樂園魚蛋 (亞皆老街)

營業中

休息中

之前去過其他樂園食飯，朋友講這裡的丸都不錯，原來在旺角都開了十分方便，去到裝潢幾新潮而且坐得十分舒服，款式不少，我最後就叫了個粉和飲品，這裡叫麵點可加錢配小食，不過份量都不少所以今次沒有叫，唯有下次和朋友一起再叫。 樂園四寶丸河粉，湯底幾清幾香，河粉幼身幾滑身，四款丸類都十分彈牙，魚味幾濃味大大粒啖啖肉。這個可以轉加餐飲，看到有蜂蜜葡萄柚茶咁特別而且加少少錢就可以飲就決定叫了杯少甜，來到都幾大杯，蜜糖味岩岩好不會太甜，葡萄柚不少所以味道都幾濃少冰好味道。

🍴生菜 跟麵加10 蚊🥬生菜新鮮抵食 煮得剛熟 點 d蠔油都 ok 🍴牛三寶幼麵 52 蚊 牛腩牛筋牛肚 🐮三寶正 煙韌 入味既牛腩 粗身彈牙既牛筋 仲有吸汁既金錢肚 夠哂足料 幼麵 夠爽同份量多 唔錯👍🏻: 🍴炸墨魚卷 跟麵加12 蚊2 件🦑外層香脆有 d似 腐皮卷 入面既墨魚膠煙韌 仲真 d墨魚好彈牙 味道幾香甜 點 d沙律醬好味 🍴豬手水餃河 46 蚊加腩汁🐷🍜豬手夠彈牙 入面肥膏嫩滑 水餃大大隻應該自家包 餃皮夠爽入面蝦同木耳足料 河粉夠多同爽口 配埋腩汁同點 d辣油都好正#生菜 #水餃 #豬手 #幼麵 #河粉 #牛筋 #牛腩 #牛肚Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#樂園魚蛋旺角亞皆老街103 號地下~~~~~~~~~~~~

見到個餐牌話崩沙腩係招牌，所以想食，但係可惜2:00左右嚟到已經賣晒。亦都聽到隔離食客話嚟咗幾次都食唔到，下次真係要早啲嚟。所以要叫咗個牛三寶試一試。🥢 牛三寶粗麵$52牛腩味好濃郁。雖然唔係崩沙腩，但係坑腩亦都好鬆，好爽滑，亦帶有一點牛脂的「立」口。牛筋，牛肚，煮得夠軟，但仍能保持爽口。原來除咗蔥之外都有芫荽，喜愛芫荽嘅朋友就開心啦！🥢 四寶丸河粉走蔥$45落單夠準，落咗order話走蔥，佢真係走比你。四寶丸有豬肉丸，魚蛋，魚皮餃，魚蛋角，同墨魚丸。一次過可以試唔同嘅口味最啱貪心嘅人。每一粒都好彈牙，尤其是白魚蛋同魚蛋角，有魚味，鮮甜，彈牙。豬肉丸內都好有肉汁。份量都好足，好大碗。🌶 辣椒油好香，打開個蓋就聞到辣椒油的香味。自己唔係好吃辣，所以辣椒油要逐少逐少落。🥛 豆漿係原樽上，感覺好衛生。香港製造，真材實料，見到個底有D揸，記得搖下先至飲。地方都好乾淨企理，仲有埋自助飲水機，服務貼心。

臨近月尾嘅時候多數都會揀啲平靚正嘅中式粉面嚟食下呢間樂園嘅裝修好光猛整潔同以前嗰啲中式粉面舖頭好唔一樣餐牌製作得好靚圖文並茂非常之清晰叫咗個金牌牛三寶配河粉配料比我預期中多每一件都切得非常之大嚿牛腩非常之好食，肥瘦均勻，入口唔會話食到啲筋位牛筋相當之淋，入口咬全部都係將住嘅感覺牛肚非常之入味配上個湯底唔會係死咸，少少腩汁嘅味道配搭得唔錯而另外一個叫咗樂園四寶丸配河粉魚蛋非常之彈牙，食落口一啲都唔粉丸類來講做得到都相當唔錯河粉嘅份量亦都多到有啲得人驚整體上來講食到超飽飲品就叫咗個凍檸賓同埋支裝豆漿飲品中規中矩，中上水平買單都係百零蚊鬆啲食物質素唔錯上菜嘅速度亦都好快，店員服務質素幾好，無論係由落單到收錢都非常之迅速

