樂園牛丸大王 (已結業)

簡單一碗黑椒牛丸牛肚河，牛丸爽口彈牙，牛肚有咬口好味，河粉軟滑，湯底微濃，加其自家辣醬，每次食都好味，呢次都唔例外。另有一碗淨魚片黑椒牛丸，試了一片魚片都爽口鮮味，中上水準。再加油菜走油。瓶裝可樂唔少得。

小弟好多年前食開近登打士果邊果間，唔知呢間係米現代版分店，定兩回事。店內就一味標榜菜瀾推介。點度好，小弟以為係登打士果間既摩登版先去食。菜瀾食果腕可能好正，小弟食兩腕都係仲衰過苑記！淨牛根丸，丸既大少縮晒水，完全唔彈，有一兩粒甚至係軟既，重要混入兩三粒普通牛丸。離譜！魚餃河，魚餃非常一般，比街市求其買一盒既水準差。致命敗筆係河粉。一，煮過龍，近乎透明，軟到爛，無晒texture！二，無味湯底，裝埋索晒水過晒龍既河粉，成腕野淡而無味，好似用滾水浸爛河粉加幾粒魚餃咁，失敗。摩登裝修再制度化，跟手又減低食本縮丸減湯，有咩意思！見到入面係一班一味快亂咁來既後生仔煮野，真係一額汗！滿有希望，點知食完又感概又失望。可惜！

朋友話呢間食牛丸不錯~於是就同男朋友去試下啦^^"我叫左個牛丸河粉~ 果然係牛丸大王~ 牛丸的確很不錯^^男朋友叫左個魚蛋牛丸河~ 佢都覺得牛丸整得好好味,不過魚蛋就真係麻麻地~我都試左粒魚蛋.. =口=好腥丫……!!！*2碗粉單併/雙併都一樣係 $22 一碗, 一碗有5粒丸丸, 幾抵食丫另外叫左碟菜同豆漿~ (全部都係加$6)不過個staff同我地confirm左多次問我地係咪唔要蠔油..結果都係有比@@? 不過算啦, d蠔油同菜係分開的之後見到有新品推介~ 魚翅豬肉丸..我地都覺得麻麻唧.. $36得4粒~魚翅豬肉丸~ 冇乜味.. 咬開入面有d魚湯咁啦~味道不吸引..都係牛丸最好味~

同老婆去開旺角，諗來諗都吾知食咩好，行經樂園老婆話想食咪入去試下吧！印象中樂園的裝修與普通粉麵舖一樣簡陋，見舖頭裝修得如此時尚前衛真有些懷疑自己入錯。如果無記錯未裝修前食過佢Ｄ鴨丸麵，感覺都算唔錯，今次便食個招牌牛丸加生灼牛肉麵吧。落ＯＲＤＥＲ後廿分鐘大大碗湯麵才放在枱面前，第一口便要試試佢的湯底，唔飲由自可，一飲吹爆波。Ｄ湯咸到離奇兼味精味極濃，正所謂湯底是整碗麵的靈魂，連魂魄都灰飛煙滅真好難想像要完成整碗麵的輸入是要怎樣的捱下去。但無辦法廿幾蚊一碗麵無理由唔食㗎，家下市道唔好,好嘅一餐唔好嘅一餐算罷啦。好彩再食落去Ｄ招牌牛丸都不算太差，有些彈牙兼夾爽口，值得補回不少分數。生灼牛肉無咩特別，同打邊爐無礙，但麵質實在是麻麻，可能是碌得太冧之故。整體感覺上衛生不錯，地方算是乾乾淨淨，但食物質數需要有待改善。:

因工作關係要去旺角兼要獨自吃午餐, 愛吃粉麵的我見到樂園即被吸引進去.要了炸魚餅拼牛筋腩河, 再加$6要了碟灼芥蘭.芫荽葱蒜蓉充夠, 增添湯的香氣和層次.河粉還不錯, 不會鞋口.炸魚餅咸左少少, 但爽口彈牙兼有魚味.牛筋腩則比較令我失望, 牛筋太淋, 牛腩就太乾鞋兼痴牙.灼芥蘭對我來說淰了些, 但不失清甜.

師傅手頭上大大話話有成十幾個食評未寫, 但呢個食評真係要優先處理! 尋晚師傅心情爛透, 幸好有一班好友相約睇波暢飲, 令心情稍為好轉; 散場後難得好友食家"乜都放入窿"主動提出食宵夜, 師傅當然唔會拒絕啦!於是四圍走走, 由於都幾夜所以選擇唔多, 幸好呢間食店尚未打烊, 兩人決定黎呢度食番碗粉; 入到去竟然都幾多人, 不過好彩都仲有位; 坐後即刻睇下有咩好食啦, 師傅諗左一陣就要左碗黑椒牛丸麵同埋凍檸茶, 而好友食家"乜都放入窿"就柯打左碗牛雜米同埋凍華田, 再加多碟油菜!等左一陣好友食家"乜都放入窿"嘅牛雜米就到喇, 而油菜亦都跟住上埋枱, 最後師傅嘅黑椒牛丸麵亦都登場; 睇到好友食家"乜都放入窿"嘅牛雜米賣相唔差, 而師傅亦有幸試左件牛腸, 牛腸就幾大件加上幾肥添, 口感唔錯, 而且炆得好腍, 可以喎, 其仔就冇試喇, 都係留番比好友食家"乜都放入窿"自己講啦!至於師傅嘅黑椒牛丸麵, 一碗有五粒黑椒牛丸, 先講下個湯底, 湯底清清甜甜, 冇咩精, 味道頗好, 唔錯; 而黑椒牛丸就十分爽口, 加上黑椒香香辣辣, 非常惹味, 啱晒師傅胃口; 而麵質算爽口, 一d鹼水味都冇, 都可以啦!

