樂園牛丸大王 (已結業)

星期三上堂前來這裡吃個快餐. 環境尚可, 都叫做光猛的, 簡簡單單食碗粉, 也沒有太高要求了. 來到, 當然係食牛.招牌醬爆花膠牛肉丸/牛什河$27: 7分, 真係食神一樣, 食落口真係有醬爆的感覺, 個湯汁真係滾的, 難怪餐牌也要寫著一定要小心燙口. 牛肉丸大大粒, 但係未算彈牙, 肉味也一般, 牛肚就幾靚.秘掣牛什/牛腩米$18: 7分, 這碗牛肚也不錯, 但係牛腩無坑腩, 係比較實, 不過仲接受到, 至少係咬得開的.另外加了$5油菜, 都幾新鮮. 凍飲都係加$5, 又不太貴.味道都算不錯的, 又幾抵食, 趕時間的話, 這裡係一個幾好的選擇.

樂園牛丸...周星馳不如溝埋嚟做瀨尿牛丸啦笨!!係一間好出名嘅食店,不過隨住越開越多分店,水準似乎有直線滑落嘅跡象了!小妹親身去左感受,先至作出以上評價,因為叫左碗牛丸河食,個湯好多味精,而且成碗都係油...牛丸都還可以,始終係招牌作!但係食物質素先係最重要,下次點再嚟幫襯?四十四秒!

佢d牛丸都好彈牙, 不過我like 德發牛丸多d

我叫左魚旦米,19蚊,可能唔係食招牌牛丸,米粉好硬,魚旦好林,唔彈牙,朋友比左粒墨魚丸我食,好鹹,好粉,唔好食,係好香,不過唔好食,差過10蚊果d

來一碗牛丸河,一杯凍檸茶吧!今天的午餐就在這裡度過..牛丸河到了,不知怎的,感覺到一點晶瑩浮在碗面,可能味精下多了,蒜油,蔥花下不少,這個我不介意,因為我口味濃一點,但湯味不太好,可能肉味不重吧..牛丸味道好,始終是招牌,守住了最後防線...自從禁煙後,人少了,經營一定困難,加油吧,始終都是名店!給大家一點好食的,讓大家支持!

上堂前黎個午餐先, 今日唔食菠蘿包, 正正經經食碗麵先, 今日第一次光顧, 呢度叫得牛丸當然要叫啦, 同時亦要埋我既至愛墨丸, 於是就雙併米+ 油菜, $22 + $5, 牛丸唔彈牙, 失望, 墨丸只係多左粒粒既墨魚粒, 都唔太彈牙, 菜灼得唔夠腍, 普普通通, 只此一次!

以前因為工作關係,夜班下班後,回家前會到此吃一碗麵,幾年來都如是.自從不需上夜班己少來幫襯.今次又來重温這味道,裝修後地方也不好得去那裡,只是沒有以前的破舊和污穢.員工是一貫的無禮貌,地方油膩污穢.似乎要在老店吃東西是無可避免的了.叫了牛什麵,十八元,比以前貴了兩元.不過質素郤依然甚佳,是傳統的牛什,味道和香料都足夠,又很淋,火候十足.麵身爽口,不覺有梘水味,湯是濃郁的充滿蒜香,味精是有的,不過份量可接受.

作日經朋友介紹，走進這間粉麵店。旺角食市加上晚飯時間，找個坐位都很難。等了一會，終於坐下來，牆上寫著"自創陳皮鴨丸"，可惜當日以售罄。於是點了牛腩瑤柱豬肉丸河，朋友點了牛腩墨魚丸河+牛腩魚緬。因為細碗，朋友說魚麵會比較飽肚。我的麵等了十分鐘，他們說瑤柱豬肉丸要等耐一點。等待的折騰過後，終於有得吃。牛腩是半肥瘦，喜歡牛味又不怕吃肥的才好點，瑤柱豬肉丸...味道的確特別，咬下去有瑤柱汁射出來，可是只有兩粒-_-，有點半天吊的感覺。若果你是慕名以來，那就白走一堂。最好還是閒時經過，不趕時間，又不介意地方淺窄，衛生環境不合格，小食就會飽，你可以試試看。埋單$23+$26+$30=$79 (沒有點飲料)

前晚同老婆想食宵夜但費時四圍搵,路經就呢間,以前好似食過二次,湯底較淡,唔會刻意去食!

