾意去舊樂園食無耐呢家換左手比佢個仔去食左次...無晒以前既味道叫左個肚河,d湯好淡,好似吳晒滾水咁,而且無晒以前d腩汁味d肚點講...又係無咩味....唔知點解又加芽菜...d味本身同肚河已經唔多夾,加上淡左咁多重要落芽菜係淡上加淡轉新野係好...但係唔代表將最重要果d都轉埋...

樂園，這個熟悉的名字!為什麼熟悉?因為一來在旺角愈來愈多分間。二來很多朋友..........來一個筋腩河，牛筋軟身，味道其實可以，牛腩比較口~可能剛剛食完大量雪糕!以致個胃脹住脹住咁，所以食不完了。下次再來探朋友可以試試招牌牛丸!

經過完一輪雪糕的洗禮後就開始覺得肚子作怪了本來是要去行花市的,但因為下雨決定取消!來醫肚之餘又來探探舊同學很久沒吃牛雜了,所以就來個牛雜河牛肚、牛腸等每樣幾件,而肺和膀就只有一件麵上桌了才發現我忘了要走腸幸好大腸不太臭自己也能接受不過很肥,未入口都看到腸內圍住一大圈肥膏了,這些真是少吃為妙!除了腸太肥之外,其他都沒什麼了,滷得也算入味,河粉也煮得不過腍和友人們嘻嘻哈哈又過一晚,下次來還是要試招牌的牛丸才行!

平時行過見呢間幾旺場, 終於有機會試.叫左佢個招牌牛丸配米線, 紫菜蝦卷, 魚蛋麵招牌牛丸配米線, 一般啦, 同我食開既好似分別不大, 係新鮮d卦 紫菜蝦卷, 好普通, 冇乜蝦味魚蛋麵 - 三款魚蛋, ok試過一次都算lur

裝修咗之後第一次幫襯，但就好失望，我叫返以前好鍾意食嘅紫菜四寶河，一食落口，覺得啲河粉好碎，而啲丸都比以前細同無咁好味，最搵笨係加五蚊嘅紫菜得好少，以前好多好正，而家啲味道真係差咗好多，仲要$34一碗，好唔值！換咗班子，無咗以前風味，真係新不如舊呢～

大裝潢改革後未幫襯過這店, 以前每星期都來, 今天經過便順道重拾舊時旳味道.這新店以黑色為主調, 以前吊兒朗當的年青人侍應全部換了班.年初四的價錢沒變, 維持原價23元一碗麵.在滿座的情況下, 剛好一位女士離開, 正中下懷, 坐下叫了以前常吃的牛雜麵.十分鐘有得吃.和以前一樣, 葱粒是用匙更裝著的, 方便不吃的人倒掉.用筷子撈起, 看見牛膀, 牛腸, 粉腸, 各一件; 肺, 肚各二件. 飲一啖湯才發覺不對, 味道不對之餘, 還很杰, 似忌廉湯, 又沒有了以前的勁蒜味.麵的方面也和以前不同, 是腍的, 沒有應有的爽口感覺, 連少許的梘水味也沒有了. 辣椒油也沒有以前的香氣和辣味.總之不習慣, 牛什不似傳統的五香牛什味, 杰的湯也不對辦, 連麵也不像從前的感覺.不會再來了, 因為從飲食雜誌中得悉老東主已經退下讓兒子主持, 攪成這不牛不馬的東西.

食家在MK收工，諗起尋日睇飲食男女話牛丸最好食是樂園，就來試下﹗印象中唔知幾多十年前食過樂園，那時地方DIRTY又迫又狹，而家裝修左換左新形象，潮左十倍。環境四正，坐得舒服，待應亦都換左0的後生仔，感覺醒目﹗我要左個招牌牛丸魚麵，食家就要了黑椒牛丸加花膠丸魚麵﹗魚麵真係手摝，條條粗幼不一，食落彈牙有魚香，好似食緊魚旦一樣，同食家異口同聲話超好食，嫌佢份量係少左0的，睇一睇餐牌，原來淨食一個魚麵要廿五蚊，貴野來架﹗呢度的招牌牛丸做到無渣，咬落彈牙有牛香，味道真係唔錯﹔而黑椒的就比較實淨硬身，我覺得招牌好食0的﹗花膠牛丸入面有料到，中間有濃郁的花膠湯汁，十分香口，小心熱食會熨嘴，中間有粒佢話係鮑魚粒，真定假我就食唔出，不過個口感都幾煙韌既，當佢係會開心好多﹗炸魚皮一袋袋膠袋封住獨立包裝，香酥脆口，用來浸一浸湯食好正﹗未食完食家已經諗定下次再來會食咩，可知好食，值得推介的牛丸大王﹗

是日4個人去,我地全部都係嗌牛丸河我另外加左個魚皮冇幾耐其他3個朋友都黎晒野食,我黎得魚皮勁耐都唔黎個河粉,明明我同d朋友嗌既野食係一樣!!最後要追佢佢先即刻整返.咁都算啦..個牛丸河勁難食,d湯只係有味過水少少.d牛丸都ok,不過個湯同個河粉真係勁難食

今日午飯時間要到旺角中心，樂園就成為我呢餐既選擇﹗我一直都唔係「牛丸人」（牛丸愛好者），但聽聞樂園的牛丸好出色，舊年同朋友一嚐之下覺得直係好好味，至始就愛上樂園既丸類製品，一有時間到旺角我就會黎試佢不同的出品。今次見到呢個鮑魚豬肉丸，一於試下。年輕的女侍應細心提醒需時比較耐，要有D耐性等下。15分鐘之後，鮑魚豬肉丸黎喇﹗SIZE有成個乒乓球咁大，好犀利。清湯上伴有大量芽葉，不過我覺得個湯太清。豬肉丸真係好大粒，要食多幾口先食到有鮑魚，肉丸有豬肉味卻無牛丸咁彈牙，仲有少少軟身的感覺。不過咬落去肉汁好多，充滿鮑魚味，粒鮑魚有半個指頭咁大，唔假，應該係真既罐頭鮑。同我一樣喜歡嘗試新奇野的朋友可以一試。雖然我覺得今次呢個鮑魚豬肉丸食味唔錯不過質感就差少少，但係好欣賞樂園不斷開招新產品的精神同勇氣，會繼續支持。