这家的牛丸颇有名气，同时还有其他多种肉丸粉面和小食。点一个四宝面是不错的选择，里面的牛肉和猪肉丸口感和味道都不错，偶尔吃一顿，好吃抵食又快捷。

上完堂肚子已打鼓, 於是和同學仔飛快去吃碗粉吧!我要了崩沙魚片拼牛丸河, 同學仔要了魚皮餃拼黑椒豬肉丸河, 我們再互相交換就成了四寶河, 嘻嘻~~崩沙魚片即白(未炸)魚片, 被打結成煲tie或蛋散狀, 魚肉淋也帶微香, 可惜比較薄而吃不清其味.牛丸則細細粒, 偏嫩而不帶筋, 可惜肉香又不太濃.魚皮餃則比較糊口, 可能皮面的乾粉影響吧!黑椒豬肉丸反而最好味, 香辣肉爽.河粉切得幼也滑, 算不錯了.

味精湯, 一般鹼水麵, 其他料都係一般貨色, 同香港仔差唔多. 但係以牛丸論, 佢一定係第一, 唔單止彈牙, 極有牛肉味同有肉汁, 單係呢兩樣已經無人能及. 廿五蚊碗一D都唔貴. 打邊爐整返盒, 好過食其他味精丸多多聲. 其他有牛丸未試過, 感覺會有畫蛇添足, 來日方長, 慢慢嚟啦.

好久之前只係去過舊店, 今次試下新店!新店的環境比舊店好, 服務亦不錯我和友人各要了一碗魚麵, 分別是牛腩魚麵 及 牛丸拼牛肉魚麵說真的湯底真的不錯, 但既然魚麵要 +$10應該要有一定的份量, 但碗魚麵竟然大半碗都是芽菜.....我只是一般食量的都食唔飽....另外友人對侍應說牛腩唔要牛筋, 因友人唔吃牛筋的但侍應只是說"盡量", 原來他們的"盡量"都有一半牛筋!好肯定其他粉麵店一定不會係咁.....$38 一碗真係偏貴!

今日食飯時間不多,一支公走入了這鋪頭食了碗牛筋丸麵+紫菜,成惠$13.淨牛筋丸麵 $10 (另加紫菜 +$3)一碗麵有三粒牛筋丸,不算多,但牛筋丸確實彈牙。因晚飯時間,人多及要搭枱,想坐耐少少都有些不好意思。吃一碗其實都係六成飽,但無時間試多碗,下次再來。

Going to Mong Kok and wants to eat Beef ball noodle. Just pass by 樂園牛丸大王 with a new looks. I decided to give it a try... The taste with good and the restaurant is much cleaner but more expensive than before.There are many combination and different kind of balls to choose from. The most tasty ball are the black pepper beef and the stuffed fish stomach pork ball. Very unusual but surprisingly good. Also, I really enjoy their organized sauce container and spicy chili oil.

Wow. I came back from America this year and saw that the entire restaurant is different!!!!Food is still the same as ever; beef giblets with beef ball always the best combo for me.Asked for more green onions and fried garlic but she only gave me green onions. It's okay though.Water spinach with fermented tofu is a bit lacking but okay la.The store's quite clean. Cleaner than the last renovation. Though the services are a bit ... Lazy.

由於我呢幾個月轉左工,所以成日都會係旺角食LUNCH,不過我既LUNCH已經等於人哋既TEA,而且佢地呢度既TEA我都覺得幾抵既,$20一碗麵飲野加$3,而且佢地既牛腩同埋牛丸都幾好味,不過D服務真係一般啦!但係呢D舖頭,你又唔可以要求太多至於味道,真係一時時,有次試過怪怪地,搞到我有一排都無食,而家先至再食返.但係總括嚟講,都OK抵食.

平時我係去開波鞋街果間，但昨晚收工去到旺角11點幾，經過旺中對面間新開既樂園諗住應該差不多就入左去啦，其實入去之前都係估估下，因為呢個世界好多人混水摸魚，我都唔知呢間係真唔係，姑且一試........點知.............係真既!!!點解我會知係真？因為佢d河粉!佢d河粉係幾特別既，第二度未試過食到呢種河粉，同埋望望下，見到"蔡瀾推薦"既牌我肯定呢間就係分店.......入返正題先，點解我話水準下降! 服務態度有d離譜？咁我坐低就叫我既例牌：切腩墨丸河.......點知個侍仔問返我咩係切腩係咪講錯左？係咪牛根腩呀？我：o下？你唔知咩係切腩？侍：唔知喎，唔識亦都未聽過!我：咁你同廚房講啦，廚房無理由唔識.......侍：我唔知佢地都應該唔識..............我：咁牛腩墨丸河，腐乳通菜啦..........(已經無野好講)去到呢個位我發覺大鑊啦，賣牛腩牛雜粉地方話我知唔知咩係切腩？算，姑且食埋先啦，點知碗麵來到打風咁亂，都算，d牛腩同舊舖差得遠啦，唔淋且肥膏還肥膏肉還肉，d肉係好似瘦燒肉咁(切都切到同燒肉咁樣切條狀)又硬........難食，墨丸呢？味係差不多但無以前咁香