和朋友在旺角行街SHOPPING，有Ｄ餓餓地，於是就近入了這間望落幾乾淨企理的樂園魚蛋坐卡位。餐牌里可以選擇的食物款式配搭都幾多，最後我和朋友各自選了一款牛腩河＋鮮蝦韭菜餃＋凍檸檳，牛肚粗面＋牛筋＋熱檸蜜。等了不是太久，大約５分鐘左右，兩碗面就前後腳上桌了。先講牛腩河＋鮮蝦韭菜餃＋凍檸檳，牛腩的味道一級棒，燜得很入味，口感很嫩，油脂味醇厚！鮮蝦韭菜餃里面的料都很足，大大塊的蝦肉幾彈牙的，配合上韭菜，一口咬下去超滿足的有沒有！？凍檸檳的甜度正常，里面有四五塊頗厚的檸檬，酸甜配合得很好！！！接下來是牛肚粗面＋牛筋＋熱檸蜜，牛肚的口感很有韌性有嚼勁，味道鮮美，半點腥臭味都沒有，洗得很乾淨牛筋也一樣處理得很好，q彈香軟，口感淡嫩而不膩熱檸蜜的甜度同樣調教得很好，不會太甜，我想要拉著朋友繼續去血拼的時候，朋友還依依不捨的說要飲完這杯熱檸蜜先，說是超好飲的！總括而言，非常超級建議大家在旺角行開想碗面的時候來這間旺角魚蛋！一定不會令你失望！！！

天氣熱辣辣，冇乜胃口，喺旺角經過見到呢間新開張嘅粉面店，乾淨企理，又夠光猛，所以入去食返碗麵。睇完Menu之後，我就揀咗要金牌牛🐂三寶($52 )，再追加左片頭。麵底方面，可以揀粗麵、右面、米粉、米線、河粉，我就梗係揀咗我至鍾意食嘅粗麵底啦！另外，可以選擇飲品餐配，當中凍飲、熱飲、豆漿都係只需要加$8 ，我就揀咗豆漿，開頭我以為係豆漿機一杯杯咁上枱，原來佢係一支裝原裝豆漿俾我，感覺好似多過一杯咁！講飯碗近排牛三寶粗麵，面底都幾煙銀，牛三寶就有牛腩、牛肚、牛筋，牛腩肥瘦適中，同埋炆得好琳，入口唔會話好勒咁樣。另外，我朋友就叫咗一碗韭菜餃+水餃粗麵，另外飲品就加$8要咗一杯熱檸水。水餃同埋韭菜餃都幾好味道。

係旺角諗住快食個魚蛋粉，估唔到都會發掘到寶藏😎見到個餐廳門面光鮮，招牌又大隻，就入去試吓，結果比想像中出色好味😋忍唔住大讚👍🏻我哋簡簡單單叫左兩碗雙拼粉，一碗牛雜墨丸河，一碗牛腩牛丸河。勢估唔到湯底好濃郁，飲得出真材實料，湯頭非常順口，完全無味精，唔會覺得飲哂啲湯🙈再黎啲牛雜一啲腥膻味都無，煮得非常入味，而墨丸非常彈牙，入面啲墨魚粒好有咬口！接住要大讚牛腩，啖啖肉而且貼住少少肥膏，係我鍾意嘅口感❤️而且好多件，又唔會切得細細舊，掂！而牛丸食落好juicy,入面啲肉汁好正，當然又係非常彈牙啦☺️最後不得不提佢哋嘅秘制辣椒油，食完麻麻地，令人食上癮咁，一啖接一啖，最後緊係乖乖地買走一樽返屋企慢慢嘆啦😝

#港式粉面#樂園之選#今日同朋友去咗旺角行下街☺️行行下就好肚餓🙃於是就入咗呢港式粉面嘅餐E下個肚仔😝一日入到去間餐廳就知道新開左冇幾耐環境好乾淨而且d野好新🥳仲要個裝修有特色😙睇到樂園嘅slogan 就知道店主好有心機想做好呢間餐廳呢間餐廳主要食港式粉面為主不過如果你肚痛想食飯嘅話佢都有啲飯俾你選擇而且我見到其他客人叫果啲飯都幾大碟下今日想食粉面所以我就同朋友叫左粉面E下個肚仔😁炸醬墨丸撈面加熱奶茶（$36+$10）如果淨係炸酱撈麵嘅話就36蚊☺️但今日食得豐富啲於是就叫埋墨丸個炸醬都幾好食😋而且都幾多肉碎下個墨魚丸都好彈牙我哋仲叫咗個小食炸墨魚條（$12/2）都幾香口同脆口朋友自己就叫咗個水餃面鳳城水餃麵加熱奶茶（$32）個水餃🥟都大大隻隻而且有四粒而又幾足料咁喎啲面都幾爽唔會淥到好淋令我哋最驚喜係個熱奶茶果底帶好好飲而且真係好似茶餐廳嘅奶茶