食過呢度既牛丸炸魚餅魚片河＋油菜～牛丸唔錯幾好食，起碼冇咩筋痴牙先！大大粒又唔難咬開都算彈牙～！炸魚餅都ｏｋ既～有ｄ墨魚粒粒～感覺上香港仔魚蛋粉ｄ炸魚片頭好食ｄ；而魚片就一般啦～可以不吃。至於河粉都幾滑～好薄但要食快ｄ唔係就好易淋～湯底加腩汁好食ｄ！

I always order take-away black pepper beef ball. About $40 a tael...around 25 pieces. a good choice at home when u cook an instant noodle for the football game!

如果講到潮式牛丸,點可能少得樂園牛丸大王?中學年代已經光顧其魚麵和牛丸,都十多年了,質素比當年初光顧時下跌,亦係不爭事實.如果對個牛丸無期望的話,也仲有個魚麵頂住,未致於淪為雞肋.牛丸沒有當年的彈牙,肉味亦遜於從前,魚麵還有魚味,只係覺得有點披頭散髮,質感唔夠結實.其他如四寶河等,一向不相往還,全無意見.話晒係潮式粉麵老字號,做左十幾年擁躉,吃一次差過一次,真係仲衰過捧列斯聯.愧對其忠心支持者.在飲食世界上,無話忠唔忠心呢回事,呢間不再好吃,顧客自然流失去過另一間吃過.如果捧一隊球隊,趁其戰績差而離棄的話,罪大惡極也.

是晚收早，到旺角這中轉站時，下車時為點半鐘，呆了呆，時間好像停下來似的，下意識地走到樂園。打量著「鮮炸魚餅」的相框，就叫了炸魚餅、牛雜魚麵加青，再加凍檸茶。從前，愛唱lunch K，一唱就是三數小時，中場時避開垃圾食物，就鼠出來吃碗魚麵後再戰，而對上一次吃，是幾個月前，當時的魚麵夠實而富質感，是晚吃到的腍而散，不知是放得太久所致，還是機器生產下的劣品，數魚麵，還是潮州人傳統手打的好，吃碼，唔會見到中間透明的物質，最愛的，還是兩興。反而炸魚餅及牛雜唔錯，前者加了墨魚粒給馬蹄，鬆而有口感，惜下了調味粉，吃後舌頭已響警告；後者亦有水準，牛肺夠嫩，牛肚入味，只可惜粉腸帶苦澀味，扣分。吃了多年，水準飄忽的老毛病不改，愛他不是、恨他也不是，他就是那麼有性格、就是長年都有著捧場客，奇不奇？

敬請勿進.....我上個月....同男朋友加兩個fds去食飯....點知一日後....我地一行四人...分別出現腹痛...肚瀉...發燒同嘔吐既症狀......唔係講小....今日睇新聞...又見到有人仲招....所以....大家真係要小心....唔該做食肆既...唔好剩係識得賺錢就算啦....應該注意食物衛生啦...尊重客人...尊重食物....尊重自己既專業啦...唔係賣粉麵就唔駛執咁正嫁...病從口入呀!!!!!!!!

7.19(三)突然醒起好耐無黎食牛丸,lunch就過黎食番碗叫左牛丸河+生菜以前覺得呢到d牛丸好好味,又彈牙又有肉味,但今次黎食覺得only彈牙,但好似唔夠肉味咁,係呢到quality退步左定係我記憶中既味覺失實?overall其實都算唔錯~只係無記憶中咁好姐~