樂園牛丸大王 (已結業)

mk不嬲都多野食,一定唔會餓親,簡單d入左嚟食碗粉!四個人,我食牛丸米,大家食左炸魚皮,油菜!佢地食既我就唔知好唔好,我只係講自己食過既野!牛丸米ok啦,牛丸味道比較好,起碼我好強烈感覺自己食緊牛肉,幾好食,粉就淥得0夠熟,所以有d硬!炸魚皮咸左少少,而且阿姐無跟碗湯嚟比我地浸吓d魚皮,扣分!

寫吓寫吓個邊爐宴，發覺漏咗呢度嘅牛丸及墨丸。於是就算忘記咗影相，決定再補一筆，為呢個盛宴，作個全紀錄...呢度嘅牛丸大大話話食咗十幾年。從以前响門口見到有師傅係咁用碌棍打牛肉，到依家响工場自製，水準好似冇以前咁好，起碼自己覺得紅磡郁香園就比呢度優勝。不過，爛船始終有三斤釘，都唔算係叫難食嘅...一嬲都覺得佢哋嘅墨丸做得更好。料足，墨魚味濃，質感彈口。太座最喜歡食，所以專登買多D，過足癮....

樂園喺旺角有好多間,有d好食,有d唔好食,呢間算係最好食既一間,唔知係唔係全部都同老闆呢?我食左一碗牛丸米,牛丸爽爽,食到我好開心,因為牛肉味十足,味道,口感都很好!牛丸有埋牛筋,不過唔係粒粒有,有嗰粒特別好食!有埋茶餐廳式飲品,我叫左杯凍檸茶,質素同茶餐廳不相伯仲架!

我今日喺樂園牛丸食左碗牛丸粉,味道只可以話係普通,如果唔係佢地既牛丸都算可味,我已經俾左個喊面佢!因為其實佢地碗粉落左好多味精,仲好多油,食到一口都係得個咸字,米粉夾雜住晶瑩剔透既味精湯,唔掂!但係牛丸就真係唔錯,而且仲有黑椒等唔同既口味,攞番些少分數!

我今日下午經過呢度，就入去食碗牛丸粉！牛丸唔係全部都一式一樣，有一ｄ係有筋既，有ｄ就好似貢丸咁既有好似冬菜咁既物體喺粒丸入面！味道唔錯！但係粉就唔好食，因為ｄ米粉仲係硬骨骨，而且ｄ湯好咸，味精落得太多了，食完有口乾既現象！普通！

前兩日行行下街落雨,唔想走咁遠,所以是但入左呢間樂丸食野…點左個手轆魚麵,加黑椒牛丸,咁原來都要$34,頗貴!我之前未係呢度食過手轆魚麵,今次第一次食,感覺唔差,因為唔會好似有的地方咁,既腥又有碎骨,個麵都算幾滑,又唔會整得太粗,口感頗豐富,食落令人有實在既感覺,黑椒牛丸唔使講梗係好,仍然保持水準,good!

** 此食肆的第廿六個OK **尋日23-2-2008(Sat)同女友人VY,CK做義工放食晚飯,因晏晝食得多,而且才6:30pm,於是大家都話食少少o野好喇,就o黎呢間食.我叫o左牛肚河,VY要黑椒牛丸河加腩汁,CK要牛什河.(全部$21.00一碗)另要菜心同生菜各$6.00.牛肚全部係我鍾意食o既金錢肚,好腍唔韌,但冇咩味,湯亦好淡,不過都算多牛肚同河粉.兩個菜都冇咩特別啦,VY同CK都冇講佢o地o個碗點.

受電影影響令大頭一路都好想食爆醬牛丸!但又找唔到完全正宗的食店只好退而求其次來這裡去到一人一個,我食魚蛋米,他食牛丸河講真d牛又真係好得意,咬落去會有汁射出來都幾彈幾好味,不過個米同魚蛋就麻麻地而且又成日漏單p.s:依度d質素唔值咁貴囉