樂園魚蛋 旺角｜旺角 平民價 彈牙魚蛋 高CP值｜今日午餐有點吃多了，晚上打算吃點比較清淡的。於是我們再旺角逛逛消化，一面看看有什麼東西吃。我們發現了一家新開的餐廳，外面很新凈，與旁邊的街道有點兒格格不入。這是一家吃魚蛋粉麵的店鋪。除了有魚蛋，原來還有牛腩，還有飯類和小食。消化得差不多，於是我們便進去了。魚蛋幼麵 $39魚蛋麵這些這麼簡單的料理就是羊先生最喜歡的料理。我自己也很喜歡，來看看這間餐廳的表現如何！魚蛋很彈牙，魚味還好，但我十分喜歡彈牙的口感。它不像平常的魚蛋，它應該是一大板的魚蛋再分開一粒粒。魚片頭也很彈牙，總共有3塊。細麵也很彈牙，不會太軟。分量正常。湯底方面加了獨特的辣椒醬後更加濃郁惹味了牛三寶米粉 $52份量很足，香味不錯。牛腩入味，煮的很軟嫩。我最喜歡是牛百葉，很吸汁，滿滿的汁在口中爆發。牛筋，口感煮得很夠軟，但同時還保持到一點點爽口。同樣，煮得很入味。米粉彈牙爽口，份量很足。熱蜂蜜葡萄柚茶 $13熱烘烘的，葡萄柚酸酸甜甜，喝下去很舒服。本來當天晚上喉嚨有點不舒服，但第二天就沒有不舒服了。凍檸樂 $11🌟整體CP值：7/10

喺旺角不嬲都好多魚蛋粉面店，但今日特別想食啲炸醬撈麵又唔係度度有喎！點知呢度就有然後見到啲食評咁吸引就忍唔住去試啦😂😂😂應該係新開嘅啲座位都幾闊落，唔會好似傳統舊式嗰啲咁逼餐牌都幾得意😂不過重點都係想食個撈粗！留意到枱上面有啲辣椒油同埋醋～啲辣椒油都真係幾辣但係好香！凍檸茶走甜不過不失，略嫌多咗少少苦澀味超級大碟嘅撈麵嚟啦！對於餓咗勁耐嘅我來講真係好吸引！😭叫咗鳳城水餃炸醬撈粗～碗清湯有蔥有芫荽～如果嫌個面乾得滯都可以浸浸先食（但完全冇呢個問題）水餃堅係大隻大過個匙羹，皮薄餡靚有木耳蝦豬肉，所以口感爽脆得來又彈牙重頭戲當然係個炸醬，做得超級用心勁多肉條，唔係肉粒！而且冇咩肥豬肉～醬汁甜甜地好適合撈麵食，真係會一啖接一啖！ 而且佢嘅面底極多我一個女仔真係食唔晒🤣但放心佢比嘅炸醬好足料絕對夠撈～隔離都有幾條生菜清一清🤫

天氣熱，有時都會食茶餐廳的湯粉麵，濕潤喉嚨，香港特色食物魚蛋粉，真係不二之選。呢間樂園魚蛋專家，原來係旗艦店，裏面面積很大，座位很多，不用等位便入座了，但客人也絡繹不絕。樂園四寶丸河粉$45, 有招牌魚蛋三粒，黃金魚片頭、豬肉丸、墨魚丸各三粒。招牌魚蛋口感真的超軟滑，又爽口，新鮮手打的魚蛋真係食得出有分別啊！魚片頭炸過，外層香口一點，豬肉丸和墨魚丸都很好味，口感比其他店舖的丸類更柔軟，不會死實實的，而墨魚丸有墨魚粒粒，煙煙韌韌，更加喜歡。喜歡吃辣的話可以加點辣椒油，這裏的辣椒油非常香，但辣度也挺辣的，可以先落小小試辣度。喜歡吃河粉，是幼身的，滑嘟嘟又夠飽！飲品加$11飲凍檸蜜，蜜糖味道夠濃，檸檬清香，消暑而滋潤，吃完河粉要飲一杯chill 下。一個人午餐也吃得很舒適自在，這間旗艦店，環境和職員招呼都很好，雖然只是簡單一碗魚蛋粉，但也感受到香港情懷。

🇭🇰旺角香港製造招牌魚蛋粉【#樂園魚旦 】🍜招牌魚旦、鮮蝦雲吞雙拼幼麵 $42一個人嘅午餐最好梗係去食地道魚旦粉喇，試下旺角嘅「樂園魚旦」真係冇得彈，招牌魚旦夠晒彈牙爽口，最重要夠鮮味一啲都唔腥，再襯埋湯底更上一層樓，最重要一定要試大大粒雲吞，一口咬落去完全感受到滿滿餡料夠晒足料，肉汁香噴噴連埋大大粒大蝦增加你嘅咬口，真係十分之滿足，雙拼嘅份量完全足夠一個人食用慢慢享受！🍯蜂蜜柚子茶 跟餐$13蜂蜜柚子茶都可以一試，跟餐嘅性價比都高，食得滯滯地都可以嘆番一杯凍飲，抵抗下嚴熱嘅天氣！📍樂園魚蛋 (旺角)旺角亞皆老街103號地舖旺角香港製造招牌魚蛋粉【#樂園魚旦 】🍜招牌魚旦、鮮蝦雲吞雙拼幼麵 $42（個雲吞入邊啲肉超紮實滿晒餡料仲有一粒大蝦）🍯蜂蜜柚子茶 跟餐$13📍樂園魚蛋 (旺角)旺角亞皆老街103號地舖

雲吞牛腩河粉, 牛腩大約有9件, 份量其實都幾多嘅, 每嚿都係有好多肉, 另外佢每嚿都會有啲肥肉, 同埋有啲瘦肉, 肥瘦比例唔錯。餛飩就有三粒呀, 三粒都幾大粒嘅, 啲蝦肉同埋豬肉都係新鮮嘅。早餐會包埋嘢飲㗎。扎肉雲吞米線, 呢碗米線扎肉有三塊, 雲吞就有三件, 加左少少辣椒油落去食, 特別好味呀兩碗麵，兩杯嘢飲，埋單88元餐廳位置都算方便呀, 喺地鐵站行過嚟三分鐘左右就到, 間餐廳就係麥當勞隔離嘅由於間舖頭啱啱裝修完, 餐廳環境好整潔

話說局長唔係第一次食樂園之前都係過北角分店好幾次因為局長係果頭返工 所以都算係半個熟客仔最新局長要去皆旺中心附近進修所以就打算食個快飯點知見到樂園原來開左間分店係旺角仲要勁近局長上堂果棟野就決定去食啦坐低影下餐牌比大家睇粉麵都係常見既野 但比較特別既係有唔少飯類會滿足一班要有飯落肚先安落既人不過由於局長同友人都唔想食咁多所以就叫左佢地既招牌粉麵我叫左魚蛋雲吞河魚蛋非常爽口呀！食落唔會有雪味好彈牙 又有魚味 不過叫左雙拼無左魚片雲吞食落飽滿 皮唔厚 蝦肉都爽彈河粉唔會碎濕濕 同埋煮河粉既時間都唔錯唔會淋哂 食得過友人叫左四寶河咩都有一舊 個魚片頭好香好好食魚皮餃亦都好彈牙 其他就友人唔肯分比我食所以我試唔到 不過佢都過唔錯再落左啲辣椒醬吊一吊味 佢個辣椒醬幾有水準 黎到記得要落啲油菜只係要加10蚊 抵食！埋單113 有麵有野飲有菜 Ok抵食臨走本身仲想買樽辣椒醬 不過由於要上堂既關係 都係下次先

每次想食潮式或者港式粉麵，都會諗起<樂園>，因為佢哋選擇多，價錢平，而且仲要大大碗，今晚見旺角開多左間新分店，仲要感覺入面好光猛，新裝修果然特別靚仔，便入去試下。餐廳環境好闊落，坐得好舒服，有多張四人枱同卡位供應，而且都感覺乾淨企理。基本嘅丸類、雲吞、水餃、牛腩都有，可以配粗幼粉麵、河粉、米線等等，另外加錢仲可以配小食同飲品。價錢都係三十幾蚊起，抵食吖！！～如果吾想食粉麵，跟飯一樣得！<牛腩撈麵配鳳城水餃>見到呢碗撈麵，已經覺得超開心，因為真係好大碗，啲牛腩鋪滿成個面，仲有兩大粒鳳城水餃，超正!!~牛腩件件都好厚身好足料，而且咬落去仲非常嫩滑又腍身，脂肪比例亦都剛剛好，好好食吖!!~而兩粒鳳城水餃就好大隻，入面有好多餡料，入口啖啖肉，好好味!!撈麵我選擇左幼麵底，幼麵嘅份量好多，仲有幾條葉芯㖭!!~<炸醬撈麵配雲吞>呢個炸醬撈麵配雲吞同樣驚喜，炸醬嘅份量真係超級多，將全部嘅炸醬撈埋啲粗麵一齊食，真係每一啖都食到有肉醬，肉醬味道不錯，夠惹味，雖然配嗰兩粒雲吞嘅Size 冇之前嘅鳳城水餃咁大粒，但係整體嚟講都有90分，同樣值得推薦。至於凍奶茶