臨近新年同朋友去榻ＧＥＬ甲，行開ＭＫ又肚餓就行左去哩到食粉，叫左一個墨斗丸河同鴨肉丸米，兩個都比想像中好味得多，下次都會再去食．．

一點也不意外,濃骨湯底加大量味精加大量蒜蓉,侍應個個無禮貌,地方肥膩污穢,座位不舒適,就是這裡的特色,但是憑它鮮爽的魚旦和牛丸和林林種種的古怪配搭爆醬丸類,儘管一邊罵一邊還要幫襯.這裡比澳洲牛奶還要差,但人客郤不少.下午三點多,一樣滿客,叫了永遠錯不了的魚旦麵,阿姐愛理愛不理的落單,五分鐘有得吃.罵還罵,湯底味道是濃香的,魚旦爽彈有魚味,但是機打的結果是空氣太多,像是吃咸的棉花糖,這和一些爽彈太甚,己失去魚肉感覺的魚旦分庭抗禮,各有千秋.自有擁躉,麵很爽滑,梘水味是定有的,份量不多也不少,可以飽肚,男士還是稍稴不足,如果不介意以上種種缺點,還是可以捧場的.

日前到此店食碗牛丸米,味道有以下見解:湯:味精很多,雖則我不介意食味精,總不能只落味精..米:煮得唔夠林,食起上嚟好硬,不過又未至於唔熟牛丸:全碗粉最好食既部份,牛味十足彈力夠!!蒜,蔥:太乾身,什至可以話爆過龍,有少少燶!!仲有改善空間

老牌麵店的Young Line，食物依然是那幾款，可以說是選擇更少，只有不足十款的粉麵。裝修自然是整潔漂亮，侍應連廚房都是清一色的年輕男女，沒有了旁邊老店帶著圍裙的阿姐的親切。奄尖的我點了淨手轆魚麵走蔥走蒜，可惜未吃己聞到一陣濃烈蒜味。經理倒是眼快，我未開口投訴已立即叫人換過一碗，服務大大加分。除了侍應手腳較生澀外，這條Young Line好像走得不錯，至少顧客人數比旁邊的老店多。

樂園最正o既地方係夠晒真材實料，不過我最欣賞o既並唔係佢o地o既牛丸，而係墨丸，真係夠晒爽口彈牙！次次打邊爐都會外賣返屋企拾下拾下。

這幾年來自由行爲香港的市面帶來了一片繁榮景象，相信這點大家是不會有異議的。在老闆們數銀紙數到手軟的同時，部分餐廳老闆卻萌生一種錯誤的觀念-- 認爲自由行旅客都是過客，食物質素不重要，只要在旅遊旺區佔有有利位置就可以坐享其成。可是，現在資訊發達，要知道一家餐廳的優劣，click入openrice.com 就找到參考資料（我在大陸的朋友都知道要到此做資料搜集）。況且“國内同胞”已經不是八十年代的“阿燦”或“表叔表嬸”，國内的飲食業已發展到一個很成熟的地步，難道好吃與不好吃他們都分不開嗎？轉入正題，我一年去旺角不超過十次（不喜歡人多的地方），但每次都會去樂園“面聖”，因爲樂園曾經是我心目中真正的“牛丸大王”。最近兩次（8、10月份）“面聖”後感到王朝已經有中衰的跡象，有“搵夠收山”之兆。討厭他們不知何時開始爲了討好自由行旅客加入了不知所謂的“大蝦雲吞”，更討厭它“污染”了我的“紫菜四寳米”。雲吞或多或少都有點鹼水味，同時也不是潮汕口味食品，同四寳米根本就是格格不入。更討厭主打的牛丸淪爲“茶餐廳lum pat pat 一堆肉兼且沒有heart 的行貨牛丸”，跟“打江山”時期的“棍打牛丸”更有天

上星期有一晚收工之後諗唔到去邊食野,於是走左去樂園...我梗係食最經典既黑椒牛丸粉,食咁多次,始終都係覺得好好味,有肉味又有黑椒味,但係唔覺辣,唔會刺喉,真係恰到好處!小牛蛋食左黑椒豬肚丸,佢話都係好正,但係我真係唔敢試...另外叫左炸魚皮,一黎到,我覺得好細碟,有點失望,點知食落,原來比起出面好多食店都好味!因為夠脆而且夠薄身,唔會厚厚咁,失晒口感,同埋佢唔有一陣油益味,感覺新鮮,所以小牛話,細碟的都抵喎!呢一味係值推介既!不過要話一話,呢個時間好多人,所以黎野好慢,無法啦!